Sunday, August 17, 2008

كيف تقتل بطل أوليمبي؟







1-

حط قدامه كل عراقيل الدنيا ولا تطلعه بطوله ولا توفرله إحتكاك

هع هع ..مش بطل ..خليه يشرب


2-

إكسر نفسه و إكسر دماغه و إكسر مناخيره علشان مايجيلوش زكام

هيء هيء مش عامل فيه نجم يبقى يقابلنا بأه


3-

لو حسيت إنه هيبتدي يتغر سيبه برااااااحته لحد ما يبوظ نفسه بنفسه لا تعالجه نفسي و لا تتفاهم معاه و لا تقربله

هههههه والا فاكرينني مستر مياجي و هاطلعلكم فتى الكاراتيه؟


4-

إركنه ع الرف لما يترب..خليه في كوزة لما نعوزه..لسه أرررربع سنين لحد الأوليمبيكيات الجاية ..مش فاضينله دلوقتي خلينا في إبراهيم سعيد

نياههههههههههههههاااااااااااا والا فاكر نفسه اهم من الأهلي و الزمالك و الشرقية للدخان



أقولك


إختصارا لكل الكلام


لو عايز تقتل بطل أوليمبي


ماتتعبش نفسك و تفكر كتير


هاتهولنا على مصر


و إحنا هنقتلهولك بإيدينا و بعدين نمسحها في العلم


و كل تمثيل مشرف و انت طيب يا كابتشن


11 comments:

اهو ده عيبه said...

والله عندك حق
ياما ابطال اتقتلت واتدفنت بالطريقة دى
كانهم بيتفننوا فى كده
منهم لله بقى
سلامى

د/حمدى زويل said...

لما تحلم احلم براحه..عشان ربما احلامك تتحقق فعلا..بعد اما بقيت بطل اوليمبى ..بطل عالمى..ايه بعد كده ..شوف طريقك بره..معتش ينفع هنا..ومتقولش مصر امى..امك قاعده جوه اهى..مصر هتحبك وانت ناجح بره..عشان هترفع اسمها..انما هنا مش فاضيين للكلام ده..وسلامى..د/حمدى

محمد عبد الغفار said...

كلام سليم ولكنه لم يحدث مثلاُ مع كرم جابر ، فقد تكفلت الجائزة الماديه لذهبية أثينا بإفساده

ذو النون المصري said...

مشكله هنفضل نعيد و نزيد فيها
كل ميادين الحياة في مصر صار المسؤلين عنها فاسدين و غالبا بيتمكنوا من مناصبهم بالواسطه من غير كفاءه و فيهم حقد علي اي متفوق
و كفاية وجودهم في القياده لكسر رقبه اي انسان متفوق
و لا ننكر علي كرم انه ايضا زودها شويتين لان مطالبه حسبما اعلم قد تحققت له منذ البطوله السابقه و هو ساهم بنفسه في قتل نفسه

رجل من غمار الموالى said...

وكم ذا بمصر من المضحكات
لكنه ضحك كالبكا

NoOR said...

هو أنا اللي ماجيتش من زمان ولا انتي اللي رحتي فين ........ماا علينا


انتي جيبتي مالاخر

هاتهولنا مصر و احنا ندمر اللي جايبينه


وطن عربي كامل جاب مادليه دهب ... هايل والله

علي كده مايكل فيلبس ده بكام وطن عربي

ســـهــــر said...

عندك حق فى كل كلمة قولتيها
مهو لازم يتقتل لو مكنش هيتغر من نفسة هنقتلة احنا بتصرفاتنا

وفىالحالتين مفقود مفقود يا ولدى

بوست جميل فرسنى يا سوسة :)

Mercy Devil said...

يبقى أنت أكيد اكيد فى مصر

عليه العوض فى البطولة دى

صدى الصمت - عاشقة الورد - said...

والله عندك حق ف كل كلمة بس أحب أضيف كلمة إن مش الأبطال بس همة ال بيتقتلوا فى بلدنا لكن العلماء واللأدباء والفنانين الحقيقيين أيضاً يموتون موتاً بطيئاً

funckydoctor said...

أنا كنت بتكلم مع واحد صاحبى عن الكابتشن ده
فعلا محدش عارف مين اللى عمل فيه كده
ولا الفلوس هى السبب
المهم فعلا عندك حق مصر التى فى نجع البطيخ تصنع المعجزات
وكل اوليمبيكيات واحنا منفضين

صاحب المضيفة said...

لك الله يا شعب مصر فعلا


والله عندك حق في الكلام صراحة


امتى هانتقدم بقى


تحياتي