يا مصري ليه دنياك لخابيط و الغلب محيط
والعنكبوت عشش ع الحيط و سرح ع الغيط
يامصري قوم هش الوطاويط ,كفاياك تخبيط
صعبه الحياة والحل بسيط ,حبة تخطيط
------------------------------------------------
فتحت باب استيرادك و صرفت فوق ضعف ايرادك
حلي للخواجه استكرادك, سابك بتقرا في اورادك
وده قشطك و نزل تشفيط
------------------------------------------------
يا مصري ليه دنياك لخابيط و الغلب محيط
والعنكبوت عشش ع الحيط و سرح ع الغيط
يامصري قوم هش الوطاويط ,كفاياك تخبيط
صعبه الحياة والحل بسيط ,حبة تخطيط
--------------------------------------------------
وليه بترشي و تتساهل و تبيع حقوقك بالساهل
تستاهل النار تستاهل يا حويط و يحسبك الجاهل
ساهل و ساهي و غبي و عبيط
----------------------------------------------------
يا مصري ليه دنياك لخابيط و الغلب محيط
والعنكبوت عشش ع الحيط و سرح ع الغيط
يامصري قوم هش الوطاويط ,كفاياك تخبيط
صعبه الحياة والحل بسيط ,حبة تخطيط
--------------------------------------------------
مش كلامي ..ومش عارفه بصراحه بالظبط كلام مين..بس دي اغنية غناها علي الحجار في التسعينات في شريط (تجيش نعيش) ..الكلام مباشر و يوجع خصوصا الكوبليه بتاع الرشاوي ده...بس انا مش متخيله ازاي اغنيه زي دي نزلت عادي كده في الشريط من غير ما حد يعترض!!!!!يعني تخيلوا كده لو حد نزل اغنيه زي دي دلوقت في عصر "تبقى انت اكيد اكيد في مصر " و "ارمي حمولك عليا و انا اشيل عنك شوية"و " لو كنا بنحبها " و الحاجات دي..ده كان يبقى المطرب ده نهار اهله بالالوان الطبيعيه!!!!!!!!!و بعدين اصلا ما فيش حد عنده الجراة ييجي ناحية السياسة من قريب او بعيد ..حتى "محمد منير" ايام الانتخابات الرئاسية لما طلعوا اشاعه انه عمل اغنيه ل"ايمن نور" جري بسرعه نفى الاشاعه "المغرضه" دي و عمل اغنيه خايبه زيه زي التانيين
تحس كده ان فيه مطربين ساعات بيارخوا للمرحله اللي هما عايشين فيهايعني مثلا
تحس كده ان فيه مطربين ساعات بيارخوا للمرحله اللي هما عايشين فيهايعني مثلا
"سيد درويش" ايام ثورة 19"
عبد الحليم" ايام 23 يوليو
"الشيخ امام و الفاجومي" في انتفاضة السبعينات
لكن دلوقتي تفتكروا مين هو الامل لتاريخ المرحلة???.........غالبا........"شعبان عبد الرحيم"
14 comments:
على ما اظن لا توجد مراحل حاليا نحن فى زمن اللحظه
لولحظه فوق ولحظه تحت
سوسة المفروسه
انتي عملتي البلوج بتاعك كده ازاي
وبعدين انا معرفش اضيف حد عندي
سوسة
الأغنية شعر : سيد حجاب
وبعدين فيه برده دلوقتي اغاني مرحلة جريئة
قوم أقف وإنت بتكلمني
بزمتك فيه جرأة أكتر من كده ؟
ايه ياسوسة دة اللى انت عملتيه
مش تدينى خبر انك حاتزورينا على الاقل نفرش لك البساط الاخضر
شكرا للزيارة وتنه عامر يارب
يحيي
ــــــــ
شكرا لمشاركتك بس انا حاسه ان فيه حاجه بتحصل دلوقت حتى لو معظم الناس مش لامسينها بس متهيالي حاسين
عبدالله
ــــــــــ
فيه رابط على المدونة تحت السايد بار فيه معلومات كتير..،و فيه طريقة اضافة شخص لمدونتك ..وبالنسبه للساعه و العداد اضغط عليهم هتدخل الموقع اللي هيديك كود تعمله نسخ و تلصقه في المكان المناسب " تحت السايد بار مثلا" ...واذا الرابط اللي ع المدونه مافادكش قوللي و انا اتصرف بطريقه تانيه
ملحوظه: انا ضفتك عندي خلاص عشان متزعلش
احمد الشقيري
ــــــــــــــــــــ
مشاركتك فعلا قيمة وانا بعتذر اني ماكنتش اعرف اسم الشاعر معلش مصطفى كامل و ايمن بهجت قمر بوظلنا دماغنا...عليه العوض
سيبها على الله
ـــــــــــــــــــــ
شكرا على ايه ده انا اللي اتشرفت ويجعله عامر بتعليقاتك دايما كده انشاء الله
سوسة حرام عليكي
نائب عزرائيل من كتبك المفضله
ده انا مقدرتش اكملها
خفت اتسخط قرد:)
ااااه ...هو انا وقعت في ايدك ??? عليه العوض .......(بهزر بهزر)...شوف يا عبدالله انا قريت القصه دي اكتر من خمس مرات و ماتسخطش و لا حاجه(اعتقد يعني بس مش متاكده) ..المهم يعني انا عارفه اعتراضك عليها من منطلق ان الفكرة الاساسيه فيها شبهة حرمانيه (شبها كبيرة عشان متزعلش)...بس هي اصلا فكرة قديمه و مغشوشة كمان من فيلم اجنبي قديم انتجوه تاني قريب بطولة (كريس تاكر) اسمه (داون تو ايرث) عن ان واحد بيموت مش في معاده ...انا معاك في حرمانية الخط ده بس انا اللي بيعجبني في القصة دي هو رسم الشخصيات اللي بيقابلها في سكته ..اختلاف البيئات و التفاصيل بيعجبني و هو ده اللي بيخليني اقرا الكتاب مع اني بعترف اني بقعد استغفر طول مانا بقرا الجزا الاول و فيه كتاب تاني افتكرته دلوقت هاحطه في البروفايل (بين الجنه و النار) بتاع مصطفى محمود ..ايه رايك فيه ده كمان ?
يظهر ان انا بيعجبني الخط ده ..تقريبا انا شخصيه سودويه و مش واخده بالي???
في فكرة غلط متاخده عني
اني بحب النقد عمال على بطال
مع ان اي نقد بقوله بيكون موضوعي وفي الصميم
يعني مثلا لو تناولنا قصة نائب عزرائيل هل من المعقول ان عزرائيل يبقى عنده راند فو مع واحده من الحور العين؟
الحور العين اللي ربنا قال عليهم(لم يطمثهن انس قبلهم ولا جان)
يتقال عليها انها بتقابل عزرائيل؟
وبعدين عزرائيل ازاي نتكلم عنه كده؟
يعني دي اعتراضاتي
بس على العموم انا بقبل الراي الاخر ومش شرير زي الفكرة اللي متاخده عني
كتاب مصطفى محمود الجنه والنار حظي وحش معاه مقراتوش بس في بالي اني اقراه
ارشحلك انا بقا حاجه على زوقي
؟
وبعدين بداية الروايه واحد بينادي اسماء؟ وناس تروح يمين باين وناس تروح شمال او حاجه زي كده
هو احنا عند دكتور ولا بنعلن نتيجه؟
دي غيبيات المفروض منتكلمش فيها
معلش في حاجه لو مقلتهاش ممكن يحصلي حاجه
لما عملوا فيلم فارس الرومانسيه طلعوا يوسف السباعي ملاك من الدرجه الاولى راجل صاحب مبادئ ومش بيغلط ودايما صح وعمره معمل حاجه غلط او قال حاجه وطلعت غلط
اما بقا لما اتعمل مسلسل عمرو ابن العاص كانوا مطلعين عمرو ابن العاص زي ما انتي شفتي
يعني اللي يتفرج على المسلسلين استفغر الله استغفر الله يحب يوسف السباعي اكتر من عمرو بن العاص
هو انا بدخل المواضيع في بعضها ليه؟
يلا ميهمكيش
المهم تقبلي نقدي وتحياتي
عبدالله مفتاح
ايه دا كلوه ايه دا كلوه
سوسه المفروسه كتبت كل دا ان هذا لكثير ياحاجه
مع اطيب تمانيتي بمزيد من الفرسه
وسويستي
كمان هوبه شرفتني في مدونتي..ان هذا لكثير..ايوة كده كل الناس الحلوة اتجمعت..متجمعين عند النبي ان شاء الله ...اهلا بيكي يا فندم يا رب تنورينا كده على طول
سوسة اشعار سيد حجاب طبعا المرحلة دي مافيهاش غير علي الحجار يا بنتي من مصيبة التمانينات والبلوة اللي جاتنا سنة 81الوحيد اللي ممكن يقول الكلام دة ..محمد منير للاسف مالوش موقف - موقف سياسي اقصد- منير اجتماعي وانساني وبس
saso
شكرا يا عسل ع الزيارة ..فعلا زي ما قلتي ..بس والله خسارة "منير" كان المفروض بشعبيته و قيمته يبقى هو الأمل ....خسارة
Very cool design! Useful information. Go on! Buy didrex line Patient scheduling software + pda Subaru baja online club Great west life assurance company wpg mb roulette online Keywords distance learning programs childrens shoes full color business cards get rid of cellulite in a healthy manner Accidentally double dosage of wellbutrin cell phone 2002 nissan maxima specs Naughty paris hilton sample video Fioricet fiorecet tramadol
Post a Comment