الصورة دي طبعا بقت معروفة و مشهورة لكل واحد في مصر ..لكن عشان خاطر اصحابي اللي ربنا بيحبهم و عايشين
بره مصر ..أنا هاديكو 3 إختيارات تحاولوا تختاروا منهم الإجابة الصحيحة
مين دووووول؟...و بيعملوا ايييييه؟
أ-أعضاء حماس في فلسطين بيتحدوا القوات الإسرائيلية
مين دووووول؟...و بيعملوا ايييييه؟
أ-أعضاء حماس في فلسطين بيتحدوا القوات الإسرائيلية
ب-أعضاء جيش المهدي في العراق بيتحدوا القوات الأمريكية
ج-أعضاء حزب الله بيستعرضوا قوتهم
و الإجابة هي ...لا توجد إجابة صحيحة..و لا يوجد تفسير سليم.و لا توجد عقول حكيمة في مصر الآن
دول بأه يا سيدي طلبة..آه و الله العظيم طلبة في جامعة الأزهر بيعترضوا على فصل 5 طلاب من أعضاء الإتحاد الحر ..و مش عايزة نباهة ..المفصولين و المتظاهرين كلهم من الإخوان المسلمين
و رغم اني اديت صوتي في الإنتخابات اللي فاتت لمرشحين الغخوانوزيي زي ناس كتير كنت بافرح كل اما اعرف ان عدد كراسيهم بيزيد
لكنني كان هيجيلي انهيار عصبي أول ما شفت فيديو المظاهرة دي في العاشرة مساء
الطابور العسكري و الوجوه المختفية ورا أقنعة سودا و العصابات السودا على الرؤوس و استعراضات الكاراتية و الكونج فو خلت دقات قلبي تعلى لدرجة انها غطت على صوت تفكيري
في الأول كدبت نفسي و قلت دول غلطوا في الشريط ..أكيد ده شريط من العراق أو من فلسطين و حطوه غلط
لكن للأسف للأسف للأسف..دول طلبة تنظيم الإخوان
و انا اول مرة أستخدم كلمة تنظيم دي ..كنت باعتبرهم في الأول مجرد حزب ديني ..له شعبية كبيرة حتى لو لم يتم الإعتراف به من قبل الحكومة
لكن اللي شفته ده مالوش غير وصف واحد..تنظيم مسلح..انا كنت باتخنق من اللي بيوصفهم بالوصف ده و كنت باقول حتى لو كان في تارخهم عنف فالناس اتغيرت و طريقتهم بقت غير زمان..لكن يظهر الوضع غير كده خالص
و اللي انا مستغرباله كمان ..الصمت اللي غلف الموقف ده ..مع انه في رأيي كان يستدعي إعتراضات قد اللي حصلت على موضوع فاروق حسني و يمكن أكتر
مع ان فيه دلوقتي 3 دول هي فلسطين و العراق و لبنان مرشحة لحرب أهلية
مش عارفة ليه بدأت أحس انهم بقوا 4
اللي بيدخلوا هنا عارفين كويس موقفي من الحكومة..بس دلوقتي بقيت حاسة ان مش بس الحاضر هو اللي بايظ..ده المستقبل كمان
بالبلدي كده يعني..كده خربانة و كده خربانة
134 comments:
السلام عليكم
يا بنتي ليييييييه دايما بتجيبي وجع الدماغ لنفسك
دلوقتي هيجي جرجس و يسب و يلعن و فيه ناس مش هتسكتله و تتكرر خناقة البوست اياه
و بعدين ما قالوا ان ده كان عرض فني بيتكلم عن المقاومة حماس اييييييييييه اللي جاب سيرة جيش الاخوان و الكلام الكبير ده؟؟؟؟؟؟
لو كان اي حزب او مجموعة تانية عملته ما حد كان هيحس بيهم لكن طالما فيها البعبع اللي مبرجل الحكومة يبقي اوعي يا جدع حلق حووووش جيش الاخوان وصل منها يلمولهوم كام ميت واحد و يحطوهم في السجن و قد حصل فعلا ما كدبوش خبر و منها يهزوا ثقة الناس فيهم و كله مصلحة
ربنا يستر علي البلوج بتاعك البوست ده انا هقفل الجهاز بتاعي لحد ما الحريقة تطفي و بعدين هفتح اشوف التعليقات
صمت إيه الي غلف الموضوع ياسوسة
تاني يوم العاشرة مساء إعتقلوا ماية وستين واحد من الاخوان ومنهم بعض الطلبة وكمان رئيس الإتحاد الحر صهيب الملط اللي طلع في العاشرة مساء واللي قدم غعتذار وبيان تم توزيعه على جميع الصحف لكن كلام السيد كرم جبر واللي كتبه في الصفحة الاولى تاني يوم في جريدة روزاليوسف بعنوان مصر تحترق
تم الإعتقال ومنهم نائب المرشد
طبعا حكاية التدريب ده والمقاومة من النوع ده في فكر الإخوان اكيد في ظل ظروف الإعتقالات للجماعة منذ الإنتخابات بس ماحدث كان زلة لم يتنبهوا لها وكان إستعراض لذلك اسرعوا بالغعتذار بس بعد إيه بعد مااعطوا للآخرين ذريعة تعلل الإعتقالات
غباء
تصدقي يا سوسة ,, المشهد ده ممكن يكون عندنا في غزة على صورة افراد من القوة التنفيذية بتعت حماس التي تتصدى لجموع من قوات الامن التابعين لفتح
ربنا يستر والي قلتيه ما يحصلش وربنا يكون بعوننا جميعا
ازيك يا سوسه
مش عارف ليه انا متعاطف مع الاخوان
هما بلاقوا هجوم ونقد شنيع واعتقالات بالجمله
لكنهم اصحاب فكر ومبدأ وبيدافعوا عنه بطرقهم ولهم الحق
اما الدعايه السلبيه عنهم كل ما تزيد كل ما يكسبوا تعاطف الناس وانا منهم
انت يابنتى مابتحرميش مش تهدى كدة وتبعدى عن الصداع دة
بس والله عندك حق انا صعقت من الى شوفتة الى بيحصل دة تخريج وزى مانت قولتى هى خربانة خربانة واعتقد ان الى اخد القرار دة (اقصد قرار نزول الشباب دول بالمنظر دة للجامعة ولعب العيال الى عملوة ) كان ضارب على الريق فحل بصل من ابو 6 جنية الكيلو مع شوية فول محترمين عملو كهربا فى المخ سيح السلجبيس على رؤية المحورية عملت شبورة فى مجال البعد البؤرى للعين هبا اخد القرار المنيل دة واثبت ان الاخوان زيهم زى اى حاجة فى مصر وكل حاجة فى مصر واى هيئة واى منظمة واى حزب مافيش دراسة مافيش تخطيط مافيش ادارة فية بس بصل وطحينة لان لو فية ادارة كانو فكرو فى الى هما بيعملوة بدل الاحباط الى عاملوة لنا دة لان انا كنت واحد من الى بيدافعو عن الاخوان ومتحمس لهم لان حسيت فيهم انهم هايغيرو حاجة فى التخلف الى احنا فية وعاجبنى تنظيمهم لكن السقطة دى فوقتنى والى اكد كلامى كان تعليق المرشد العام ان ماحدث هو مجرد اسكتش ترفيهى لشباب الاخوان
طيب اهو الاسكتش بتاعك اتسبب فى اعتقال 150 شاب من شباب مصر لينضمو الى قائمة المعتقلين
انا عايز واحد من الى هايدافعو عن الاخوان ويهاجمونى يجيب بس سبب واحد للى حصل بس سبب واحد انا مش طماع
مش عارفاه انتي كبرتى الحكايه كده ليه
دا مجرد عرض بيعملوه
هما يعني كانو مشيو يدبحو فى الناس
بس طبعا الحكومة اللى لازم تستغل المنظر دا
استغلال حقير
واى حد هيفهم زى ماالحكومة قالت
يبقى فعلا واحد صفر للحكومة
وتستاهل نسقفلها
الاهرام كمان مش سايبين الموضوع خالص..كل شوية تحقيقات و كلام عن الجماعة المحظورة و ما فعلته الجماعة المحظورة..خاصة المخبر الصحفى اللى اسمه "أحمد موسى"..ده تخصص اخوان..كفاية اقرا عنوان المقالة عشان أعرف انه هو اللى كاتبه..و تلاقى كمان عادل حموده و الفجر بتاعته قالبين الدنيا
بالنسبة للموضوع نفسه..ميليشيات الاخوان..لسه مستغربة الموضوع و كنت بقول زى ما انتى بتقولى يا سوسه ان العنف كان يمكن زمان لكن دلوقتى لأ..
بس سلسلة البلاوى اللى كل شوية بتظهر دى تخللى الواحد يشك بصراحة
أنا زعلانة مش عشان انا اخوانجية و لا حاجة..أنا بس بتحسر على أكبر كتلة معارضة فى مجلش الشعب..بلا خيبة
صمت ايه بس يا سوستنا .. ده الدنيا مقلوبة على دماغ الطلبة وررئيس جامعتهم قال انه الموضوع خرج من ايده .. والطلبة يقولولوا ده عرض مسرحى يا عم الحج يقولهم ده عرض عسكري وانا لو كنت لبست اللبس ده كنت اتمسكت زيكم .. بصراحة منظرهم كان يرعب حركات وشقلبة وكياس مخدات سوده على وشوشهم .. معرفش ايه قصدهم .. يعنى فى الاول كانوا بيحاولوا يكسبوا ود وتعاطف الناس .. وماشيين بالدين والمنطق وكان كل العيوب اللى عندهم بتتلخص فى افكار مرشدهم صاحب اشهر طز فى مصر .. وصاحب الجزمة الاولى التى تستخدم فى مناقشات .. لكن دلوقتى بصراحة هما قللقوا الناس منهم وكمان خللوا حجج للحكومة علشان تعمل اللى هى عاوزاه .. ( تفتكرى ده جزء من نظرية المؤامرة ) انا عن نفسي مكنتش مع افكارهم من الاول وكمان مش ضدهم .. انا كنت بس فرحان فى الحزب اياه عشان الاخوان جابوا مناخيره الارض فى انتخابات المجلس
لكن بصراحة انا مفهمتش ايه قصدهم من الحركات دى يعنى .. فى الف طريقة للمظاهرات غير اللبس المستفز والحركات الغريبة دي .. ربنا يستر فى عندك هنا ومتقمش الحرب البلوجية التانية
تحياتى .. والسلام ختام
:]
اههههههههه
اللي بره مصر بيرد عليكم ياجدعان
اولاً انا بختلف مع سوسة فى تسمية الانوان بانهم تنظيم الاخوان ليسوا تنظيم الاخوان حركة يعني لذم يكون لها جناح عسكر
لكن بعد موت حسن النبا واللي عملوا معاهم عبدالناصر اصبحوا بعد كده ليس لهم فكر او ايدلوجية موحدة او واضحة
انا اقول اذا قال الاخوان انهم مؤسسة مدنية ترعي احتياجات الشعب المصري اقول ربنا يخليكوا لينا
وان قالو لنا انهم تنظيم يدعوا الى الاسلام اقول بنا يقويكم ويثبتكم
واذا قالوا احنا حركة اسلامية لها جناح عسكري اقول لهم احنا معاكم بالباع والدراع
لكن للاسف الاخوان لا يوجد عندهم فكر واضح او رأيه صريحه
وهذا ما اخده على الاخوان المسلمين
الصراحة راحة
الجمعات الاسلامية بقيادة عمر عبدالرحمن ناس محترمين مع اني اختلف معهم فى امور كثيرة لكن محترمين عشان وضحين وصرحه
اما الاخوان مش عارف اقول لهم ايه
ارحمونا والا اقول الله يكون فعونكم
لكن لا اؤيدهم على الاطلاق الوضوح هوالمهم والحكومة عايزة كده عشان يقولوا هم ليسوا وطنيين ولا اسلميين ويكون لهم الحق باعتقالهم او قتلهم
اذا قال احدهم اني انتمي لفكر اسمامة ابن لادن او طالبان اقول لهم يللي يرجاله وحنا معكم
خلينا نخلص من حسني مبارك وابنه والعيلة المالكة كلها
الاخوان مغفلين وسذذج واغبياء ريدون ان يكون لك جنا عسكري ،،،،اعملة فى السر وسلحة كويس وخليه باعداد كبيرة ونظمة وخاليه منتشر فى جميع انحاء مصر لتهديد النظام وفى نفس الوقت الجناح السياسي يعمل اللي عليه
واقول ياجدعان يا اولاد ويا بنات
انا مش اسلامي ولا يميني ولا يساري ولا علماني واي حاجة من دي
لكن عايز اتخلص من النظام اللي خرب مصر وخرب بيتنا معاه
الصديقة مفروسة
بعد الغزو الامريكى للعراق كان لابد من وجود مقاومة من العراقيين لهذا الغزو وهذا شئ مشروع لتحرير الوطن لكن ان تتحول المقاومة عن دورها وتصبح حرب اهلية بين الشيعة والسنة فهذا يدل على وجود ايدى تعمل فى الخفاء لتدمير العراق والخاسر الوحيد هو الشعب العراقى
نفس الشئ ونفس الايدى فى فلسطين هناك الان تصفية حسابات بين المنظمات وتحولت الى حرب اهلية والخاسر الوحيد هو الشعب الفلسطينى
والان جاء الدور على مصر وبنفس الايدى والاموال بعد ان تتحول تنظيمات الاخوان الى مليشيات تحمل السلاح فى وجة الحكومة والخاسر الوحيد هو الشعب
يظهر مفيش حد قلبة على بلدة وكل واحد بيدور على مصلحتة اما مصلحة الناس اللى عاوزة تعيش وترتقى زى بقية خلق الله محدش يهمة انهم يغوروا فى ستين دية ولله الامر من قبل ومن بعد
سوسة
اولا اغنية فيروز تحفة وشكرا ليكي
اما موضوع الاخوان ماظنش انه
مغلف بالصمت
بس المشكلة الناس محتارة
يعني نتعاطف مع الاخوان علشان هما ضد الحكومة
بس برضو اللي حصل ده غلط
لان دي جامعة مش ثكنات عسكرية
ربنا يستر بقي
ويريحنا من اللي احنا فيه
الوضع بقي صعب جدا
الموضوع معقد جداً ، ومتشابك لدرجه انى اصغر من انىاتكلم فيه ،
بجد محتار مش قادر اكون راى شويه الاقينى مع الى عملوه وشويه القينى ضده مش عارف كل شئ مشوش
يابنتى لازم تفهمى الاول بعدين
تتكلم بلاش تتكلمى عن حاجة مش عارفةعنها حاجة ربنا
يهدى كل اللى مابيفهوش
بصى يا سوسو
انا هقولك على اللى فيها وامرى لله
انا ازهرية اوك
ومش من الاخوان المسلمين كمان
ولا هكون منهم ف يوم من الايام
ومش ضدهم
لنى بصراحه بحترم اى حد كان ضد الحكومة
وبيعرف يقولهم ل ف وشهم
مش دى قضيتى
هما اصلا فى منهم مش شرفاء ومش اصحاب مبدا
اللى يهمنى انى اقولك
ان كل يوم وانا رايحة جاية من الجامعة
جامعتنا وجامعتهم
والمدينة الجامعية بتاعتنا وبتاعتهم
بتكون محاصرة بعربيات المن
كل مكان فيه تلات عربيات امن
والعساكر واقفه قدامها بالأدرعة الواقية
منتظرين لحظة هجوم
ده معناه انهم مبيسبهومش يتنفسوا
طب ليه ف اليوم ده بالذات سابوهم
لأ وايه كمان
الموضوع متصور
تفتكرى مين اللى صوره
أكيد مش مجرد هاوى
كلنا عارفين
ان التصوير ده مش مجرد واحد عادى اللى مصوره
والكاميرا مش ديجتال
ده تصوير فيلم تسجيلى
بكاميرا بتاعته المخصوصة
لذلك
اكيد طبعا بتقدرى تفرقى تصوير المسلسل من تصوير الفيلم
ده بائه تصوير محترف
طب ليه صوروهم
علشان الحكومة تقدر تكسب اكبر صف من الناس
ضد الاخوان المسلمين
لأن فى مسيحيين بدات تتعاطف معاهم
بصى بائه للقنبلة الكبيرة اللى هحكيلك عليها
تانى يوم تصريح فاروق حسنى لموضوع الحجاب والموال ده
البنات ف المدينة الجامعية
بالليل
عاملوا شبه اعتصام كده وقعدوا ف الملعب الرياضى
الحكومة مسكتتش
جابتلهم عربية نص نقل علشان تعدى ف وسطهم
علشان يخافوا ويقوموا
وقبليها المديرة هددتهم با البنات المعتصمة هيتكتبوا غياب
وطبعا الغياب ده بسقوط
كلنا عارفين ضغوط الامن
ده غير ان رجال الامن بائه
كانوا نازلين ضرب ف البنات بالجزم
تخيلى
بالجزم
وقطعوا خماراتهم والحجاب بتاعهم علشان يتلهوا فيه ويمشوا
طبعا كلنا عارفين ان ده اسلوبهم لما عملوا كده مع الصحفيات يوم الانتخابات على ما اظن
و6 رجالة من الامن كانوا بيضربوا ف بنت واحدة بالجزم
انا مشوفتش حاجه
بس البنات اللى كانوا موجودين هما اللى حكولى واكتر من بنت
يعنى الامن مش هيستناهم يعملوا كده الا اذا كان هو مستنى انهم يعملوا كده وهو نفسه اللى مصور
طبعا مش رجال الامن ذات نفسهم ولكن انتى عارفه التحريض
والزق ناس على ناس
اشمعنى صوروا ده
وليه البنات متصورورش وهما بيضربوا
والمصايب اللى بتحصل
تعالى مدينة نصر
مش بعيدة
وانتى هتشوفى عربيات الامن
وأدرعة العساكر واقفة للطلبة
والله
شوفتهم واقفينلهم
وهما بيصلوا العصر ف المدينة الجامعية
حسيت اننا ف فلسطين المحتلة
سلامى
ومتتأثريش اوى بالاعلام
علشان اللى بيظهر بس اللى الامن عاوزاه يظهر وماخفى كان أعظم
طولت انا عارفه بس كان لازم اوضحلك الصورة كاملة
واحب اعرف رايك
يا خبر ابيض لحقتوا تحطوا 14 كومنت ؟انا يدوب لسه فاتح دلوقت
كنت فاكر اني هكون اول الفاتحين للبوست الجديد لاني متربص من مده له
لكن خيرها في غيرها
انا رايح اقراء البوست و راجع للتعليق
انا في حير ه شديده من امري .انا تعاطفت مع الاخوان كغيري من المصريين في الانتخابات لكن لا لاجل ان تتحول مصر الي فئات متناحره
انا غير قادر علي فهم هذا الاستعراض المسرحي البسيط و لا الغرض منه
و اذا كان الامن هو الذي اتاح لهم الفرصه كي يقوموا به فهم المخطئون لا شك لان الامن لم يجبرهم علي فعله
المشهد لا يمكن قبوله داخل الجامعه لانها ليست ثكنه عسكريه يسمح فيها بما حدث
انا اعتقد ان من اعتقلوا في هذا الحدث كانوا سيعتقلون ايضا حتي لو كان النظام ديمقراطي عادل
فانا اعتقد ان هذه الصوره تعبر عن حالة فوضي في التفكير
او علي راي جرجس حالة هطل
----------------------------
بالمناسبه يا اخ انونيمس جرجس المره الماضيه لم يسب او يلعن
هذا للعلم و ياريت منفتحش الموضوع مره تانيه
------------------------------
انا شايف ان لا امل في الحاضر او المستقبل اذا كان الاخوان مصرين علي تقديم انفسهم علي هذه الصوره الا اذا ........................
الا اذا ظهرت قوه جديده في المجتمع غير الاخوان
كان تقوم في البلاد حركة ضباط احرار جدد مثلا
-----------------------
الاغنيه يا ست سوسه غايه في الروعه ياسلاااااااااااام ايه ده يا ست فيروز؟
الصوت من الجنه لا من الارض
انا كنت باقرا البوست للمره الاولي اثناء سماع الاغنيه و يا سلاااااام لم اشعر بعصبيه فيما اقرا لان الست فيروز كان صوتها مغطي علي الموضوع تماما
لا ادري ماذا اقول لكي ؟
هل اقول اختيار موفق للاغنيه لانه مهدي الجو علي الاخر
ام اقول انه اختيار غير موفق لانه برضه مهدي الجو علي الاخر
اكيد انتي فاهماني
الهدوء الذي تفرضه الاغنيه قد يكون في صالح البوست و صالحك علي اساس انه هيخف الخناقات
و قد يكون العكس لاني حاسس ان الاغنيه حجبت رؤيتي للموضوع علي حقيقته
بجد لكي مني التحيات و التقديرؤ
في البوست السابق اتفقنا علي ان اول طالب لاغنيه من ازاعة سوسه فمن حقه سماعها و بما ان الاخوه لم يطلبوا حتي الان اذا فمن حقي التقدم بطلب اغنيه
خلينا مع فيروز
ياريت نسمع
ياانا يا انا لفيروز
اتجاه الحوار على هؤلاء الطلبة دائما في الاتجاه الخطأ
هؤلاء مجرد شباب طائش يحاول ان يفعل اي شيء تجاه ما يعاينه و لا اعتقد لحظة ان ذلك تم بناء على اوامر اي احد لانه لا يوجد احد بالغباء السياسي هذا
عندما نرى طفل في خالة عصبية غير طبيعية لن نفكر ابدا في كم الشر بهذا الطفل او في مستقبله او في ما سيفعله انما يتجه تفكيرنا دائما الى شيء واحد
و هو ما الذي ادى به الى فعل ذلك
فكروا ما الذي دفع الشباب اولا الى ذلك ثم اعترضوا عليهم
احمممم
ازيك يا ست الكل
اولا: انا شايف انى الاخوان غلطوا غلطة العمر بالاستعراض الفنى ده ومبقولش عليه عسكرى كالبعض .يا جماعة الناس اقسمتلى ان العرض كان فى المدينة الطلابية ومكنش اما مكتب احمد الطيب رئيس الجامعة .
ثانيا: بالغلطة دى وبعد عدة اعتذرات من جميع قيادات الجماعة والكوادر والطلاب انفسهم عن العرض الفنى للاتحاد الحر كأعتراض على عدم مشاركتهم فى الانتخابات كحق دستورى ده لو دستور اساسا وبعد كده نلاقى الحكومة تقبض عليهم وتلبسهم قضية حيازة اسلحة بيضا جديدة لنج لسه مدسوسة ليهم وانهم هما اللى شالوا الاسلحة دى وعلى فكرة ناس منهم قالوا انى الاسلحة دى ملفقة ليهم والدليل على ذلك انى كل الاسلحة جديدة والجنازير جديدة.
بس خلاص
السلام عليكم ورحمة الله وبركاته
أعتقد ان الطلبة سبق لهم وأعتذروا سريعاً وقال انه كان عرض من عرض رياضي
ولنفرض أنه كان عرض عسكري ماذا تعتقدون من شباب يتراوح عمره بين 18-23 عاماً أن يتصرف يحكمة من هم ب 40 من عمرهم
ثم ولنعتقد ان اخطؤا خطئ كبير هل الحل هوا سياسة الاعتقالات والعنف ام ان هذا قد يتسبب في مشكلة أكبر
فلنعطي مثال لو اخوك وقع في حفرة هل سوف سوف تساعده ام تقول له يا احمق لماذا لم تري امامك
أري أننا يجب إعادة النظر في الموضوع بشكل آخر
وفي النهاية أدعوا لمشاهدة لشاهدة مصور المصري اليوم
وتقبلوا فائق إحترامي
انا كاتب بوست عندي يا سوسة كامل عن الحكاية دي
للاسف حتى انتي وصلك الخبر مشوه
ووصلتك الصورة مغلوطة
جيش مين يا سوسة بس ؟؟
على العموم
مستني تعليقك على البوست بتاعي
اللي هيوضحلك ان شاء الله معلومات كتيييييير وصلتك غلط عن طريق وسائل الاعلام
وياريت نشوف ردك بسرعة يا سوسة
قبل ما الحكاية تولع
وتحصل خناقة زي البوست اللي فات
لاني متأكد ان في ناس هتخش تشتم
قشطة صباح الفل انا لو لم اكن لكنت ..فمازلت ولكنه ..اينما
كذلك
اسمحولي ان اعترف(وانا من الاخوان)بذكاء حكومتنا الرشيده واستغلالها للحدث بشكل يليق بتاريخها الناصع البياض وانا هنا لست بصدد الحديث عن الحكومه ولكني اقول بكل اسف ان ان كثير من الناس سقطوا في خدعة كبرى وانا اعني بالناس الشعب المصري الذي يشاهد الموقف ولا اتحدث عمن يتصيدون سقطات واخطاء الآخرين ليقطعوا رقابهم...المشهد الذي ظهر في وسائل الاعلام ظهر كمن قرأ قول الله _ولا تقربو الصلاة_ ثم سكت ولم يكمل الاية..ممكن تدخلو ا مواقع الاخوان زي أمل الأمة وجامعه اون لاين لمعرفة وجهة نظر الطرف الاخر لا أكثر ولا أقل ..وانا هنا اطلب منكم الانصاف والعدل مع العلم ان راي الشخصي وكذلك راي الجماعه ان العرض لم يكن مناسبا في هذا التوقيت...واخشى ان ينسى الناس القضية الرأيسيه التي كان يطالب بها هؤلاء الشباب وهي الحرية ورفض تزوير الانتخبات ومساندة زملائهم المظلومين المفصولين ويصبح حديث الناس عن شوية حركات بهلوانية بتتعمل في اي نادي كراتيه في حارة من حواري مصر ...يا ناس مليشيات ايه وجيش ايه هو لو الاخوان عندهم مليشيات كان الامن المركزي عمل فيهم اللي عمله...الاخوان لا عايزين مليشيات ولا محتاجين سيوف...بصراحه احنا محتاجين رضا ربنا ثم حب الشعب المصري اللي بيخلينا نستحمل مرراة الظلم وكآبة المعتقلات وألم التعذيب ارجوكم بلاش الحكومة تظلمنا ونلاقيكم انتم كمان دايسين على قلوبنا
باسم الله
بصي يا سوسة
اظن انك اتاثرتي بالاعلام
ليه بقا ؟؟؟ اقلك ليه
لان عرض هايف لشباب ملهمش اي قيمه ميستهلش ان صحيفة درجة عاشرة تكتب عنه
مصر تحترق ايه؟ ميليشيا الاخوان ايه؟جيش الاخوان ايه؟
دول مجموعة من الشباب اللي ملهمش لازمة عملوا عرض هايف جدا مثير للشفقه لا دايقوا حد ولا اعتدوا على حد؟؟ فين المصيبه اللي عملوها؟؟؟؟
مش احنا اتربينا على ان حريتك تنتهي عندما تبدا حقوق الاخرين؟؟؟
فهل اعتدى احد من هؤلاء الشباب على طلبة الجامعة
انا عن نفسي شفت عرض ممالثل ولا خفت ولا حاجة بالعكس وقفت واتفرجت وابستمت ومشيت
صحابي اللي من الاخوان عارفين انهم لما بيغلطوا انا بنتقدهم
غلطهم المرة دي مش العرض
لا غلطهم يكمن في انهم مش مقدرين ان في ناس مستعدة تقلب الحقايق وتاثر في الراي العام وتخلي سوسة تكتب بوست زي ده
مع انها لو حسبتها بعقلها اللي لا اشك للحظة في نباهته لوجدت انها ضجة بلا سبب
بقا محكمة امن الدولة العليا تصدر اوامر عشان كام شاب عملوا عرض كونغ فو برجليهم واديهم لمده لا تتجاوز العشرين دقيقة ولا عشان لبسوا اكياس سودة؟؟؟
كانت فين المحكمة امن الدولة وقت تزوير الانتخابات ولا غرق العبارات ولا سرقة البنوك؟؟؟
يا خبر كل الهيصة دي والطلبة مدايقوش اي حد ولا تعرضوا لاي حد؟؟ظ
كل ده عشان عرض باكياس سودة؟؟ وكونغ فو؟؟ظ
الاعلام في بلدنا قادر يسير الناس كما يسير الراعي القطيع
اما انتي يا سوسة فتقبلي تحياتي
الا انتي بطلتي تزوري مدونتي ليه؟؟:)
سوستى المفروسه
ياحبيبتى انتى كبرتى الموضوع اوى
هما اعتذروا والموضوع خلص قالوا ان ده عرض مسرحى فنى
على العموم وحشتينى اوى اوى اوى
اللي بري مصر بيرد عليكي ياسوسة مرة تانيه
الإخوان المسلمين
لم ينضجوا سياسياً
ولا عسكرياً
ولا اجتماعية
ولا يصلحوا أن يكونوا زعماء سياسيين ولا يصلحوا عسكريين ولا يصلوا أن يكونوا مصلحين اجتماعيين لان فاقد الشيء لا يعطيه
ولكن يصلحوا مهرجين من الدرجة العاشرة
وأنا أسئل أين الحزب العربي الاشتراكي الناصري
من كل هذه الإحداث أين
النضال وأين الحركات السرية وأين وأين وأين شباب مصر وأبناء البلد المطحونين
أين الفدائيين وأين الزعماء الموجودين في الشارع المصري
يا عيني الشباب بتوع الإخوان هم اللي بيروحوا فيها والقيادات المبجلة نايمة في مكاتبها ونايمه في الفلل والشقق الفخمه
وكل يوم يطلعوا علينا في الفضائيات ويقولون العمل السياسي مش عرفين نخشه والعمل الاجتماعي مش عرفين نكمله والعمل العسكري همي خيبنيين فيه
أمال انتوا بتعملوا أيه يا بهايم يا مغفلين أقدم واعرق حركة سياسية إسلامية في العالم العربي أديله اكتر من 70 سنه ولسه مش عارفه تعمل لها جناح عسكري ولا عارفه تعمل عمل سري ولا تشارك في السياسيه
والله العظيم هذه كرثة كبيره ومصيبه تودي في داهيه
اضحك على حركة ضحكت من جهلها الحركات
العرض ده مش مقياس لأى حاجه
كتير من شباب الاخوان بيلعبوا رياضه وبيشجعوا أخوانهم على ممارسة الرياضه
لكن عمرهم مابيستخدموا العنف ضد غيرهم
ممكن فى حالة الدفاع عن النفس لما الأمن بيدخل بلطجية يعتدوا على الأخوان
ممكن الحماس خدهم لكن فى الاول وألأخر دول طلبه بيسعوا للحريه ومش بيحرضوا على الرذيله وأرتكاب المعاصى
أنا فاكره أيام الجامعه الأمن مان بيشجع على أقامة حفلات رقص داخل مايسمى الحرم الجامعى (جامعة أسكندريه)
لكن بيرفضوا قيام الأخوان بندوه أو أنهم يشتركوا فى الأنتخابات
أنا فاكره منظر الأمن وقوات الكارتيه وهى بتسحل المحجبات والمنقبات داخل الحرم
وكان فيهم بنات معوقه
كانوا بيشدوهم من على الكراسى المتحركه بتاعتهم ويشدوا الخمار ويضربوهم بقسوه
أما الولاد فكان نصيبهم السجون
وصدقينى اللى بيظهر منهم تانى فى الغالب بيكون أتجنن أو أصيب بحالة نفسيه وأدمر مستقبله
لسه فاكره شكل الأهالى وهم بيدوروا على عيالهم وبناتهم ويومها هربنا من باب كلية أداب
الذاكره مليئه بالذكريات السيئه
ثانيآ برنامج العاشره مساء خرج عن مساره الطبيعى وأصبح برنامج غير حيادى
وتم أستخدامه لأغراض حكوميه وفقد مصداقيته
أنا ضد فرض الرأى وضد جمود الأخوان
فى أفكارهم
لكن فى النهايه أرفع القبعه لكل مصرى شريف يقف فى مواجهة كبت الحريات وينزع عن نفسه الخوف ويعرض نفسه للخطر من أجل مايؤمن به
أرجو من مكانى هذا سرعة الأفراج عن أبنائنا حرصآ على مستقبلهم
ومن أجل أمهات مكلومات وأباء مكلومين
وأرجو من الساده المعلقين أن يواجهوا أنفسهم بشرف هل يستطيعوا أن يعبروا عن رأيهم كما يعبر شباب الاخوان عن رأيهم رغم التنكيل بهم
أم سنهاجم شباب مؤمن بقضيه لمجرد أختلافنا معهم
يكفى الأجواء الفاسده التى نعيشها
ولا داعى أن نتكالب على بعضنا البعض
نحن فى زمن الشرطه تحكم الشعب
وسلطتها هى الأولى
فلاداعى لأن نحاكم بعضنا لأختلاف التوجهات الفكريه
خالص أحترامى للجميع
الأميره أوسه
أميرة مصر والكونغو سابقآ
المشكلة أن لو كان حد مثل هذا العرض من المسيحين مثلا فكانت الإخوان ستقوم ولن تقعد أبداً
أكره أن تتحول البلد لفصائل لأننا في النهاية من سيخسر
وأتمنى من الإخوان رد بمؤتمر صحفي فعلي يوضحون موقفهم هل هم مع حركة سياسة مدنية أم عسكرية
حتى لا نفاجئ بهم بعد فترة بعرض عسكري في الشارع مدججين بأسلحة
وحتى لا يصدق المثل القائل "سكتنا له دخل برشاشاته" يارب يكون ظني غلط
العزيزة سوسة
انا هتكلم وانا كلى اسف
كنت ايام دراستى احترم الاخوان وتهذبهم وترفعهم عن كل تفاهات
وكنت دائما بدون نقاش اعطيهم صوتى
حتى بدأت اقترب من فكرهم ومن تحكمهم الغير طبيعى الذى بدأ ياخذ اشكال مختلفة تحت مسمى من رأى منكم منكرا
ثم بدأت اتعمق معهم حتى صعقت من الافكار السطحية التى يعتنقها العديد منهم وكم العنف الداخلى المخيف
ولم افهم سر العنف فكلنا على نفس الارض ونعانى نفس المعاناه وهم يوجهون عنفهم ناحية من هم يعانون مثلهم
ثم تتابعت الاحداث التى بدأت من بعدها ارى فعل الاخوان وردود فعل الشعب وهالنى ان ارى التفكير يصل ببعضهم ان يستخدم هذه الوسيلة من استعراض العضلات
اهكذا يكون الفكر الاسلامى على يد الاخوان
اهكذا يكون الدين
لم يعد هناك الان العديد من الاختيارات والحقيقة ليس الان فقط لم يكن هناك من قبل اختيارات
تحياتى
بصي حضرتك 00من الآخر
الحكومة إرهابية والإخوان إرهابيين ومن يصفهم بغير ذلك فهو -مع احترامي- لا يفقه شيئا 00صدقيني إن من قال عنهم ماركوس-أو لينين -لا أذكر :هناك من يريدون أن يجعلوا الدين أفيون الشعوب 00صدقيني إنهم يريدون السلطة ويضحكون علينا وعلى الشباب المساكين الذي يظنون أنهم يخدمون وطنهم 0يعني عمل إيه الإتحاد الحر 00ولا حاجة 0احنا اهه طلبة طب طنطا عندنا ميت حاجة عايزة إصلاح الكمبيوتر والبروجكتور و0000و000و00
ومفيش حد بيعمل حاجة ولا حيعملوا حاجة 00لا اتحاد الجامعة ولا الإتحاد الحر 000ده ضحك على الدقوووووون واحنا بنجري وراهم عشان بس بنكره الحكومة 0هوا أنا حارق دمي في الجامعة حاجة غير الإخوان000ربنا يهديهم0
مفروسة
فى المصرى اليوم العدد 917 بتاريخ الاحد 17 ديسمبر 2006 مقالة تحليلية للدكتور حسن نافعة بعنوان الاخوان والدولة والاندفاع السريع نحو الهاوية
واللنك اهو ـ تحياتى
المصرى اليوم ـ دكتور حسن نافعة
بصراحة مالحقتش أقرأ كل التعليقات
ولكن
كما جاء في التعليقات الاولانية
ان
الموضوع
اعطيتيه اكبر من حجمه
الناس اعتذروا
الدنيا قامت عليهم
والحكومة زي ما تكون بتقول للناس
شوفا العصفورة
نروح احنا باصيين لفوق
ونقول
ينهار ابيض
العصفورة لابسه قناع اسود ، ده يصح،
معقول الكلام ده
في نفس الوقت تكون الحكومة مديانا لامواخذة ...
عصاية كبيرة من تحت
واهوه كله غلوشة على اللي بيحصل
واحدة مثقفة زيك يا سوسا
لازم تكون على قدر كبير من التحليل
والفهم
وتقدر الامور بقدرها
انا رايي ان العرض كان مقصود من طلبة هبل
قضيتهم كانت بدات تبقي قضية وطنية وبداوا ياخدوا تعاطف في كل الجامعات
مش اتحاد الازهر بس
لكن انا عاوز اروي وكازانوفا وعلي وعبد الله مفتاح يقروا بوست عندي اسمه راضي زمتكوا
Soussa excellent blog...my personal view that we should separate the state from the church as it has been done last century ,starting in France then followed by all Europe. Egypt should become a Laic country
السلام عليكم
بصى يا سوسه طلاب الازهر غلطوا ده اكيد وهما اعتذروا من اللى الناس فهمتو وقيادات الاخوان اعتذروا لكن ان يكون ده يكون فكر الجماعه اقولك لا هتقوليلى ويه الدليل اقولك الاخوان هيعملو ايه بالعنف هيعملوا انقلاب مش هينفع هيعملو شغب هيقبض عليهم ومش هيحصل حاجه هيعملوا ايه بيه لو فى سبب واحد للاستخدام العنف ياريت تقولو
ثانيا
طلبه الازهر عملو كده ليه
اقولك لان الامن قالهم هنجبلكو بلطجيه زى بتوع عين شمس فهما من غلط فى التفكير عندهم قالو نوريهم صمودنا وان احنا مش خايفين
ثانيا الطلبه دول ماذوش اى حد ولا ضربو حد ولا اتخانقو اما حكايه اللبس والاناشيد الحماسيه دى فعلا غلط منهم
والعرض العسكرى ده اتعمل زيوه قبل كده فى جامعه القاهره ايام بدء الانتفاضه التانيه ومحدش قال حاجه ولا قالو فى جيش عند الاخوان ولا اى حاجه وكانو طلبه كتير مشاركين فى العرض اما فى الازهر كانو هما عباره عن خمسه بس هما اللى بيعملو الحركات وكلها حركات تعبانه ولا تدل على تدريب ولا اى حاجه اى حد يعملها لكن طبعا الوقت دلوقتى فرق
ليه لان الاخوان دلوقتى قوه المعارضه الاولى على الساحه والاحزاب والحكومه والنظام مستنينها على الغلطه علشان يزيطوا ويشعلولوها ويقعدوا يالفوا ويضخمو وتيجى فى جرايد الحكومه اللى مبتجبش اى حاجه وفى روزا يوسف اللى كلنا طبعا عارفين سياستها وهى تبع مين وحتى شوبير اتكلم فى برنامج الكوره
والنظام مسكتش على كده كان عايز ياخد اكبر مكسب راح قبض على 180 طالب من المدينه واللى رئيس الجامعه راح يقولك خدوهم من المدينه وان ملوش دعوه وانوه كان ياخدوهم من اول السنه احسن فى رئيس جامعه يقول كده على طلبه عندو ويشبهم بخراف
مع علينا
وقبض كمان على نائب المرشد و20 من القيادات واساتذه الجامعه فى جامعه الازهر وقالو ضبطو فلوس ودولارات طبعا لازم يلاقو فلوس رايحين واخدين ناس من البيوت هيلاقوا ايه
وعلشان خيرت الشاطر نائب المرشد رجل اعمال كبير لازم يبقى عنده فلوس دولارات اما حكايه الاسلحه هما ملفقينها بلثلث والطلبه هتخلى اسلحه فى المدينه ازاى وهيعملو بيها ايه
وبعد اللى حصل ده كله لسه الناس والاعلام بيهاجم بعد ما الطلبه اتقبض عليها مش يعالجو المشكله بالعقل وطبعا النظام معندهوش عقل كلوه عنده امن وحبس
والطلبه دى مفكرو انه هيضيع مستقبلهم وانهم اوائل الكليات طب وهندسه
نفسى بس يا سوسه ويا كل واحد شك فى الاخوان بعد احداث الازهر يرجع يفكر بهدوء ويراجع نفسه ويفكر فى مصير الطلبه دى وميخليش وسائل الاعلام توشوش عليه
وسلاااااااااااام
بسم الله الرحمن الرحيم
أولا احب اقولك يا سوسة انى معجب جدا جدا بتفكيرك وعقلك وذكائك الخ الخ الخ....وكان نفسي من زمان اكتب لك تعليق بس ما سمحتش الظروف قبل كدة لكن دلوئتى لازم اقولها لك.
اعرفك بنفسي الأول..قارىء متعصب جدا لسوسة وشبه محب كمان يا ستى ومتصفح يومي لصفحتك على أمل ان تكوني قد كتبتي شيئا جديدا.
وبالاضافة لذلك فانا الأمين العام المساعد لاتحاد الطلاب الحر بكلية اللغات والترجمة جامعة الازهر.
اسمي احمد هندي....ومش اخوان عشان تكوني عارفة توجهاتي من البداية.
ياريت لو تسمحي لى احكي لك الموضوع من البداية.
البداية زي ماالكون كله عارف -واسألى مخلوقات كوكب زحل - ان طلاب الاخوان راحوا يسحبوا استمارات الاتحاد المعين لقوها ما بتتسحبش غير لاخواننا اياهم..طلاب الامن الحلوين الشاطرين اللى بكرة يطلعوا فى اعلانات جمعية جيل المستقبل بتاعة جيمي.هاجوا وعملوا اعتصامات ومظاهرات وافلامات وما من مجيب.قرروا يعملوا اتحاد حر وطبعا الحوار معروف.فى يوم الاتحاد الحر ده انا اتعرفت على حامد عبد السلام وهو شاب من الاخوان بس اعرفه انه محترم جدا من زمان وانه ملتزم وهادي كدة...كلمته وقلت له انا عندي خبرة فى حوارات الانتخابات دي وعايز ادخل الاتحاد الحر ده وياريت اترشح وكمان انا عضو سابق بحزب الغد وكفاية كمان يعني خبرة تمام فى مشاوير المظاهرات...رحب جدا وقال لى روح للجنة الترشيح وفعلا رشحت نفسي وعملت دعاية انتخابية ووزعت ورقة اسمها مشاكلنا هاسيبها لك كوبي وبيست هنا فى الموقع فى كومنت تاني..المهم الحمد لله الكلام خرج من قلبى ووصل لقلوب الشباب وساعة فرز الاصوات لقيت اكتسااااااح لاسمي واسم حامد فى انتخابات اللجنة الثقافية والدينية وبعدين عملنا تصويت على مين يكون الامين المساعد ومين يكون الامين وفاز حامد بالامين وبعدين فزت انا بالامين المساعد والقيت كلمة حلوة وحامد القى كلمة حلوة وانا شايف كاميرات حبايبنا الحلوين شغالة تمام وبتسجل وواحد تاني بيكتب الكلمة اللى قلتها املاء يعني العبد لله بأة على صفحات الجرائد-سورى على صفحات أمن الدلوة(استعارة من سوسة)..بعدها بيومين لقيت جواب طلب حضور لمجلس تأديب رحت وحضرت المجلس كان بصراحة فيه ارجل دكاترة فى الكلية وقعدنا اتكلمنا وفضفضت لهم عن كل مشاكل الطلبة وقالوا لى انت شاب مشرف ومحترم و وسيم وسمبتيك وابن حلال(لا لا دول من عندي)المهم رأفوا بحالنا وعجبهم منظرى فى البدلة الشيك والكرافتة البرتقالى-ابن ناس اوى- وادونا انذار وانتهى الموضوع بالنسبة لى لغاية كدة وقلت همارس نشاطى فى السر وتمضى الحياة والطلبة عارفين انا مين.
تاني يوم عرفت ان زمايلنا فى باقى الكليات اتفصلوا ولما قلنا لهم اننا مخدناش غير انذار مصدقوش لان كلهم -مع انهم مضوا على اقرار تنازل عن الكيان المسمى بالاتحاد الحر- الا ان كلهم صدرت لهم قرارات فصل شهر او اسبوعين وضاع عليهم العملي يا ولدي.
بداوا يعملوا مظاهرات واعتصامات من تاني عشان يرجعوا وكل ده واحمد الطيب ماشي بامر الأمن لدرجة ان الامن لما ضرب بنت فى المدينة الجامعية لجامعة الازهر بالشلوت وبالجزمة احمد الطيب ما اتدخلش الا لما الامن طلبه وقالوا له الطلاب هيدمروا المدينة الجامعية لو ما جيتش واعتذرت.
المهم سيبينا من الحقير ده....بعدها بكام يوم لقيت هشام-عصفورة امن الدولة اللى دايما قاعد على باب الكلية-جاي لى وبيقولى الباشا قائد الحرس بيقولك وصل لصحابك من الاخوان انهم لو ما لموش نفسهم هندخل لهم بلطجية باسلحة ومولوتوف جوة الجامعة وهنربيكم ونضربكم بالجزمة الخ الخ الخ)
ولما كلمت صحابي لقيت الكلام وصل لهم فى كل الكليات بنفس الطريقة....بعدها بيومين كان يوم الاعتصام الشهير والطلبة واقفين فى المدينة الجامعية مش ادام مكتب رئيس الجامعة كما يعلن ويذاع..وعاملين اعتصام مدته 6 ساعات ..واحنا واقفين لقينا بعض الاخوة بيقولوا عايزين نعمل اى حاجة يا اخواننا اى اكشن كدة عشان الناس ما تنامش فى الاعتصام فتقدم (واحد من الاخوان) وهو شاب ذكى ظريف لطيف الخ الخ الخ باقتراح انهم يعملوا استعراض زي بتوع حماس فى القدس ويعملوه كام واحد من تربية رياضية ويكون فيه كونغ فو او كاراتيه او اى منظر كدة يشد الطلاب ويقفوا يتفرجوا لان كله بيدخل اوضته من البرد...المهم فى خلال 5 دقايق كانت فيه الاقنعة اللى استخدموها فى استعراض السنين اللى فاتت فى مشاهد مسرحية عن حماس وكدة....جابوا الاقنعة وروابط صامدون والكلام ده وعملوا الاستعراض اللى طلع غبي اصلا لانهم مكانوش عارفين يعملوا الكاتا 1 و 2 اللى بيعملها اى واحد معاه حزام ابيض او اصفر فى الكاراتيه يا خالتي...المهم اللى حصل ان كان فيه صحفى من المصرى اليوم واقف وحب يعمل سبق صحفي قام خد الصور الجميلة وطبعا الشباب الازهرى الصعيدى او بتوع وجه بحرى بيفرحوا بالتصوير ويقولك واحد بيصور يا بوى والصور طلعت تاني يوم بالمشهد الجميل اللى شفتيه....بعدها الدنيا قامت طبعا والحاج شوبير بتاع الحزب الوطني ظبطها اكتر واكتر وعمك حمدي بتاع المصرى اليوم والحاج كرم جبر وطبعا الشيخ سيد اوكيه والدكتور احمد الشرير رئيس جامعة الازعر خدوا التعليمات الحلوة من الامن انكم افتحوا النار على الحوار ده....طبعا الغلطة الغبية اللى وقع فيها بعض الطلاب انهم ادعوا ان الموضوع ده كان بترتيب مسبق للرد على تهديدات الامن وادعوا انه كان استعراض للجان الردع النووى -اسف قصدى البشرى- لتهديدات الامن..كل ده زاد الطينة بلة وكمان عمو عاكف طلع قال ان ده مجرد اسكتش مسرحي -وهو فعلا الحقيقة-لكن هو جاب الكلام بصيغة تخلي اصغر عيل ميصدقوش ولولا انى شاهد عيان على الموضوع من الاول للاخر مكنتش صدقت اى حاجة....المهم بعدها كلنا توقعنا ان صهيب (الأمين العام للجامعة)يتفصل نهائى او حتى الامن يخطفه فقلنا له خلى بالك ومتنزلش لوحدك وتنزلوا من مبني الصفا جماعات ومتنزلوش تصلوا فى المسجد حتى...لكن اللى حصل كان فوق كل توقع...30 عربية امن مركزي واكتر من 1500 جندي هجموا علي الطلبة الساعة 2 بالليل ونزلوهم بهدوم النوم ومعصوبين العين كمان وخدوا كل فلوسهم وحاجاتهم ولفقوا لهم اسلحة وفلوس وكتب تنظيمية والغباء الحكومى طبعا خلاهم يلفقوا لهم 10شيكلات اسرائيلية يعني فيه تمويل صهيوني للاخوان يا ناس!!!!!!
المهم ان النار اتفتحت على الشباب دول وهم من احسن الناس...بجد الشاب منهم وشه منور من الصلاة وكلهم طلبة طب وصيدلة وهندسة ولغات وترجمة ومن احسن الناس...يبقى يتعمل فيهم كدة؟
انا لولا انى مناهض لفكر الاخوان من المبدأ ولكل فكر الجماعات عموما مع انى نفسي فيه-لكن الجماعات حرام شرعا وده موضوع تاني يا سوسة نبقى نتكلم فيه بعدين...لولا كدة كنت انضممت للاخوان لمجرد النكاية فى الحكومة العبيطة دي.
عموما للحديث بقية لكن انا حبيت أوضح لك الموضوع لان يصعب عليا ان كاتبتي المفضلة تكون الحقيقة متعمية عليها كدة وبعدين انا اقسم بالله العظيم ان شهادتي صدق وانى مش بحاول اجمل الامر من ناحية طلاب الاخوان لكن هى دي الحقيقة مجردة وانتى مواطنة حرة فى بلد حرة ولازم تعرفى الحقيقة الحرة.
والسلام على من اتبع الهدى
أو: بلاش الجملة الاخيرة دي لحسن تفتكريني من الاخوان يا ستى.
أقولك:وختاماً..لك ألف سلام (بتاعة عبد الحليم ولو انى مبحبوش)
سلام يا سوسة
بسم الله الرحمن الرحيم
مشاكلنا
مشكلتي اني بحب بلدي....بحبها اوى اوى بجنووووووون وبعشق كل ذرة من ترابها. بحب مصر وشعبها وبحب نيلها وكمان الكورنيش ووسط البلد. حاسس ان البلد دي ليها حق عليا ودين فى رقبتي لازم أرده لها. مش هقولك شعارات ولا هقولك كلام كبير ولا هانتقدك واقول انك –زي باقي شباب اليومين دول – أصبح عندك ضعف انتماء لوطنك وغياب تام عن الوعي بما يدور حولك والكلام ده.
لكن هاطلب منك تصدقني انى بحب بلدي...وتصدق ان فيه مصريين بيحبوا بلدهم زيي كمان وان فعلا فيه ناس كتيرة نفسها البلد تتصلح. مش حقيقي اننا بلد –زي ما بيحاولوا يفهمونا- مكونة من 70 مليون حرامي. أكيد فينا شرفاء والشرفاء كتير كمان وتلاقيهم فى كل مكان بس انت دور بعنيك كويس.
عايز اكلمك بأة عن حاجة تانية. اصل انا مقتنع ان البلد يعني الناس والشعب.مقتنع ان البلد يعني الغلابة والفقراء مش اصحاب مصانع الحديد وتوكيلات اديداس و فان هاوزن. وانطلاقا من قناعاتي الداخلية-شفت قناعاتي الداخلية دي؟ - قررت انى لازم اساعد الشعب المطحون اللى ليه عليا حق التعليم والدعم اللى انا عشت مرفه بيه طول حياتي.الشعب اللى علمني بفلوسه عشان اديله حقوقه عليا. ولما فكرت أبدأ منين احترت كتير اوى. يا ترى اذاكر واجتهد عشان اتخرج وافتح مصنع واتبرع للفقراء؟لا ما ينفعش!!! طيب اذاكر واجتهد عشان اتخرج وافتح مركز دروس خصوصية ببلاش واعلم الناس تاخد حقوقها ازاى؟برضة مينفعش...قعدت افكر لية ما ينفعش لية ما ينفعش؟ فى الاخر عرفت..لانى لما هاتخرج مش هاشتغل.
طيب ولية مش هاشتغل؟ كلام كتير اوى عن البطالة –مع ان موقعنا الجغرافي فى العالم ومواردنا الطبيعية وجونا ونيلنا وكل الكلام ده مش هيخلي فيه عاطل فى العالم كله- وكمان كلام عن الزيادة السكانية –كأنهم هنا ما بيشوفوش تجارب الهند والصين- وحوارات كتير عن ضعف نظام التعليم و عدم وجود اماكن بالجامعات وحكايات كتيرة كدة.
اذن لازم وحتما ولابد اننا ............. نتعلم كويس.
فكرت فى فكرة حلوة اوى اوى...انى اروح انصح الدكاترة فى كليتنا يمكن يكونوا مش واخدين بالهم انهم بيغيبوا كتير والطلبة مش بتستفيد...بيغيبوا كتير لدرجة ان بعضهم بيحضر محاضرة واحدة فى الترم كله وكلنا عارفينهم بس احنا اللى ساكتين....أو ....انى اشد حيلى واتعلم جامد جامد جامد عشان امسك دفعة تمهيدى او اولى فى الكلية واعلمهم كل اللى عرفته فى الكلية دي على مدار 5 سنين. أو انى اطلب من الكلية ينزلوا الكتب من أول يوم فى الدراسة زي كليات باقى البني ادمين اللى فى الدنيا.
اول دكتور بدات اكلمه فى موضوع الغياب هزأنى وطردني من مكتبه وقال لى مالكش دعوة بشغلي!!!!!
و لقيت نفسي لو لميت الطلبة عشان اديهم محاضرة او اشرح لهم حاجة ممكن الامن يمسكني ويقولى بتعمل تجمع غير قانونى لية؟!!!!!! واخيرا كلمت الكبار عشان ينزلوا الكتب وعدوني بدراسة الموضوع دراسة وافية والعمل على تحقيق أقصى مصلحة للطالب فى حدود المستطاع!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حاسس انى مخنوق...حاسس انى متكتف ومش عارف افيد اللى حواليا....وعارف ان الكل كدة وان فيه شباب كتير لولا ايمانه كان انتحر من زمان...طيب نعمل اية؟ عايز افيد الطلبة يا ناااااااااااااااس.
هتقولى يا عم خليك فى حالك وبلاش تعيش الوهم وتفتكر انك هتغير العالم..
اقولك النبي محمد – ما تصلي عليه يا عم – كان واحد وغير العالم فعلا!! وبلاش سلبية...انت لازم تكون ايجابي وتغير المنكر والا ما تبقاش مسلم يا عم الحاج.
هتقولى غير نفسك من جوه وبعد كدة لما كلنا هنتغير المجتمع يبقى يفوق......اقولك : ان الله ليزع بالسلطان مالا يزع بالقران......وبعدين نظرية غير نفسك دي انا مش بحبها بصراحة ولما غيرت نفسي حصل اية؟ برضة جزمتي الجديدة اتسرقت فى الجامع و كل حاجة غليت ومش عارف اجيب قاموس اذاكر منه وبعد التخرج مش هاعرف اجيب شقة اتجوز فيها لما صلحت نفسي لوحدي...بصراحة انا شايف انها سلبية مع احترامي للى بيقولوا كدة .
الحل اللى قدرت اوصل له : ادخل الاتحاد الحر...انضم لمجموعة شباب محترم عرف يغير نفسه واصبح ايجابي وعايز يغير من حواليه ويرفض نظرية الاستسلام....شباب رفض الظلم وعايز يعمل حاجة جديدة ويعلم الناس والشباب معنى الحرية والكرامة اللى بجد مش بتوع الخطب العنترية وكلام صدام و بشار .
من هنا...
ومن منطلق ان الجامعة الحرة هى التمهيد الحقيقي لوطن حر....
وبعيدا عن أى تعصب طائفى أو تيار فكرى...
قررت أرشح نفسي فى الاتحاد الحر..
بانتظار مشاركتكم لانجاح التجربة ولو هتصوتوا ضدى المهم تشاركوا بايجابية ....
يسرني ان اتقدم بخالص التهاني وأطيب التمنيات بمناسبة حلول عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير
الاخ الكريم
slamist Bloke
بجد ردك اسعدني بشكل لا يصدق
وكما يقول المثل
شهد شاهد من اهلها
على الله تكوني اقتنعتي يا سوسة
جزاك الله خيرا يا احمد
تسمحلي انقل التعليق بتاعك ده في البوست اللي عامله عندي ؟؟
بعد اذنك
وياسوسة
انتي فين ؟؟ مش بتردي على الناس ليه
لعل المانع خيرا
الاخوان لما لهم وما عليهم ما كانو حقهم يعملو هيك استعراض سخيف و منفر
يعني احنا طهقنا من حماس وغيرهم مت تحت راس هالاسترعراضات العنترية التي لا تسمن ولا تغني من جوع والي اشاعت ظاهرة القناع الاسود الي استخدم لاغتيالات شخصية وثأر عائلي هنا في فلسطين وفي غزة بالذات وكلو تحت اسم المقاومة
بعتقد انو جماعة معارضة الها وزنها بمصر مثل الاخوان مفروض تحكم منطق العقل وتتغاضى عن التشوف والعنترية الحمقاء
الاخ الكريم واحد من الناس
يا سيدي انقل وانشر وعيش حياتك تماما
feel urself at homeيعني
وبعدين انا والحمد لله شرفني القدر انى اكون شاهد عيان حاضر على حاجات كتيرة لو عايز شهادتي يعني
يعني كنت شاهد عيان على حياة أيمن نور من أول قضية التزوير اللى اتلفقت له وقيام حزب الغد وحملة الانتخابات الرئاسية برحلات المحافظات مع نور والانتخابات نفسها وما تبعها بسلبياتها وايجابياتها وانتخابات مجلس الشعب ومظاهرات كفاية والقضاة وكتير غيرها والحمد لله كنت عضو نشط فى بعض جبهات العمل الاسلامي من فبراير 2006 وفيه تحليلات وحوارات يعني لو عايز اى حاجة انا تحت امرك ويسعدني انى الاقي اصدقاء بلوجرز محترمين.
وفى انتظار تعليقات حضراتكم
وبالنسبة للمدونة بتاعتي معلش انا مش مهتم بيها اوى لان الاحداث كتيرة جدا وكل يوم اما مظاهرة او اعتصام او مذاكرة او حضور اما بجامعة الازهر او الجامعة الامريكية بالتحرير يعني مش لاقى وقت لمذاكرتى اصلا فبالتالي صعب انى ادون لكن انا ممكن انقل المنشورات اللى باكتبها واوزعها-ممكن انقلها كوبي وبيست على المدونة عندي وربنا يسهل ونلاقى وقت...واشكر جدا تفاعلك معايا يا جميل
والسلام على من اتبع الهدى
وياريت نسمع تعليق سوسة..
سلام
انا لا اري راي احمد المصري في ان هؤلاء شباب طايش
لان كل مصيبه بيعملها مجموعه من الشباب بيكون الرد الجاهز من بعض الجهات انهم مجرد شباب طايش
دائما بيكون هذا الرد هو المعد و الجاهز
لكنه اكيد لا يصلح
كل انسان مسؤل عن افعاله و طالما صارت له بطاقة شخصيه فقد اصبح بحكم القانون مسؤل عن افعاله
اعني ان الشباب عمل الاستعراض و هو يعي جيدا ما يفعله غير انهم ربما راوا ان الامن ساكت اذن الموضوع بسيط و هوب كان الامن مش ساكت ولكن كان ساكت الي حين فقط
كان ساكت لاجل دليل ادانه وفروه مجانا و دون جهد من الملفقين
كل سنه و انتي طيبه يا ست سوسه و كل سنه و انتم بخير جميعا
يا جماعة أعتذر على التأخير في الرد
لأن وصلة الإنترنت بتقع أكتر من 3-4 ساعات في اليوم و انا بصراحة غلبت منها ع الآخر
anonymous
يت عم و لا يهمك أقفل بقي و اخاف يعني؟
و بعدين انا عمري ما اهنت حد و المفروض ان المدونة دي هي فرصة أي حد يعبر عن رأيه في أي حاجة
مش ناقصة كبت حرية هنا كمان
ahmed shokeir
أنا على فكرة مش باتكلم عن الصحافة ..ماهي كده كده بتكتب و تذم في الإخوان
و لا باتكلم عن الإعتقالات..ما هي كده كده شغالة
بس باتكلم مثلا عن أعضاء المجلس الموقر اللي اتخضوا جدا من تصريحات روقة و ماحدش منهم اتخض من منظر زي الي شوفناه ده
كمان الناس في الشارع حاسة ان الموضوع مش فارق معاهم قوي
3ola
انا كمان اول ماشفت المشهد ده افتكرته من عندكوا
ربنا يستر علينا و عليكم
daktara
يا بختك انك لسه واثق
انا عن نفسي متلخبطة
مصري مغترب
نفس الإحساس بالصدمة اللي جالك جالي بالظبط
و نفس الأمل اللي كان جواك من ناحيتهم كان جوايا برده
و نفس اللخبطة هي هياها
بس في في ايدينا ايه نعمله عشان نفهم بجد؟
شور عليا
سمسم
مش مسألة كبرت الحكاية او ماكبرتهاش
أنا مش محللة الموقف دلوقتي سياسيا و باحاول أشوف دوافع و مبررات
انا باعبر بصدق عن إحساس الصدمة اللي جالي
و الحكومة عندها حق و لو ماكانتش استغلت الموقف ده
دول يبقوا هبل و برياله كمان
إني راحلة
فعلا كان املي كبير في الإخوان كأكبر كتلة معارضة منظمة
لكن دلوقتي بصراحة كل يوم بيخوفوني أكتر من اللي قبله
islamz
وجهة نظرنا متشابهة
انا كمان كنت بانتخبهم نكاية في الحكومة
مش عارفة في الإنتخابات اللي جاية أدي صوتي لمين ساعتها
شكلي هابوظ الصوت و أخرج زي مابابا ساعات بيعمل
anonymous-2
فعلا عدم وضوح كلام و تصريحات الإخوان في كثير من الأحيان
بيخوف ناس كتير منهم
انا شخصيا كنت حاسة ان الإعلام ظالمهم لكن دلوقت.....بصراحة بدأت أخاف
gid-do-جدو
كلامك تماما يا جدو
بصراحة انا نفسي نبقى زي اليهود بس في الحتة دي
تحس انهم كلهم قلبهم على بلدهم و بيشتغلوا على مدى أجيال لتحقيق هدف معين أما احنا فاكتر خطة على مدى بعيد ممكن نحطها هي الخطة الخمسية و ياريتها بتنفع
و كل واحد بيشتغل عشان مصلحته و بس
و لو قلت لحد .مصلحة البلد..يضحك عليك و يعتبرك مسطول
يبقى لازم هيجي يوم و هنمسك في بعض
يا سلام ايه الفرصه السعيده دي سوسه علي الخط في نفس اللحظه اللي باسجل فيها
اني اذا لسعيد
كلسنه و انتي طيبه
Islamist Bloke اخي الكريم
تحياتي اليك
وانا هحط المشاركة بتاعتك في البوست عندي عشان انشرها بين اكبر قدر من الناس
وربنا يعينك على المذاكرة وعلى تدبر شئون الحياة
وتحياتي ليك اخي الكريم
وياريت نبقى اصدقاء
ده ايميلي
bloza4bloza@hotmail.com
الحكومة المصرية كل ما حد يعمل مصيبة تقولك ده مختل عقليا... ودلوقتي الإخوان يقلولك دول شباب صغير بلا خبرة وأخطاء.
طب الشباب الصغير ده مش يقدر يقوم بأعمال عنف ولا لسة صغير برده!
لو حد شايفهم صغيربن يبقى الستين واحد اللي بيموتوا في العراق كل يوم ضحية لطيش شوية عيال صغيرين وكذلك فلسطين والسودان والصومال.
لا يمكن السكوت على إرهاب الأخر وبلاش تخفيف للأمور لو كان ده فعلا إستعراض رياضي كانوا لبسوا ملابس رياضة أو كشفوا وجوههم... بالنسبة لإدعاء أن هذه كانت فكرة وليدة اللحظة فكيف بالله عليكم كل المشاركين لابسين أسود في أسود.
بلاش إستخفاف بعقولنا الله يرضى عليكم وكمان ماحدش لفق للإخوان الصور ولا تاريخهم خالي من العنف عشان نميل لتصديقهم.
الإغتيالات التي قام بها الإخوان معروفة للجميع من إنشاء الجماعة وتصريح حسن البنا ساعتها بأنهم ليسوا إخوان ولا مسلمين لم يمنع توالي الإغتيالات .. فهل تصريح عاكف اليوم بأن ده كان إسكتش سوف يوقف عنف الجماعة.
لك الله يا حريات ولك الله يا مصر
فعلا كلام احمس صحيح و انا اوافق عليه .الشباب لاهو طايش و لا هو صغير
و الافعال دي مدبره و مخطط لها بصوره جماعيه قبلها بمده
فعلا لماذا لم يرتدوا الازياء الرياضيه في عرض رياضي كما يقولون؟
و لماذا هذه الصوره الكئيبه التي لن تفيدهم و لن تزيد صورتهم الا تشويها؟
العيب مش عليك يا اللي إسمك خليفة العيب على اللي جابلك كمبيوتر وحاول يخليك بني أدم إنما إنت إثبات حي لأن الإنسان في مرحلة ما يدنو بمستواه عن الحيوان.
معلش يا سوسة
فاكرة فيلم نجيب الريحاني لما الراجل قال
لو كل كلب عوى ألقمته حجراً لصار الحجر مثقاله بدينار
احسن حاجة انك مسحتي كلام خليفة ده
انا مشفتوش صراحة
بس ايد كان شتايم
والشتيمة على النت معناها ان موقفك ضعيف
زي بالظبط اللي بيعلي صوته اثناء النقاشات
ده دليل على ضعف الحجة
شكرا يا سوسة
انا سايب التعليقات اقل من سبعين امس
ارجع الاقيها اكثر من 80 في اقل من يوم انا طبعا استغربت ففوجئت ان اغلبها ملغي
هل كل التعليقات الملغيه للخليفه؟الظاهر كده
علي العموم انا لم اري شيء و كما قال احمس الحق علي اللي جاب له كمبيوتر و حاول يعمل منه بني ادم
للجميع خالص التهاني بمناسبة العيدين
و لسوسه التحيات الخاصه و ارق التهاني
اولا دى اول مره ليا اعلق بس مش اول مره اقرا
بصى ياستى
انا كنت فى كليه تجاره جامعه بنى سويف دلوقتى واحب اقولك ان العروض اللى زى كده كانوا كتير جدا وبيبقوا اكتر من واحد فى الترم الواحد ومظاهرات ومعارض وكل اللى قلبك يحبه بتنظيم من الاخوان ومشاركه من الطلبه المقتنعين بالقضيه سبب المظاهره ومش شرط يكون اقتناعهم بفكر الاخوان عموما
واقولك بقى كمان اننا لحد دلوقتى اعلام امريكا واسرائيل مرسومين على الارض عندنا فى الكليه بندوس عليهم كل يوم رايحين جايين
ومش كانوا بيعملوا عرض كونغ فو وبس وكمان كانوا بيعملوا نعش وهمى ويحطوا جواه طالب كانه واحد منش هداء الانتفاضه...وكانوا بيعملوا ماكيتات لصاوريخ بدائيه ولا حد كان بيقربلهم
بالعكس كان بيتقبض عليهم قبل الدراسه بدون سبب ومن غير مايعملوا اى حاجه
انا مش اخوانيه بس اهل مامتى منهم وابن خالى كان بيتقبض عليه قبل كل سنه ويقعد فى مزرعه طره لحد قبل الامتحانات بشهر ويسيبوه مع التشديد انه يبطل ينظم مظاهرات ومامته تبطل دروس فى المساجد
الموضوع فعلا مش جديد وفعلا ملوش علاقه بمليشيات او جناح عسكرى...لو كانوا فعلا عايزين يعملوا كده ما كانوا عملوا من زمان على الاقل الشارع دلوقتى اكسبهم شرعيه اكتر من قبل كده والناس بقت بتتعامل معاهم مش بخوف زى ما انتى شايفه
المهم ده رايك طبعا ويحترم
slamist Bloke
بارك الله فيك واكثر من امثالك
سيبو الاخوان في حالهم
مش همه اللي هيخربوها يعني
لما نبقى نحاكم كل واحد بيغلط نبقى نمسك لهم على الغلطه
بصراحه :) مقال فهمي هويدي كان جايب مالآخر .. إقرئيه هيعجبك اوي
amr ahmed
أولا انا في الخدمة
موضوع الحيرة فعلا بأه منتشر
بس بصراحة انا قريب جدا اتعاملت مع واحد إخواني مع واحد إخواني طلع انسان سئ جدا
بس برضه مش عايزة أعمم
بس بصراحة
قلقت
mohamed a. ghaffar
ما عاش اللي يقول عليك صغير
كل واحد من حقه يبقاله رأي
بس انا معاك ..الموضوع ملخفن قوي
anonymous
يا عم هو انا قلتلك اني فاهمة حاجة
انا باعترف اني مش فاهمه اللي بيحصل ده بيحصل ليه؟ و الهدف منه أيه
و هو ده اللي مخوفني ..ان انا مش فامه
كركوبة
شكرا ليكي على التوضيح
بس يعني انتي مش محتاجه تشرحيلي تصرفات الأمن في المظاهرات و تعاملهم مع أي حد بيتظاهر حتى لو كان بيهتف يعيش حسني مبارك
مظاهرة ..دوس على طول
و موضوع التصوير ده ..بصراحة طلعوا أذكيا فيه
دول لو ماكانوش استغلوا الموضوع ده ..دول كانوا يبقوا من كوكب تاني يا بنتي
الدور و الباقي على اللي اداهم الفرصة دي
ذو النون المصري
ايه يا عم ...ربنا مايجعلنا جار و له عينين
تصدق فعلا لو ظهرت حركة معارضه أخرى هتتحل المشكلة
يعني دلوقتي الواحد صعبان عليه انه يعارضهم او يغلطهم لأنهم قوة المعارضة الوحيدة اللي ليها وجود على الساحة
الأغنية يا سيدي و الله انا جايباها بس عشان خاطرك
اسمعها لو حدها الأول و بعدين ابقى اطفي السماعة و انت بتقرأ البوست
أحمد المصري
مش عارفة يا أخ أحمد
انا اللي اعرفة عن الإخوان انهم مايقدروش يعملوا حركة زي دي من غير اذن حد من قياداتهم
اما عن الغباء السياسي
مش عارفة و الله و مش عايزة أفسر تفسير يعبر عن سوء نيتي كأن تكون القيادات بتتعمد التضحية بسجن شباب زي دول في وقت حرج قبل الغمتحانات لتستدر عطف الناس ..و لكن السحر انقلب على الساحر
و الناس خافت بدل ماتتعاطف
مش عايزة أقولها كده ..بس مش عارفة بتزن غصب عني جوا دماغي
كازانوفا
بتتنحنح ليه يا كازانوفا..ادخل بثقة كده ..بيتك و مطرحك
ما حدش مختلف ان الأمن زودها و لفقلهم حاجات ..زي الفلوس الإسرائيلية دي
أهي حاجة من غباء الداخلية المعروف
بس عرض فني؟..مش عارفة يا كازانوفا..أنا عن نفسي إتخضيت من مناظرهم
sharkawoo
زي ماقلت قبل كده
مايتهيأليش بيعملوا حاجة من غير إذن القيادات
لو عندك معلومات تانية يا ريت تفيدني بيها
واحد من الناس
أنا جيت و علقت
يا رب تفهم انا أقصد ايه
elkamhawi
طيب
إخواني من الإسكندرية
و الله يا عم كنا معاكوا قلبا و قالبا
أنا المدينة اللي عايشه فيها بقالها 5 دورات في مجلس الشعب مابتنجحش غير الإخوان و المستقلين و بس
و عارفين ان الطلبة بتوع الإتحاد الحر اتظلموا و اعتقلوا بدون وجه حق
و كلنا بندعوا للإفراج عنهم
لكن انتوا كشباب الإخوان و اللي بتشيلوا مسؤلية وجود قوة معارضة ضاغطة
لازم يبقى فيه اتزان في مواقفكم و تصرفاتكم
لأن تصرفات زي دي مهما تحاولوا تشرحوا للناس برائتها
لكن خوف الناس الأكبر من الإنفلات الأمني و العودة لدوامة الإرهاب
هتخلي الناس دايما متحفزين لعروض زي دي و هيخافوا منكم و بكل تصرف غير حكيم زي ده
بتخسروا كل يوم ناس كانوا متعاطفين معاكوا
عبدالله مفتاح
و الله يا عبدالله و لا ليك عليا حلفان
البوست ده انا كاتباه بتأثير الصدمة فقط
انا عارفة موضوع الغتحاد الحر و متعاطفة جدا مع المعتقلين منه
و عارفة ان الطلاب دول كانوا بيتظاهروا عشان زمايلهم
لكن و الله ماقريت تحقيقات صحفية عن الموضوع ده
لأني عارفة ضمنيا الصحافة هتتناول الموضوع ازاي و الحكومة هتستغله ازاي
انا باعبرلكم عن صدمتي الشخصية و خوفي من المستقبل
و هلعي بعد رؤية هذا الفيديو بدون مشاهدة أي برامج تنتقده او قراءة مقالات بتقوم الناس عليهم
شكلهممممم يررررررعب
حتى لو مابيعرفوش يعملوا كاتا زي مابيقولوا
بس منظر لبسهم و الأغاني بتاعهم بصراحة ادتني احساس اننا داخلين على حرب أهلية
yasser
أولا ماحدش أثر عليا
ثانيا وابور ايه يا عم الحاج؟
و بعدين بتتعب اعصابك ليه؟
بلاش يا عم تعلق لو الموضوع منرفزك أوي كده
إحنا يهمنا أعصابك برضه
المرة الجاية هتقوللي انتي اللي حرضتي الإخوان عشان تزودي التعليقات
ههههه
و النبي انت عسل
أروى
انتي وحشاني أكتر و الله
على فكرة ساعات باجي عندك و آجي اسيب تعليق مابعرفش
مش عارفة المشكلة فين
anonymous
كلامك يحمل الكثير من المنطق
مع اعتراضي على الشتيمة في الجزء الأخير
aoossa
حلاوتك في الجد يا جميل
بصي يا ستي يا أميرة لكونغو...سابقا
ماحدش يتهيألي مختلف انه المن بيسحل الشباب في المظاهرات و بيبهدلوا البنات كمان
و ماحدش برضه معترض اننا بنطالب بالإفراج عن المعتقلين
و مافيش حد -عاقل- مابيتمناش اختفاء قانون الطوارئ
كلنا متفقين على كده و مايتهيأليش حد معترض
حائر في دنيا الله
أييييييييووووووووووه
جبت المفييييد
لو كان العرض ده من مجموعة مسيحيين ماكانش الإخوان هيسكتولهم أببببدا
و توضيح المواقف ..هو فعلا الخطوة المنطقية الوحيدة اللي ممكن يصلح الصور المهزوزة
tota
الحقيقة أنا برضه ليا تجربة زي اللي بتقوليها دي
بس انا بدأت بالشك فيهم و عدم الوثوق بهم
و بعدين بدأت أتحمس لهم لأنهم القوة المعارضة الواحده
و بعدين بصراحة قابلت نماذج منهم كتير أفقدتني الثقة فيهم كلهم
منه واحد عندي في الشغل أقل مايقال عنه انه بني آدم زبالة
و أكتر حاجة تقرف فيه
انه بيستخدم الدين و يغير الحقايق باسم الدين لغاية مايوصل لهدفه اللي بيبقى مجرد هدف شخصي و بيغتصب حقوق الناس بإسم الدين
بس رجعت أقول أكيد مش كلهم
بس دلوقتي بدات بجد أشك في حكمتهم و اتزانهم و دوافعهم
مش عارفه الستقبل هيبقى فيه ايه
د.أحمد المصري
جبت ضلفها انت و لميت الكراسي و قفلت المحل
دول إرهابيين و دول إرهابيين
طب قوللي شايف ايه الحل؟
يا سلام تاني مره الساعه 1و40دقيقه سوسه في ناحيه بترد وانا عمال اقرا التعليقات في نفس الوقت
نفسي المره الجايه في الجايزه
المشكلة إن مفيش حل مع الإتنين..إرهاب الإخوان إرهاب فكري بالدرجة الأولى وليس عسكري ..الإتنين غلط ومش هما الحل الإتنين بيضحكوا علينا وبيستخفوا بعقولنا ..بس الوطني مكشوفة عنده شوية ..الحل في البلد دي حل واحد..التربية..التربية..التربية...
الكلمة كبيرة أوي وصعبة التنفيذ ..محتاجين خطة تربوية طويلة المدى لينا كشباب ..خطة أخلاقية بالمقام الأول ..مش كه ولا إيه؟
قوليها ..عندك حق..انقلب السحر على الساحر والناس خافت بدل ماتتعاطف..
إخوان مين دول اللي جايين يعملوا إصلاح؟
مع تحياتي..
والسلام عليكم.
نسيب مين في حالهم ياعم طنطاوي ..
أيوه هما اللي حيخربوها ..هما والوطني وسكوتنا على الغلط..مش كده ولا إيه؟
صحيح التربيه ثم التربيه ثم التربيه الي مالا نهايه
لكن يا اخي التربيه دي سكتها طويله انا معك انها هي الحل الامثل لكن نحن في حاجه لحل لا يحتاج لمدي زمني كبير جدا و التربيه محتاجه اجيال و نحن لسنا نطيق الوضع القائم لهذه المده
انت معي و لا لا؟
انا شايف مره تانيه ان الحل هو قيام حركة ضباط احرار جدتعيد الامور الي نصابها
الضباط الاحرار همالحل
انا فتحت علي الجوجل منذ قليل علي (موسيقي تصويريه)و كانت اول نتيجه عمر خيرت باسمع حاليا موسيقي بانوراما حرب اكتوبر
ياريت تسمعوها الان
الموسيقي العسكريه لعمر خيرت اكثر من رائعه
الضباط الاحرار هم الامل
انا خايف ان ننتظر كمن ينتظر جوو الذي لا ياتي ابدا
جودو الذي لا ياتي ابدا
الموسيقي العسكريه لخيرت بتحسسنس ان لسه فيه امل لكن هو فين هو موجود لكن العيب فينا مش شايفينه
اني لاسمع وقع الخيل في اذني و ابصر الزمن الموعود يقترب
يا سوسة انتى لية مش رديتي على تعليقى على الموضوع؟
انتي بطيئة جدا لية كدة يا بنتي؟
عايز ردك وياريت تتابعيني فى مدونتي لانى - والحمد لله- اخيرا قعدت كتبت الحوار كله واتمنى انك تقرأيه..وشكرا لاهتمامك
islamist bloke
لماذا الظن السىء بقادة الاخوان ومعظمهم قضى سنوات عديدة بالمعتقلات ولا أظنهم يتعمدون الزج بالطلبة فى أعمال تنتهى بهم لما هم فيه الأن. أيضا لايجب تجاهل أن عدد لابأس به من قادة الاخوان تم القبض عليه فى هذه الحركة الامنية الاخيرة بل وتم اغلاق أماكن عمل خاصة برجال أعمال ينتمون للاخوان. أنا لم أتعامل مع الاخوان ولاأعرف احد منهم وباتالى لاأستطيع أن اتهمهم بفساد او ان امتدحهم وان كنت اتوسم فيهم خيرا ان شاء الله. المشكلة فى تصورى ان الوضع العام فى مصر - اقتصادى ثقافى تعليمى دينى سياسى أمنى ....... - يرثى له وقد يؤدى الى مصائب ان لم يتداركنا الله بعفوه ورحمته. طلبة تصرفوا بصورة غير مناسبة واعتذروا عن ذلك ولكن النظام - وجزء كبير من المجتمع - لايريد ان يلتمس لهم اى عذر بل ويتشفى فيهم رئيس جامعتهم بصروة مرضية وكان من الابدى توجيه النصح لهم فهم لم يرتكبوا جريمة يعاقب عليها القانون . اللهم فك اسرهم وكل المسجونين ظلما من عبادك واكسر شوكة كل متكبر جبار لا يخشاك فى عبادك.
يا ريت يا اساتذه حد فيكم يساعدني في حل المشكله دي
انا مؤخرا بدات في عمل قائمه باسماء المدونين علي مدونتي و اضفت سوسه كتجربه لكن لما بافتح منها بيفتح علي مدونتي انا برضه يا ريت اعرف السبب علشان القائمه تتم
و للجميع خالص احترامي
و كل عام انتم بخير
السلام عليكم
لقيت نفسي قاعد فاضي شوية قلت اكتب كومنت هنا ومحتار اكتب اية......قلت اقولكم مية مسة
التوقيع
شاب مسلم
مقالة مهمة بخصوص الموضوع المطروح:
http://www.almesryoon.com/ShowDetailsC.asp?NewID=28502&Page=1
السلام عليكم
هنا
http://sayed-yusuf00.maktoobblog.com/?post=170938
لطالما اختلفت مع اخواني من الاخوان المسلمين لساعلت وقد تطول المناقشات لكن يوما ما....
لم ....
لم أخش علي حياتي منهم
هم لايملكون 750000 جندي امن مركزي
لايملكون جيش مستعد للتدخل
لايملكون اعلاما منافقا
لايملكون اموالا سرقوها من دم الشعب
لايملكون الا قلوبا ادعوا الله ان يبارك فيها ويهديها احسن السبيل
اللهم فك اسر طلاب جامعة الازهر جميعا من ايدي الطواغيت الظالمين
هنا نقاش اتمني ان تشاركينا فيه
http://talebteb.blogspot.com/2006/12/blog-post_28.html
دسوقي
قصيده عن الحج من شعر ابي نواس هديه لسوسه المفروسه هانم خاصة و لباقي المدونين بصفه عامه
--------------------------------------------------------------------الهنا ما اعدلك
مليك كل من ملك
..................................
لبيك قد لبيت لك
لبيك ان الحمد لك
..................................
و الملك لا شريك لك
ما خاب عبد سالك
..................................
انت له حيث سلك
لولاك يارب هلك
..................................
لبيك ان الحمد لك
و الملك لا شريك لك
..................................
كل نبي و ملك
و كل من اهل لك
..................................
و كل عبد سالك
سبح او لبي فلك
..................................
لبيك ان الحمدلك
و الملك لا شريك لك
..................................
و الليل لما ان حلك
و السابحات في الفلك
..................................
علي مجاري المنسلك
لبيك ان الحمد لك
..................................
و الملك لا شريك لك
يا خاطئا ما اغفلك
..................................
اعمل و بادر اجلك
و اختم بخير عملك
..................................
لبيك ان الحمد لك
و الملك لا شريك لك
--------------------------------------------------------------------
قصيده عن الحج من شعر ابي نواس هديه لسوسه المفروسه هانم خاصة و لباقي المدونين بصفه عامه
--------------------------------------------------------------------الهنا ما اعدلك
مليك كل من ملك
..................................
لبيك قد لبيت لك
لبيك ان الحمد لك
..................................
و الملك لا شريك لك
ما خاب عبد سالك
..................................
انت له حيث سلك
لولاك يارب هلك
..................................
لبيك ان الحمد لك
و الملك لا شريك لك
..................................
كل نبي و ملك
و كل من اهل لك
..................................
و كل عبد سالك
سبح او لبي فلك
..................................
لبيك ان الحمدلك
و الملك لا شريك لك
..................................
و الليل لما ان حلك
و السابحات في الفلك
..................................
علي مجاري المنسلك
لبيك ان الحمد لك
..................................
و الملك لا شريك لك
يا خاطئا ما اغفلك
..................................
اعمل و بادر اجلك
و اختم بخير عملك
..................................
لبيك ان الحمد لك
و الملك لا شريك لك
--------------------------------------------------------------------
سوسة
عايزة اقولك كل سنة وانت طيبة ومش عارفة
ذو النون واخد كل التعليقات لحسابة ومش عارفة الاقى حتة فاضية اكتب فيها
بس ما ينفعش مقولكيش عيد سعيد ليكى ولاسرتك ولاحبائك
تحياتى
العزيزه توتا انا سايب حته فاضيه يا دوب تلحقي تعلقي و تهني سوسه بالعيد
و كل سنه و انت طيبه
سوسه اختي بتهنيكي بمناسبة العيد ووصتني مخصوص بتوصيل التهنئه
هي اسمها مني
انتي متحامله عليهم اوي
ياستي غلطه ومش معناها انهم قوه عسكريه انما شباب طايش وبلاش نكبر حكم الموضوع
وله نهايه
نحن دائما اذا اخطا شاب من الشباب نبرر خطاه و نقول شباب طايش اعتقد ان هذا المبرر يجب نسفه لان المبرر نفسه الشباب نفسهم بيطالبوا بنسفه اذا كان هناك حوارا عن حقوقهم باعتبار ان الكبار او العواجيز المسيطرين علي مناصب الدوله هم دائما اصحاب هذه المقوله بغرض ابعادنا عن تحقيق زواتنا و نيل حقوقنا كباقي شباب العالم
الي متي سيظل الشباب المصري شباب طايش؟
سوسة انت فين يا بنتي كل سنة وانت طيبة :))
كل سنة وانتى طيبة يا سوسةةةةةةةةةة
يلا اظهرى بقى
:D
انا كل ما افتح المدونه ابدا بيكي يا ست سوسه هانم كل ملاقي رقم التعليقات زاد افتح فورا اقول اكيد المره دي سوسه هي اللي بتتكلم
و يطلع مدون من الزملاء
سويدي غايب من مده
و اهو ظهر
..................................
كل سنه و انتي طيبه
يا جماعة أولا كل سنة و انتوا طيبين
ثانيا آسفة جدا جدا على التخير
الحكاية و مافيها اننا عزلنا من بيتنا القديم و رحنا بيت جديد
و انت عارفين القلبة بتاعة النقل
حاجات بتتعبى في كراتين و حاجات بتتفضى و حاجات بتتصلح و حاجات بتتشحت و حاجات جديدة بتتعمل و بعدين نرجع نرص كل اللي شيلناه و هييييصة
gid-do-جدو
شكرا ليك يا جدو ..مقال مفيد جدا
أكتب بالرصاص
انا ماقصدتش أدي الموضوع أكبر من حجمه بس انا بخاف يكون ده قمة جبل التلج
3rby
للأسف بعد ماكان ناس كتير متعاطفه خسروا ناس كتير بتصرف غير حكيم زي ده
hami
صعب من وجهة نظري الفصل الكامل بين الدين و الدولة في بلد زي مصر معظم اهله من المسلمين و المسيحيين يحتل الدين جزء كبير من حياتهم و ثقافتهم
fnan_geology
و عشان الإخوان قوة المعارضة الوحيدة الباقية
و عشان معروف بالنسبة ليهم و لكل الناس ان الحكومة بتتلككلهم
و عشان عارفين ان الشعب المصري بطبيعته عاطفي و بيحكم اولا بمشاعره و بعدين عقله
يبقى لازم أولا يبقوا واضحين في تصرفاتهم
ثانيا يبقوا على قدر المسؤلية و يتصرفوا بحكمة اكتر من كده
islamist bloke
اولا أنا عايزة أقولك ان ضميري كان بيأنبني طول الأيام اللي فاتت دي اني متأخرة في الرد عليك
لأنك فعلا حكيت الموضوع بتفاصيل التفاصيل و من وجهة نظر تعتبر الي حد ما حيادية
و اشكرك جدا على كلامك الجميل و اتمنى ان كتاباتي دايما تبقى عند حسن ظنك و ظن المتابعين للبلوج
كلامك اللي انت قلته في الورقة بتاع مشاكلنا دي كلام جميل و مهم و أجمل حاجه فيه انه واقعي
أهداف محدده وواضحة و ممكن تتحقق بشوية جهد
و هي دي مشكلتنا عموما مع جماعة الإخوان
يعني مافيش وضوح قوي في الأهداف
يعني انت هتحكم بشريعة الله و سنة رسوله
ماشي كلام جميل بس فيه حاجات كتير قوي مش واضحة..بس ده موضوع تاني و موضوع كبير نتكلم فيه بعدين
أنا على فكرة عارفة تفاصيل كتير من اللي انت قلتها
عن منع الطلبة المنتمين للإخوان من الترشح و اعتقال الطلبة المنتخبين في الإتحاد الحر و حتى الإعتقالات اللي حصلت بعد العرض ده كمان عارفاها و معترضة على كل ده
لا يمكن حد يوافق على اعتقال طلبة على وش امتحانات خصوصا انهم ما أذوش حد و لا كسروا حاجه
و كان اولى ببتوع الأمن انهم يفرقوا المظاهرة دي من أولها بدل مايسيبوهم للآخر و بعدين يعتقلوهم
ده المنطق...لكن طبعا الحكومة مالهاش دعوة بالنطق..هي شافت شوية طلبة بيتصرفوا بتصرف غبي هيفيد الحكومة فكان لازم يصوروا و ينشروا و ياخدوا بنط على قفاهم
انا ماختلفتش معاك في كلامك ..و لا انا بقول ان الطلبة دي لازم تتحط في السجون
كل اللي انا قلته في البوست ان المنظر اللي انا شفته في فيديو المظاهرة
دق ناقوس الخطر جوا راسي ووقفت مع نفسي وقفة تفكير و لقيت نفسي خايفة من المستقبل ..خايفة من الإخوان عموما
لأني زي ناس كتير كنت معاهم بس نكاية في الحكومة لكن دلوقتي حسيت اني مش فاهماهم و لا فاهمه حاجات كتير
بس انا اوعدك اني على قدر امكانياتي هحاول أفهم
يمكن أطمئن و يمكن أخاف أكتر
ربنا وحده العالم
تحياتي
يا مصر أكتب اليكي رسائلي
كل سنة و انت و الأسرة الكريمة بخير
واحد من الناس
طبعا شكرا ل أحمد هندي
بس دي أصلا ماكانتش نقطة خلاف
ahmoss
ماي نفعش واحد يبقى منتمي لحزب أو جماعة و بيعتقل كل يوم و التاني بسبب أفكارة و معتقداته
و بعدين يقول على نفسه صغير
الا اذا فحوا في الاحزاب و الجماعات فصل كي جي وان
ذو النون المصري
موضوع مرتب او غير مرتب مش مهم المهم دول ناس مسؤله عن أعمالهم
ahmoss
شكر ليك يا أحمس
بس هو مايستحقش انك حتى تضيع وقت و ترد عليه
واحد من الناس
الشتيمة ماكانتش بسبب البوست زي مانت فاكر
هو واحد كل شوية يعدي في بعض المدونات و يكتب شتايم سافلة
و بيستخدم اسم او عنوان بلوج وائل عباس
هنعمل ايه ..للأسف مافيش في ادينا غير اننا نمسح الكومن و خلاص
rony
التحية ليكي و ياريت ماتحرمنيش من تعليقاتك
بعد الإخوان ماكتسبوا شبه شرعية في الشارع المصري زي مابتقولي
لازم تصرفاتهم تبقى أكبر من كده
و لازم كمان يبقوا واضحين في تصرفاتهم
و لازم يحافظوا على الرصيد اللي بقى عند الناس و مايخسرهوش من خلال التلويح باستخدام العنف لأن العنف مش هيحل مشكلة
dr.tantawy
ماقدرش أسيب الإخوان في حالهم لأنهم بالنسبة لي كانوا المل اللي في التغيير
و مش عشان مش قادرة أحاكم الحاضر يبقى أطنش كمان ع المستقبل
د.أحمد المصري
التربية اللي تربي الناس صح لازم يبقى اللي بينفذها ناس اتربوا أصلا صح
يبقى البيضة الأول و الا الفرخة
فاقد الشئ لا يعطيه
ذو النون المصري
ده فيلم ايه ده
و بعدين وقع خيل ايه؟
ده رد قلبي و الا الناصر صلاح الدين
انت من رأيك الجيش هو الحل؟
بصراحة مش عارفه اذا كان أصلا فيه حل
medhat
موضوع التماس العذر للطلبة أو للإخوان ما عادش ينفع دلوقت
انت مادام قدمت نفسك على انك الحل
يبقى لازم تبقى صح في كل تصرفاتك
و لازم تتوقع ان الناس و النظام هيقفولك على الواحده يبقى لازم تتصرف بحكمة
anonymous
ماهو اللي احنا خايفين منه انهم لو وصلوا للسلطة و بقى عندهم ال 75000 عسكري و الجيش و الإعلام
هيحصل ايه؟
هو ده اللي احنا عايزين نفهمه
ذو النون
كل سنة و انت طيب و شكرا ع القصيدة
tota
كل سنة و انتي طيبة يا توتا
ذو النون اصله مأجر المدونة بعد الضهر
يا ستي الناس لبعضيها و أدينا بنحل ازمة السكن
ذو النون
كل سنة و انتي طيبة يا منى
و له نهاية
انا مش متحاملة ...انا خايفة
nouran
كل سنة و انتي بألف خير يا شمعتنا
سويدي
يااااااااااااااااااااااااااااااااااااااااااااااااااااااه
انت فين يا بنني غطسان من زمان
دانا كنت هامشي واحد يقول مدون تايه ياولاد الحلال
كل سنة و انت طيب يا باشا
كل سنة و انتوا جميع بألف خير
مش للدرجه دى يا سوسه
الموضوع شويه شباب متحمسين و مش هيحصل انهم ممكن يؤذوا مصريين ولاد بلدهم
وبخصوص الاحراز اللى تحفظت عليها امن الدوله من سيوف و جنازير و سلاسل , انا اعتقد انها من خيال امن الدوله لتضخيم الموضوع و قلب الرأى العام على الاخوان
الاخوان عملوا حاجات كتير كويسه , نواب مجلس الشعب فى دوايرهم بيعملوا اللى بيقدروا عليه حسب ماقريت قبل كده و حتى اللى منجحش من مرشحين الاخوان ماقفلوش مكاتبهم قدام ولاد منطقتهم و لسه بيساعدوهم
وحتى داخل المجلس بيقدموا استجوابات
و على مستوى الطلبه الاسر لطلابيه للاخوان فى الجامعات بتقدم خدمات كويسه
وافراد الجماعه نفسهم شباب محترم و ملتزم و غير متشدد
يبقى لما شويه شباب متحمس ينظم وقفه احتجاجيه فى صوره عرض رياضى نقلب عليهم
الوقفات الاحتجاجيه اشكالها كتير , ممكن هتافات ممكن اغانى ممكن تكون صامته ممكن عرض مسرحى ممكن طريقه لبس معينه , حاجات كتير اوى
ياريت نصبر و نسيب الوقت يكشف النوايا و يحل المشاكل و بدل مانخسر ركن قوى جدا من جدا من اركان المعارضه نتكلم معاهم و نعمل مراجعات فكريه لنا كلنا و نبدأ من جديد
وللتواصل مع طلاب جامعه الازهر فى منتدى على الموقع ده
http://www.azharway.com
انا برضه ماجر المدونه بعد الضهر!!!!!!!!!!!!!!!!!!!!؟
نياهاهاهاهاهاهاه
انا فعلا كتبت كتير و كلام زياده عن الحاجه الحقيقيه للموضوع لكن اعمل ايه؟
انا كل ماافتح المدونات افتح الاول علي سوسه اشوفها ردت علينا و للا لا؟
الاقيكي لسه مكتبتيش
اقول خلاص ياض اكتب انته لحد هي ما تيجي
لقيت نفسي في الاخر كاتب نص التعليقات
عموما انا كل بوست لا يخلو من تعليق او رد طريف منك و هذه الروح المتذوقه للفكاهه هي احد الاسباب التي تجعلنا نتمسك بالتواجد هنا
ادعو الله ان يرزقك المزيد من المواهب التي تساعدك علي المزيد من الارتقاء
------------------------و مبروك علي البيت الجديد
و كل سنه و انت طيبه
بالرغم اني معترضة جدا علي اللي عملوه دة وكنت خايفه اوي علي بلدنا وانا بتفرج علي المشاهد دي الا اني مش عارفة ليه حاسه ان الاخوان مش بالغباء ده علشان يعملوا حاجة زي كدة تقلل من شعبيتهم الكبيرة وسط الناس العادية بالتالي ده ممكن يكون خطا من الطلبه اللي اتصرفوا من دماغهم من غير الرجوع لقيادات الاخوان وممكن حتي يكونوا عساكر أمن مركزي هو حد شايف وشوشهم ولا عارف دول مين واكيد طبعا الامن والحكومة هما الوحيدين اللي هيستفيدوا من انحسار شعبية الاخوان في الشارع المصري ومبقاش فيه حاجة بعيدة في البلد دي
حسيت ان تحت الصورة لازم يتكتب
عووووووووووووووو
انا اسف على دخولي فى موضوع تاني لكن كل الطرق توادي الى روما
هنيئا للاخوة الليبييون بالشرف العظيم الذي كان من نصيبهم فى اعلان الحداد ثلاثة ايام على صدام حسين
وشكرا لمصر قلع العرب البائده
وشكرا لشعب مصر البطل القومي
ورحمت الله على البطل جمال عبدالناصر والقوميين الاحرار
ولعنه على السادات وحسني مبارك وكل الجبناء والعملاء والخونه
وشكرا لشباب مصر بتاع الحورات
الاخ انونيمس
اللعنه التي صببتها علي السادات ارجو ان تراجع نفسك فيها لانها موجهه لبطل لا اختلاف عليه فاذا كانت له اخطاء فلانه بشر ولسابقه اخطاء شنيعه هو الاخر لكن لا ادري لماذا ينتمي كل فرد الي زعيم و لا يري الخير الا فيه و يري الخير معدوم عند غيره
السادات كان رجل عظيم و اخرج مصر و العرب من حالة الانكسار النفسي الي حاله صار لهم فيها وجود كريم
اما اذا صار امرهم الي نكد و هزائم لا تتوقف بعد موته ب25 سنه فالحساب يكون للاحياء لا الاموات
ايها الناس
في الثامن عشر من يناير عام 1977
خرجت جماهير الشعب المصري بعفوية ضد مهازل النظام الفاسد الجاسم على أنفاسها
يومها خرج علينا رئيس الجمهورية السابق واطلق على انتفاضة الجياع في مصر لفظ حرامية على الانتفاضة وعلى فقراء وجياع شعبه
بعد أسبوعين من اليوم تهل علينا الذكرى الثلاثين لهذه الانتفاضة، علينا رد الاعتبار لهذا الشعب ولخروجة المقدس
ورد الاعتبار لشهداء يومي الإنتفاضة في القاهرة والإسكندرية الذي تجاوز الألفين من المصريين الفقراء
هي سوسة ماتت واللا اية يا اخواننا؟
اية يا بنتي هنيئاً بالبيت الجديد
ابقى اعملى اى أكتيفيتي يا حاججة وحشتنا البوستات الجامدة
واللا لسة مفيش دي اس ال فى البيت الجديد؟
ربنا يجعله عامر
سلامو عليكو
سوسه
أزيك انتى فين
طمنينى عليكى
باى
يا أستاذي الفاضل / ذو النون المصري الموقر
استهلاله لبد منها أخوكم صعيدي وعلمه على قده أنا ما بعرفش ادخل اسمي في المدونة أنا اسمي فارس عبد الفتاح فالعفو والمغفرة .
ويموت المعلم ولا يتعلم .
أولا يا أخي الكريم لا يوجد إجماع على شخص في العالم على مر التاريخ وهذا شئ طبيعي .
وأقول لك لماذا ينتمي كل واحد إلى زعيم ولا يري غيره على صواب أولا بعد الثور يوجد ثلاثة رؤساء .
عبد الناصر أولهم وفكر عبد الناصر فكر حر بمعني أكون أو لا أكون يعني مش مهم تنضرب المهم ما تسيب حقك وما يموت حق ورآه مطالب وهذا مذهب الإخوة الصعيده اللي أنا بنتمي اليهم واعتقد فيه .
ولا يجوز أن اعتمد على الآخرين ولكن يجوز أن الآخرين يسعدوني في بناء نفسي وبناء دولتي .
أما الحروب أقول لك يا سيدي المحترم
بسم الله الرحمن الرحيم ........ ولولا دفع الله الناس بعضهم ببعض لهدمت صوامع وبيع وصلوات ومساجد يذكر فيه اسمه ولينصراً الله من ينصره صدق الله العظيم
وقال رسول الله صلى الله علية وسلم من مات ولم تحدث نفسه بالغزو يموت وهو كافر صدق رسول الله صلى الله عليه وسلام .
يعني لو عبد الناصر كان عايش في هذا الوقت الله يرحمه كان رضي بالمهزلة اللي في الصومال أو في السودان أو اللي في لبنان والمصيبة الكبيرة اللي في العراق وفلسطين .
أمريكا عبره البحار والمحيطات والقارات كله وجينا ودخلت البيت هل البطل كان هيرضي بذلك ويسلم به جدلاً كما قال السادات وخليفته حسني بيه مبارك .
يا أخي الحرب سجال كما قال أبو سفيان يوما نساء ويم نسر يعني إلي يخسر النهرده يكسب بكره وطول ما أنتي طبال أنا زمار حرب استنزاف سبعة سنين بعد النكثة بسته شهور يعني بعد موت الجيش بكل أسلحته هذا هو الفكر لا ارفع الراية البيضاء طول ما آنا فيا نفس.
لم نأخذ معونات من أمريكا لكي نبني السد العالي لكي يستعبدنا الأمريكان والانجليز والإسرائيليين والفرنسيون.
ولم ..... ولان ..... ولا ...... يعقد صلح على حساب العرب والفلسطينيين لصالح نفسه لأنهم كلهم أهله عروبة وأرضهم محتله .
أما الانتصار الذي ينسب إلى السادات فهو بفضل سبع سنين من الإعداد والتخطيط والبناء في عهد البطل عبد الناصر الذي افخر وأتفاخر واتباها به لانه من محافظتي .
ولعلمك يا أستاذي الفاضل العيد الوطني الخاص بمحافظة أسيوط هو بسبب صد الحملة الفرنسية على صعيد مصر في قرية بني عدي بمركز منفلوط ومن يعرف المجتمع داخل محافظة أسيوط لا يستغرب على عبد الناصر شيء من الذي فعله على الطلاق وأضف إلى معلوماتك أن اسم " سيوط " اسم فرعوني ومعناه الحارس لان أسيوط هي البوابة الشمالية للدولة القديمة التي وحدها الملك الصعيدي مينا وهي كانت أخر المقاطعات الجنوبية من الشمال وهي التي حمت جنوب الوادي من الهكسوس الدخول إلى صعيد مصر الدولة الجنوبية فتجد في أهلها غلظة وشده وعنف وكرامة وحميه متوارث كابر عن كابر .
توفاه الله في 1970 م ، والحرب قامت في 1973 بعد تلاته سنين ؟؟؟؟؟؟؟؟؟؟؟؟؟؟؟؟؟؟؟
وأريد أن أضيف شيء بسيط ولا أريد أن أقول اصححلك معلوماتك حتى لا أوصف بإساءة الأدب .
لم يوجد وضع كريم للعرب بعد معاهدة كمب ديفيد لان الأخ الأكبر القائد وهو الدرع والترس والسيف والحربة بتاعت إخوانه كلهم وراح لوحده إلى إسرائيل .
ولا تقول لي انه قال لهم تعالوا وهم رفضوا أو تقول كما يقول بعض الذي اجري لهم غسيل مخ انه كان يضع على التربيزه علم فلسطين وإذا كان ذلك كذلك فهذه مصيبة اكبر .
وان رفضوا فلا يقبل أي إنسان حر أن يذهب إلى خصمه لكي يا خذ حقه وهو الغالب في حرب لم تطول أكثر من 16 يوماً .
من المفروض أن تكون ارض محايدة مثل الصين أو الهند أو أي دولة أخري غير أمريكا وإسرائيل
والشروط لصالحي أنا وإخواني وليست ضدي وضد شعبي وضد إخواني .
واللاسف لا نعرف ما هي معاهدة كمب ديفيد لا نعرف غير الأمور العسكرية مثل انسحاب مش عارف أيه ودخول القوات أيه وكلام هرش مخ .
أما مربط الفرس وهو المعاهدة من الجانب السياسي لا يعرف عنها الشعب المصري أي شيء .
بعد كده تم القضاء على مبادء الثورة إلى مالا نهاية وتشويه سمعت قائد الأحرار بثورة التصحيح .
وبعد كده الانفتاح يعني سياسة الاستهلاك بدل من الإنتاج .
على البحري بحري وما أدراك ما بحري يعني اللي مش هايغني فى عصري مش ها يغنا طول عمره .
واشياء كثيرة طويلة عريضة يضيق الوقت فى سردها وفى شرحها وفى تعليلها .
وإذا لم يعجبك كلامي وفكري يا أستاذي الفاضل أريدك أن تشاهد برنامج اسمه " تجربة حياة " يذاع على قناة الجزيرة الساعة عشرة مساء يوم الخميس ويعاد الساعة اتنين بعد ظهر الجمعة .
وأنتا تعرف إيه اللي كان بيحصل في مصر والعالم العربي والعالم كله ضد عبد الناصر والعرب والمسلمين .
وبكل حيادية وبكل شفافية وبكل صراحة وبكل جرائه وكله بالدليل والبرهان وكله بالورق المستندات عن عبد الناصر والسادات وحسني مبارك والملوك والرؤساء العرب وكلهم في هذا الزمن الذي لم نره ولكن سمعنا عنه بكل فخر وبكل كبرياء عن البطل الذي كان الشعب يري من خلال الحرب كرامة ويري من خلال الجوع عزة ويري من خلال الصبر نصر .
وشكرا لكل مصري يحب البطل المفدى بكل غالي بعد الأنبياء والمرسلين والصالحين جمال عبد الناصر.......... !!
و الله منظر يشرح الصدر
خليهم يغوروا الكلاب بتوع الوطني دول
المفروض نشكرهم علي الخطوة دي دول رجالة بجد و أنا بدأت احب الاخوان بعد الواقعة دي لأنهم أقوياء
و القوة الشئ الوحيد الذي يفهمه هذا المجتمع
انا في الانتخابات اللي فاتت و الله ما ادتش صوتي للأخوان
لكن إن شاء الله اللي جاية هارشح الاخوان
الاخ الكريم/فارس عبد الفتاح
استهلاله لابد منها ايضا /جميع من تتابعهم من المدونين ليسوا خبراء تكنولوجيا و جميعهم بدا من نفس النقطه التي تقف انت عليها الان و ربما من مكان ادني فلا اشكال في هذه الناحيه اطلاقا
اود ان ابين لك بعض لنقاط التي ربما تكون موضع مؤاخذه مني علي كلامك
اولا:انا اعرف انه لا توجد شخصيه تاريخيه نالت الاجماع الشعبي علي الاطلق بل ازيد حتي الانبياء لم ينالوا هذا الاجماع فلا خلاف بيننا في هذه النقطه لكن كان موضع مؤاخذتي ليس هو اختلافنا بل هو سبك لزعيم مشهود له في حياته بالوطنيه و النضال لاجل بلدنا و ضمك له مع مبارك و الخونه و العملاء والجبناء في سله واحده ..هنا موضع المؤاخذه
ثانيا:احب ان تعرف عني انني من اشد المحبين للزعيم عبد الناصر (رغم اني من كفر الشيخ و هو من اسيوط _المحافظه اللي انت منها)و اعرف انه لولا نضاله ربما ما كنا درسنا في المدارس و الجامعات بل ربما كان اهلونا عبيد في الارض حتي الان
لكن حبي لناصر لا يمكن ان ينقلب بكراهية للسادات لمجرد انه خالفه في النهج او الخط السياسي ،صحيح ان السادات كان لمنهجه اثار كارثيه علي البلاد لكن لا يمكن ان نعفي منهج ناصر من ذات الاثار فمنهج ناصر ايضا انتهي بهزيمه عسكريه كانت الاسواء علي مدار 7000 سنه في مصر فلم يحدث في تاريخنا قديمه و حديثه ان انسحبنا بهذه السهوله امام سلاله قذره حتي بدون مقاومه
باختصار ما اريد ان اوصله لك حتي لا اطيل عليك ،.ان لكل واحد من الزعيمين مساويء و مزايا لكن كلاهما كان علي طريق واحد وان اختلفت الطريقه
فالزعيم عبد الناصر كان يواجه بلا مواربه لاسترداد الحقوق لكن السادات كان يلجا للحيله و الدهاء و هو هنا لا يمكن وصفه بالجبن و العماله كما قلت
..................................
هناك نقطه كنت احب ايضا ان اناقشك فيها ،كلامك عن الحرب يوم لك و يوم عليك هذا كان منهج ناصر لكن لا يمكن اعتبار المنهج صحيح لمجرد انه كان منهج ناصر لكن من خلال نتائجه نتبين ان كان خطا او صحيح
و التجربه التي خضناها و خاضها بمصر الزعيم عبد الناصر اثبتت ان هذا المنهج اذا تبنته دوله ضعيفه لا يبشر بخير في كل الاحوال ،مصر كانت لا تزال خارجه توا من ظل الاحتلال لا جيش محترم ولا اقتصاد محترم ولا نظام تعليمي يؤمن حاجة البلاد من البحوث العلميه لماذا يعرض البلاد للاخطار و هي لما تزل علي هذا الحال
..................................
مصر عبد الناصر تركها بجيش مهزوم و اقتصاد مخروب بسبب هذا المنهج ،كنت اريد ان اعرف منك :هل تعلم انه كان في اليمن في سنة 67 اكثر من 100،000 جندي مصري في حرب اليمن في نفس توقيت الهزيمه
بعد الهزيمه و نجاح الثوره اليمنيه بماذا افادتنا الثوره اليمنيه طوال فترة الحرب؟
لماذا حاربنا في كل هذه البلاد دون وجود اي التزام عربي بالدفاع عن مصر عند حاجتنا اليهم؟
للاسف عبد الناصر لم يفهم العرب كما فهمهم السادات فظل يناضل بارواحنا و اقتصادنا من اجلهم و في النهايه حاربنا لانفسنا وحدنا
كون السادات يتراجع عن الحروب بالنيابه لاجل القضايا العربيه انا لا اري فيه اي عيب لاني لا اتشرف ابدا بان اموت لاجل احد و هذا الاحد موجود خارج ارضه مهاجرا لحين انتهاء الحرب التي ابذل فيها روحي لاجل خاطره
السادات جنبنا هذا المصير و اوقف هذه المهزله التي نموت فيها وحدنا لاجل الجميع
..................................انا سعيد بمعلومه انت ذكرتها عن اصل اسم اسيوط الفرعوني و علي فكره كنت اتمني ان يعود كل اسم قديم للمحافظات المصريه كما كان كان نسمي مثلا محافظة المنيا باسم اخيتاتون مثلا وهكذا لباقي المحافظات
ما رايك؟
..................................
انا لمست في كلامك نوع من التفاخر بطبيعة الصعايده و عبد الناصر منهم و هي عدم التفريط في العرض و الحقوق الخ و كان ذلك في اطار كلامك عن الحميه المتوارثه للصعايده كابرا عن كابر
احب اقول لك ان العيد القومي لكفر الشيخ هو ايضا بمناسبة صد البحريه العسكريه في كفر الشيخ للاسطول الانجليزي في 56 و اغراقها لبعض قطعه البحريه في البرلس و هناك تركوا سواحل كفر الشيخ و اتجهوا الي بورسعيد و فيهم مثل ما في الصعايده من الحميه التي ورثوها كابرا عن كابر و في 73 كان اهل السويس بحميتهم التي ورثوها كابرا عن كابر ايضا ضد الصهاينه
يا اخي مصر كلها عندها الحميه التي ورثوها كما قلت و ليسوا الصعايده فقط ،مصر كلها قاومت الغزاه
انا باكد علي هذا الجزء لاني ايضا لمست محاوله منك لاثبات ان ناصر صعيدي عنده كرامه و السادات ليس صعيديا فليس عنده كرامه
..................................
و اخيرا شكرا لكل مصري يحب كل ابطال مصر المعروفين و غير المعروفين بداء بمينا نارمر موحد القطرين ،مرورا باحمس و رمسيس و تحتمس و خوفو و اخناتون و احمد عرابي و مصطفي كامل و سعد زغلول(من كفر الشيخ)و محمد نجيب و الزعيم الثائر امير الفقراء جمال عبد الناصر و البطل انور السادات
..................................ملاحظه /كان بودي اتكلم في نقاط اخري و اتوسع في نقاط تحدثت عنها لكن انا طولت ممكن نتكلم مرات اخري و الباب مفتوح لنا للحوار لكن في النهايه مفيش اي خلاف انشاء الله
--------------------------------------------------------------------
بسم الله الرحمن الرحيم
أخي الكريم / ذو النون المصري المحترم .
انك تتكلم بكل بساطة وعفويه عن عبد الناصر والسادات فأقول لك يا أخي هناك فرق جوهري بين الاثنين في المنهج والفكر والتطبيق ورؤية الأمور وان الحال الذي نحن فيه ألان بسبب فكر السادات .
الكل يعرف أن عبد الناصر منهجه القومية العربية الغير مختلطة بدعاة القومية قبلة من المفكرين والسياسيين هو يختلف عن سابق وهذا ليس موضوعنا وانه أي عبد الناصر رؤيته نابعة من حسه وعلمه وحبه للمواطن المصري والعربي البسيط ويريد أن يدخله في طريق العيش في الحياة بعد أن كان موجود فيها قله موت .
فانشأ المصانع الثقيلة والخفيفة والحرفية وكان يريد أن تكون مصر بلد صناعي حقيقي بكل معني الكلمة فبعد تميم المصانع والشركات وغيرها من الأمور المعروفة وقانون الإصلاح الذراعي وأمور كثيرة .
وهذا الكلام لا شك فيه على الإطلاق أليس كذلك أخي / ذو النون المحترم .
وكان عبد الناصر رجل يحلم بحلم كبير وعظيم ومن يفهمه أو يعي هذا المشروع الضخم يحترم عبد الناصر
ولعلمك أخي الكريم عبد الناصر لم يترك مصر مخربة اقتصاديا كما تدعي أن مصر كانت تصبوا إلى أن تكون لها وجود صناعي في المنطقة كلها جنبا إلى جنب مع إسرائيل التي كانت يدعمها الغرب كله بلا منازع .
وكان يريد أن ينشئ المشروع النووي المصري الذي يتخذونه كوسيلة دعائية ألان والكل يعرف هذا .
وأضيف إلى معلوماتك انه كان يوجد في مصر من ضمن هذه الصناعات كانت توجد المصانع الحربية التي تحاول أنتاج الأسلحة بدلا من الاستيراد كما نفعل ألان فتم تغيير سياستها من مصانع حربية إلى مصانع استهلاكية بعد معاهده كمب ديفيد وتنتج غسالات وبوتاجازات وشفطات وغيرها من المواد المستهلكة التي حتى لا تستطيع أن تنافس المنتجات الأجنبية داخل مصر فقط .
هذا من الناحية الداخلية لمصر أما من الشأن الخارجي وأريد أن أوضح لك أمر أخي العزيز كان عبد الناصر من الأبطال الشباب الذين تم خيانتهم من الحكام العرب ومن ملك مصر في حرب فلسطين في 1948 م .
رأي بأم عينية الهزيمة والعار في فلسطين فأقول يا أخري أو يا أستاذي فيه مثل صعيدي صرف يقول
اللي ما يجيبوا الدم يجيبوا العار .............. يعني اللي ما عنده حميه وحماسه على أهله ولا يريد أن يدافع عنهم أو يدخل معه في الحرب .
غصباً عنه سوف يوافق على الانضمام في القتال بعد ما يلطخه العار وهذا موجه إلى السادات .
هذا إذا كان إنسان حر وصاحب مبدي ومروءة وكرامه وينتمي إلى أمه ودين .
تقول لي أن عبد الناصر كان قد أرسل 0100.00 جندي إلى اليمن بينما إحنا في النكثة أقول لك نعم وكان يوجد في الكنغو الديمقراطية جيش مصري يساعدها على الاستقلال .
وكان في الجزائر بعض ضباط من جيشنا وفى كل بقعة من الوطن العربي والإفريقي . يوجد مصري يتابع ويعاين ويحاور ويصارع القوه المستعمرة الغازية لا يتلق الأوامر وبعد ذلك ينفذ بدون ادني تفكير أو حتي استفسار .
وأقول لك يا أخي إذا لم ندعم الأمن والاستقرار القومي في المنطقة هو في صالح مصر كما تفعل أمريكا بدعم القلاقل والحروب المنازعات في السودان والصومال وحتى داخل مصر نفسها وفى شتي بقاع الأرض العربية أو تتدخل أمريكا أو انجلترا أو فرنسا في دعم طائفة تسعي في نضالها ضد العرب وتتحالف معها .
أو تأتي هيا أي القوي المستعمرة بنفسها كما تفعل ألان .
وارجوا تقرءا جيدا وبعمق عن هذه الأمور في فكر عبد الناصر وعن المنهج الفكري في السياسية التي كان يتبعها عبد الناصر .
فمن الظلم ومن التعسف أن تضع أبو قرش معا أبو قرشين .
السادات تولي الحكم بطريقة غريبة ومتحيرة فيها من تصرف عبد الناصر هل خدع هذا الرجل عبد الناصر حتى يعين السادات نائب بعده وهو يعرف من هو السادات .
أم أن السادات تغير تفكيره بعد موت عبد الناصر وانقلب على مبادئ الثورة التي كان ينتمي إليها في أيام عبد الناصر .
أولاً : تم القضاء على مبادئ الثورة المصرية والدستور المصري المنبثق عنها أي الثورة للقضاء على الاستعمار وإنشاء دولة مستقلة سياسياً واقتصادياً واجتماعياً عن التدخل الغربي في الشئون المصرية ورفع المواطن المصري من القاع إلى القمة وجعله مواطن مصري صرف لا يتبع السياسات التركية ولا السياسات الانجليزية ولا يتبع السياسات الأمريكية الإسرائيلية .
ولذلك شنت الحروب المتتالية على مصر وعلى المواطن المصري الممثل في ذلك الوقت الوطن العربي والقومية العربية ككل .
وبعد موت جمال عبد الناصر تم القضاء على مبادئ الثورة المصرية بحركة بهلوانيه حلزونية قذرة من السيد المبجل السادات باشا أفندي فقام بشيء اسمه ثورة التصحيح التي أظن أن المواطن المصري وبالأخص الشباب المصري الذي لا يعرف شيء عنها ولا على معاهدة كمب ديفيد إلى ألان شيء على الإطلاق .
1- القضاء على مجلس قيادة الثورة الذي كان المرجعية العلي لمصالح الموطن العربي والشعب المصري ،،، كما في إيران ألان هو مجلس تشخيص النظام !!
2- تغيير أولويات الدولة المصرية إقليمياً ودولياً وجعلها متقوقعة حول نفسها وإسقاط ريادتها بين الدول العربية والشرق الأوسط .
3- جعل الجيش المصري جيش استعراضي للاحتفالات والمنظرة بدلا أن يكون جيش عصري حديث ودرع للأمة العربية !!
4- سذاجة وغباء السادات وخلفه حسني باشا الطيار في التعامل مع التحديات والمتغيرات المفروضة عليه وجعله يخضع لها كلياً ،، وتجعله يتخلي عن التحدي والمواجهة التي كانت من صفات الزعيم عبد الناصر !!
5- إسالة لعاب السادات وسلفه حسني بيه القائد المفدى أمام التلويح بالمعونات المادية وجعله يتخلي عن بناء دولته القوية اقتصاديا وعسكريا واجتماعياً !!
6- ترسيخ الفكر الاستهلاكي بدل من الفكر الصناعي الذي كانت تدعوا إليه الثورة ، والذي تمخض عن هذا الفكر الاستهلاكي ،،،، عصر الانفتاح ؟ ومقولة من لا يصبح ثري في عصري فلاً يغتني طول عمره !!
7- فتح أبواب الدولة المصرية التي كانت حصن منيع على الأمريكان والإسرائيليين بأسم الاستثمار والتطبيع للعبث بمقدرات ومستقبل الأمة المصرية والعربية ،،،، واستعبادها ككل !!
8- استئصال الفكر القومي من الأمة المصرية والعربية عن طريق تشويه صورة الزعيم الراحل وتشويه هذا الفكر العربي والمصري الصرف ،، وجعل المواطن المصري يتبني الفكر الأمريكي الأوروبي الذي يساعد على هدم المجتمع من الداخل بدل من شن الحروب مرة أخري !!
9- إطلاق الحركات الإسلامية التي كانت معتقلة من الزعيم الراحل وإعطائها حرية شكلية مؤقتة حتى يقال أن عصر السادات عصر الحريات ،، ولكن انقلب السحر على الساحر بتدخل الاستخبارات الأمريكية والإسرائيلية في عملية الاغتيال !!
10- اعتقال المفكرين المصريين ومن أبرزهم محمد حسنين هيكل لرفضه لشروط كمب ديفيد وثورة التصحيح والقضاء على مبادئ الثورة المجيدة !!
وهذا ما حدث أخي الكريم فان المواطن المصري أصبح معتقل في بلدة ومهان في جميع الدول العربية والأوروبية بعد ما كان يشار إليه بالبنان في عصر الزعيم الراحل ويقال هذا مصري هذا ابن مصر ألان أصبح إنسان تافه داخل مصر وخارجها ،، ونظر أخي الكريم إلى أبناء مصر وإخواننا الذين يموتون على الحدود المصرية الإسرائيلية ،،، وأبنائنا وآبائنا وأمهاتنا وممتلكاتنا التي تباع بأرخص الأسعار التي لا تدخل إلى جيوب المواطن ،،، وحريق القطارات والفوضى والفساد الإداري ،، وإعطاء السفارات المصرية ظهرها للمواطن المصري خارج مصر !!
وأصبح عملية التغريب تدخل على المواطن المصري بكل بساطة
هذا دليل على نجاح الفكر الساداتي الساذج العميل بغبائه لقد انتشرت في الشباب المصري بشكل كبير ....... الأمركة ....... واستخدم اللغة الانجليزية داخل المجتمع المصري العربي المسلم وأفكار آخرة طويلة مثل الحجاب وغيرها .
وألان أضحت أمه تضحك من جهلها الأمم ؟
واكرر لك الدعوة مرة أخري
وانصح شخصكم الكريم أن تستمع لبرنامج تجربة حياة الذي يذاع على قنا الجزيرة يوم الخميس الساعة العاشرة مساءً ،،،، ويعاد الساعة الثانية من ظهر يوم الجمعة .
لعلك تدرك ما كان يدور في العالم ضد مصر وضد أي قوة حرة تحاول النهوض ببلدها وأبنائها ويكون لها شان محترم بين الأمم .
الاخ العزيز /فارس عبد الفتاح
تحيه طيبه جدا
اعذرني اولا لانشغالي الشديد و تاخري في الرد عليك
سارد علي نقطه او اثنتين الان علي ان اكمل في وقت لاحق
...................................
ذكرت ان حالنا المؤسف هو ناشيء بسبب فكر السادات الانفتاحي و ان فكر عبد الناصر التاميمي كان له اثر افضل
اولا السادات كما هو معلوم مات من اكثر من 25 سنه فكيف يحمل نتائج حدثت بعده ب26سنه؟
انت تتجاهل عن عمد ان هناك حاكم اخر تولي افساد البلاد طوال ربع قرن
كما ان الفكر الانفتاحي مطبق في الكثير من بلاد العالم و ليست فاسده كما هو الحال عندنا الان
الامر الاخر انت تتحدث ببساطه مخله عن نظام الاقتصاد في عهد ناصر غير معترف بسلبياته الشديده لانه تسبب في هروب راس المال الي الخارج مما افقر القطاعات الصناعيه في البلاد بصوره ما كانت لتحدث لو تبني هو اسلوبا اخر في تجريد اللصوص فقط من اموالهم لان البلد كان فيها من لا يستحقون هذه المعامله و نتج عن ذلك كما قلت هروب راس المال الخ
...................................
كلامك عن عبد الناصر بانه انشاء صناعات ثقيله فردي بسيط
كنا نسمع في الكتب ان مصر صنعت من الابره حتي الصاروخ و كان هناك القاهر و الظافر لكن و للاسف كل هذا كان مجرد انجازات ورقيه لان لا القاهر و لا الظافر كان لهم حس او خبر طوال الحروب التي خضناها في هذه الفتره و اخرها 67 و التي كما شرحت لك مات فيها اكثر من 30،000 مصري في حرب العزه و الكرامه حسب وصفك المفضل للحروب
..................................
ياريت نتكلم بعقلانيه اكثر لان كلامك مشحون انفعاليا
ايه اللي ما يجيبوا الدم يجيبوا العار؟ وايه الحميه و الحماسه التي ما تفتاء تذكرها في كل حين؟
كانت فين هذه الجمل عام 67
فين العار هنا؟
اللي ما يجيبوا الدم يجيبوا العار!!!!!!!!!!!!!؟ دفننا عدد مهول من ابناءنا بلا سبب واضح و في حرب كان بيقول في اولها اذا كانت اسرائيل عاوزه تحارب اهلا و سهلا!!!!!!!!!!!!!!!!!!؟ هو ده كلام يقال؟
الحميه و الحماسه لا تصلح لقيادة البلاد يا اخي العقل وحده هو الذي يصلح و للاسف كان ناصر واضعه علي ناحيه
...................................
انت استحسنت فعل ناصر بارسال 100،000 عسكري مصري الي اليمن و غيرهم الي مدغشقر و غيرها الخ
مش كان الاولي انه يتركهم لحماية ارضه ؟ما الفائده من ارسال جيوشي للخارج و البلد فاضيه هو ده عقل؟
...................................ربما ارجع قبل ما ترد علي كلامي او بعده لكن ما علينا
في كلام اخر كان لي رغبه في مراجعته معك
...................................
لك تحياتي
-----------------------------------
انا بعترف ان الاخوان ليهم اكبر تأثير فى الوقت الحاضر لأسباب يطول شرحها وهما بلا شك وارثو الحكم فى بلد بايظة ومستقبلها ابوظ عشان كدة بقول
استمتع بالسئ فالقادم اسوأ
الاخوه اللى بيتكلمو عن عبد الناصر والسادات
احب اقلكم على حاجه مهمه اوى
لا عبد الناصر كان جيفارا
ولا السادات كان الشيخ انور بن عبد العزيز
الاتنين
زيهم زى كل رموز البلد
اللى احنا بنخدع بيهم
عشان احنا
مش لاقيين حد نتكلم عليه
على فكرة
سعد زغلول كان بيحب الالقمار اكتر ما بيحب نفسه
وبيحب نفسه اكتر ما بيحب صفيه
وبيحب صفيه اكتر ما بيحب السلطه
وبيحب السلطه اكتر ما بيحب الفلوس
وبيحب الفلوس اكتر ما بيحب مصر
انا لو هتكلم عن احمد عرابى اللى كان عنده نقص
او مصطفى كامل اللى كان بيحب الشهرة
ولا هتكلم عن عن عمر مكرم
مش هيكفينا عشرين ساعه كتابه
اكيد هتزهقو
انا عهاوزكم تدورا عن اصل الناس دى
اللى بيحبو مصر بجد
ماتو من غير ما حد سمع عنهم او حسو بيهم
عشان هما لمال قرروا انهم يموتو
مكنش فى دماغهم انهم يتشهرو بعد المو ت
ولما عملو لمصر
كان لمصر فعلا
مع ان مصر مدتهمش اى حاجه
احنا بنصنع ابطال من فراغ
واسالو عن زهران
او الشرقاوى
او احمد الاسيوطى
واخيرا
بلدالممنا.....بلدنا
الكل نا.. فيها
شوف الخريطه تلاقيها
فاتحه رجليها
ربك خلقها كده
راح نعمنل ايه فيها
Post a Comment