Thursday, August 10, 2006

تفتكروا ميييين؟؟

باركولي يا جماعه ..أنا خلاص بقيت وزيرة..أه و الله ..بعد انضمامي لحركة "كلابيز من أجل التغيير" - التي انضميت اليها عن طريق الإنتماء و ليس الوزن- من علي مجلس الحركة المكون من الرئيسة "كلبوزة لكن سمباتيك" و رئيس الوزراء
"zangoolaaa"
بمنصب " وزيرة الإعلام" و هي تتضمن إدارتي الإعلان و الدش و أنا بمزيج من الفرح و الإحساس بالمسؤلية قبلت الترشيح و بدأت خطوات جادة من أجل الإعداد لبرنامج إعلامي جديد سيغير مفاهيم الإعلام في المنطقة.... و كانت أولى خطواتي المباركة هي انشاء شركة سينمائية لإنتاج الأفلام التاريخية و التي تعاني المنطقه من نقص حاد فيها - اللهم الا الأفلام اللي بتتذاع في 23 يوليو و 6 أكتوبر و الحاجات دي- و اللي التلفزيونات العربيه بتعتمد في اذاعتها على الحس الوطني الفزيع لدى المواطن العربي اللي بيخليه ينفعل مع أي فيلم في أي مناسبة مش ضروري الخاصة بيه ...يعني مثلا يزيعوا "رد قلبي" يوم 6 أكتوبر جايز ..يزيعوا "الرصاصة لاتزال في جيبي " يوم 23 يوليو ..ممكن ...أو يزيعوا " الناصر صلاح الدين" يوم عيد ميلاد الريس أو حتى يوم تحرير سينا...ياعم هو حد فاهم حاجة ..إديها ما ترحمهاش

لكن أنا و من نطاق إحساسي بالمسؤلية...قررت انشاء شركة انتاج سينمائي للأفلام التاريخية تتحدث عن الشخصيات التي نجهل الكثير من تفاصيل حياتها..و لكن المطلوب من المشاهد ليس فقط الفرجه و انما أيضا "تشغيل المخ" ...لذلك فلن يتضمن الفيلم اسم الشخصية .. و انما المطلوب من المشاهد التوصل بنفسه الى إسم الشخصية و إرسال الحل الصحيح على ص ب 45 (يعني الحل يتكتب على صندل بني مقاس 45) و يرسل بالبريدالمستعجل.....و سيربح الفائز الفرصة في تمضية أسبوع من أحلى أسابيع عمره في الفندق العالمي الجديد المقام بمنطقة "طرة" السياحية العالمية










تم إلغاء بقية البوست بناءا على توجيهات الحاج "والد سوسة " و العاقبة عندكم في المسرات


ملحوظة:أنا اللي جبت ده كله لنفسي

33 comments:

Epitaph said...

هههههههههههههه

ودي كانت النهاية

وكل من يقرأ هذا البوست
يتكل علي سجن طرة

اول مرة اعرف يعني ايه ص ب
ههههههه

ضحك بدموع هنا
ههههه

Lord Brown Mouse said...
This comment has been removed by a blog administrator.
farida said...

الاختلاف في الرأي لا يفسد للود قضيه
من غير زعل يا سوسه
مش عاجبني
مش عاجبني التطاول في التهكم مهم كان
بالرغم من ان كلنا طافحين
بس برضه مش للدرجه دي
البوست اللي فات كان اسلوب التهكم في
أرقى و اجمل بكتير
على العموم انتي كنتي واحشاني برضه
و كل شويه آجي أشوفك ملقاكيش
متزعليش من رأيي

BackBone said...

الف الف مبروك ياسوسه علي نضمامك معانا في كلبيز من اجل التحرير و علي الوزاره...

سجن ايه ياعم ال epitaph

سوسه بتقولك بقت وزيره اعلام و يعني بقه معاها حصانه.


مش عارف ليـــــــه حاسيس اني اعرف الولد الكلبوز ده قبل كده.

شوفتوا فين فين فين..... مش فاكر بقه

BackBone said...

هو الفار ده لسه هنه.

عملتي خير انك مسحتي تعليقه.

1_masry fe America said...

WALLAHY INTO 3ALEM ALBOKEM HADEED,,DANNA YALLY 3AYESH FE AMERICA AKAF AKTEB 1/2 EL KALLAM DAH....OK I'M NOT GOING GO TO tORRAH..WE HAVE GOANTANMO

Anonymous said...

Sorry for asking a question unrelated to your hilarious post.
I've been dying to know who sings that song you have on your profileها الوردة دبلت بكير..

Would you please provide me with the name of the singer and the album, it would be awesome if you can tell me where to download it from.

ماشى الطريق said...

بوست لذيذ جداً والله
ودمه خفيف
وواقعى جداً

Dr. Tantawy said...

السيده الوزيره المحترمه

موضوعاتك هتودينا في داهيه :))) خف يا بهااااء على رأي عادل امام
الموضوع كده من اوله ما يطمنش :)) ابدئي طيب بحد صغير و اكبري بتسلسل الاحداث انما كده داخله سخنه من اول حلقه .. كده خطر هههههه

تحياتي
زنجولا

وله نهايه said...

ههههههههههه
وله نهايه
واكيد لكل ظالم نهايه
واتجراي اكتر واكتبي ويدنا شرف اننا نقرا مزيد من الصراحه وسيبك من كلام زنجولا
وبعدين انا زعلات ان مدونتي مش مضافه عندك في البلوجز

sherehan84 said...

مبروك الوزاره ما شاء الله عليكي داخله سخنه وعملتي منظر للوزاره وحيث إني وزيرة الصحه أنصحك بإنك لازم تقوي إنتمائك لحركة الكلابيز وده بشوية أكل زياده حركه أقل ونوم أكتر إن شاء الله بعد كام يوم هتلاقي نفسك غرقانه في الكلابيز

Sampateek said...

ههههههههههههههههه
انا معرفكمش اساسا
حتودينا ورا الشمس ياسوسة و لو ان الدنا حر و ورا الشمس اكيد ظل
طيب ابقي اعملي حسابك علي عيش و حلاوة و بطنية
و متنسيش بلاص المش
--
عملي حسابي في بطولة فوازير رمضان
فوازير بعنوان
فين العرب!

soosa el-mafroosa said...

epitaph

مش كل اللي يقرا هيروح طره..بس كل اللي بيعلق هيروح طرة ..جمعااااء انشاء الله ..استعدي

farida

لولا اختلاف الأذواق لبار الرؤساء

backbone

أهلا بالباشا الوزير..نحن في الحصانة سواء..وزرا بقه

1_masry fe america

يا عم اكتب ولا يهمك ..هو انا أجدع منك يعني؟..و بعدين لعلمك انا أسمع ان جوانتانامو اسهل من طرة..ده حتى واخد مجموع عالي في التنسيق السنه دي

soosa el-mafroosa said...

anonymous

اللي بتغني دي "جوليا بطرس"..الشريط الجديد ...شوفه في الموقع ده

http://njom.net

ماشي الطريق

نورت يا باشا..اضحك ما حدش واخد منها حاجة

zangoolaaa

ماعرفش ان قلبك خفيف كده ..ايه ياعم امال احنا هنغير ايه؟...كاوتش؟؟؟

soosa el-mafroosa said...

وله نهاية

النهاية قربت..هانت بس يا خوفي من اللي جاي
بالنسبة للإضافة حاضر من عينيا..بس انت كمان تضيفني عندك ..ماشي؟

sherehan84

ازيك يا سيادة الوزيرة ..الله يخليكي يا فندم

بس اعفيني انا من حكاية الكلبزة دي

أصل كلام في سرك انا كنت زمان كلبوزة و ماصدقت أخلع م الموضوع ده

كلبوزة

ماتعرفيناش ازاي يا ريسة؟...هو كلام كلابيز والا كلام سلاويع؟؟هه

و بالنسبة للفوازير ..ممممم ....أوكي بس هنضطر نوسع شاشات التلفزيون شوية

Nouran said...

يا نهاري ع الهبل بتاعي جيت وفتحت التعليقات عندك وبحسب نفسي علقت وبعدين خرجت افتكرت اني عايزة اكتب حاجة تانية وجيت بفتح التعليقات ملقتش نفسي معلقة افتكرت ايه التوهان ده حاجة صعبة المهم
اولا فيلم نكته وزي ما قلت عند زنجولا هفضل منورة ليكم ف السجنم لو اتبعتنا ورا الشمس لحد ما اخلص وده من واجبي نحو اتحاد الكلابيز
تاني حاجة : انت كده خليتي منظرنا وحش امام الريسة وريس الوزراء وداخلة سخنة علينا
ثالثا: والنبي يا شيخة تحطي النشرة بتاعتي ف التلفزيون وتقلبي بيها دماغ البش وتقولي اللي مش هيتفرج عليه هنبعتله صاروخ من وزير الدفاع حيث هو اللي منشئها ولا اقولك بلاش نلزمهم لازم يبقى ف ديمقراطية ده اساس الموضوع وبما ان حضرتك وزيرة الاعلام ممكن تزودي حجات من عندك ع النشرة بتاعتي ماشي :)

lastknight said...

سيناريو راااائع .. فعلا شكرا يامعالى الوزيره ..تحليل نفسى لكيفية تكوين زعيم برياله منذ كان طفلا ..أنتظر زيارتك لمدونتى و مزيد من تعليقاتك و سيناريوهاتك

أُكتب بالرصاص said...

سوسا

الحمد لله على السلامة ،

طولت الغيبة ياختي

بس بوست دماغ عالية قوي قوي

نصيحة ،

والا بلاش...خلينا نخلص
:))))

أروى الطويل said...

حرااااام عليكى اتقى ربنا ومش عاوزاهم يمنعوا المدونات من على الاهرام دول يمنعوها قبل ما تبوظ دماغ الموجودين هناك بس بجد حلو انتى نشرتيه قبل كده فى عشريناتوالله اخرتك ولا بلاش نسيبها للزمن

Me2 said...

الفكرة كوميدية جدا
لكن إعتراضي كالمعتاد و دي مشكلتي مع بوستات كتير تتناول الموضوع اللي شاغل بال الجميع
يا ناس يا ريت شوية إحترام
إسلوبنا بقى وحش قوي في النقد و بناء عليه النتايج بتكون أوحش لأن لكل فعل رد فعل

حاول تفتكرنى said...

مترو جولدن مايير

كان عاجبنى الأسد العجوز بتاعها

شــهــروزة said...

بنت يا سوسة...قول لى رقم زنزانتك كام عشان العيش والحلاوة والذى منه ...دة لو سمحوا لنا يعنى....والنبى اختك شهرزاد حتزعل عشانك اوى اوى ...انتى لسة صغيرة يا شابة... قومى يلااا حضرى الشنطة...هى تذكرة الفيلم بكام صحيح؟؟

BackBone said...

ياشهرزاد يااؤختي:

اذا كان فيها سجن يعني و الحجات ديه,, فا أكيد أكيد هيكون اعتقال ان شاء الله. و المعتقلات مبيكونش فيها زانزين بأرقام و الحجات ديه خالص....

ديه بتقبي "سويتس" علي افخم مستوي

و بعني لو عيزين توصلولها اي اكل ولا حاجه فا ياريت تبعتوهالي و انا هتصرف ان شاءالله...

و علي الله التوفيق

soosa el-mafroosa said...

nouran

أهلا يا قمر ..و النبي انتي عسل..هنحتاجك لأن تقريبا ورا الشمس ده بيبقى ضلمه و هنعوز حد ينورلنا..النشرة بتاعتك يا ماما مكسرة الدنيا على قناة سوسة الفضائية ..و اللي مابيتفرجش بنبعت وزير الداخلية يجيبه من قفاه..ديمقراطية بقه و حركات

lastknight

شكرا على زيارتك ..مدونتك واضح انها قيمة جدا..أدام الله الود

أكتب بالرصاص

عايز تخلص مني ؟مااااشي

طب و الله مانا مرجعالك العشرين جنيه

أروى الطويل

انا ما كنتش أعرف انك من رواد عشرينات ..انا نشرته هنا عشان اللي عاوز يوصللي يبقى أسهل بالنسبة له ..ماهو الشعب في خدمة الشرطة ..والا ايه؟

soosa el-mafroosa said...

me2

وحياتك انت دانا ماسكة نفسي و منقحة و مهذبه الموضوع جدا..بسالإختلاف في الرأي لا يفسد للود قضية

حاول تفتكرني

هو ده الحل بتاع الفزورة ..والله جدع انت الوحيد اللي مش هتصيف في طرة

shahrzad

ليه يا بنتي .زمانتي هتبقي في السويت اللي جنبي..مش دخلتي و علقتي .زياللا هابقى اعمل حسابك في بطانية معايا

backbone

ايه الخبرة دي ...أيوة كده الناس اللي فاهمة دي بتعجبني..بس بقولك ايه ..مالكش دعوة بالحلاوة بتاعتي

Anonymous said...
This comment has been removed by a blog administrator.
Anonymous said...
This comment has been removed by a blog administrator.
مـحـمـد مـفـيـد said...

والله احنا عايزين الشغل مش عايزين الكلام والا الكرسي هيغيرك

m_elsewedy said...

هههههههههههههههههههههه
يعنى انتى حذفتى بقيت البوست وناسية البوست اللى قبليه ؟؟
ده البوست اللى قبليه يودى جوتنامو مش المعتقلات الرقيقة اللى هنا
:D

soosa el-mafroosa said...

ايه يا سويدي؟..انت بتلمح يعني اني جبانة و بخاف ؟؟

لا لست انا ..أنا لو كنت بخاف ماكنتش عملت بلوج أساسا أكتب فيه البلاوي اللي أنا باكتبها دي ...مسح البوست كان بس عشان خاطر الحاج ..انما احنا بعون الله قلوبنا حديد و مابنخافش غير م اللي خلقنا

m_elsewedy said...

يا بنتى مش قصدى انك خايفة انا قصدى عشان بابا بس مش اكتررر

المزاجنجي said...

سوسة انا لي عليك انت وكلابيظو حق عرب ولن اتنازل عن عشرين جمل حمر وكيسين مخلل لزوم ان الواحد يعرف يبلع الجمال دي ... ازاي تشكلوا الوزارة من غير انتخابات حرة ونزية وتاخدوها برضة بالكوسة ولا انتم برضه بتقلدوا اللي ما يتسموش عموما انا معاكي اننا نعمل افلام تمجد عصر المهلبية اللي احنا فيه وتمجد كل واحد عنده حاجة في دماغة غير المهلبية والبالوظة وتحياتي لكل الوزرا المعنين وانا عاوز ابقى وزير والا والله هافتن عليكم واضيعكم كلكم وبجد اول مرة اعرف ان ص ب تعني صندل بني بس رجليكي رجالي اوي يا اختشي 45 يا سنته السودة اللي هايقع في ارابيزك العلقة هاتبقى سخنة 45 راعي ربنا انت ما عندكيش ولاية اقولك ياسيادة الوزيرة اقعدي بالعافية بس فكري في موضوع تعيني وزير حتى ممكن تعملوا لي وزارة تفصيل ما احنا عندنا وزير في المجلس مش معروف له ملة وهو يتمتع بكل الكمال برضة تحياتي

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول