Monday, January 07, 2008

يا شعبي حبيبي

أممممواه..و النعمة بحبكم..حد يلاقي شعب زي ده و مايحبوش؟




قصيدة 'يا شعبي' ... شعر محمد حسني مبارك




ياشعبي حبيبي ياروحي يابيبي
ياحاطك في جيبي ياإبن الحلال
ياشعبي ياشاطر ياجابر خواطر
ياساكن مقابر وصابر وعال
ياواكل سمومك يابايع هدومك
ياحامل همومك وشايل جبال
ياشعبي اللي نايم وسارح وهايم
وفي الفقر عايم وحاله ده حال
احبك محشش مفرفش مطنش
ودايخ مدروخ واخر انسطال
احبـك مكبر دماغك مخدر
ممشي أمورك كده باتكال
واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف وخايف
وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال
واحب اللي يائس واحب اللي بائس
واحب اللي محبط وشايف محال
واحبك تسافر وتبعد تهاجر
وتبعت فلوسك دولار او ريال
واحبك تطبل تهلل تهبل
عشان مطش كوره وفيلم ومقال
واحبك تأيد تعضض تمجد
توافق تنافق وتلحس نعال
تحضر نشادر تجمع كوادر
تلمع تقمع تظبط مجال
لكن لو تفكر تخطط تقرر
تشغل في مخك وتفتح جدال
وتبدأ تشاكل وتعمل مشاكل
وتنكش مسائل وتسأل سؤال
وعايز تنور وعايز تطور
وتعملي روحك مفرد رجال
ساعتها حجيبك لايمكن اسيبك
وراح تبقى عبره وتصبح مثال
حبهدل جنابك وأذل اللي جابك
وحيكون عذابك ده فوق الاحتمال
وامرمط سعادتك واهزأ سيادتك
واخلي كرامتك في حالة هزال
وتلبس قضية وتصبح رزية
وباقي حياتك تعيش في انعزال
حتقبل.. ححبك حترفض.. حلبك
حتطلع حتنزل
حجيبلك جمااااال




44 comments:

مـحـمـد مـفـيـد said...

شعر جميل جدا بس علي فكره مش بتاع احمد فؤاد نجم وهو اللي قال كده

soosa el-mafroosa said...

شكرا على التوضيح

الحقيقة هي كانت مبعوتالي على الفيس بوك على انها بتاعة أحمد فؤاد نجم

بس إحتياطي أنا شيلت الإسم

على ضمانتك

ذو النون المصري said...

يا خبر اسود
يعني كده كده القافيه كمان معاه
هتقبل هحبك
هترفض هلبك
و هجبلك جمال
حتي القافيه كمان مع جمال
امال ايه االي هيكون ضده بعد كده
لكن ما استغربش اذا الشعب وقف معاه القافيه مش هتكون ضده

ذو النون المصري said...

حمد الله عليالسلامه يا سوسه
انا زعلت جدا علي التاخير
ياريت حالة الملل من التدوين تنهيها و تكتبي بمعدل اسرع شويه
كل اسبوع مره مثلا

None said...

عايزينه يعمل اكتر من كده ايه يعنى
:)

وسلااااااام

Anonymous said...

very good, very funny and very sad...

ابو اعصار said...

شكرا على القصيده
فعلن لن ن شعر رائع

الشعب حاليا حبيب مبارك مش ماشي جنب الحيط ده تحت الحيط وكل ابو وام خايف على عياله مهتم بتميه اجسامهم غافل تماما عن تنمية امخاخهم وافكارهم

بمعنى اصح هدفهم انهم يربوا خرفان

فارس عبدالفتاح said...

واحبك تسافر وتبعد تهاجر
وتبعت فلوسك دولار أو ريال



وأكملك من عندي أصل البتين دول جيين على نقطة الارتكاز اللي في هذه المرحلة ويا رب يكون عرفت اركب عليه شوية الكلام دول .



يزلك كفيل ويبهدلك سفير
ولا تسأل عنك قنصلية أو رتيين

تشيل على أفاك مسئوليه بلاد
تدافع تحامي على وطن خيال

يستحقرك خليجي أنتو خلاص بقيتو
بعد مكنتوا أشهر من أعلام

ويركبك شامي من بتوع لبنان
يقلك يا خايس يابتوع الأهرام

وفلسطيني ناكر جميلك اللى كان
ضيعه واحد قال اصلو فيه سلام

وسوري سافل مش حافلك كمان
يقلك يا خاين يا اللى سبتو الجولان

وفي الأخر تلاقي نفسك ضايع وتايه
ومش لاقي كلام غير ماضي كان

من (راجل ) ضحي ومات
على وعد موصلش التمام

ووحد بعده شيلنا الفضيحة
وباع قضية كانت هي المرام

Ma 3lina said...

ربنا يخليلنا مبااارك

محمد عبد الغفار said...

تصدقى بقى انى مع التوريث

Anonymous said...

عزيزتى سوسة

اتأخرتى علينا المرة دى لدرجة انى تصورت ان الجماعة اعتقلوكى بس الحمد لله طلعتى بخير

اما القصيده فرائعه وقيل انها للفاجومى

وعلى رأيك حد يلاقى شعب زى ده ويسيبه

ده كلام

تحياتى

Amr Ahmed said...

ههههههههه

حمد الله علي السلامة يا سوسة هانم

وانا طبعا سعيد بالشاعر العبقري قائد الطلعة الجوية
ادام الله ملكه وملك اولاده واحفاده علي دماغ اهالينا

مفلس افندى الرايق said...

ههههههههههههههههههههههههه
بجد تحفه تحفه الكلمات دى
روعه

ازيك

سيكو said...

والله هتروحى فى داهيه انتى حره

Empress appy said...

حمد لله على السلامة
بس انا شوفت القصيدة دى قبل كده بس معرفش بتاع مين وانا قريت لكى من زمان بس انتى مكونتيش موجوده مبسوطة انك رجعتى تانى

بحبك يامصر said...

قصيده هايله بجد حلوه وكويس انى مريت لاول مره عندك وجيت عليها
الى الامام

السينيور said...

القصيدة دى جامده جدا

انا قريتها في مواقع ومنتديات كتير قبل كده لكن برده لما اقراها في مدونة يبقي ليها طع تاني مع الصورة اللظيظة دي

وهي فعلا مش بتاعة نجم ومش عارف بيلزقوها فيه ليه على طول

تحياتى

مهندس مصري بيحب مصر said...

القصيدة دي قديمة بقالها 6 شهور و لا حاجة على النت و جات لي على الإيميل من زمان
و اتنشرت في جريدة الدستور كمان بغسم القصيدة مجهولة المؤلف
بس حلوة برضه
:)

Anonymous said...

سوسة المفروسة بصراحة شو لذيذة وكتكوتة .. يا الله بموت علي حالي من الضحك وأنا بقرالك وزي ما بيقولوا شر البلية ما يضحك
سيري ونحن وراك ..بس ما تروحي لبعيد احنا وراك بالبلوجر مو بطرة
سلام

layan said...
This comment has been removed by the author.
Anonymous said...

انا ليا سؤال واحد الراجل اللى كتب القصيدة دى لسه عايش؟؟؟؟؟؟؟؟؟؟؟ظ

صوت من مصر said...

http://sotmser22.blogspot.com/
جامد جدا يا سوسه بجد انا فعلا بقيت متابع للمدونه بتاعتك جمبله جدا

soosa el-mafroosa said...

ذو النون المصري

و الله فعلا هي حالة ملل مش بس من التدوين

هي ساعات بتقفل مع الواحد كده
بس بنرجع تاني للتدوين..العشرة ماتهونش

جمال طبعا معاه القافية

و إحنا هتجيلنا الكافية

أرزاق

soosa el-mafroosa said...

fnan-geology

آه و الله

عامل اللي عليه
وزيادتين

soosa el-mafroosa said...

wiesbaden

i agree

soosa el-mafroosa said...

أبو اعصار

أنا شخصيا ماشية جوه الحيطة

و الله الجو هنا جميل جدا

فيه ايه تاني في ايدينا بس؟

soosa el-mafroosa said...

فارس عبد الفتاح

وعجبي

soosa el-mafroosa said...

ma 3alina

ياااااااااااارب

soosa el-mafroosa said...

mohamed a.ghaffar

و مين مش معاه

ماهو مش بمزاجنا

soosa el-mafroosa said...

مصري متغرب

لا لا لسه موضوع الإعتقال ده مأجلاه للصيف

الجو يبقى أحلى في طره في الصيف

ده إحنا شعب لقطة

ربنا ما يحرمنا من الهبل

soosa el-mafroosa said...

amr ahmed

الله يسلمك يا عمرو باشا

و شوف بعد العمر الطويل ده كله نكتشف في الريس مواهب جديده

الراجل عامل زي الجبنة..كل مابيقدم بيحلو

soosa el-mafroosa said...

مفلس أفندي الرايق

البلوج نور يا فندم

مامعكش ربع جنيه سلف؟؟

soosa el-mafroosa said...

سيكو

وانا مالي

ده شعر الريس بتاعكم و انا بس باعرفكم بآخر إبداعاته

الحق عليا يعني؟؟

مهندس مصري بيحب مصر said...

طلعت مؤلفة القصيدة هي نوران الشاملي
مدونة بت خيخة و أي كلام
:)

فارس عبدالفتاح said...

هع هع هع هه عهع هع هع ع



وعجبي

saso said...

طيب
وحمد الله علي السلامة بقي
:)

نيران said...

اخص علينا..

و احنا كنا ظالمين ريسنا حبيبنا..

اتاري الراجل بيحبنا

و انا اللي كنت باقول ريس جاحد، عنده شعب أمور و مهاود.. و مش بيحبه

بس طلعنا احنا اللي وحشين و مش فاهمين عمق حب الريس لينا

..

انا من هنا باقول للريس

ريسنا .. يا حبيبنا

ربنا يخليك لينا.. اكتر مهو مخليك

عشان تكفر سيئات اللي خلفونا من أول الفراعنة يا شيخ

و ربنا يجعل كلامنا خفيف عليهم:)

Abdelrahman Ellithy said...

مدونة كل المدونين العرب .. جريدة كل العرب

انت مدعو للكتابة في مدونة كل العرب
http://all-arab-bloggers.blogspot.com/
تكمن فكرة هذه المدونة لجمع اكبر قدر من المدونين العرب واقدرهم وافصلهم لكي يكتبو في مكان واحد
ذلك للحصول في النهاية على مدونة اشبه بالجريدة العربية تناقش القضا ياالعربية وخلافات العرب حيث ان كل الطوائف والبلاد مدعوة للكتابة
وقد تكون نقطة انطلاق للتفاهم والنقاش حول القضايا العربية المختلفة وتقابل وجهات النظر

للمشاركة ارسل ايميلك (بريدك الالكتروني) في تعليق على هذا المقال وسوف تتلقى دعوة للكتابة في هذه المدونة

مزايا الكتابة هنا :
للكاتب :
1- عدد اكبر من القراء
2- تحسين نتايج البحث لعناوين المقالات
3- انت كاتب وفي نفس الوقت قارئ تقرأ ما يكتبه كبار المدونين العرب
4- شهرة اكبر .. ودائما اقول ان في الاتحاد قوة وهذا هو اتحاد المدونين العرب

للقارئ :
1- القراءة للمدونين الكبار تحت صفحة واحدة
2- تجميع المدونات وجعلها مث ل جريدة الكترونية
3- سهولة الوصول للمقالات المرادة

شروط الكتابة (لن يتم التعديل لو مسح اي مقال ):
1- عدم الاساءة للاديان السماوية
2- عدم نشر مقال من اجل ربح المال او التنفع المادي ولكن الشروحات مقبولة ومرحب بها
3- عدم كتابة كلام خارج او الفاظ اباحية
4- الكتابة باللغة العربية

الفكرة تتلخص في ان كل مدون له حق الكتابة فقط بارسال ايميله في تعليق على هذه المدونة
اذا كانت لك مدونتك الخاصة فلا مانع من نسخ مقالاتك الهامة والتي تراها ترقى كي تكون في الجريدة العربية الالكترونية او مدونة كل العرب

وانا شخصيا ساكتب في مواضيع مختلفة وساهتم بتحقيق افضل نتائج للبحث والحصول على اكبر قدر من الزوار حتى تصل مقالاتك لاكبر عدد من القراء
كما ان تجمع المدونين سيجيئ بقراء اكثر وهكذا

برجاء ارسل لنا بريدك الالكتروني كي تستطيع الكتابة في هذه المدونة
ادعو الله ان تكون هذه المدونة ملفتة لنظر القراء ومحط انظار الراي العام العربي
http://all-arab-bloggers.blogspot.com/2008/01/blog-post.html

كما يمكنكم اضافة مدونتكم في دليل المدونات العربية
http://all-arab-bloggers.blogspot.com/2008/01/blog-post_21.html
والله ولي التوفيق

smraa alnil said...

القصيدة دي اتبعتتلي علي الاميل علي انها بتاعت احمد فؤاد نجم
المهم مش مهم مين الي كاتبها
المهم ان الريس بخير ويهنئ شعبه وربنا يديه طولة العمر
كويل العمر يطول عمره وينصره علي مين يعاديه هاي هئ

وبعدين بطلي تغيبي كدة تاني بقي

Dr.TANTAWY said...

تصدقى بالله من كتر ما البعكوكه دي عاجباني كان نفسى اكون مؤلفها :))) و الاحلى انى كنت قررت اكتبلها جزء تاني بس للاسف ملحقتش اعمل فيها اي حاجه بس ناوي قريبا ان شا ءالله هههههه

هيه برضه زي ما مفيد قال مش بتاعت نجم بس برضه معرفش بتاعت مين :))

3abdo me7tas said...

السلام عليكم
إزيك يا سوسه يا مفروسه أخبارك
أنا واحد جديد هنا عندكم
وأول مرة أدخل المدونة
لاكن بصراحة مدونة جريئة
وأنا يعجبنى الناس اللى قلبها ميت دى
ههههه
أنا بهزر
المهم عجبنى اوى الكلام المكتوب ممكن نقول عليها زجل
بصراحه بتوضح حاجات كتير اوى بطريقة ممتعه متخليش الواحد يمل من قرايتها مرة واتنين وتلاته
دلوقتى يا ست سوسه الحكومة بتقولك إشرب مخدرات إسكر أعمل أى حاجه ما عادا حاجتين اتنين بس متعملهومش
أولا أوعى تصلى فى الجامع وتربى دقنك وتلبس جلبية
ثانيا أوعى تتكلم على الكبير بتاعك وعن السياسة عشان مش تتلب على رأى هترفض هلبك وهجبلك جمال
بس كفاية
سعيد بجد انى دخلت عندك المدونة وعن طريق الصدفة كمان
جزاك الله كل خير

ميّويه said...

إزيك يا سوسة يا مفروسة
تقريباً كدة أول مرة أعلّق عندك بس أنا كنت بزور مدونتك قبل كدة

علي فكرة الشعر دة برضه وصللي علي الفيس بوك
ومعتقدش برضه إنه بتاع أحمد فؤاد نجم
بس حلوة أوي الصورة دي ..لووووول..وانت عسولة
يللا سلام

Anonymous said...

بجد يا سوسة قصيدة هايلة
انا اول مرة اشوف مدونتك الجميلة دي وياريت ماتسبيهاش علشان الجديدة
يعني خليكي هنا وهناك بردوا
وبجد مواضيعك تجنن وكمان 100 100
وشكرا على المدنة الجميلة دي
بااااااي
(:

Anonymous said...

Locksmith Memphis TN
Washington Locksmith
Locksmith Washington
Memphis TN Locksmith
Memphis TN Locksmith
Locksmith Hampton VA
Locksmith Hampton VA
Hampton Locksmith
Locksmith Hampton VA
Locksmith Corona CA
Locksmith Corona CA
Thornton Locksmith
Thornton Locksmith
Locksmith Thornton CO
Thornton Locksmith
Locksmith Thornton CO
Locksmith Thornton CO
Thornton Locksmith
Thornton Locksmith
Locksmith Thornton CO