Monday, March 12, 2007

تحريك المياة الراكدة




اكتشفت الأسبوع ده حكاية ماكنتش اعرفها خاااااااااااااااالص...أكيد برضه انتوا ماكنتوش تعرفوها
تصوروا ..تخيلوا...الأشقاء الإسرائيليين ..بيقولوا ان فيه قلة قليلة منهم قتلت "شوية" أسرى مصريين في الحرب القريبة اللي حصلت من كام سنة دي اللي اسمها حرب الأيام الستة ..زي الأشقاء الإسرائيلين مابيسموها
حصلت إمتى الحرب دي يا سوسة؟؟ ..إمتى؟؟..إمتى؟؟..آه بيقولوا من يجي 40 سنة كدة سنة 65 باين أو 66 ..لأ لأ لأ باينها 67

طبعا كان فيه ناس كده غير جديرة بالثقة بيبرطموا بالكلام ده من مدة كده
حتى بيقولوا سنة 95 اكتشفوا مقبرتين جماعيتين في العريش..ده حتى كان فيه ناس غريبة كده كانوا بيقولوا ان عدد الأسرى اللي اتقتلوا عدى الميات ووصل للآلاف ...تخيلوا من كدبهم و افتراهم ..قال بيقولوا انك لو طلعت بالطيارة على ارتفاع معين فوق بعض أجزاء الصحرا في سينا..هتشوف بقع زيت كبيرة..و بيفسروا ده ان دي جثث الأسرى اللي اتحللت و بعد السنين دي كلها اختلطت بالرمل و سببت البقع دي


شوفوا حتى اللينك اللي تحت ده ..هتلاقي كلام كتير من المصريين الغير جديرين بالثقة بيتكلموا عن أسطورة قتل الأسرى المصريين دي
http://www.khayma.com/internetclinic/yhoodgraegept.htm


طب بذمتكوا لو الكلام ده كله صحيح ..كانت حكومتنا سكتت لغاية دلوقت؟؟؟
كانوا الناس اللي متفرغين لرفع القضايا على روبي و هايفا و عادل إمام دول سكتوا؟؟
كانوا الناس اللي بيطلعوا يتشنجوا في التلفزيونات و يقولوا آآآه يا سمعة مصر سكتوا؟؟
طبعا لأ
أنا شخصيا ماكانش ممكن أصدق ان حاجة زي دي حصلت
إلا لما سمعت الكلام بنفسي من أفواه الأشقاء الإسرائيليين
هو ده الكلام اللي أكد ليا و للكل ان حاجة زي دي حصلت
و هو ده الكلام اللي خللا الناس تتكلم و تعترض بعد ماكانوا واخدين تعسيلة بسيطة لمدة 40 سنة




لكن طالما الكلام جه من جيراننا الحبايب...يبقى هو ده الكلام الوحيد اللي يتصدق
و طالما القنوات الإسرائيلية أذاعت فيلم وثائقي عن الموضوع ده..يبقى هي دي المعلومات الوحيدة المؤكدة
كلام الإخوة الإسرائيليين "فقط" هو اللي عرفنا الموضوع ده اللي ماكناش نعرفه من زمان
لكن تقوللي كلام زمايل الشهدا..أو البدو اللي شافوا الموضوع ده بعينيهم...لااااااااا ماعطلكش


ميعادنا القادم سنة 2047..عندما يقوم الإخوة الإسرائيليين بعمل فيلم وثائقي عن غرق العبارة..و عندها فقط يمكن حد يتحرك و حد يتحاكم
لأن -فقط- كلام الإخوة الإسرائيلين هو ما يمكن ان يكشف الحقائق .. -فقط- كلام الإخوة الإسرائيليين هو القادر على تحريك المياه الراكدة

71 comments:

Islamist Bloke said...

على فكرة يا سوسة الحوار ده انا اتخنقت منه جدا اول ما اتعمل عليه هليلة وضجة...قلت فى عقل بالى ماحنا عارفين من زمان...ومن 10 سنين كانت الجزيرة عاملة برنامج وثائقى عن الموضوع جابت صور اسرى مصريين واليهود مستخسرين فيهم الرصاص خلوا مجموعة منهم يكتفوا مجموعة تانية بالحبال ويحفروا خندق ليهم ونيموهم فى الخندق ودبابة عدت عليهم هرستهم كلهم وبعدين خلوا زمايلهم يردموهم وكدة..يعني بيدمروا معنوياتهم اصلا

والحوار اتفتح ايام عبد الناصر والسادات وايام الحرب نفسها..بس اية الهدف منه دلوئتى؟
الله اعلم

فيه نقطة كمان

الهدف من الموضوع ده فى رأيى هو نفس الهدف من نشر صور معتقل أبو غريب من سنتين

هل هو صادر رغم عن الادارة الامريكية واللا بمزاجها

طيب ولو بمزاجها يبقى لية ولية التوقيت ده؟

نفس الموضوع مع الادارة الاسرائيلية

عايزة تعرفى الهدف؟

اسمعى محاضرة للدكتور راغب السرجاني اسمها التعذيب فى سجون الحرية

اعملى عليها سيرش وهتلاقيها فى موقع اسلام واى ان شاء الله

ومبسوط انى اول تعليق

السلام عليكم

فارس عبدالفتاح said...

بصي يا سوسه


عشان أسلوبك في كتابة الموضوع استفزني وأنا مش هطول في الكلام زى كل مره وهت فذلك فيها .

لكل الأعضاء الذين يدافعون عن السادات مثل الأخ ذو النون المصري أو عمر راضي وغيرهم .

أي إنسان على وجه الأرض من أيام أبينا ادم إلى أن تقوم الساعة يحارب على قضية أو عن رأي أو عن فكرة أو عن ديانة سواء أكانت على حق أم على باطل ويجند فيها ويوظف فيها كل إمكانياته وطاقاته ويدفع عنها بزهرة شباب قبيلته أو عشيرة أو عائلة أو وطنه أو أمته !!!!

وبعد ذلك يقيم استسلم وهو منتصر على أنقاض بلده وزهرة شباب أمته لكي يبني لنفسه مجد حتى يقال انه أقام سلام دائم مع العشيرة الفولانية أو القبيلة الفولانية أو العائلة الفولانية أو الدولة الفولانية .

فهذا باختصار إنسان وآطي وعميل وخائن وقذر ولا يستحق أن يذكر على اللسان أو يكتب بالبنان .


وأضيفوا إلى معلوماتكم ( دير ياسين ) و( تل الزعتر) و (البتاوي ) و(النهري البارد ) و ( أيلول الأسود )

المنفي said...
This comment has been removed by the author.
المنفي said...

في صدر صفحتها الاولى على الجزيرة نت طالعت اليوم ذلك الخبر

ينتظر أن تنشر اللجنة الإسرائيلية المكلفة بالتحقيق في إخفاقات الحرب على لبنان هذا الأسبوع وثيقة أولى تحدد فيها مسؤوليات الهرمية السياسية، حسب ما أعلنته القناة العاشرة في التلفزيون الإسرائيلي.

اسرائيل بدأت بنشر وثائق هزيمتها بعد (8) شهور من بدأ هزيمتها
وستقوم بمحاسبة كبار مسئولين الدوله ومتنفذيها ورموزها السياسية والعسكرية
ان اسرائيل تحاسب اسرائيل
انها محاسبة النفس ومراجعة الذات والوقوف الدقيق على الاخطاء والاسباب التي ادت الى الهزيمة والاعتراف الصريح بها
لذلك هي ستنتصر في معركتها القادمة

اما نحن فيلزمنا مئات السنين كي تحدث المصادفة او المعجزة او اللمضاة من فناة الجزيرة الهادفة دوما لتشويه سمعة البلد

نحن نهلل ونكبر ونهتف ونصرخ في كل معاركنا هزمنا فيها ام هزمنا لان خياراتنا دائما هي الهزيمة او الهزيمة
وثقافة المحاسبة ومراجعة الاخطاء النقد الذاتي ثقافة معدومة في اوساطنا السياسية والاجتماعيةايضا فتلك علة شعب وامة وليس علة نظام سياسي فقط

قضية قتل الاسرى المصريين ليست بجديدة ولا اؤمن كثيرا بنظريات التآمر والسؤل التآمري الممل التقليدي
اشمعنى في الوقت ده؟
هي قضية لكل الاوقات
وقضية لم تغلق بعض ككل قضايانا

وبالنسبة للسادات يا فارس يا عزيزي
لي تدوينة اخيرة احب اعرف رأيك فيها
وانتي ايضا يا سوسة بما انك منظرة جيدة

المنفي said...

هل صحيح ان ابو صالح الشيخ يونس باع ارضو والسادات قلو تعال ارجعهالك وهو مرضيش

على نوستاليجا

Dr. Tantawy said...

والله احنا طيبين يا بنتي :)) اذا كان المسجد الاقصى بيتحفر دلوقتي .. و الفلسطينيين بيموتو دلوقتي .. و البضاعه الاسرائيلية بتدخل مصر دلوقتي .. و اليعازر بيبوس مبارك دلوقتي .. و المصريين بيعتقلوا في اسرائيل دلوقتي .. و العساكر المصريين بينضربوا بالنار على حدود اسرائيل دلوقتي

عايزه الحكومه تعترض على حاجه حصلت من سنه 67 .. يا شيخه ربنا يدينا و يديهم طوله العمر و لا عزاء للرجاله

قلبتي عليه المواجع يا اسمك ايه :)

كراكيب عادل said...

ايه الجديد

قصدي ايه ممكن متوقع من اسرائيل وهل دول ممكن يتعمل معاهم اي نوع من انواع التفاهم او التعامل المشترك

انا بقول دول اولا واخيرا شهداء

لكن المستقبل ايه الي احنا عملناة

شــــمـس الديـن said...

وجة نظر فعلا جديرة بالاحترام

ما دي مت تداعيات عقدة الخواجة اننا منصدقش نفسنا لو اتقتلنا غير لمااللي قتلنا يقول انه قتلنا

الذ حاجة انك متكلمتيش و قولتي احنا مش هنقدر نعمل حاجة ... علي الاقل مفقدناش القدرة علي الكلام

خالص تحياتي لمدونتك المحترمة جدا ...
و سعيدة بمروري عندك

جبهة التهييس الشعبية said...

القصاص لأسرانا الشهداء رجاء التوقيع وارسال الرسائل

قاسم أفندي said...

كلامك قاسي جدا بس للأسف صح

Diyaa' said...

لظروف معينة انا مش قادر اكتب ولا اعلق بس جالي فضول اشوف وجهة نظرك اللي قلتي لشمس في مدونتها تشوفها
واضح من سخريتك المرارة
وللأسف مش ده الواقع
عارفة ليه ؟
لأن الحكومة متحركتش دلوقتي ومش هتتحرك بعد كده
يعني مثلا اللي ماتوا من مصر دول ايه يميزهم عن الفلسطينين والعراقيين ومجازر البوسنة وكشمير وكارثة الصومال وبلاوي السودان وطحن افغانستان
مش دول برضه يا اوسا مسلمين وبني ادمين واحيانا عرب واشقاء ؟
يبقي اللي بيحصل من الحكومة حتي لو سحب سفير فهو مجرد استعراض ماركة مبارك شو ...هيكون استعراض دمه تقيل وشوية ويرجع كله زي ما كان وعفا الله عما سلف
لو لقينا جاسوس لإيران هياخد اعدام وش او مؤبد لكن عزام خرج حسن سير وسلوك وكان في جاسوس وبنته ومراته باين هزأوا مصر كلها وعادي خرجوا
مصر متسيطر عليها ومتستنيش حركة
تحبي اقولك رأيي في الفيلم ده
ده مجرد جس نبض واهدار للطاقة
زي ايه ...تشوفي حد بتكرهيه تجري جامد عليه تضربيه يقوم يختفي وتمسكي الهوا بإيدك
بعد كده لو الحد ده كان بينك وبينه شعره مش هتتحركي
عكس نظرية بافلوف في علم النفس
هما بيعودونا علي اننا ردود افعالنا تبقي مافيش
وبكره تقولي ضياء قال
واحدة واحدة وفي الأخر ممكن يدخلوا يشتروا كل اراضينا لحد مدينة نصر كده وبعدين في الأخر رد فعلنا هيكون مفيش
لو قتلوا ملايين رد فعلنا هيبقي علي فاشوش برضه
دي سياسة يهود وللأسف انا كلمتهم وفهمتهم وقريت ترجمة للبروتوكولات وندمت لأني ما نسختش لنفسي نسخة
الناس دي وسخة اوي وحلهم اننا نبقي نضاف اوي
تفتكري ممكن ؟
سلام عليكم

Anonymous said...

يا استاذ عبد الفتاح .. كلمة (على باطل ) فى المثال الذى تسوقه .. أكبر دليل على اختلال (علم المنطق) لديك ..

لقد سبق لى ان قلت لك كلاما يحرك الصخر ذاته و لكنه لم يؤثر فيك قيد انمله .. و لم تقم بمناقشته أو الرد عليه .. و لن يؤثر فيك اى شيئ فى الوجود .. لأن ببساطة ماكينة التفكير عندك اساسا عطلانة و مصدية .. و فاقد الشيئ لا يعطيه ..

فأنت من يطالبك بالتفكير انا يحملك فوق ما تطيقه الماكينة عندك .. و رأيى ان تبتعد بتفسك عن القضايا الفكرية و المنطقية أفضل لك حتى لا تحرج نفسك وسط الناس

عمر راضى

و خد الموضوع ده هدية

http://horrya.invisionzone.com/index.php?showtopic=49

و ده كمان

http://horrya.invisionzone.com/index.php?showtopic=345

Anonymous said...

ات بس عايو أأمن على كلام الأخ Islamist Bloke
حصل فعلا

عمر

محض روح said...

بصى يابنتى
هما بيتفننو فى اذلنا
ياعنى الشريط الى اتعرض ده مش حبا فى الحقيقه
ده نوع من انواع الحرب النفسيه بمعنى شوفتم ياعرب احنا عملنل فيكم ايه وهنعمل فى اى واحد يفكر ايه
زى مثلا الى حصل فى سجن ابو غريب مين الى عرض الصور مش الامريكان
وابل كده فى العرق التعذيب الى حصل مين الى بيعرض
هما ديما واى حرب يدخلوها ديما الصوره الى بتطلع صوره العرب الى مقتول والى بيضرب
واكيد هما بيموتو فى الحروب ديه لكان نادرا لما تشوفى ليهم صوره
احنا هانت علينا نفسنا اوى فبجد مانتظرش اننا نهون على الناس
وتحياتى ياجميل

يا مراكبي said...

موضوعك جميل جدا .. والتعليقات كمان فيها موضوعية رغم إختلافاتها

أحب أضيف حاجة .. لو أي حد فيكوا حط نفسه مكان الغرب والأمريكان وفهم هما بيفكروا إزاي من وجهة نظرهم .. وبص لردود أفعالنا أو أفعالنا تجاه الموقف ده أو أي موقف مشابه .. على طول لازم يستنتج قد إيه إحنا متخلفين فكريا وسيئين أخلاقيا قدام نفسنا وقدام شعوبنا

تحياتي

Sampateek said...

اثارة موضوع زي ده في الوقت الحالي
ما هو الا عضمة من الحكومة لنا
علشان نتلهي فيها و منفكرش في المرمطة اللي البلد فيها

نمسك في اسرائيل و نقول دي كخة و نطبطب على الحكومة و تبقى دحة


جتهم البلا الكل كليلة



تحياتي

Mohamed A. Ghaffar said...

هو انت فاكره ان فى حد هيتحرك بتحريك المياه الراكدة

فقط عزيزتى تحريك المياه ازعج القراميط الساكنة فى قاع الوحل فيتضاربون ويتلطامون هنيه ثم مايلبثوا الا وعادوا للسكون

ذو النون المصري said...

فارس عبد الفتاح
انا صراحه لم يكن لدي اي رغبه في الكلام في هذا الموضوع معك مرة اخري لكن انا لم افهم معني
اي شخص بيحارب بيجند امكانياته و بيحارب بزهرة شبابه لخدمة قضيته سواء كان علي حق او علي باطل!!!!!!!!!!!!؟
....................
الحرب في ذاتها ليست قيمه ايجابيه نسعي اليها ..ليست اي حرب نقول لمن دخلها انه مناضل !؟
الحرب المدروسه فقط هي التي يجب ان توضع في الاعتبار
ناصر ناضل بشده في 67 لكن نضال بجيش بلا خطه و لا سلاح محترم يصلح لحرب حقيقيه و لا هدف سواء كان وطني او ديني او غير ذلك و النتيجه هي ما نتحدث عنه الان
اسري يدفنون بلا ثمن
اين كان ناصر لحظة موت هؤلاء الاسري و لماذا غاب عنهم؟

ارايت كيف غامر ناصر بزهرة شباب بلاده؟؟؟
لاجل كرمته!!!اللي يغيظ انك بتقول الحرب كانت لاجل الحفاظ علي كرامتنا!!!لكن بعد الحرب كنا خلاص اتنازلنا عن سيناء و كمان ارواح مئات الاسري
و كله يهون علشان خاطر كرامتنا
.............
كنت عاوز اقول كلام كتير لكن انا عارف ان ملهوش نتيجه عندك
تحياتي

فارس عبدالفتاح said...

الفاضل عمر راضي وأخي المحترم ذو النون المصري

بصراحة أسلوبكم في الكتابة ممتاز والعبد لله وقد أعجبت بما كتبتموه لي بصراحة بأسلوبكم جذاب وأنا لم أرد على مشاركاتك الماضية ( عمر راضي ) لان الموضوع تم إقفاله من الأخت سوسه أردت آلا أكون ضيف وقحا أو سافلا في بلوجها ( الخاص ) فتركت الكتابة إكراماً لها أما ألان أرد عليك بالعقل والمنطق .

نعم عبد الناصر فعل أفاعيل غريبة على المجتمع المصري أبان عصره آنذاك قام بقلب الحياة السياسية والاجتماعية والثقافية والاقتصادية في مصر رأس على عقب وهذا نتاج الفكر الثوري الذي تبناه عبد الناصر

كان يوجد قبل ذلك طبقة صغيرة منفذه تشرف على عملية الإنتاج والعطاء بينما السواد الأعظم من المجتمع يسهم إسهاماً قليلاً في عجلة المجتمع الاقتصادية والإنتاجية والسياسية .

فغير الزعيم هذه المعادلة وادخل الشعب المصري في هذه المعادلة الجديدة .

نعم عبد الناصر ذبح الإخوان ....... لكن ليس بمفهوم الحرب على الإرهاب

وفى المقابل عبد الناصر ذبح الشيوعيين

نعم عبد الناصر اخفق في معركة 1967 م ، وادخل العرب كلهم في معضلة كبيرة على إمكانيات مصر والعالم العربي .

نعم دمر أربع جيوش عربية .

نعم قتل زهرة شباب أربعة دول عربية .

نعم دخلنا في نفق مظلم طويل استمر من 1967 م إلى 1973 م ، لكن يا أخي الفاضل تريد أن تتكلم بالمنطق ونتخاطب العقل نعم وأنا أريد ذلك.

لم يستسلم ولم يهادن ولم يعترف ولم يخضع ولم يتنازل ولم يساوم ولم يكن له أن يعقد سلام في العالم العربي والإسلامي إلا إذا كان في صالح الوطن العربي والإسلامي ويرد اعتبار شبابها الذي قتلوا وشيوخها الذي ماتوا بحصرتهم على أبنائهم وبناتهم وأولاد أولادهم ولم يكن يعقد سلاماً ونساء مصر والأمة العربية يوجد بها الأرامل .

ولان يعقد سلاماً ( أبــــديـاً ) وهو يري أطفال وأبناء شعبه وأمته لم يخذوا حقهم وحق أرضهم ورد كرامتهم وحق دينهم وقوميتهم .....

أخي ذو النون المصري وأخي كل كلامك عن سيناء ومصر أبناء مصر واقتصاد مصر وسياسية مصر مصر مصر مصر وتنسوا أننا عرب وان عبد الناصر صاحب فكر قومي !!

وعبد الناصر لم يغامر لأجل كرامته الشخصية بل لأجل سوريا وفلسطين والأردن والعرب والكرامة العربية كلها أنصحكم يا أخي أن تقرئ جيدا عن الفكر القومي .

أخي ذو النون تقول الحرب نفسها ليست قيمة ايجابية نسعى إليها فلماذا سعت أمريكا إلى حرب فيتنام وحرب العراق واحتلال بنما وحرب كوبا وتمويل الحروب ضد معارضيها في أقصي الأرض إلى أدناها .

معي أنها تسيطر برأسماليته المخيفة على العالم كله فلماذا تسعي إلى الحرب والسلاح ؟؟؟؟

ولكن هل الأربعة جيوش العربية إذا لم تدمر في هذه المعركة ما كان مصيرها .

هل ستكون جيوش استعراضية ؟؟

هل ستكون جيوش تحمي حدود إسرائيل كما تفعل الآن ويقتل زهرة شبابها على الحدود بسبب معاهدة ؟؟

هل كان سيدب فيها الفساد وتنهار أم ستوجه سلاحها إلى الشعب وتكون حرباً أهلية بين الجيش والشعب ؟؟

أما عن زهرة شباب مصر والعالم العربي الذي قتلوا في هذه المعركة وليست حرب !!

هل إذا لم يقتلوا أو بمعني اصح استشهدوا في هذه المعركة هل كانت الأنظمة العربية والنظام المصري ونتخيل نظام أخر غير نظام عبد الناصر حتى لا تقول إنني منحاز إلى عبد الناصر ونقول نظام السادات.

هل كان نظام السادات سوف يستغلهم استغلالا صحيحاً في مصلحة والمواطن والوطن والأمة العربية ، وما الدليل علي ذلك ؟

ولما لم يستغل السادات شباب مصر واقتصادها وطاقاتها بعد حرب 1973 م ، ويوظفها لمصلحته سياساته التي كان يجزم أنها صحيحة مثلك ومثل الآخرين أمثالكم ؟؟

لماذا اخرج السادات الإسلاميين وكل من اعتقله عبد الناصر من السجون المصرية وما المقصود من هذا ؟؟

لماذا قضي السادات على المرجعية السياسية للدولة واسماهم بمراكز القوى وتشويه الفكر القومي العربي ؟؟

لماذا فتح مصر وجعلها شركة مساهمة عالمية باسم الاستيراد والتصدير والاستثمار بسياسة الانفتاح ؟؟

وما النظرية الاقتصادية التي كان يستند إليه السادات في هذه السياسة ؟

وهل نجحت هذه السياسة في جعل مصر ذات سيادة على اقتصادها وأمنها الداخلي والقومي – وما هو الدليل ؟

وهو الذي سبق وان طرد من الخدمة العسكرية بسبب التجسس الم يكون جاسوساً على الانجليز والعرب معاً فأحترف الخيانة والجاسوسية ؟

أخي عمر راضي وأخي ذو النون المصري أنا لان امجد في سياسة عبد الناصر ولان اسرد وأحصي انجازات عبد الناصر الاجتماعية والثقافية والسياسية والاقتصادية على مصر في عهده حتى لا اتهم في أني من الذي يعبدون عبد الناصر أخي أنا لا اعبد إلا الله وعبد الناصر كان لا يعبد إلا الله ولا يخشي إلا الله .

هذا ما يجعلني احترم فكر عبد الناصر وأيدلوجية عبد الناصر وهدف عبد الناصر الذي كان يصبوا إليه قد استطاعتي ومن رؤيتي المتواضعة .

لقد قتل سبعين مؤمن من صحابة رسول الله في غزوة احد وخاطب أبو سفيان رسول الله وهو متحصن على الجبل فقال يا محمد الحرب سجال يوماً نساء ويوماً نسر ألعزي لنا ولا عزي لكم فرد عمر ابن الخطاب رضي الله عنه على لسان الرسول الكريم فقال له الله مولانا ولا مولا لكم .

معني القصة من يخسر اليوم بسبب جهل أو نقص أو خيانة أو حماقة أو غيرها من الأمور يصحح ويحاول حتى يستعيد ما خسر ويحقق ما كان يريده والحرب سجال ، والاهم القيم والمبدأ والفكر ومن ينتصر أخيراً وقد يأتي النصر بطرق أخري غير السلاح .

ونحن أصحاب الحق وهم أصحاب الباطل .

soosa el-mafroosa said...

islamist bloke

أهلا بيك أول تعليق

تفتكر ان الإسرائيلين سربوها عشان يهتونا يعني أو يذلونا

مش عارفة متهيألي ممكن يكون فيه شوية صحفيين في إسرائيل بيدوروا ورا الموضوع ده على أساس خبطة صحفية أو حاجة

لو فيه نظرية مؤامرة ورا الموضوع ..مش شايفة لسه هدفها لغاية دلوقت

بس المزعج هو رد فعلنا على أساس ان دي أول مرة نسمع الكلام ده

شئ غريب

soosa el-mafroosa said...

فارس عبد الفتاح

مش فاهمة بالظبط ايه ربطك بين السادات و الموضوع ده

أنا مش ساداتية ..و لكن سواء فيه اتفاقية سلام أو لأ ..من أيام عبد الناصر كان لازم الموصوع ده يتصعد بشكل أو بآخر

مرورا بالسادات و بابا حسني ..المسؤليه في رقبة الجميع

soosa el-mafroosa said...

المنفى

إحنا دايما منتصرين منتصرين

و ندور على أسباب الهزيمة ازاي اذا كان مافيش هزيمة أصلا؟؟

و نحاسب نفسنا على إيه هو احنا بنغلط

و بعدين يا باشا أصلا حققوا في الموضوع أو ماحققوش

إحنا مابنقبلش العوض

حسبنا الله و نعم الوكيل

soosa el-mafroosa said...

dr.tantawy

وكمان نسيت اسمي يا اسمك ايه؟

و انت مستغرب ليه؟؟

كل حاجة هيتحقق فيها بس في وقتها

بعد 30-40 سنة

يادوب على مانفوق م الغيبوبة

soosa el-mafroosa said...

كراكيب عادل

هو مش متوقع منهم غير كده

لكن احنا

على الأقل لما ننضرب

نقول أي

بس احنا واضح ان جتتنا نحست

soosa el-mafroosa said...

شمس الدين

أهلا بيكي يا شمس

لما البيه اخواجة يقول حصل

يبقى كلامه ثقة

أي حد تاني يبقى كلامه أونطة و أي نخريف

للأسف

بس برضه تفتكري الموضوع هيتحل دلوقت

من غير ما أيأس حد

الموضوع ده مش هيتحقق فيه الا لما نبقى دولة محترمة
و ده لسه فاضل عليه كتير
ده ان حصل أصلا

soosa el-mafroosa said...

جبهة التهييس الشعبية
انشاء الله
--------------------
قاسم أفندي

الوضع كله قاسي

و ذلنا مالوش حدود

بايدينا احنا و لنفسنا

soosa el-mafroosa said...

diyaa'

أنا مش باتكلم ع الحكومة

الحكومة ماتكلمتش و مش هاتتكلم

انا باتكلم علينا احنا و ع الإعلام و على الناس اللي بيسموا نفسهم مثقفين

كلنا حاطين بانرات عن تحرير الأقصى و ده شئ مهم جدا و محترم

بس كام واحد كان فاكر الشهدا دول و مانسيهمش و فضل حاططتهم جوا ذاكرته و مصمم ع الأقل يفكر الناس بيهم؟

ماحصلش غير لما اتكلموا هما و بعدين هما اللي فكرونا بوجعنا و ذلنا

soosa el-mafroosa said...

عمر راضي

شكلها كده بداية مناظرة جامدة

مستنيه
----------------------
محض روح

أحترم وجهة نظرك جدا

بس هل احنا محتاجين نتهت بالموضوع ده؟

ماحنا مرعوبين أصلا و ماعدناش نافعين في حاجة

احنا موتنا من زمان و مش محتاجين حد يخوفنا منهم اكتر ماحنا خايفين

soosa el-mafroosa said...

يا مراكبي

احنا نبقى متخلفين فكريا لو احنا أصلا عندنا فكر

و برضه نبقى سيئين أخلاقيا لو احنا أصلا عندنا اخلاق

احنا أول ناس بنرخص نفسنا بايدنا

مش منتظر من الآخرين انهم يعملولنا قيمة بالنيابة عننا

تحياتي

soosa el-mafroosa said...

sampateek

هو الصراحة من فرط غباءهم انا ممكن أصدق انهم يفضحوا نفسهم

بس هيا الفضيحة المرة دي وارد الخارج

احنا كده لازم حد يفضحنا عشان ناخد بالنا و نعيط ع الجرح

غير كده..دماغنا بأه فيه منا كتير ايه يعني شوية كده ماتوا

فيه غيرهم كتييييييييييييير

soosa el-mafroosa said...

mohamed a.ghaffar

صورة بلاغية جميلة

و فعلا مته]الي كلنا عايشين في قاع الوحل اللي بتقول عليه

و مستحليين العيشة كده

ربنا يتوب علينا و نفوق و نخرج من القاع

camera_girl said...

بتكتبى من القلب ولعقل واحيانا من المراره

اعتقد ان البوست ده من المراره والكبد وكل حته ناقح هع ليكى

معلش ي ابنتى ..ربنا يكشف الغمه..مفتكرش انى مستنيه رأى فىمدونتك الغنيه عن التعريف بجد تحفه

Anonymous said...

الأستاذ فارس عبد الفتاح قدم لنا عرض حى لكيفية التأليف فى العلم و المنطق على طريقة هو المؤلف و المخرج و الممثلين و جمهور المشاهدين .. !! مين (حفظك) هذا الكلام ؟ اياكشى محمد سنين هيكل برضه؟

على رأى سوسة .. بدلا من ان ترى مسئولية المجحوم عن المصيبة المعروضة هنا .. رأيت فقط مسئولية السادات عن احداث وقعت بعدها بسنوات ..

لو لم تكن هناك 67 .. لما كانت هناك معاهدة سلام من اساسه

المهم

لن اناقش التأليف الذى ألفته معاليكم هنا انا بطلب اجابة على سؤال مسؤلية عبد الناصر عن ترقية ظابط جاهل و حشاش و جعله وزير دفاع مصر فى مواجهة اسرائيل .. و عن مشي وزير دفاعنا الهمام مع الرقاصات و الغوانى .. و هل عبد الناصر كان يعلم و كان يعرض على مصر .. اما كان طرطور .. و هل تصرف عبد الناصر فى هذا الخصوص يرقى للخيانة العظمى ام لا ؟


السؤال الثانى .. جبت منين تأليفة ان المعاهدة ( ابدية ) و ماهو دليلك على ذلك .. ملحوظة يمكن لك الإستعانة بصديقك (محمد حسنين هيكل)

عمر راضى

Anonymous said...

الأستاذ فارس عبد الفتاح

يا ترى انت (حزين) على هزيمة 67 ام فرح بها ؟ لا نراك تسب و تلعن من تسبب فيها ؟ بالعكس .. نراك تسب و تاعن من تسبب فى انتصار 73

كانك فرح بهزيمة مصر حزين لأنتصارها .. يعنى معاليكم اصبحت فى خانة واحدة مع الأعداء .. و هذه شيمة بتوع كارل ماركس

عمر راضى

Anonymous said...

الأخت سوسة

شكرا يا أختاه .. ادينا شغالين بما يرضى الله اهوه ... هاهاهاه

عمر

Anonymous said...

الأستاذ فارس عبد الفتاح

هوه كارل ماركس و هيكل ما حكوش لمعاليكم حكاية صلح الحديبية بين الرسول و كفار قريش ؟؟

و لا ما حكزش ليك ان عبد الناصر وافق و قبل مبادرة روجرز

تخيل الكلام ده بنقوله بقاانا ييجى 40 سنة للشيوعيين و الماركسيين

انت عارف مفتاح شخصيتك ايه ؟ الشيوعية و الماركسية .. انت عواطفك مش مع مصلحة مصر .. لااا ابدا .. عواطفك مع مصلحة الشيوعية و الماركسية فى مصر .. علشان كدة هزيمة 67 على قلبك زى العسل علشان حصلت فى ضلال الشيوعية و سيطرة روسيا على مصر .. و 73 على قلبك زى الكوبة .. علشام حصلت بعد ما السادات اعطى روسيا بالجزمة و تقارب مع الغرب

أدى كل الحدوتة

عمر راضى

فارس عبدالفتاح said...

أولاً أرد على الأخت / سوسة

بسم الله الرحمن الرحيم

ربنا افتح بين قومنا بالحق وأنت خير الفاتحين

صدق الله العظيم .

اختنا سوسة العلاقة بين السادات ومعاهدة السلام ( الخيانة للامه العربية ) ( والخيانة للأبناء الشعب المصري على الطلاق بحيث نسي دماء وأعراض العرب والمصريين وأراضي العرب التي مازالت محتله بسبب هذه المعركة والمعارك التي سبقتها وإقامة هذه العمالة الوضيعة ونسي قتلنا وقتلي العرب والمسلمين )

( أما عبد الناصر فالأمر مختلف تماما كان عبد الناصر فهناك حرب بمعني يعد للحرب أم يبكي على اللبن المسكوب ، الفكر الثوري لا ينظر إلى الوراء إلا ليأخذ العبرة وليس وليرسخ الهزيمة في قلوب وعقول المحاربين فكانت هنا حرب استنزاف بعد تدمير الجيش عن بكرة أبيه وهذه في حد ذاتها عبقرية عسكرية فذة )

للإيضاح عبد الناصر لا يُفرض عليه أمر واقع ولا يستسلم لأي حرب سواء حرب عسكرية أو حرب نفسية أو أعصاب !!

هنا سؤال قد طرحته في مجموعة الأسئلة التي لم يجيبني احد عليه هل عبد الناصر إذا حارب وانتصر هل كان سيعقد صلح مع إسرائيل على أشلاء أبناء شعبه وأبناء أمته وهناك ارض عربية لم تحرر إلى ألان هذا سؤال ؟؟؟

أم يقول أنا لا استطيع أن أحارب أمريكا حتى يرسخ الخيانة في أذهان الشعب المصري ويخرج نفسه من الحرج العربي والإسلامي !!

الأخ الفاضل / عمر راضي المحترم

هذا المدح وهذا الإطراء بأني ابتكرت أسلوب جديد في علم المنطق بعد ما هاجمتني واتهمتني بعدم الفهم وعدم المنطقية والجدلية الفكرية ،،،،

فهذا يعتبر تراجعا منك ورفع من شخصي المتواضع بين كلاماتك التي تسطره في هذه ألمدونة الزاهرة .

انه لمن دواعي سروري وغبطتي بان أصبحت من جاهل متفيقه ومكنت عقلي لا تعمل إلى مبتكر أسلوب جديد في علم الكلام والمنطق فأشكرك شكرا جزيلا على أن مثلتني أو جعلتني تلميذ للأستاذ محمد حسنين هيكل الذي من المفروض أن يكون ثروة قومية بدل من فيقي عبده أو دولي سمير.

واني والله العظيم لأتمنى على الله أن أري هذا الشخص واجلس معه قبل أن يموت فدعوا لي أن يحقق الله لي رجائي هذا .

اولاً : عبد الناصر كان عاطفيا في أمور وكان تنين طاغية وأحيانا سفاح في أمور أخري وهذه هي شخصية عبد الناصر كان دكتاتور في أمور وكان في منتهي التواضع في مواخري .

مثلا كان دكتاتور على من يخالف الفكر القومي العربي وكان متواضع ومحب ومتعاونا لأراء شعبة .

وكان تنين طاغية وأحيانا سفاح مع الإسلاميين الذي كانوا ينادون بدولة الخلافة .

أما العاطفية التي كانت في عبد الناصر هي كانت نقط ضعفه وهي من جعلتنا تفقد بعض المصداقية في أعضاء مجلس قيادة الثورة كان مع إخوانه ضباط قيادة الثورة بهذه الطريق وهذه ليست خيانة بل ( سقطة ) من عبد الناصر ورمنسيه حالمة ليس لها وجود في هذا الصراع العالمي الذي وضع عبد الناصر نفسه وشعبة وأمته في نديه مع العالم الأوروبي والأمريكي والإسرائيلي بعد ما كنا عبيد .

فكان على عبد الناصر أن لا يكون متساهلا أو عاطفيا مع قواده وأصدقائه .

ولكن شخصية عبد الناصر الصعيدية الصادق التي يوجد بها الاعتراف بالفضل والإدانة بالجميل وحب الكرم وتزكيت الآخرين على النفس جعل من عبد الناصر هدف سهلا من أمثالك يا أخي عمر .

يا أخي هذه لا ترقي إلى الخيانة العظمة لأنه لم يتعامل مع الغرب كما تعامل رئيسك مع الغرب لم يتجسس على أمته في يوم من الأيام كما تجسس رئيسا مع الألمان من قبل لم يبيع قضيته العربية تجاه مصلحته الشخصية .

وسألك سؤال وتجاوبني بكل صراح هل يتفق الشعب المصري على أن معاهدة كمب ديفيد هي فلا في مقتضاها السياسي والعسكري تخدم الشعب والمصري والمواطن المصري والتراب المصري ، ونترك القضية القومية !!!

لا أظن ذلك يا أخي الفاضل والدليل (التطبيع ) ( والكوميذ ) واللي مش عارف اسمها إيه المبيدات السامة وأشياء لا تعد ولا تحصر !!

المعاهدة أبدية والدليل على ذلك قد ذكرته لك وللإخوة الاماجد أن أبنائنا يقتلون ويخطفون على الحدود المصرية الإسرائيلية ولا يوجد أي رد فعل مصري يرقي إلى حتى التحذير !!

وعايزك تسلك ودانك وصنفر مخك وتبربش عنيك عشان تراقب وتلحظ وتفهم وتدقق ما يجري في سيناء وداخل مصر ايضاً من سياسيات معاهدة كمب ديفيد !!

أنا حزين على خسارة معركة 1976 م ، ولكن لان اجلس طوال عمري احزن على أمر لا ينفع فيه الندم ولان يغير خزني وأسفي شيء .

اهههه اهههههه اههههههه اههههههه ضحكتني ومكنش لي نفس اضحك خليتني في خانة الأعداء أي أعداء يا بابا وأنت وريسك عملين معاهدة استسلام !!

يا عم اركلنا في حته ناشفة ، أنتي عاوز تفهمنا أنك مناصر للقومية العربية يا عم ارحمنا لأجل النبي . أحــــــــم أحــــــــــم أحـــــــــــم

أنا خزين لان الانتصار المصري لم يحقق الأحد الأدنى لما كان يرجوه المواطن المصري والمواطن العربي بعد كل هذه الماسي .

اههههه اههههههه اههههه اههههه أخر ما كنت أتوقعه أن اتهم بالشيوعية اههههههه هاااااا

أعزروني كنت افتخر أو أتباهي إذا اتهمت بالقومية العربية ولكن الأخ عمر الله يحظو ضحكي اهههههههه اهههههههه يتهمني أني شيوعي .


أخي نعم يوجد كثير من الإيجابيات في الفكر أللاشتراكي والفكر الشيوعي وأنا أتحداك واتحدي أين من يعارضني أن يعطيني الفرق الجوهري والحقيقي بين الاشتراكية والشيوعية !!

التي حاربها الزعيم عبد الناصر .......

أخيراً أي خدمة يا سي عمر أفندي واللي خليها بيه عشان اللي زيك يحبوا الألقاب ويتمنوا أن ترجع الباشاوية والباكوية من تأني ، ويبوسو على أيد مولانا الملك عشان يعفو عنهم .

يقول الشاعر

ومن ربط الجحاف فانا فينا إفراداً صلباً واقوماً حسانا

قول قل هاتوا برهانكم إن كنتم صادقين ""

صدق الله العظيم

زحل الفلكي said...

قريت البوست
واتوجعت
اوي

اتوعجت قبل كده لما شفت سكة السلامة لمحمد صبحي

اتوجعت قبل كده لما شفت وثائقى الجزيرة

اتوجعت من كلمه قلهالي صديق والدي رحمه الله
قالي زمان في 67 كانوا محتلين الارض وعلمهم بيرفرف على سينا
دلوقتي بعد لما عدينا 73 وبقالنا كتير بنتفشخر بيها
علمهم بيرفرف في احسن حته في مصر

اتوجعت لما شوفت اخبار فلسطين
اتوجعت لما شفت الحفر تحت الاقصى
اتوجعت لما الكلام بقا سياسي اكثر منه في السليم وانه يثير الحمية ويوضح القضية للشباب اللي زيي

اتوجعت

انما عملت ايه
اه عملت
قريت واديني هنا وفي مدونات تانيه
عرفت اكثر واكثر من كل حته

على الاقل اتأكدت اني انا واللي حوليا لو قدر ربنا وكنا اصحاب شركات مش حنتعامل معاهم

لو قدر ربنا وكنا في مركز قيادي مش حنتعامل معاهم

لو قدر ربنا وحضرت يوم الزحف عليهم كما قال الرسول عليه الصلاة والسلام
اكون من الفوج الاول

مش حفضل اشتم في الحكومة
علشان اكيد هم عارفين انهم اللي بيعملوه ده غلط
وضد الطبيعة حتى

الدور والباقي علينا اننا نعرف نفسنا
لو كنا مش عارفين

شكراً على البوست

Anonymous said...

السيد فارس عبدالفتاح

واضح انك لا تجد ما تقول فلم تلجأ سوى للهلفطة و أى كلام و السلام .. من البديهيات التى من المفروض اننا لا نحتاج لأن نشرحها لك .. ان الكلام لابد ان يساق مستندا الى ادلة علمية او منطقية او حقائق تاريخية .. و ليس ان يساق لنا حفنة من الهذيان الذى لا علاقة له بأى شيئ فى الكون .. تحليلك الساذج و الطفولى لشخصية عبد الناصر هو من بنات تأليفاتك و اختراعاتك .. و هو كلام ممكن طبعا ان ندعية على اى شخص فى الكون

عبد الناصر عندما يحب ان (يكرم) اصدقائة .. فيمكن له ان يكرمهم من جيبة او من ميراث ابوه او امه اذا كانا يملكان من حطام الدنيا شيئا .. و لكن (مصر) ليست بقشيشا يبقشش به عبد الناصر على حبايبة و بطانة الأفاقين الذين جمعهم حوله

اذا كان تفسيرك الساذج الطفولى (يبرر) اسناد وزارة الدفاع المصرية لشخص جاهل اولا و حشاش ثانيا و بيتصرمح مع الساقطات ثالثا .. و مصر امامها عدو عتيدمثل اسرائيل .. فمنطق القانون لو عرض عبد الناصر للمحاكمة فلن يحكم عليه سوى بالخيانة العظمى .. ثم الإعدام ..

و بعد هذا تأتى مجموعة اخرى اكثر افكا و نفاقا و تبرر هذه الخيانة .. لا لشيئ الى من أجل سواد عيون اسيادهم الشيوعيين و بتوع الفكر الماركسى..

فهم يتساوون فى الخيانة و العمالة مع صنمهم المعبود

المهم .. الشيوعية سقطت و لله الحمد و المنة .. و صارت الى مزابل التاريخ .. و بسقوطها انفضحت الأشكال و الأطوار الأخرى من الفكر الماركسى الفاشل المتخفى - جبنا و رياءا - وراء اقنعة قومجية و ناصرجية ووحدويجية الى اخر المسميات البلهاء الفاشلة التى اطلقوها على انفسهم

و هذه حقيقة مرة عليهم ان يظلوا يتجرعوها حتى الممات .. و انهم لم و لن يخرجوا من المزابل الى كراسى الحكم مرة اخرى ابد الآبدين مهما حاولوا ملئ الدنيا بهلفطاتهم المريضة

عمر راضى

Anonymous said...

السلام عليكم
ازيك يا بت يا سوسه ياااااااا مفروسه
انا و اعوذ بالله من قوله انا سفاااح الفراخ
عرفتيني..المهم كلامك زي الفل..بس انا بصيت في المدونه بتعتك لاقيت صوره حسن نصر الله و علم حزب الله..انتي يا بت يا سوسه مش عارفه ان حسن نصر اللات كافر بن كافره ؟ و انه رافضي ملعون؟ بالله عليكي ؟هل مدونتك اصبحت مقام ثناء علي واحد كافر زي حسن نصر اللات و اوعي تكوني جاهله زي الاغبياء و الجهله الي معتقدين ان الخنزير حسن نصر اللات بيحارب اليهود او بيقود المسلمين في صراعهم الابدي مع اخوان الخنازير من اليهود
ياااااا سوسه يا مفروسه
حسن نصر اللات كافر..كاره لدينك سابب لربك و نبيك و اصحاب نبيك و ازواج نبيك ..استغفر الله العظيم
الكلام كتير يا سوسه الكلام كتير بالله عليكي شيلي صوره الخنزير حسن نصر اللات و صوره حزبه حزب اللات

بنـت ســعد said...

بصراحة يا سوسوة

عندك حق

لولا ان الاسرائليين بنفسم اعترفوا

و لا كان حد عندنا من المسئولين ح يتكلم

ده حتى البجح ابو الغيط يقول بكل بجاحة فى مجلس الشعب ان العلاقات المصرية الاسرائيلية مش ح تنقطع بسبب فيلم

و لما تقريبا مبارك قالله يلم الدور و ميحرقش دم الناس اكتر من كده

قال قدمنا على طلب نسخة من الفيلم

ح اقولك ايه بس

كلهم كلاب

عايزين يمصوا دم البلد و يسيبوها تنزف ولادها ثمن لكده

اللهم لا توّلي علينا من لا يخافك فيها


تحياتي

كلام لوجيك said...

انا اتفق مع الاخت محض روح
كلامها مظبوط جدا

بس بشكل عام انا مفروس ومحروق دمى ومش طايق نفسى بسبب الحكومة منزوعة الحياء والكرامة
لقد وصلنا الى اقصى مراحل الانبطاح والانهزامية الداخلية
لم يعد يجدى الكلام نفعا ولن يجدي ابدا
نحن نتعامل مع حكومة وجهها مكشوف ومستعدة للتضحية بالشعب كله من اجل استقرار النظام وعدم خروجه عن الخط المرسوم

لن يفيد الا العصيان المدنى

kaed said...

أختى العزيزة المفروسة
و النبى إبقى فكرينى أخد بحق عمى فى حرب اليمن و النكسة سنة 2067ربنا يدينا ويديكى طولة العمر أصلى مش قادر أخدلة بحقة اليومين دول إنت عارفة إن القيادة عندنا بتقول على اليهود أنهم ناس طيبين

فارس عبدالفتاح said...

عزيزي الفهلوي / عمر راضي

لقد طفح الكيل ..... إلا لا يجهلن احد علينا فنجهل فوق جهل ألجاهلينا .

وأنا مش عارف مين فينا اللي بيهلفط ويهذي ويحلل تحليل طفولي وساذج ويتغاضي عن التاريخ والدليل .

يا هذا : الزعيم لم يملك مصر ولم يهبها لأحد وان الذين قاموا بالثورة الأحرار وهم من قامت الثورة على أكتافهم وإذا فشلت كانوا سيكونون في حبل المشنقة.

أليس هذا حقيقة تاريخية تريدها ......

وإذا كنت تدعوهم بالأفاقين ،،،، فالأفاق الوحيد الذي كان وسطهم هو( السادات ) كان من المفروض له أن يكون في يوم 23 يوليو1952 في ساعة الصفر في مقر الضباط الأحرار وبعد ذلك يتوجه إلى الإذاعة ليطلق الإعلان بقيام الثورة بأوامر مشددة من الزعيم عبد الناصر .

ولكنه بطبع الخيانة فيه والتسلق والأصولية قام بحجز تذاكر سينما هو ومامتك جيهان لمدة ثلاثة حفلات متتالية .

حتى إذا فشلت ( ينجي ، ويفلت ) وإذا نجحت يفوز بالمجد مع الذين يفوزون .

أليست هذه حقيقة تاريخية ،،،،،، ( يا آفاق )

يا هذا : الم يكن عامر من الضباط الأحرار وكانت له ( شعبية رهيبة بين جنود الجيش) المصري قبل 1967 وبعد 1956 وهو من ضباط الجيش وواحد من الضباط الأحرار يعني يحق لهم أن ينصب في وظائف عسكرية عليا .

مع تحفظي على عبد الناصر انه وثق ثقة عمياء في بعض ضباط الأحرار وهذا ما لا يكون من زعيم مثله .

أليست هذه حقيقة تاريخية ،،،، يا جاهل .

يا هذا : من الذي كان يعطي الترقيات أليس الملك بتاع أمثالك ( مولاكم يرفع من يشاء ويخفض من يشاء ) بغير وجه حق ،،،،

أليست هذه حقيقة تاريخية ،،،،، يا عبد

أنا لم أجيبك على أن عبد الناصر لم يكن شيوعيا ولكن كان اشتراكيا وتحديتك وتحديت أي إنسان يتحداني أن يعرف ما الفرق الجوهري والرئيسي بين ( الشيوعية والينينية ) و (الاشتراكية الماركسية ) ولم تجبني ولان تجيبني وأنا أتحداك .

يا هذا : لقد أسس عبد الناصر ونهرو، وتيتو ، واحمد سكا رنوا ، ( منظمة دول عدم الانحياز ) أو ( الحياد الايجابي ) .

أريدك أن تقرئ عنها .

أليست هذه حقيقة تاريخية ،،، يا تافه يا متفيهق يا نطع !!!

عبد الناصر رجل شهم وحر وجرئ وشجاع ولم يكن يقبل ولان يقبل بان يكون تابع لأي احد في العالم حتى ولو لتابع من إتباعه مع انه لم يكن له إتباع أو أزلام مثل السادات الحقير القذر .


أما قدوتك القذر كان تابع للأمريكان والإسرائيليين ،، وهذا بشهادة التاريخ وأناس محترمين ومنك شخصيا ً

أليست هذه حقيقة تاريخية ،،، يا خونه .

أنك تتكلم كما كان يتكلم السادات عن القومية العربية انك تتحدث بديماغوجية السادات العفنة الحقيرة القذرة .

لقد كان السادات يرئس المجلس الإسلامي في عهد البطل وها أنت تتكلم وكأن السادات يتحد على لسانك .

لتصف القومية بالشيوعية مع أن الزعيم دمر الشيوعية في المعتقلات كما دمر الإخوان المسلمين .

كما هتف له واحد من الدماغوجيين أمثالك في مجلس الشعب ووصفه بأنه صلاح الدين الأيوبي .

عبد الناصر كان يخطب في الهواء الطلق كان يخاطب الشعب لا صفوت المثقفين الذين يوجد من بينه الخونة والمرتزقة في قاعة مغلقة .

أليست هذه حقيقة تاريخية ،،،، يا منافق .

أمثالك مثل الحرباء والثعابين الحقيرة تتلون مع أي لون يكون في محيطها وبيئتها حتى يصل إلى غايته .

مثلما فعل السادات قدوتك ،،،، يا أتباع عبد الله ابن سلول .

ولا تنسي أن عبد الحكيم قد نحي وأقيمت عليه الإقامة الجبرية ولا نعرف إذا كان قد قتل أم انتحر .

أليست هذه حقيقة تاريخية ،،،، يا مغفل .

Diyaa' said...

رديتي علي تعليقي رد محدود فهل معني ده انك كنتي مستعجلة ولا كلامي شايفاه مش مفهوم ولا ايه ...يهمني ردك بالتفصيل :( ولو حتي قلتي ميساويش حاجة
سلام عليكم

Anonymous said...

هاهاهاهاهاهها

انا شايف بعض الماركسيين البلاشفة (فارسوف عبدالفتاحوف ) بدأوا يفقدوا اعصابهم .. معلشى .. اصل الحقيقة مرة .. كما قلت سابقا .. اعداء الأمة الذين يفرحون بهزائمنا و يمجدون من تسببوا فيها .. و تصيبهم الحسرة و المرارة لإنتصاراتنا و يكرهون من تسبب فيها كره العمى .. عليهم ان يتقبلوا مرارة انهم اصبحوا فى مزبلة التاريخ مع سيدهم كارل ماركس .. و انهم لن يصلوا لمراكز الحكم و المهلبية و الفته مرة اخرى


جمال عبد الناصر معروف ان امه يهودية .. و انه اتربى فى حارة اليهود .. و فى الفالوجة اتصل بأصدقائة الإسرائيليين و كانوا يرسلون له الهديا و البرتقال .. و يبدو ان اتفق معاهم على انه يدمر مصر لصالحهم باعتبارها العقبة الكأداء فى طريق الأحلام الصهيونية .. و قرروا ان يفسحوا له المجال للوصول للحكم .. و فعلا .. ليلة 23 يوليو .. لم تتحرك امريكا .. و حتى بريطانيا التى كان لها جيوش فى مصر و كانت تستطيع اجهاض هذه الثورة فى دقيقتين بالظبط .. و لكن لم يحدث هذا .. و أعمل عبد الناصر كل قواة لتدمير اى قوة فى البلد حتى تم له افراغها من محتواها تماما .. و بعدين حط عشيق برلنتى عبد الحميد وزيرا لدفاع مصر .. ليدمر اسرائيل .. (كده و كده) .. قووووم ايه .. صاحبنا فتح لهم سينا على مصراعيها ليدخلوها بسلام امنين .. و كان الطريق للقاهرة ايضا مفتوحا على مصراعيه .. و لكن اسرائيل لم يكن لديها الجيوش الكافية لإحتلال مصر .. مش معقول يحتلوا دولة حجمها يفوق حجمهم عشرة مرات .. و هكذا توقفوا فى سينا
..........

سمعتوش اخر نكته .. ال اللى يقوم بثورة .. من حقة يحكم البلد .. شايفين الهبل ؟ و ده بقى مذكور فى القرأن ام فى السنة لا فى القوانين و الدساتير؟ .. يمكن مذكور فى المانفيستو الشيوعى .. بتاع كارل ماركس .. القرأن بتاعكم

طيب مهو محمد نجيب حطوة فى الصدارة و لو فشلت الثورة كان اول واحد حيتشنق .. عزلوة ليه و سجنوه فى بيت بدون محاكمة يقدر يدافع فيها عن نفسه .. و فضل مسجون 16 سنة لغاية ما زفت الطين غار فى داهية .. و لم يخرجه الا الرئيس السادات رحمة الله عليه

العرق الصعيدى الطيب بتاع عبد الناصر ما اتحركشى ليه تجاه محمد نجيب زى ما اتحرك تجاه عشيق برلنتى عبد الحميد اللى حطه وزير دفاع مصر .. الا الا اذا كان الكلام كله هلفطة مخاليل

و ال ايه !! .. ال بيقولوا السادات الله يرحمه كان جاسوس للإلمان .. و يا ترى الطرطور كان فين من هذه المعلومة؟ .. و الطرطور عين السادات نائب ريس جمهورية ازاى ؟ اذا كان البهايم عرفوا ان السادات كان جاسوس .. يبقى اكيد ان عبد الناصر كان اغبى من البهايم .. يا إما ان البهايم .. لأنهم بهايم .. بيفهموا الأمور بالمشقلب .. علشان مخهم معشش فيه صراصير و تعابين .. و كلامهم كله هلفطة و هجايص

حلفتكم بأسيادكم كلهم من كارل ماركس و للينين لستالين لميشيل عفلق انكم نهدوا اعصابكم احسن بالله السلامة تروحوا فيهم و تتحسبوا علينا حشرة

نصيحة .. ما تردوش علشان ما تتهزقوش اكثر من كده .. علشان لو انتحرتم بعد كده أنا مش مسئول ..

سلامات يا بلاشفة يا طابور الجواسيس و أعداء الأمة


عمر راضى

شهيدة said...

سوسة
معاكي حق مية في المية
المشكلة اننا اتعودنا نسكت عن حقنا وهو ده اللي بيقوي عدونا علينا
والأخوة الاسرائيلين
جيرانا احنا كمان في لبنان
مبسوطين من السكوت القاتل ده أوي
لدرجة انهم بيورونا الشريط وبيقولولنا
بصوا يا نايمين
أدينا بنعترف بنفسنا
ورونا حتعملوا ايه
أنا بس خايفة ييجي اليوم اللي الشهداء دول والقضايا التانية المسؤولة مننا تتف علينا وتلعنا عشان سبناها وركضنا ورا قضايا فارغة
تحياتي لك دائما
وللشهداء الأبرار

soosa el-mafroosa said...

camera_girl

شؤفتي المنورة يا جميل

البوست ده فعلا من المرارة

اللي خلاص قربت تنفجر

ربنا يتوب علينا جميعا

soosa el-mafroosa said...

زحل الفلكي

آسفة اني وجعتك

بس كلنا في الوجع سواء


تفتكر كلنا لما نبقى في موقع مسؤلية هنتغير عن الموجودين

هما كمان كانوا زمان بيتكلموا عن القومية العربية و مش عارفة ايه تاني

و يوم ماقعدوا على الكراسي اتقلبوا 180 درجة

اللهم ارزقنا الثبات على المواقف و ابعدنا عن النفاق و الرياء

تحياتي

soosa el-mafroosa said...

سفاح الفراخ

ماقدرش أكفر حسن نصر الله

ماعنديش معلومات كاملة عن معتقدات الرجل

شاهدته في خطبة يستشهد بالقرآن و الحديث

أضع صورته في المدونة على الأقل من باب ان

عدو عدوك هو صديقك

اعدك أن أقرء أكثر عن معتقداته و إن كان كما تقول
فلامكان له في مدونتي

soosa el-mafroosa said...

بنت سعد

تقريبا أبو الغيط هايشوف النسخة دي مع العيلة
مع شوية بوب كورن

ماهو خلاص ماعادش فيه دم بيجري في العروق
من زمااااااااااااان

حسبنا الله و نعم الوكيل

soosa el-mafroosa said...

ساكاماكا نيوز

نحن نتعامل مع حكومة مستعدة للتضحية بالشعب كله

من أجل إستقرار أرصدة أفرادها في بنوك سويسرا

تحياتي

soosa el-mafroosa said...

kaed

لو كان لينا عمر انشاء الله

هابعت لحد من أشقاءنا الإسرائيليين يبقى يعمل سلسلة أفلام
تفكرني أنا و انت و الجميع بإذن الله

soosa el-mafroosa said...

diyaa'

مش عارفة ليه جالك الإحساس ده؟

يمكن مارديتش على كل نقطة بالتفصيل لأنه كلام صحيح في مجملة
و انا متفقة معاه

بس انا كنت أقصد في البوست الناس العادية و ازاي هما بينسوا

يعني موضوع رد فعل الحكومة ده شئ مفقود فيه الأمل من زمان
لأنهم مش هيتصرفوا في أي حاجة مالهاش علاقة بأرصدتهم في البنوك

مافيش غير كده يهم أي مسؤول في مصر

وظيفة الحكومة إنها تخبي لكن إحنا اللي مش لازم ننسى و لازم نفتكردم أولادنا ومنبطلش نطالب بالثأر ليهم

و مانتأثرش بمحاولات الحكومة انها تنسينا و تلهينا في أي هبل من اللي بيخترعوه عشان ينسونا بيه المهم

soosa el-mafroosa said...

فارس عبد الفتاح&عمر راضي

اكيد ماكنتش أقصد بان حواراتكم ساخنة و بتعجبني و بتفيدني

ان انتوا توصلوا لمرحلة إهانة كل منكم للآخر

ليه مافيش حد في مصر بيقدر يتناظر مع حد بدون إهانات

يا ريت ترجعوا تاني لمناظراتكم الراقية

اللي كانت دايما بتبدأ ب ..الأخ فارس
أو الأخ المحترمعمر راضي

عشان نستفيد من غير إيذاء للشعور

تحياتي

و في انتظار العودة

soosa el-mafroosa said...

شهيدة

لا و الأدهى كمان أنهم هما يورونا الشرايط

و حكوماتنا النجيبة تقول لاااااااا ماحصلش
دي الكاميرا الخفية

بس في اآخر احنا اللي غلطانين

بقينا زي الفراخ و مستنيين الدور عشان نندبح

و برضه ماحدش هيدور علينا

Anonymous said...

السلام عليكم ورحمه الله و بركاته
طيب يا بت يا سوسه يا مفروسه
انت عبيطه يا بت اقولك حسن نصرالله كافر بن كافره تقولي لما اجمع معلومات
و انا بقول عليكي مثقفه و متعلمه
حسن نصر الات يا سوسه من الشيعه الاثنا عشريه و دول لهم عقيده تحركهم
اعرفي رحمك الله انهم يكفرون كل الصحابه و يلعنون سيدنا ابو بكر و عمر و يقولون ان جميع الصحابه اردتوا بعد وفاه النبي الا خمسه
و يطعنون في امهات المؤمنون و يقولون ان ام المؤمنين عائشه قد فعلت الفاحشه الصديقه بنت الصديق المبرئه من فوق سبع سموات زوج رسول الله و حب رسول الله صلي الله عليه و علي اله و صحبه و سلم
و يقولون ان القراءن الذي بين ايدينا محرف و عندهم قرءان اسمه قران فاطمه و يسمون اهل السنه عندهم بالنواصب و اسمعي كلام الخنزير الخوميني في كتابه الحكومه الاسلاميه و كتابه كشف الاسرار
ان النواصب لابد ان يعاملوا كاهل حرب حلال دمهم و مالهم و اعراضهم
انظري الي العراق انظري الي الذبح و السلخ للجلود و الجماجم في العراق انه الحقد الرافضي لاهل السنه
وظيفه حسن نصر الات في لبنان الامين العام للامام الخامنئي في لبنان
ابحثي عن عقيده الرجل الكافر
و اسالي اهل العلم عن من يكفر جميع الاصحاب
اسالي اهل العلم فمن يطعن في شرف امهات المؤمنين
اسالي اهل العلم فمن يكفر اهل السنه و يسموهم النواصب و يعتبرهم انجاس
و رب الكعبه ان امتلك حزب الات ان يدمر مكه من بكره ليفعل
و لا تتعجبي لان عندهم من زار قبر الحسين كانت له الف حجه
و انظري الي العراق و الي جيش فيلق بدر و جماعات الموت و اسمعي فتوي الشيرازي الذي افتي بذبح اهل السنه و حرق مساجدهم تقربا الي الله
هذا هو دين حسن نصر الات و الجاهلون الناعقون يرفعون الصور و الرايات بالبطل الذي سيقود الامه و هو واحد من مجوس هذه الامه
اسف علي الاطاله و لاكن طعنت عندما قرءت ردك هل تحتاج حقيقه الروافض الي بحث..؟
فليكن اسال الله العظيم رب العرش الكريم ان ينير بصيرتك الي الحق و ان يجعلك من اهل الحق و ان يجري الحق علي قلبك و لسانك

Anonymous said...

http://www.fnoor.com/
موقع من الاف المواقعه التي بها ادله و براهين صوتيه و مرئيه علي الحقد الرافضي لاهل السنه
و بكره هعدي اشقر علي المدونه بعد صلاه المغرب
سفااااااااااااااااح الفراخ

Anonymous said...

و الله العظيم يا سوسه انتي بت جدعه و ميه ميه و ربنا بحب دماغك الي بطلع افكار زي الدهب و بردوا بقولك ان لو كنتي مضيقه من شويه العيال بتوع الاشتركيه و المركسيه و الملوخيه تحبي امحيهم خالص انا في الخدمه انا مش عايز حد يعكر دمك
و ايه رءيك في البوقين الي قلتهم مش انفع و لا ايه
يلا سلام

Anonymous said...

بصى يا سوسه .. المسألة ليست مناظرة شعرية و لا ادبية .. احنا بتكلم عن سلسلة من ابشع النكبات التى تعرضت لها الأمة و عانى بسببها الملايين .. مظلومين .. معذبين .. قتلى .. ضحايا .. جائعين .. شعوب مشردة فى اصقاع الأرض هربا من الظلم و المعاناة .. مرضى .. اسر تحطمت .. نساء ترملت او ثكلت .. شباب مش عارف يتجوز و ينشر معاناته على الإنترنت .. مصائب كبيرة و بشعه .. و مصر على وشك ان تورث و تكتب باسم عائلة معينة الى ابد الآبدين .. و نحن على وشك ان نوريث كالبهائم .. المصائب هذه لها اسباب .. و لازم نفهمها حتى نستطيع ان نعالجها الآن و نتفاداها فى المستقل .. .. و هذه فائدة التاريخ .. و لكن و بكل اسف .. هناك اناس تزور التاريخ لتضلل الناس لتنفذ اجندتها الخاصة .. اوعى تفتكرى ان ما يحدث حولنا انما يحدث اعتباطا .. لااااا .. هذا مخطط قذر من اجل استمرار المعاناه .. ناص عندها مصيبة معينة لسبب معين .. و اناس تأتى لتنفى السبب الحقيقى و توجه الناس الى اسباب مزيفة لتجند الناس لتفيذ اجندتها الخاصة
و المطلوب ان يفهم الناس سبب معاناتهم .. لأن هذا هو الحل الوحيد .. فشيئ طبيعى ان يؤخذ الأمر بمنتهى الجدية و الصرامة .. هذا اذا اردنا ان يصبح لهذه المعاناة نهاية .. يجب علينا ان ننتفض لحماية المستقل الذى سيعيش فيه ابناؤنا و أحفادنا
و عندما تلتقين بهؤلاء الرعاع .. و تستمعى الى كذبهم و نفاقهم .. فلابد ان يؤخذ الأمر بجدية .. المسألة مش شياكه و لا وجاهة .. لأ .. دى مسألة حياة أو موت أمه .. أو هكذا ارى الأمور

تحياتى

عمر راضى

فارس عبدالفتاح said...

لا حولا ولا قوة إلا بالله العلى العظيم

با ابن الحلال أنا لم افقد أعصابي أنا أعصابي تستحمل بلد زيدك ( واعتي ) منك مع علمي بأنك ( مخيط ) ولكن العين بالعين والسن بالسن أنت بدئت فأردت أن اريك أني استطيع أن أتعامل معك بأسلوبك فقط لا غير مع وجود الدليل الذي طلبه .

مع ذلك لم تعترف بالتاريخ وهذا دليل على أنك إنسان تجادل بغير علم وتتبع سياسة الاستفزاز ثم بعد ذلك تهدي اللعب وتتهم الأخر بأنه هو الذي يغضب وانه قليل الحيلة وانه ليس عنده جواب منطقي ولا تاريخي ويكون قد وقع في فخ المناورات التي تجري على صفحات المدونة أو في أي مكان .

ودليلي القاطع يا ( حنكورا ) انك كل مرة تكتب فيه تستهذء بى وكل مرة تلقبني بلقب جديد أم في أخر تعليق لم تهاجمني حتى بكلمة واحده اهههههه اههههههه اههههههي .

هذا أسلوب الساداتي والفلاحين الباردين يا فلاح يا بارد وهذا لا يؤثر في العبد الفقير إلى الله وحده .

أستاذ عمر/ لقد سقت لك بالدليل العقلي والنقلي ما كنت تريده ولكن تجادل وتماطل مع وجود الرد القاطع المانع لكل سؤال طرحة على ولكن تنسي ما فات وتواصل التصعيد تني الدليل وتواصل الاستفزاز حتى تصل إلى ما تريده وهذا أسلوب أمريكاني تعلمه السادات من أسياده الأمريكان ولم يتعلم أسلوب المواجه والرسوخ في المواجه لأنه فلاح والفلاح بطبعه جبان !!

تتهم وتتواصل وتدعي وهذه شيء ليس غريب على إنسان يعيش في وهم اسمه السلام .

أستاذنا / أنا حوبتك على كل سؤال ولم تجاوبني على أي سؤال وأنا لا أطالبك بان تجاوبنني لأني عرف أسلوبك في الحوار ليس عقلي ولا منطقي ولا بناء ولا تريد أن تصل إلى الحقيقة أو حتى إلى نقطة نجتمع فيها .

أولا أنا لست مركسيا ولست شيوعيا مع احترامي لكل هذه الأفكار الثورية المحترمة ولكن يوجد خصوصية الدين وخصوصية القومية التي لا يعترف بها ( لنيين ) .

أنا هنا لست في حال دفاع عن النفس لأني لست في حالات اتهام من شخص مثلك اعرف تمام المعرفة كيف يفكر وكيف يستنتج الأمور وكيف يضع لها الحلول .

أستاذي إذا أردت أن تكمل حوارك لبد أن تكون مدعوم بالتاريخ ( الرقمي ) وأحداثها وما انبثق منها بالدليل التاريخي ( الرقمي ) حتى لا ندخل في جدال عقيم لا فائدة منه إلا آن تستفزني وتتهمني فهذا لا يحرك لا ساكن ولكن بيدي ( أنا ) العبد الفقير إلى الله أن أرد بما أراه( أنا ) مناسب لشخص مثلك .

وقد علم القبائل من معد إذا قبب بأبطحها بنينا

بانا المطعمون إذا قدرنا وإنا المهلكون إذا ابتلينا

وإنا المانعون لما أردنا وإنا النازلون بحيث شينا

وإنا التاركون إذا سخطنا وإنا الآخذون إذا رضينا

وإنا العاصمون إذا اطعنا وإنا العازمون إذا عصينا

ونشرب أن وردنا الماء صفواً ويشرب غيرنا كدراً وطينا

ألا أبلغ بني الطماح عنا ودعميا فكيف وجتمونا

إذا ما الٌٌُْْمُلك سام الناس خسفاً أبينا أن نقر الذل فينا

ملأنا البر حتى ضاق عنا وظهر البحر تملاه سفينا

إذا بلغ الفطام لنا صبي تخر له الجبابر ساجدينا

Anonymous said...
This comment has been removed by a blog administrator.
Anonymous said...

فارسوف عبدالفتاحوف

انت بتقول انى فى ردى الأخير لم اتطرق اليك بكلمة واحدة .. هاهاهاه .. ياللغباء .. الرد كله ينصب عليك .. راجع التالى :

(هناك اناس تزور التاريخ لتضلل الناس لتنفذ اجندتها الخاصة .. )

و هذه

(هذا مخطط قذر من اجل استمرار المعاناه .. ناص عندها مصيبة معينة لسبب معين .. و اناس تأتى لتنفى السبب الحقيقى و توجه الناس الى اسباب مزيفة لتجند الناس لتفيذ اجندتها الخاصة)

و هذه

(عندما تلتقين بهؤلاء الرعاع .. و تستمعى الى كذبهم و نفاقهم .. فلابد ان يؤخذ الأمر بجدية .. )

...........

ثم تعود و تلقبنى بإستاذك بعد ما شتمتنى .. و هذا اكبر دليل على غدة النفاق عندك

لأ و بيقول انه قدم الدليل العلمى .. اقولة حط عشيق برلنتى عبد الحميد وزير دفاع مصر ليه .. يقولى (اصل عنده عرق صعيدى طيب) .. ده فى عرف فارسوف .. دليل علمى رقمى .. و لا يصنف ضمن الهجص و التأليف .. أصل مستر فارسوف داخل فى ضمير عبد الناصر و عارف نيته كويس .. سألته طيب العرق الصعيدى الطيب ده ليه ماتحركشى تجاه محمد نجيب .. ما ردش

و مرة اخرى يطلع تفنينة جديدة .. ان اللى يقوم بثورة من حقة انه يحكم .. سألته جبت الكلام ده منين ؟؟ ايه هية مرجعيتك .. ماردش

يرجع مرة ثانية يقولك الثورة لو فشلت كانت الناس دى اعدمت .. ضربت له مثل محمد نجيب .. ما ردش

و نروح بعيد ليه

الموضوع دى اصلا .. عن اسرى مصريين قتلوا فى حرب 67 .. اذا بمستر فارسوف .. يقفز على الهزيمة و المتسبب فيها .. و يقفز لأعوام كثيرة ليكلمنا عن معاهدة السلام .. هذه هى الطريقة العوراء التى يرى بها الخواجة فارسوف الأحداث!!! قفز فوق 12 سنة ..
اقولة لو لم تكن 67 لما كانت اتفاقية السلام .. هنا بقى يعمل فيها اعمى و اطرش

و عايز ال يجادلنى بالدليل العلمى .. نفسى اشوف دليل علمى واحد

واحد بدأ كلامه بانه قال من يتراجع عن الباطل يبقى خاين و عميل .. نقوله ايه ؟ و ناقشة فى ايه؟

روح يا شاطر العب بعيد .. دور على ناس عبيطة زيك و ناقشوا التاريخ سوا بطريقة جنرالات المقاهى و البوابين و بياعين الكفته .. بطريقة الشعارات و اليفط البلهاء

أنا بتكلم هنا فقط بالتريخ الثابت و البراهين و الأدلة العلمية و المنطقية

روح نفذ اجنده الماركسيين اللى قاعدين ليل نهار يمجدوا فى الديكتاتورية و حكم الفرد و الحزب الواحد و الحكم الشمولى و قوانين الطوارئ .. الى اخر سمات حكم عبد الناصر و الحكم الماركسى .. و يموتون غيظا و حزنا و كمدا .. عندما نكلمهم عن الشرعية و الدستور و القانون و حرية الشعب و تداول السلطة .. و حرية الكلام و رقابة الشعب و تقرير مصيره

فارسوف بيقول انه مش شيوعى و لا ماركسى .. !!!

عمر راضى

فارس عبدالفتاح said...

انت دخلت شخص من المفروض له انه لا يكون فى هذا الموضوع مع اني لم افعل الا الذي فعلته اكثر من مرة وانا اقول لك يا اخي الفاضل يا استاذي المحترم يامش عارف ايه واخير استعملت اسلوبك ولكن اتضح اني لا استطيع ان انافسك فى هذا الاسلوب

وانا مشهاخش معاك فى هذه المتاهة والسبب
اني لست ند لك فى هذا

لكن لان اكتب رد لسببين

الاول قال رسول الله صلى الله عليه وسلم فى حديث في مامعناه ( لاتسبوا ابائكم فقالوا يارسول الله وكيف يسب الرجل اباه قال يسب الرجل ابو الرجل فيسب اباه فيسب امه فيسب امه)

صدق رسول الله صلى الله عليه وسلم

اما الثاني انت اثبت بالدليل القاطع انك انسان لم تصل الى النضج الذي يجعل منك ند لى


وارجوا من الاخت سوسة انت تشيل هذه
الكلمة فقط


لو انقلب جميع الناس الى كناسين واردوا ان يثيروا الغبار على السماء

لظلت السماء هي السماء ضاحه السن بسامت المحية

وهل يضر السحاب نبح .......

Anonymous said...

أنا ايضا ارى ان النقاش معك غير مجدى بالمرة .. و لقد تجنبتك من قبل فى مواضيع اخرى

و بخصوص انى شتمتك ردا على شتيمتك لى .. فقد اردت فقط ان اعرفك ان الشتيمة سهلة .. و أنا بقولك أنا اسف .. لا لشيئ الا لأنى احب ان تكون لى اليد العليا .. و صاحب الحق حتى النهاية

و هذا تصفية نهائية للحساب و دليل نهائى على انتهاء النقاش بيننا

و ربنا يهديك

تحياتى

عمر راضى

فارس عبدالفتاح said...

شكرا شكرا شكرا

للاخ عمر راضي صاحب اليد العليا وشكرا على كرم اخلاقه

Diyaa' said...

اه ده اللي كنت عايز اشوف رأيك فيه
بس في نقطة فاتتك في كلامي
ان الفيلم ده طالع لمجرد جس نبضنا واثبات اننا ولا حاجة واهدار طاقتنا
لأن كل ما المسألة تثار ويتكلموا فيها وميحصلش حاجة في الآخر هنتعود علي كده
ولو حرقوا اسكندرية بعد كده مش هنعمل حاجة
زي في الأول لما كانوا يقتلوا واحد مسلم كنا نتضايف اوي ونكتئب ونقلبها مظاهرات
دلوقتي شوفي كام مسلم وكام عربي بيموتوا كل يوم
فده اللي المفروض نفتكره ان دم المسلمين والعرب والمصريين غالي و نفتكر برضه اننا مش هنعرف ناخد بتارنا الا في حالة لو اتربينا صح من الأول ووصلنا لمرحلة ان نسبة كبيرة من الناس فينا تكون قد مسئولية انهم بيحملوا لقب خير أمة أخرجت للناس
والناس في مصر تكون أد مسئولية خير أجناد الأرض والخير ده مش مجرد سلاح وقوة بدنية دي قوة ايمان الناس بربنا وفهمهم الصحيح لدينهم ودنياهم
وده بصراحة محتاج معجزة او محتاج جماعة زي الأخوان المسلمين مع تجنب كل اخطاء وعيوب الأخوان المسلمين .
بس خلاص واسف لو تعبتك بس بحب لما اقول رأيي اوصله صح
سلام عليكم

18goosebumps said...

عمر ما اى حد حيحترم حد مش بيحترم نفسه ولا فصيلته ولا شعبه ولا بناء جنسه
والـ بنقول امريكا بتعمل فينا كده ليه
مهو طبيعي اذا كان دمنا رخيص كده عند دولتنا العزيزه حيكون غالى عليهم ازاى

كخطوه ايجابيه
ابدأ بنفسي واحترمها واحترم كل الناس و ربنا يسهل بعد كده

ااااااااه

انا اصلي مفروسه اوي يا سوسه

soosa el-mafroosa said...

.

belhana said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول