Tuesday, May 29, 2007

إلى أين يذهب بنا الأزهر







بعد الفضيحة أم جلاجل و الجرسة أم حناجل اللي اتعملت لمصر و المصريين من حوالي اسبوعين على موقع العربية و المواقع التانية اللي نشرت الفتوي العبقرية "إرضاع الكبير"و اللي صدرت عن رئيس قسم علم الحديث بالأزهر و اللي مش عارفة المسلمين كانوا عايشين قبلها إزاي
و التي لحقتها فتوى أخرى لعالم آخر من علماء الأزهر و هو المفتي بجلالة قدرة عن التبرك ب"بول " الرسول





دلوقتي بأه من حق كل الناس التساؤل بجدية عن جدوى هذا الكيان المسمى بالأزهر
الأزهر ككيان و رمز (كان) في يوم من الأيام المنارة التي يشع منها الإسلام من مصر و الى العالمين العربي و الإسلامي..و من قبلها كان مهد للثورات الوطنية ضد الإستعمار بمختلف جنسياته
في يوم من الأيام(كانت) الفتوى التي تصدر من أحد علماء الأزهر تصدق بدون مناقشة و تحفظ بدون ذرة شك في نفس متلقيها
لم يكن تأثير الأزهر محصورا بالعالم العربي بل امتد بجدارة الى خارجه حتى أنه يقال ان الطائرة التي كانت تقل احد شيوخ الأزهر لم يستطع قائدها أن يهبط في أرض مطار العاصمة النيجيرية لإفتراش النيجيريين الأرض ترحيبا بشيخ الأزهر في احدى زياراته




الآن شيخ الأزهر"طنطاوي المهاود" يصدر فتاوى من نوعية ..على نساء المسلمين خلع حجابهن و اطاعة القوانين الفرنسية..و من قبلها فتواة التي أطلقها على القناة الأولى الإسرائيلية حين سؤل عن العمليات الفدائية التي يقوم بها الفلسطينيين و أفتى أنها مجرد عمليات إنتحار ..و من وقت ليس بعيد أقال أحد أعضاء لجنة الإفتاء لقوله بعدم شرعية مجلس الحكم العراقي..و كان هذا بعد أن كان طنطاوي قد أفتى أنه لا مانع من التعاون مع الجيش الأمريكي طالما سيخلص المسلمين من رؤساء في مثل ظلم صدام




و هكذا و بعد فتاوى طنطاوي و فتاوي غيره من شيوخ الأزهر التي تتسبب في كثير من البلبلة و نثير التساؤلات داخل نفوس ضعيفي الإيمان و تشككهم في دينهم في الوقت الذي من الواجب على علماء الأزهر فيه ممارسة مهمتهم في نشر الدين و تعاليمه الصحيحة خاصة بعد الحملة الشرسة على الإسلام و الأصوات القادمة الينا من الخارج و التي تصوره كدين للتخلف و الرجعية ذو تعاليم غير متلائمه مع العصر الحالي



في الوقت الذي فيه حملات التنصير على أشدها في أواسط أفريقيا و جنوب شرق آسيا و الدول العربية في شمال أفريقيا..في الوقت الذي يذهب فيه المبشرين الى القبائل و الأدغال و الأحراش للدعوة إلى دينهم تاركين وراءهم الحياة المترفة الرغدة و الأهل والأصدقاء..باذلين في سبيل دعواهم الجهد و العرق و المال...يغرق دعاتنا في نومهم و يختفي دور الأزهر المرجو في إرسال الدعاة المؤهلين الى جميع أرجاء الأرض بخاصة تلك التي يوجد بها حاجزا للغة بين قومها و بين الإسلام يستمر المبشرين في جولاتهم يوما بعد يوم محققين بعضا من أهدافهم في تحويل المسلمين المذبذبين الذين فقدوا الثقة في دعاتهم كما فقدوا الثقة في كل شئ آخر




و هنا داخل الدول العربية التي (كانت) من قبل تفخر بالأزهر و تطمئن الى أنه طالما الأزهر مازال قائما فلن يضل مسلما أبدا..يوجه علماء الأزهر كل يوم ضربة هادمة لأساس هذا الصرح بمعاول صنعت من فتاوى مثيرة للجدل لا يهم أي مسلم معرفتها بل إن ضررها لهو أكبر بكثير من نفعها




ونرررررررررجع لنظرية المؤامرةهل دي مهمة أخرى ناجحة من مهمات الجهاز الحكومي المصري لإخراج الدين من الحياة اليومية للمواطن العادي بإفقاده الثقة في علماؤه و ذلك عن طريق تولية أولوا الثقة بدلا من أولوا العلم..المطيعين بدلا من المشاغبين..و المهاودين بدلا من المقاومين






إلى أين ذهب الأزهر.و إلى أين يذهب بنا الأزهر

79 comments:

عصفور المدينة said...

خلينا نقول الأزهر الإعلامي ...الأزهر الملمع..
وإلا فإن هناك علماء حقيقيين في الأزهر لا يعرفهم أحد ولا يظهرون على فضائية ول جريدة صفراء أو خضراء

طريقة الفتنة والبلبلة قديمة جدا ومعتادة المنافقون خرجوا مع الرسول بنية العودة لتخذيل الجيش

ناهيك عن الحاكم بأمر الله وتحريم الملوخية والناس تشتغل بالليل وتسهر بالنهار!!
ردود أفعال ناس كثير على فتوى مونيكا أن الحديث مكذوب أو إن صحيح البخاري غير صحيح وهو المطلوب إثباته

ياخذ حديث صحيح في البخاري ويبني عليه فتوى شاذة على غير فهم السلف للحديث تقوم الناس تشك في البخاري
حسبنا الله

الديب said...

السلام عليكم اختى

من وجهة نظري .. السبب الرئيسي لانهيار دور الازهر هو اعتماد سياسة التعيين لشيخ الازهر .. والغاء انتخابه من جانب هيئة كبار العلماء

ارجو مراجعة التدوينة دي بعنوان: الازهر نائم حتى اشعار اخر
http://eldeebs.blogspot.com/2006/09/blog-post.html

السلام عليكم

Mohamed A. Ghaffar said...

السؤال ميكنش كده السؤال الى اين يأخذنا مفتعلى الفتن وصائدى الزلات

وبعدين من قال لأى حد يروح مع دول ولا مع دول ، الفقه والعلم موجود عنهم وعند غيرهم

مـحـمـد مـفـيـد said...

بصراحه احنا اطلقنا العنان للفتاوي ولافتاوي
فوصلنا لما نحن فيه

.:.-=- ELGaZaLy-=-.:. said...

الازهر زمان لحد وقت قريب اوى

من اعظم مراكز البث الثقافى والاسلامى

بس حاليا اصبح مجرد تابع لحكومة حقيرة

لنا الله ..لنا الله

باب البحر said...

سيعود الأزهر كما كان . عندما يعود كما كان.

و عندما نعود نحن كما كنا.

بالله المستعان said...

حقا اسفل الناس من اشتري الدنيا بالدين

فان كانوا
لايخافون في الحق لومة لائم
لحملوا لوء الاسلام

A.SAMIR said...

الازهر يذهب بنا الى رئاسة الجمهورية بمصر الجديدة
بس خلاص
اعتقد انك فهمتى اجابتي
تحياتي ليكي
مدونة روعة

فارس عبدالفتاح said...

أسف على ما لم يكن مقصود بما حدث وشكراً جزيلا على إيضاح بعض أمور كانت غائبة عني !!


الموضوع :

أهل السنة والجماعة وأئمتهم يحرمون الخروج على ولى الأمر وينكرون على من يساهم في الخروج على ولى الأمر حتى ولو كان ظالم أو كان جائر أو فاسق .

الخوارج يرون الخروج على ولي الأمر وقتاله إذا لم يحكم بالعدل ويراعي أمور الأمة والناس .


الشيعة يرون أن إمامة الفقيه أو الولي وان يكون الولي من آل البيت الكرام .


أقول أن الخوارج على صواب أو اقرب إلى الصواب في خروجهم على الولي .

والشيعة في رؤيتهم في ولاية الفقيه صحيحة أو على جانب كبير من الصحة .

أما أهل السنة والجماعة قد تاهوا ولم يستطيعوا أن يوجدوا آلية أو نظام حكم أو نظام سياسي رشيد بعد فتنة الخلافة بين على كرم الله وجهه ومعاوية رضي الله عنه !!

وهذا نتاج أهل السنة والجماعة في عدم خروجهم على ولى الأمر فانه بظلمة وطغيانه جعل المنافقون والضعفاء هم من يصدر التشريع ويحرفون الكلام عن موضعه كما فعلت بني إسرائيل .

وأخيراً يقولون لنا أهل السنة والجماعة أنهم هم الفرقة الناجية من النار كما كانت ومازالت تقول النصارى واليهود .

وأسف على الإطالة ..

•«ρяoιd»•™ said...

يذهب بنا إلي الأسلام الأمريكي

حسبنا الله و نعم الوكيل

المشكله ان دي ناس علماء في الدين

يعني هيتحاسبوا حساب عسير

و المشكله الأكبر

انهم عارفين ده

مش فاهم انا

عمرهم ما فكروا في كده ولا ايه

تحياتي

مسلم said...

السلام عليكم و رحمه الله و بركاته

طبعا كلامك صحيح حرف حرف و كلمه كلمه

لكن أنا دايما أحب قوي إني أرجع للتاريخ

أصل فعلا التاريخ بيعيد نفسه يا جماعه

من بتاع ألف سنه كده

يعني سنه 300 و حاجه هجريه

قدم الشيعه الباطنيين العبيديين من المغرب العربي لينشروا مذهبهم الباطني الخبيث و دخلوا مصر متسترين في ستار حب آل بيت النبي صلي الله عليه و سلم

فسموا أنفسهم الفاطميين

نسبه إلي فاطمه الزهراء رضي الله عنها إبنه نبي الهدي صلي الله عليه و سلم و زوجه الخليفه علي بن أبي طالب رضي الله عنه

الفاطميين أهلكوا كل كتب الأزهر و أبدلوها بكتب المذهب الباطني الخبيث

الفاطميون كانوا يسبون أبي بكر و عمر و عثمان رضي الله عنهم في خطبه الجمعه

الفاطميون مكثوا في مصر مده طويله

إلا أن الله حفظ علي الأزهر صبغته السنيه و لم يتأثر الأزهر بهذا الدجل الشيعي

طنطاوي إجتهد في إغراق الأزهر

طنطاوي غارق في المتناقضات

طنطاوي

طنطاوي

طنطاوي

سيزول طنطاوي

و حتما هو زائل من يتبعه طنطاوي

(و إذ تبرأ الذين أتبٍعوا من الذين إتبَعوا و رأوا العذاب و تقطعت بهم الأسباب)

سيزولون

ثم يعود الأزهر أزهراً زاهراً

كالورده الفيحاء في بستان السنه

يوم الأزهر قادم

و لكن عندنا فاصل للأسف من المساخر و التراهات

فاصل و نعود مع الأزهر الزاهر

سلام عليكم

مسلم said...

الأخ فارس

عذراً

ممكن تعرفني بنفسك أكتر

يعني إنت حكمت علي ناس إنهم صح و ناس طلعتهم بره و خلتهم رايحين ورا الشمس

حضرتك مين بالظبط

مفتي الديار مثلاً

شيخ طريقه و لا إيه

ما هو بصراحه مش كل واحد يتكلم كلام علي كيفه و يكفر الناس بكلمتين و خلاص بقه

لا حول و لا قوه إلا بالله

اللهم أرنا الحق حقاً و ارزقنا اتباعه و ارنا الباطل باطلاً و ارزقنا إجتنابه

TheRiddle said...

انتى عايزة ايه من مصر؟
للاسف مفيش حاجة عدله هتم
كله للاسوء
متوجعيش دماغك ومتحرقيش دمك ع الفاضى
لأن محصلة الكلام ده كله
صفر
ده مش احباط بس ده واقع
اسلوبك مميز جدا
الى الامام دائما
والي بلوجي عدل
http://midolessey.blogspot.com/

عـلا - من غـزة said...


انا من يوم ما سمعت رد شيخ الازهر على موضوع الاقصى اللي حصل من فترة , وانا بقول ان الشيخ خلص لازم يستبدل

الفيديو موجود عند الديب للي حابب يسمع ويتحسر

موضوع الفتاوي موجود مش بس من شيوخ الازهر ,, اليوم اي حد بيطلع في اي فضائية او برنامج "ديني" ممكن يفتي باي كلام والسلام

يعني انا قصدي ان المشكلة في مبدأ اعطاء الفتاوى لكل من هب ودب

انا اعرف ان زمان الفتوى كانت محتاجة مجهود ودراسة مطولة ,, علشان كدة بتكون موثوقة وقابلة للتصديق

انما بعيدا عن الموضوع ,, بحب اهنيكي على مستوى المقال وطريقة كتابته وتناولك للموضوع من عدة زوايا ,, الله يعطيكي العافية يا سوسة

تحياتي

hapasa said...

طب نجيب الازهر منين
أنا شايف مرحلة الإضمحلال الكبرى
ثورة يوليو
وخلت الأزهر مؤسسة ليس لها أي دور
والأزهر الى كان جامع وجامعة باه جامعة بتدرس كافة العلوم ده كويس بس مادرس اقتصاد إسلامى مادرس ازاي تبقى مدرس أو طبيب أو مهندس مسلم
كلكعو مناهج الأزهر لغاية ما بقت المعاهد معاهد لم ينجح احد
وبعد ما الناس ما كانت بتدخل عيالها الأزهر مابقتش تدخلهم علشان مستوى التعليم
والراجل جدع قال ولا تكتموا الشهادة فى الاستفساء
يعنى تلاقيه فى تزويرة فى أمر كده أمر كده
ربنا يسهل لعبيده
تحياتى ليكى

ذو النون المصري said...

دائما ما تاتي في راسي كلمة قالها الشيخ الغزالي حينما اري الوضع المتردي لاحوالنا الدينيه في مصر
قال
الاسلام قضيته رابحه لكنها في يد محامي فاشل
و الواقع يؤكد صحة هذه المقوله
فالاسلام يتعرض لاسوا المشاكل من اهله و المنتمين له و لم يعد اعداؤه يبذلون جهدا في الاساءه اليه كما كانوا في الماضي اذ ان كل اساءاتهم هي ترديد لوقائع حقيقيه سواء كانت احداث ارهابيه او فتاوي شاذه او غيرها
ايضا كلمه اخري اتت في راسي بعد قراءتي لهذا الموضوع و هي لسراقه بن مالك في الافلام الدينيه الشهيره حينما ساخت قوائم فرسه في الرمال
قال لفرسه
لكاني بك تحالفت مع محمد
و اقول لهؤلاء
لكاني بكم قد تحالفتم مع اعداء محمد

ولى النعم said...

سوسة هانم مفروسة

انا مبسوط منك كتييير هانم لانك تطلب من الخالق العظيم يطول فى عمر ولى النعم لكن لماذا تدعو الله ان يقصف عمر الناس عشان اخلص ؟ حد يزهق من عيشة جزال تحت حكم ولى النعم ؟

سوسة هانم
انت تقرأ كلام ولى النعم وانت جالس ـ مش تمام هانم ـ انت لازم يوقف احترامات

انت مشاغب سوسة هانم ظالم لولى النعم اللى طفحان كوتة منشان شعب خنزقور
التخطيطات للوصول بالازهر الشريف الى الحضيض لم يتم فى عصرنا الميمون هانم ولكن فى عصر الزعيم الخالد فقد عني بنفسة على تطوير الازهر والتخلص من تاثيرة القيادى لعالم اسلامى ونجح فى تحويل ازهر شريف الى مصلحة حكومية بموظفين يلبسون ملابس شيوخ محترمين ويؤمنون بمبادئ ثورات واهمها

عشان ما نعلى ونعلى ونعلى
لازم نطاطى نطاطى نطاطى

وتسلمت نحن ولى النعم الحكم وحرصت من فورى على استكمال عنايات فائقات بالازهر شريف ولنا ان نفخرا فقد حولنا شيخه الجليل الى تشريفاتى الوحدة الوطنية ونعدكم سوسة هانم باستكمال مسيرات وسنظل كابسين على انفاس شعبنا الخنزقور لاخر نبض فى عروقنا هانم وانا فى صحة تمام هانم حنضل كتير كابس على انفاس

سوسة هانم

فز قوم احترامات

ولى النعم

Amr Ahmed said...

بصراحة فيه ناس كويسين في الازهر

بس قليلين

يعني كان الله يرحمه الشيخ جاد الحق

وحاليا

الدكتور علي جمعة
اللي اعتبره
من اعلم المسلمين حاليا

بس خلاص
الازهر مؤسسة حكومية

يعني مفيش ابداع
مفيش جديد

____
ادعيلي يا سوسة
دقت طبول الامتحانات

الطائر الحزين said...

السلام عليكم
المرة الأولى فى الزيارة وهذا من سوء حظىء فعلا
لأنة وللأسف كعادتنا جميعا لا نعلق الا على الموضوع الاخير اللى على الوش يعنى ونسيب البهايريز اللى تحت واللى يمكن تكون الافضل ساحاول اكسر القاعدة اعلق على اللى فات لان اللى فات مش دايما بيكون مات
بداية استوقفنى كتاب نائب عزرائيل واول مرة حد يشاركنى به الرأى هو رائع ليس لاسلوبة بحسب وطبعا هناك اراء جدلية علية لكن ما يدهشنى حقا كيف قفزت هذه الفكرة فى رأس هذا الكاتب
طبعا خرجت عن التعليق عذرا
اما التعليق
أخذ عليكى نشرك لمعلومة رضاعة الكبير سبيبها مدفونة احسن لان فى ناس ممكن متعرفش وتعرف على ايدك وتتلكك
اما الأزهر تصدقى مع كل هذا الهوان من الى فى الزهر الا انه ما زال معمول له حساب والا مكنش كل الحرص على ان شيوخة ميكونوش اى ناس ناس مية مية طبعا
وطبعا الموضوع ابعادة كثيرة فيخرج الازهر واحدة تقول ما دام انا فقة مقارن زى فلان الفلانى يبقى انا عاوزة اطون مفتية زية ولو افتاء خاص بالنساء وتفضل تشرشح وتعيط
ده فى حاجة هبقى اكتبها اكيد فى تدوينة ان نص طلاب الازهر او اكثر بيسسقطوا وجم يناقشوا الموضوع ده فى بنامج مناقشة تكسف
طولت طبعا
عذرا

غمض عينيك said...

الازهر هيودينا الملاهي انشاءالله وهيكون مشرف الرحلة الشيخ سيد بيه اوكيه
ربنا يستر علينا منهم

تحياتي ليكي ولمدونتك الرائعة

محمد سمير

islamist bloke said...

مش كل الازهرية يا سوسة

الازهر فيه علماء ثقات....علماء من أفضل من حملوا لواء الدين ولكن ممنوع عليهم الظهور والأضواء

قريبا يزول طنطاوى

والسلام

يا مراكبي said...

عزيزتي

الأصل في الموضوع هو خوف بعض رجال الدين من الحكام وهم بشر .. ولا يخافون من رب البشر

يخافون من فقدان ترف العيش في الدنيا .. وهم أعلم الناس بأن الآخرة خير وأتقى

ومن هنا يبدأ الإنهيار الذي ترينه وتتحدثين عنه .. الأزهر لن يذهب بنا إلى أي مكان .. لكنهم بعض ضعاف النفوس الذين سيذهبون بنا إلى ما هو أسوأ وأسوأ

فارس عبدالفتاح said...

الاخ مسلم

تحية فائقة

اذا كنت مهتم بمراسلتي فهذا اميلي

seragff@gmail.com

ابوزياد الفاتح said...

دور الازهر كل سنه وانت طيبه
لما شيخ الازهر يروح يسلم واحده اعلنت اسلامها واستنجدت بالازهر كاكبر مؤسسه دينيه فى مصر يروح يسلمها للكنيسه تانى
فى حين انه مش قادر يرجع واحده تنصرت
يبقى ايه فايدته تانى
لما الازهر يصبح اداه فى يد الجاكم يفعل بها كيفما يشاء
فكيسف نتوقع مه دور ايجابى
حسبنا الله ونعم الوكيل
ورى مدونتى
www.islamnaaa.blogspot.com
شرفينا وعلقى
سلام

darsh said...

خلاص الأزهر بقى عيب وكوخه دلوقتي ؟؟

علشان تلات اربع فتاوي .. هو المفروض ان اللي أفتى الفتاوي دي مش بشر برضه واللا إيه ؟؟ واللا المفروض ان الأزهر ده جهة معصومة من الخطأ ؟

أكيد هو مش جهة معصومة من الخطأ والمشكلة مش في كده .. المشكله ان أي حد بقى يقول أي حاجه في أي اتجاه حتى اللي ما قراش أي حاجه .. أرجو ألا يفهم كلامي بمفهوم ضيق على أنه تلميحات .. حتى اللي ما قراش نص الفتوى بيتكلم وبيسب ويلعن في الأزهر علشان مجرد بني ادم هافترض انه غلط .. هو مين من المشايخ ما غلطش ... طبعا انا مش مع الفتوى خالص .. لكن انا بتخنق جدا عشان الموضوع خد أكبر من حجمه الطبيعي .. وده ممكن يؤدي بالبلد لفتنه مالهاش أي لازمة .. لمجرد تصيد الأخطاء للعلماء ..

انتي أكيد قريتي التاريخ الإسلامي . وأكيد قريتي فتاوى ابن حزم الظاهري .. ابن حزم الظاهري ده كان في فترة أعتقد انها في عز زهو الإسلام وانتصاراته ... وعالم من العلماء اللي أقاموا بعض أسس علم الفقه ..

انتي عارفه ان ابن حزم كان ليه فتوى بتقول بوجوب وأقول وجوووووووب الاستمناء في حالة الوقوع في شبهة الزنا
عارفه معنى الكلام ده إيه ؟؟

تخيلي لو فتوى زي دي طلعت من أي شيخ دلوقتي ايه اللي ممكن يتعمل فيه إيه ؟؟ تخيلي ان الفتوي دي ما عملتش الضجيج ولا المشاكل اللي عملته فتوى الرضاعة .. إنتي عارفه ليه ؟؟

لأن الناس في الوقت ده كانت واعيه وفاهمه إيه اللي يتاخد وإيه اللي ما يتاخدش

وفتاوي من دي كتير .. يعني خلاصة الكلام ان نوعية الفتاوي دي مش جديدة ولا حاجه لكن احنا اللي ما بنعرفش ازاي نتعامل مع الأمور .. وعاوزين جنازة ونشبع فيها لطم وخلاص

وبعدين في حديث عن الرسول عليه الصلاة والسلام بيقول : فيما معناه " من اجتهد وأصاب فله أجران .. ومن اجتهد وأخطأ فله أجر "

ركزي قوي على الجملة الأخيرة " من اجتهد وأخطأ فله أجر "

يعني ده أمر وارد ان أي بشر يغلط ... يعني الراجل اللي أفتى الفتوى دي لو كانت فعلا بحسن نية هو مش هاياخد سيئات ده بالعكس ده هاياخد أجر الاجتهاد .. لكن اللي هاياخد سيئات هو احنا عشان بنتكلم في الدين من غير علم ..

تسمعي عن " موطأ الإمام ماللك " ده كتاب من أهم كتب الفقه والشريعة من أمهات الكتب فعلا .. انتي عارفه افتتاحية الكتاب ده الإمام مالك بيقول فيها إيه ؟؟

بيقول فيما معنى الكلام .. إذا سمع أحد حديث يخالف رأيا في هذا الكتاب فخذوا الحديث واضربوا بكلامي عرض الحائط

يعني الراجل متوقع انه ممكن يصدر عنه أخطاء .. لأنه بمنتهى البساطة دارس ومدرك إن فيه كمية أحاديث كتيرة جدا لا حصر لها وانه ممكن يجتهد بناءا على حديث ويكون الحديث ده منسوخ بحديث تاني هو ما سمعش عنه

ده أمر وارد جدا
وأمر وارد جدا ان يحصل أخطاء
لكن اللي مش وارد ان احنا نقطع هدوم بعض عشان نطلع العيب


كفاية لطم لأن مافيش ميت أصلا

وأسف لو كان اتفهم اختلافي معاكي بطريقة مش كويسه .. ممكن نختلف عادي جدا ..

وأسف مره تانية على الأسلوب اللي ممكن يبدو غير مهذب في الحديث .. ولكني تعودت على الإختلاف ولم أتعود على قلة الأدب

فارس عبدالفتاح said...

الاستاذ darsh المحترم

بكل ادب واحترام وتقدير

اود ان اعرف هل هذا الذي حصل اجتهاد ام فتوي


وما الفرق بين الاجتهاد والفتوي

ويكون الرد من كتب الائمة الاربعة او احد العلماء البارزين فى تاريخ الاسلام

ذو النون المصري said...

كنت عاوز استفسر عن شيء
بالنسبه للرقم الموجود مع اعلان افضل 100 مدونه ما هي دلالة هذا الرقم؟
يعني هل يدل علي عدد الاصوات المرشحه للمدونه ام يدل علي الترتيب بين افضل المدونات؟
و كيف ارشح اي مدونه للفوز بافضل مدونه؟ و كيف اضيف مدونتي هناك في الموقع؟
ملاحظه
اطلعت علي الموقع مرات عديده و لا اجد ان الترتيب يتغير فمدونة الحشره المغربيه دائما في الترتيب هي الاولي
و لكي جزيل الشكر

الكلام نوعان :كلام فارغ وكلام مليان كلام فارغ said...

بصراحه عندهم حق المفتيين انهم يقولوا اللى هم عايزينه لان دلوقتى اللى بيشوفوه الناس اكيد بيخليهم يشكوا حتى في الصح
من اول ارضاع الكبير لحد بول الرسول
بكره يقولوا ان الرقص مش حرام مادام بيعمل على اسعاد المسلمين وله هدف سامي
ماهي نهايه الدنيا
حبي الله ونعم الوكيل
وبالنسبه للازهر
no comment

soosa el-mafroosa said...

عصفور المدينة

للأسف العلماء الظاهرين في الإعلام هم الأعلى صوتا

و للأسف التلفزيون و الإعلام عموما هو المصدر الأول لأخذ الفتوى بالنسبة للمواطن المصري الآن

بديلا عن التعليم الديني الغير موجود و القراءة في الكتب الدينية الموثوق فيها و هو مالا يحدث كثيرا

soosa el-mafroosa said...

الديب

استفدت كثير من التدوينة المذكورة

و أتفق معك فيما قلته فيها

شيخ الأزهر فعلا أصبح موظفا عند الحكومة

و بالتالي فهو يأتمر بأمرها
و كم في حكومتنا من المضحكات و لكنه ضحك كالبكا

soosa el-mafroosa said...

mohamed a.ghaffar

و لكن المشكلة أنهم الأعلى صوتا

و المواطن العادي غالبا مايستمع للصوت الأعلى

soosa el-mafroosa said...

محمد مفيد

كلام صحيح

و لكن هل إحنا اللي أطلقناها و الا الفاعل مجهول معلوم لغرض في نفس يعقوب

soosa el-mafroosa said...

باب البحر

و كيف نعود كما كنا

و كل صروحنا تنهار
سياسيا علميا و حتى دينيا؟

soosa el-mafroosa said...

بالله المستعان

و للأسف فقد كانت وظيفتهم الأساسية

هي حمل لواء الإسلام

من يحمله الآن؟

soosa el-mafroosa said...

a.samir

و هو المطلوب إثباته

شكرا على الكلام المشجع

تحياتي

soosa el-mafroosa said...

فارس عبد الفتاح

أهلا بيك دائما يا أخ عبد الفتاح

الحقيقة للأسف لا أمتلك المعلومات الكافية في هذا الموضوع حتى أقوم بمناقشتك فيه

و لكن هحاول افهم معاك

ولي الأمر اللي هو الحاكم؟

لا أعتقد أن تولية فقيه الحكم هو شئ مناسب لعصرنا الذي تختلط فيه الأمور الكثيرة و لابد للحاكم من معرفة بأمور عدة بجانب الشق الديني

هذا ما اعتقده و لا أزعم انه الصواب 100

soosa el-mafroosa said...

proid

يظهر بيعتبروا ده من باب إطاعة ولي الأمر؟

soosa el-mafroosa said...

مسلم

يا ريت يكون اللي بتقوله ده صحيح

و مايكونش الأمر متعمق لطبقات أخرى في الأزهر

يستلزم التخلص منها وقتا أكبر

يا ريت يكون ده مجرد فاصل من المساخر و نعود مع الأزهر

يا ريت

soosa el-mafroosa said...

theriddle

للأسف جين الفرسة و حرقة الدم جزء لا يتجزأ مني و مش قادره أتخلص منه

و مش عايزة أقلبها دراما بس انا فعلا باحب البلد دي جدا و شايفه انها ماتستاهلش اللي بيجرا فيها ده كله

احنا نستحق أحسن من كده بكتير

بس احنا اللي عاملين كده في نفسنا
مدونتك لذيذة جدا على فكرة

تحياتي

soosa el-mafroosa said...

علا من غزة

و ازاي يستبدل

ده بيقول كل حاجة زي ما علموهاله بالظبط

ده تلميذ نجيب جدا للحكومة

لا يمكن يستغنوا عنه

و فتاوي التيك أواي..هي اللي هتجيبنا ورا

اكتر ماحنا

تحياتي ليكي يا جميلة
و شكرا ع الكلام الحلو

soosa el-mafroosa said...

hapsa

فعلا التعليم في الأزهر أصبح حوله شكوكا كثيره

و أصبح الكثيرين يترددون في الحاق أولادهم به بعد أن كان الإختيار الأفضل للكثيرين

اما عن شيخ الأزهر

فحدث ولا حرج

sherehan84 said...

هنعمل ايه بس يا سوسه
قضا ربنا وحكمه فينا علشان احنا أصلا مانستاهلش ان يبقى عندنا علماء عظماء أصلا .. احنا ما نس تا هل شششش

الشاطر حسن said...

فى ذكرى المجرم الذى هدم مصر و الأمة العربية و قدمها على طبق من ذهب لأسرائيل

إنجازات عبد الناصر :


01 - القضاء على الأحزاب
02 - القضاء على الإخوان المسلمين
03 - القضاء على مجلس قيادة الثورة الواحد تلو الآخر
04 - القضاء على الدستور
05 - القضاء على كبار الموظفين تحت مسمى التطهير
06 - تحديد اقامة محمد نجيب الرئيس الأول لمصر لمدة 16 سنة دون محاكمة
07 - فتح مناصب الدولة المدنية للعسكريين و الضباط بمرتبات خيالية
08 - سجن المصريين داخل مصر و اشتراط تأشيرة خروج لمن يريد السفر
09 - اسناد منصب وزير الدفاع لصديق شاب طائش و منحرف بعد ان رقاه فجأة لرتبة لواء
10 - التعالى على الشعب المصرى و التهكم عليه و نعته بأحط الأوصاف فى خطاباته علنا مثل أن يصفهم ب "الرقص و التهريج"
11 - تأميم قناة السويس بصورة همجية .. رغم أنها كانت ستعود تلقائيا فى عام 68 .. ثم الرضوخ بعد كل هذا و دفع التعويضات المستحقة للمساهمين
12 - هزيمة 56 و تحطم الجيش و مدن القناة و التسبب فى سقوط الشهداء
13 - السماح لإسرائيل بالمرور من العقبة و اخفاء ذلك على الشعب المصرى
14 - تأميم المصانع ثم اطلاق الأسماء التى توحى بأنها أنشئت فى عهده
15 - وضع اليد و الإستيلاء على جميع أنواع الثروات فى مصر بدءا من ثروة محمد على و القصور الى الأراضى و الممتلكات و المصانع و الشركات
16 - افقار الشعب و تقليص الإعتمادات الخاصة بضروريات الحياة حتى خلت الأسواق من البضائع و سقطت البلاد فريسة لمختلف الأزمات التموينية و غيرها
17 - تحطيم الإقتصاد المصرى بعد عمليات التأميم و السلب و النهب و التى آلت فى النهاية الى جيوب ضباط الجيش

18 - مناصبة معظم دول العالم العداء
19 - مناصبة معظم الدول العربية العداء و اطلاق اقذع و أحط الفاظ السباب من عينة "عاهر - ابو دقن - حنتفله دقنه - حيروحوا من ايدى فين - ملحوس"
20 - تمويل الإنقلابات و الثورات فى الدول العربية و ما ترتب عليها من قتل و دمار
21 - القضاء على المخلصين و الشرفاء و ذوى العلم و الخبرة و استبدالهم بالأصدقاء و الأعوان و المتسلقين و الإنتهازيين من فاقدى الشرف و الضمير و الذين تسببوا بدورهم فى باقى الكوارث العظمى
22 - الإنفاق بغير حساب بالتبذير و البذخ فى تسليح المعارضين فى الدول المختلفة بغية مساعدة فرق تدين له بالولاء للوصول الى الحكم كجزء من حاشية زفه زعيما للأمة العربية
23 - فتح السجون و التعذيب على اقصى اتساعة للشعب المصرى
24 - التجسس على الشعب المصرى بالتصنت على مكالمات التليفونات و فتح الخطابات
25 - تعذيب و التنكيل بالشعب المصرى كسرا لروحة المعنوية
26 - اسقاط الدولة فى الديون و بيع الغطاء الذهبى لمصر
27 - غزو بلد عربى و هو اليمن بغرض زرع نظام حكم ماركسى موالى له و البقاء فى اليمن خمس سنوات و التهديد بالبقاء 20 سنة
28 - التحضير و الشروع فى للتدخل فى الجنوب العربى غداة استقلاله
29 - التسبب فى مشكلة و ازمة السكن فى مصر و التى تمتد اثارها للآن و تمنع الشباب من الإستتار بالزواج
30 - محاربة الدين و التدين بسبل شتى منها نشر الثقافة الماركسية و اهانة رموز الدين فى الأفلام المصرية
31 - التسبب فى أكبر كارثة مصرية و عربية فى هزيمة 67 و تحطم الجيش المصرى و مدن القناه و سقوط عشرات الألاف من الشعب المصرى
33 - ضياع سيناء
34 - ضياع الجولان
35 - ضياع فلسطين
36 - ضياع الضفة الغربية
37 - قتل رفيق عمرة ككبش فداء لهزيمة 67 دون محاكمة و اثناء تواجدة تحت الإحتجاز لدلا رئاسة الجمهورية
32 - التسبب فى اغلاق قناة السويس منذ هزيمة 67 و حتى اعادة افتتاحها فى عهد الرئيس أنور السادات عام 75 - ثمانية سنوات
38 - الإرتماء التام فى احضان السوفيت و فتح البلد على مصراعيها شاملا الجيش للنفوذ السوفيتى و العمل على نشر الثقافة الماركسية عن طريق ارسال البعثات الثقافية للدراسة هناك و ابرام العديد من المعاهدات المختلفة
39 - فتح البلد على مصراعيها لنفوذ مراكز القوى من أعوانه و أعوان الإتحاد السوفيتى
40 - الكذب على الشعب المصرى فى العديد من المرات مثل ادعاء انتخابة بنسبة 99.999% - اخفاء السماح لأسرائيل بالمرور فى العقبة عن الشعب المصرى - ادعاء انتصار زائف فى 56 - ادعاء انتصار زائف صبيحة 67 .. و هكذا

الشاطر حسن said...

ليه أنا أرسلت التعليق السابق لأنها سلسلة بدئها أحدهم وأنهاها الأخر وليس آخرهم برفض إقامة الكبري بين مصر والسعودية والحواشي أنهيار التعليم والأزهر و........

الشاطر حسن said...

عندما نتحدث عن الفكر القومي‮ ‬في‮ ‬الغرب نجد انه فكر نشأ على ثالوث اصلاحي‮ ‬وهو الثورة الصناعية في‮ ‬انجلترا والاصلاح الديني‮ ‬على‮ ‬يد لوثر والثورة الديمقراطية التي‮ ‬تمثلت بحركة الاستقلال في‮ ‬الولايات المتحدة الامريكية والثورة الفرنسية‮.‬

وبالتالي‮ ‬فإن الفكر القومي‮ ‬في‮ ‬الغرب قد فكك الامبراطوريات المستبدة لصالح الامم الاوروبية الديمقراطية ولكنه ايضا لم‮ ‬يكن فكرا منغلقا فالاصلاح الديني‮ ‬الغربي‮ ‬والذي‮ ‬تبنى فكرة الانسان مقياس كل شيء قد أوجد أرضية قوية نحو الجنوح باتجاه المعرفة واكتشاف قوانين الحياة‮.‬

وبالتالي‮ ‬فإن الفكر القومي‮ ‬الغربي‮ ‬قد نشأ اساسا نتيجة مقدمات نهضوية وأحدث نهضة على كافة المستويات،‮ ‬ولذلك هو لم‮ ‬يفشل كما فشلت فكرة القومية العربية التي‮ ‬اعتمدت على الارث التاريخي‮ ‬للدولة العربية الاسلامية وان رفعت شعارات اخرى الا انها كانت ذات طابع توحيدي‮ (‬وحدة عربية‮) ‬مستندة لتاريخ الدولة العربية القديمة وهي‮ ‬بالتالي‮ ‬أغفلت تشكيل انسان عربي‮ ‬حضاري‮ (‬المحتوى الحضاري‮) ‬لأنها كانت تعتمد على استكمال الحضارة السابقة وليس المبادرة بالقيام بنقلة حضارية والاختلاف الجوهري‮ ‬الاخر بينها وبين الفكر القومي‮ ‬في‮ ‬الغرب هو ان الاصرار على مفهوم التوحيد قد ادى الى قيادة العسكر للحركة القومية العربية بينما في‮ ‬الغرب كان المفكرون‮ ‬يقودون حركة التغييرات وعلى كافة المستويات‮.‬

ولم تكن الحركة القومية في‮ ‬العالم العربي‮ ‬تحظى باتفاق في‮ ‬بداية تشكيلها فبينما كان المشرق العربي‮ (‬سوريا ولبنان‮) ‬تعتقد بالوحدة العربية وتطلب المساعدة البريطانية والفرنسية للخلاص من الاتراك‮ (‬العثمانيين‮)‬،‮ ‬نجد ان القيادات المصرية وبالتحديد بعد ثورة 1919 ‬كسعد زغلول ومصطفى كامل كانت اقرب الى الاتراك بسبب رغبتها في‮ ‬الخلاص من الاحتلال البريطاني‮ ‬ولم تكن تؤيد فكرة الوحدة العربية،‮ ‬كما ان فكرة الوحدة العربية لم تكن تحظى بقبول شعبي‮ ‬بين المصريين بسبب آراء النخب الثقافية والادبية كتوفيق الحكيم وطه حسين الذي‮ ‬قال في‮ ‬اكثر من حديث في‮ ‬تلك الفترة‮ »‬تريدون ان تتحقق الوحدة العربية،‮ ‬فعلى اي‮ ‬اساس علمي‮ ‬تنادون بها‮« ‬وكان توجه المفكرين المصريين مع التعاون في‮ ‬التعليم والتبادل الثقافي‮ ‬وليس تشكيل امبراطورية عربية‮ (‬وحدة اندماجية‮).‬

ومن هنا كان المفكرون المصريون‮ ‬ينطلقون من فكر وطني‮ ‬مصري‮ ‬بدون بعد عربي‮ ‬وحدوي‮ ‬وهذه الرؤية تثبت صحتها اليوم في‮ ‬عدم واقعية الطرح القومي‮ ‬والوحدة الاندماجية فهل كان طه حسين‮ ‬يقرأ ما سيحدث في‮ ‬هذه المرحلة؟ فلو تعقل العرب وسارت الامور وفق اراء المفكرين الكبار بدون حماس العسكريين لكنا اليوم نتجنب الهزائم المتتالية عسكريا وايديولوجيا‮.‬

ولذلك كانت مصر في‮ ‬تلك الفترة‮ ‬يسيطر على مجرياتها السياسية تيار ليبرالي‮ ‬مستنير وكانت تعيش نهضة ثقافية وعلمية وكان التعليم عاملا مهما في‮ ‬نضوج الرؤية المصرية وخصوصا مع تعدد المدارس الاجنبية والنظام البرلماني‮ ‬الذي‮ ‬كان سائدا والذي‮ ‬كان‮ ‬يشكل حالة خاصة في‮ ‬العالم العربي‮ ‬وبالتالي‮ ‬فإن مصر كانت اقرب الى الغرب منها الى المشرق العربي‮ ‬الذي‮ ‬لم‮ ‬يكن‮ ‬يمتلك مخزون مصر الثقافي‮ ‬والعلمي‮ ‬والتعليمي‮ ‬ولذلك وجدت الفكرة القومية المتطرفة ارضية لها في‮ ‬المشرق العربي‮ ‬ولم‮ ‬يكن لها مكان عند المصريين‮.‬
ولكن مع انقلاب او ثورة 1952 ‬بدأت مرحلة جديدة على الشعب المصري‮ ‬وهي‮ ‬تجذير الفكر القومي‮ ‬العربي‮ ‬من قبل عبدالناصر ورفاقه وخصوصا بعد الجلاء البريطاني‮ ‬عام 1954 ‬ورفض البنك الدولي‮ ‬تمويل مشروع السد العالي‮.‬

وتعتبر خسارة الشعب المصري‮ ‬وباقي‮ ‬الشعوب العربية كبيرة بعد ثورة 52 ‬فالتجربة البرلمانية والثقافية في‮ ‬مصر لو استمرت بدون حدث‮ ‬يوليو ‮٢٥ ‬كانت سوف تحقق تراكما سياسيا وثقافيا وسوف تكون بقيادتها الليبرالية عنصر تغيير مهم في‮ ‬باقي‮ ‬الشعوب العربية وفي‮ ‬تقديري‮ ‬لاختلف الوضع العربي‮ ‬بالكامل فثورة 52 ‬رسخت حكم الفرد ومبدأ دكتاتورية الثورة كما انها شكلت تراجعا كبيرا للتعددية الثقافية التي‮ ‬عرفت بها مصر قبل الثورة في‮ ‬مجال الادب والسياسة والثقافة العامة واخذت الهالة الاعلامية ومنظرو الثورة العمل باتجاه نزوع ثقافي‮ ‬احادي‮ ‬باتجاه فكرة القومية العربية ولكن اهم ما ميز تلك الحقبة هي‮ ‬حالة الفساد التي‮ ‬استشرت داخل الثورة بينما كان منظرو الثورة‮ ‬يعلنون انهم جاءوا لوقف الفساد الذي‮ ‬استشرى داخل الثورة بينما كان منظرو الثورة‮ ‬يعلنون انهم جاءوا لوقف الفساد في‮ ‬العهد السابق ولكن هذه المسرحية السياسية لم تستمر طويلا،‮ ‬ولذلك فإن هزيمة‮ ‬يونيو 67 ‬شكلت بداية المراجعة المتأخرة للوضع العربي‮ ‬ولكنها بالمقابل كانت تعني‮ ‬بداية دخول العرب في‮ ‬مسلسل الارهاب والتطرف الاسلامي‮ ‬الذي‮ ‬أراد الانقاذ السماوي‮ ‬لهزيمة على الارض‮.‬
ولذا فإن هزيمة 67 ‬كانت نتيجة الخطأ الذي‮ ‬وقع بقيام ثورة 52 ‬فهذه الهزيمة كانت مثل نهاية اطروحات الثورة كحل لقضايا المجتمع وهي‮ ‬تمثل صحة لما قاله طه حسين عن الوحدة العربية وهي‮ ‬تثبت اختلال وخطأ المسار المجتمعي‮ ‬لعدد من الدول العربية ومنها مصر،‮ ‬لكانت مصر منبر ليبرالي‮ ‬تقدمي‮ ‬في‮ ‬المنطقة العربية‮.‬
ولكن المؤسف ان دولا اخرى ما زالت تسير على نهج هزيمة 67 ‬وهي‮ ‬تعتقد ان الحديث عن التهديد الاسرائيلي‮ ‬مبرر لعدم القيام باصلاحات سياسية واستمرار قمع المتظاهرين وتكميم الافواه،‮ ‬فمتى سوف نعالج اثار واسباب هزيمة 67 ‮‬؟ فأحد اسباب الهزيمة هو التطرف القومي‮ ‬وانعدام الديمقراطية وتفشي‮ ‬الفساد‮.‬

فارس عبدالفتاح said...

الى الستاذ الفاضل المحترم الشاطر حسن الموقر


انصح سيادتكم بقرائة كتاب المثقفون وعبدالناصر

وهو من تاليف الدكتور محمد عبدالغني وهو صادر عن دار ابن خلدون بالقاهر سنة 1991 م

وهو يتناول المثقفون وتعريفه سياسيا واجتماعيا واحوال المثقف قبل الثورة وبعد الثورة

من اول الراعيل الاول من المثقفون رفاعه الطهطاوي الى جيل السبعينات وهو مكون من حوالى 600 صفحة

ويتنول الكتاب احوال الحركة الثقافية الاجتماعية السياسية فى المجتمع المصري وتاثير المسقفين فى التيارات الفكرية المتعدد من اقصي اليمين الراسمالية الى اقصي اليسار الماركسية


والحركات الدينية ومؤسسيها

الى الحركات اللبرالية ومؤسسيها فى مصر

انصح يسادتكم ان تقراو هذا الكتاب

وشكراً

.:.-=- ELGaZaLy-=-.:. said...

كل دة ومفيش بوست جديد؟

Islamist Bloke said...

هو البلوج عندك أصبح مأوى الناصريين لية يا سوسة؟

كتير اوى ناصريين وليبراليين وناس بتتخانق وحاجات كدة

اية الحكاية؟

اوعى سكة الجماعات يا سوسة....اوعى

مش هطول عليكي

ياللا سلام

وفى انتظار بوست جديد لان الحياة مليانة حاجات تفرس وانتى ولا هنا

سلام

فارس عبدالفتاح said...

استاذي الفاضل Islamist Bloke الموقر

القوميون العرب او الناصريون كما تسميهم ليسوا كلاب ضالة او خفافيس ظلام حتي يكون لهم مأوي

انهم موجودون فى الهواء الطلاق ولهم فكرهم الخاص ولا يتمسحون باحد

عذا اختنا سوسه

حسن ارابيسك said...

سوسة المفروسة
أنا معك في نقاط كثيرة ومهمة ولكي كل الحق في بعض ما تقولين
فأنا أختلف معكي فقط في محاولتك وضع كل شيئ في معون واحد وخلط ده على ده فهل تضعين هذ الصرح العظيم وهذا الكيان الإسلامي بكل معانية وإمتداد دعائمه الإسلامية في الماضي البعيد إلى يومنا هذا ومرجعيته العظيمه لكل الدول الإسلامية في المنهج الإسلامي وكل فروعه هل كل هذا يذهب ادراج الرياح في ذلة فتوى لعالم أو داعية ينتمي إليه، فهل عندما يخطئ أحد اشقائك مثلا تنهار هذة الأسرة وينهار البيت بكاملة على من فيه وتمُمحى كل هذه السنين الطويلة التي قضاها رب العائلة في تربيتكم وتقويمكم إلى أن أصبحتم مثلاً يُحتذى به، هل كل هذا ينهار، فهل تطلبون الأن أن تنهار هذة المؤسسة الإسلامية العريقة التي تعلمون جيداً ماذا تعني للإسلام والمسلمين وللعجب أن من يتربصون بكم يعلمون هذا جيداً وأنتم تقدمون لهم مايُريدون على طبق من فضة ، لا مانع أن يدلو كُلًُ بدلوه في هذا الموضوع ولكن بحذر ودون إندفاع نندم بعده أشد الندم أو يندم ابناؤنا على ما فعله اجدادُهم وأبائُهم في دينهم .

على فكرة أنا تطرقت لهذا الموضوع بطريقتي في مدونتي وأنا عامل حفلة صغيرة كده على الضيق أتمنى تشرفينا فيها ومفيش داعي تجيبي معاكي أي حاجه كفاية وجودك معانا يسعدنا ويشرفنا

حسن ارابيسك said...

أتمنى من الجميع أن
يشرفوني بزيارتهم لمدونتي لأنني تعاملت مع نفس الموضوع بطريقتي وبالفرشاة في لوحات كاريكاتورية

أتمنى حضوركم أنا عامل حفلة صُغيرة على القد عازم فيها كل حبايبي ومفيش داعي حد يتعب ويجيب حاجة معاه كفاية وجودكم معانا يشرفنا

الكلام نوعان :كلام فارغ وكلام مليان كلام فارغ said...

عندي ليكي تاااااااااااج تعالى خديه يلا
وماتنسيش تعلقي

Dr. Tantawy said...

بسم الله الرحمن الرحيم

الاجابه ... الازهر هو جامع الازهر اللي اتبنى زمان ايام العز .. و لم يبقى منه الان سوى الحجاره .. و لا عزاء للعلم و العلماء .. و الله الموفق و السلام عليكم ورحمه الله و بركاته

منة الله said...

سوسة


ادعوك للمشاركة في استفتاء اكثر 10 مدونات تاثيرا في قرائها

عل مدونتك تكون واحدة منهم

اليك الرابط

http://www.6ef.blogspot.com/

soosa el-mafroosa said...

ذو النون المصري

فعلا قضية رابحة و محامي فاشل لا يتعلم من أخطاؤه بل تزيد أخطاؤه كلما تقدم به العمر

و الكل تحالف على الإسلام حتى أبناؤه

soosa el-mafroosa said...

ولي النعم

أنا أقرأ الكلام و انا واقف أفندينا
أحلام سيادتكم أوامر لنا

ندعو الله أن يخفف عنك أعباء حكمنا نحن الشعب الخنزقور
و يذهب بك الى حيث تستحق...كل خير طبعا
و يجازيك على كل مافعلته بنا..من أفضال طبعا

و أنا كلي ثقة على مضيك في الخطة المرسومة للأهزهر الىآخر نفس و آخر نبض

soosa el-mafroosa said...

amr ahmed

ربنا معاك في امتحاناتك يا عمرو

أكيد فيه ناس كويسه في الأزهر

لكن صوتهم للأسف مش مسموع..يعني كويسين لنفسهم
لكن رسالتهم تتطلب أكثر من ذلك و أن يعم علمهم على الجميع

soosa el-mafroosa said...

الطائر الحزين

إن شاء الله ماتكونش آخر زيارة

لأول مرة يقابلني معجب آخر لرواية نائب عزرائيل..أنا أفهم اعتراض الكثيرين عليها
لكن في رأيي هي واحدة من أجمل روايات يوسف السباعي

أنا على فكرة مانشرتش معلومة رضاعة الكبير...أنا اتكلمت عن نشرها لكن مافسرتهاش
ماقدرش أصلا

الموضوع كان نقاش عام ليس أكثر عن ظاهرة تكررت كثيرا مؤخرا
و هي فتاوى الفتن و القلائل

soosa el-mafroosa said...

غمض عينيك

ربنا يستر ع الجميع و يخلف ظنونهم و خططهم

أهلا بيك دايما

soosa el-mafroosa said...

يا مراكبي

و هي مصيبة أخرى
موضوع الخوف من الجاكم

لكن المصيبة الأكبر ان فيه ناس كمان بتتطوع بفتاوى زي دي طلبا للشهرة فقط

لنا الله

soosa el-mafroosa said...

أبو زياد الفاتح

و ده موضوع أسوأ و أضل

و مش عارفة ايه بالظبط اللي كان بيفكر فيه ساعتها

هيروح فين من ربنا

و حتى لو مجبر كان لازم يستقيل فورا

لكن نقول لمين

حسبنا الله و نعم الوكيل

soosa el-mafroosa said...

darsh

الحوار متهيألي مايبقاش كده

و انا ماهاجمتش الأزهر في المقال أد ما تحسرت على دوره و استغربت لموقفه

عموما الخلاف في الرأي لا يفسد للود قضية

soosa el-mafroosa said...

ّذو النون المصري
متهيألي الرقم هو نتاج لعدد الزيارات اليومية + عدد التقييمات على الموقعنفسه

مدونة الحشرة المغربية ليها 880 تقييم مش عارفة ليه ...أنا الصراحة مش شايفاها مميزة الى هذه الدرجة

soosa el-mafroosa said...

الكلام نوعان

كنت مرة سمعت فتوى لأحد الشيوخ عن لبس المايوة للنساء

قال انه لو بغرض الإثارة يبقى حرام
أما لو بغرض الرياضة فده شئ تاني

كان بيدي الفتوى دي في أحد نوادي القاهرة

soosa el-mafroosa said...

sherehan84

جايز احنا مانستاهلش

طب و الناس اللي برا اللي نفسهم في مؤسسة و صرح يهتدوا بكلامه و يثقوا في فتواه

ذنبهم ايه معانا؟

soosa el-mafroosa said...

الشاطر حسن

كل الرؤساء من وجهة نظري لهم دور في تهميش الأزهر

فالأسباب سياسية بالمقام الأول

بالنسبة لإنجازات عبد الناصر أو أخطاؤه...فمش مجالها البوست ده
تحياتي

soosa el-mafroosa said...

elgazaly

بارتاح من الفرسة شوية

soosa el-mafroosa said...

islamist bloke

البلوج مفتوح و الكل حر في آراؤه

لكنه بلوج مخصص للفرسة فقط أيا كان نوعها

تحياتي

soosa el-mafroosa said...

فارس عبد الفتاح

حصل خير

soosa el-mafroosa said...

حسن أرابيسك

أنا فقط مش لامسه دور الأزهر في الحياة كما ينبغي له

فوضى الفتاوى و فتاوى الفضائيات و التيك أواي

لو كان للأزهر وزنه كما في السابق

لما استطاع أحد أن يدلي بأي فتوى الا بموافقة الأزهر و بعد الدراسة الواجبة

لكني أتمنى من قلبي ألا اكون على حق

soosa el-mafroosa said...

الكلام نوعان

حاضر و شكرا ليكي

soosa el-mafroosa said...

dr.tantawy

و هو ده بالظبط اللي انا خايفة منه

بالمناسبة
حمدالله ع السلامة

المدونة نورت

soosa el-mafroosa said...

منة الله

شكرا ليكي يا منة

حسن ارابيسك said...

إليكي مدونة شاعر تستحق منكي الزيارة
http://mosaiiic.blogspot.com/

Abo Amr said...

المصيبة السودة اللي مشيخة الازهر مش حاسة بيها
ان فيه ناس مسلمين اجانب مش عرب
زي الاندويسيين و الماليزين
و في العالم الغربي
بيبصوا لكلام الازهر على انه حاجة مقدسة
يعني لما واحدة ست جزائرية في فرنسا مثلا
مصصمة تلبس الحجاب طاعة لرب العالمين
و يجي الحاج طنطاوي يقول لا
لازم تتماشوا مع قانون الدولة
يبقى ده اسمه ايه

لا مؤخذة طز كبيرة اوي ليهم
اتمنى نصحى فييوم نلاقي الازهر اللي نتمناه

بوست هايل

Anonymous said...

السلام عليكم ورحمة الله
حقيقة ما أفسد الازهر الا جمال عبد الناصر
عليه من الله ما يستحق لما راى استقلاليته و قوته فى حشد الناس على الحق "طبعا " اراد ان يحطاط لنفسة بأن يذهب هذة القوة و يجعلها فى يدية حتى تكون كلمتة وإن خالفت الشرع مسموعة ومن يومها و الأزهر مؤسسة حكومية فيها من الرجال الكثير و من اشباة الرجال القليل و مع ذللك فهم باعوا دينهم بعرض من الدنيا قليل يقول المصطفى صلى الله عليه وسلم الا أدلكم على احمق الناس قالوا بلى يارسول الله قال من باع أخرتة بدنيا غيرة "
فهو حمق ما بعده حمق فلاهو اخذ لدنياة مثل العمدة الكبير ولا ابقى لاخرتة
فلا حول ولا قوة الا بالله
أبو الرباب المصرى
ahmedezz3@gmail.com

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片,A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情

belhana said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول