Monday, August 06, 2007

عواد باع عرضه

_23640_kadhafi_22-5-2004



الراجل باع و قبض التمن..أتفاقية أسلحة بعد حظر استمر منذ التسعينات...مفاعل نووي لتحلية مياه البحر من فرنسا..مساعدات طبية لتطوير المستشفيات الليبية من "بلغاريا"..و لأننا شعوب اعتادت أن تباع ولا تقبض الثمن فلا يسعنا الا أن نشكر الأخ القائد...على الأقل ماباعش ببلاش


47 comments:

الطائر الحزين said...

عادى يا سوسة ودى مش حاجة تفرس ولا حاجة

شد يا عم وطلع من منخيرك ودوس على الشعب كمان

ايقى نورينا

Anonymous said...

Ya Ms Soosa
The important question is: are these Bulgarians and the Palestinian Doctor innocent or not? And the answer is Yes they absolutely are. The trial was a big sham. And please do not say that there was a conspiracy. The AIDS cases came from reusing blood-tainted needles in the hospital. This is similar to what happened in Egypt in the 1970s when the massive and succssful anti Polio campaign resulted in the 10-25% Hepatitis C infection rate today.
If you look at it this way, then Libya did not sell anything. On the contrary. Libya behaved like " Feteweh elhara" who would demand money for no reason or else. Or you can think of Libya as our state security police who would hold the brother of a wanted man until he shows up.
If you believe that the nurses are innocent (I do), then clearly Libya has won, a lot. Many in the west are ashamed of their goverment for rewarding a thuggish regime that takes innocent hostages.

Mostafa (a fellow Pharmacist).

مـحـمـد مـفـيـد said...

والله ما حد بيهمه البلد
اهم حاجه الشو
منهم لله

عصفور المدينة said...

يا شيخة طمنتيني ده انا كنت فاكر البيعة دي ببلاش
وكنت زعلان خالص شوفي حتى انا كنت مركز ع البيعة بس التمن كام؟
http://ctybrdnews.blogspot.com/2007/07/blog-post_27.html

عدى النهار said...

الأماكن اللي فيها بيع وشراء من الوزن التقيل بيتم إنتقاء ناس ماعندهاش عِرض علشان تشغلها خوفاً من صحوة عِرض فجائية تضيع معاها المصالح

Mongey said...

اقولك راي بصراحة انا مع الي عمله القرار من راي سياسيا صحيح بعيدا عن الشعارات
يعني هو استفاد علي الاقل شي للصالح العام
و كمان محبش انه علاقاته بالاتحاد الاوروبي تبقي سيئة
طب ما هو كان ممكن يعدمهم لكن ايه الفايدة مفيش
بالعكس كانت هتبقي نتيجتها سيئة
عليه
انا اويد القرار سياسيا واي شخص في مكان
الرجل كان هيعمل كده
بالعكس ده هوا طلع
بفوائد مكانش هيطلع بيها
لو نفذ قرار زي الاعدام او السجن

Amr Ahmed said...

ماهو ده الطبيعي

لو كان عمل غير كده مكانش هيبقي عربي

islamz said...

مش هو ده برده صاحب اقتراح اسراطين ..
انا طبعا غير مؤيد للقرار ده نهائيا .. والتاريخ مبيرحمش هيعرف الاجيال بعد كده ان ريس بلادهم باعهم باجهزة حديثة ومعونات من الاتحاد الاوروبي ..
كان اولى له ان يتذكره ابناء بلده بالبطولة والكرامة .. بالكرامة التى اهانها .. لو كان اعدمهم كان بقي ارحم قدام شعبه .. هو دلوقتى مقدمش لشعبه حاجة غير الذل والضرب على القفا
... وهو ده القذافي حبيب كونداليزا ..

فارس عبدالفتاح said...

الأخ الصيدلاني .. مصطفى

ابر أيه الملطخة بالدماء الملوث طيب أذاي أتلوثت بالايدز بالذات هذا سؤال

أما الأخت سوسة

أنا كنت هجن لما ليبيا أعلنت على العالم أنهم قبضوا تعويضات

وبعدين سركوزي طلع قبل مايزور ليبيا وقال على الملأ انه مفيش تعويضات خالص قطعاً إطلاقا

وبعدين اقرأ في مدونتك يا سوسة عن مفاعل نووي وأسلحة ومشعارف أيه تانى


ده كله زين ( كويس ) بس المهم العيال المصابين خدو كام

ده اللي هجن واعرف إيه اللي حصل فيه المفروض انه يطالب بعلاج العيال دول مدي الحياة

وتعويض مالي يزيد عن تعويضات ( لوكربي ) اللي خد فيه كل مواطن أوروبي مات على ما أتذكر خمسة ملايين دولار


عشان دكمى ماتوا أمال دول عيشين يعني لازم يكون التعويض اكتر من ( لوكربي )


إذا مكنش خد تعويضات للعيال دوله بالطريق دي يبقا ليبيا والعالم العربي خد على قفاه كف نضيف والزعيم طلع أونطا وطربوش على نعش

حصان بري said...

اهو الراجل ده بالذات محدش يزعل منه
تحسي انه في عالم تاني
حتي السيجاره شكلها فيها حاجه
وتسمعي منه احلي كلام
المتعه الوحيده اللي ممكن تلاقيها في لقاءات القمه لما بيحضر
:)دانا شفت الصوره اللي انتي حاطاهاله كنت هضحك

بس بيني وبينك الفرق الوحيد بينه وبين رؤساءنا انه مودي شعبه في داهيه وهو مش عارف
احنا رؤساءنا عارفين هما رايحين فين
تحياتي يا سوسه يا مفروسه

Anonymous said...

Dear Soosa , how are you my dear/ it is a long time ago that i visited your blog. Yes everything is for sale in the arabic countru solong our prsidents and kings are keeping their power, what kind of country it is/ what a jusitussystem they have first geat then prison for ever and then free, it says neough about how that kind of countries are ruled , the brother and colneel and leader Kadafi is ruling libiya as his own home. he is a crzy, it says engouth about us to be ruled by such a people. have a nice day dear Soosa and you remember the song of Medhat Salah Kawkeb tani, it belongs to our generation it was a great one, does hanan stil sing, Hanaan of Al Shams el garia? have a nice day

Sherif

Dr. Tantawy said...

بصراحه .. لو كان عواد باع ارضه كنت زعلت .. انما ده مش عواد .. ده القذافي هههههه

متهيألى كفايه اوى

بس عموما .. لبعها صح .. طلع اذكى من ناس تانيه .. ولا اقولك .. بلاش نجيب في سيره الناس هههههه

أحمد المصري said...

������ ���� ..�� ���� ��� ���� ����� ���� � �����0

علا من غزة said...



المفروض اني رديت قبل كدة

الواحد مخه فوّت يا جدعااان

,,,,

شوفي يا ستي انا بالذات في هالموضوع بحس اني مش فاهمة حاجة

القضية صارلها مدة ومحدش عارف الصحيح او الحقيقة

ولو كانت القصة مجرد انو استبدل المساجين بصفقة تعود بشوية منافع حتى لو صورية يبقى فعلا لعبها صح

او انا بخرّف

سلامات

:)

غمض عينيك said...

لا لا وكمان مفيش حياء
قال ايه ليبيا تنتقد قرار العفو عن الممرضات البلغاريين

ياراجل يعني انت مكنتش عارف انهم لما يترحلوا هفرجوا عنهم

العمليه كانت باينة اوي اوي

شاطرين بس ع المصريين اللي هناك

حاجة تفرس
محمد سمير

سكتم بكتم said...

والله التعويضات اللي أتدفعت لضحايا لوكربي كان ممكن تجيب البضاعة دي كلها وأكتر

يعني الصفقة خسرانة خسرانة

محمد الوكيل said...

لا يسعني إلا أن أقول..لا حول ولا قوة إلا بالله..
شكراً..
محمد المصري

ذو النون المصري said...

المره دي انت غلطانه
مفيش رئيس عربي مبيقبضش
الكل بيقبض لكن اغلبهم ماشي علي مبدا استعينوا علي قضاء حوائجكم بالكتمان
يعني اقبض و انت ساكت و خلي المراكب تسير و بلاش تعطل مصالح الناس الكبيره قوي دي
انا سمعت ايام غزو العراق ان مبارك علشان تمر السفن في قناة السويس قبض 4مليارات دولار
مش متاكد من الخبرده تحديدا لكن متاكد انه علي اي حال بيقبض و كتير كمان
بل الادهي ان فيه حكام بيقبضوا من الغرب ومن العرب كمان و من دمنا
اما القذافي
انا سمعت له كام نكته منها الدوله الفاطميه الجديده لشمال افريقيا
و رغبته في فحص الشعب الايطالي كله بال
d n a
لان فيه 7000 ليبي اختطفوا ايام الاحتلال و هم و نسلهم اختلطوا بالشعب الايطالي و الdna
هو اللي هيرجعهم
حاجات تكسف فعلا
موضوع سريع و ممتاز
تحياتي

Anonymous said...

اهم حاجه انه ما باعش ببلاش

خمسة فضفضة said...

السلام عليكم ورحمة الله وبركاته

احمدي ربنا انه اعلن عن البيعه وعن تمنها اد ايه

في غيره بيبيعوا ويقبضوا التمن ويدكنوا عليه في جيوبهم

الايـــــــــــــام said...

عادى يا سومه فى كل ده هما دول العرب للغرب منحازين واللعرب متخانقين
ادعوكى لزياره مدونتى

القلم السكندري said...
This comment has been removed by the author.
أحمد المصري said...

والله بيع عن بيع ميفرقش..كله انيل من
بعضه..ولا ايه؟
معلش الكلام مكنش باين في الأول لخطأ تقني
مع تحياتي00
والسلام عليكم0

Ma 3lina said...

الف مبروك للاخوة الليبين على الصفقات مع انهم عندهم بترول و مخش محتاجين

مال احنا نعما ايه باه

يالا ما علينا

beeboo said...

اللي يبيع ويقبض التمن
أحسن من اللي يبيع من غير تمن
الراجل ده الرئيس العربي الوحيد
اللي عارف هو عاوز ايه
***
الدور والباقي علي عساكرنا المصريين
اللي بيموتوا بالنيران الإسرائيلية
تعتبر نيران صديقة عشان في بينا معاهدة
راحوا بلاش
***
الدور والباقي ع المصريين اللي ماتوا
في العبارة بتاعة ممدوح إسماعيل
راحوا بلاش
***
الدور والباقي ع الأسري المصريين في 1967
اللي اتعرضلهم ع الجزيرة فيلم
وهما بيتضربوا بالنار
راحوا ببلاش
***
الدور والباقي
...
عايزين أكمل ولا كفاية
كفاية
ولا بلاش الكلمة دي

ذو النون المصري said...

انبسطي يا ست سوسه
و للا حتي اتفرسي اكتر
امبارح بس اعلنت فرنسا بلسان ساغكوزي ان المعلومات التي تزيعها بعض وسائل الاعلام عن نوايا فرنسا تزويد ليبيا بمفاعل نووي متطور هي محض اشاعات و لا اساس لها من الصحه
يعني البيعه شكلها كده خربانه
دي اول حاجه فيها
الدور علي الباقي
احتمال الكل يكنسله
و يبقي يستاهل اللي يجرا له

S H A H said...

طالما في في الموضوع فلوس, يعني الراجل مش عبيط يعني

كدة تمام قوي

Anonymous said...
This comment has been removed by a blog administrator.
خيرالدين said...

ابتسم
أنت عربى
ودى كمان على قفاك

He and She said...

Oh wow, This is my first time to visit your blog. Seems you are sarcastic too. I like the style of your blog, straight to the point, good for you. I must be a regular reader

Anonymous said...

اهلا سوسه

ماتوقعتش انك تحذفي التعليق بتاعي

كان اولي تردي عليه مش تحذفيه ولا لازم الواحد يكون من الموافقين دايما
عمرك سمعتي عن واحد من الشعب الليبي بيشتغل بره بلده وبالذات في دول الخليج
لا طبعا ليه لانهم علي الاقل عايشين احسن من المصريين

خليكم في مشاكلكم احسن وبلويكم وماتجوش جنب الرئيس القذافي علي الاقل هو معيش شعبه الدور والباقي علي ابو طلعه الي مجوعنا ومخلي المصريين ملهمش كرامه لاجوة بلدهم ولابره بلدهم ازاي الناس هاتحترم شعب مش محترم في بلده

سيبك من القذافي باع باع هو حر ويعمل الي في مصلحته والي شايفه في مصلحه بلده

فارس عبدالفتاح said...

الأخ العزيز المحترم الليبي

أنا معك في كل كلمة قلتها ولكن لا اتفق ولا أوافق على كلمة ( باع باع هو حر يعمل اللي في مصلحته واللي شايفه في مصلحة بلده ) ..

أخي الكريم نعلم تمام العلم انه يوجد مصريين في ليبيا يبحثون عن أرزاقهم ونعلم أن لبيبا قدمت للمصريين ويسرت لهم عبور الحدود الليبية والى الآن من أي دولة عربية أخري وهذا كرم منهم وفضل ..

لكن على الجانب الأخر لا ينسى الليبيون والعرب كلهم فضلا مصر في دفاعها عن العروبة والأمة العربية في أيام الزعيم جمال عبد الناصر التي لا ينكرها إلا جاحد بالعروبة وكرامة العرب ..

فإذا جاء مصري يقول إن السادات قام بعقد معاهدة كمب ديفيد مع الإسرائيليين ويقول باع باع محدش له دخل بهذا الموضع ،، فهذا يعتبر كلام خارج عن المنطق والعقل وعن الكرامة والحرية ..

جيد جداً أن يقايض الليبيون هؤلاء العملاء بدلا من أن يعدموهم ولكن السؤال هل المقايضة متوازنة وعادلة ،، وهل تصب في مصلحه الليبيون وبالأحرى العرب ككل .

لقد قلت في تعليقي بالنص وسوف اقتبسه لك حتى تقرأه من جيد ( أنا كنت هجن لما ليبيا أعلنت على العالم أنهم قبضوا تعويضات وبعدين سركوزي طلع قبل مايزور ليبيا وقال على الملأ انه مفيش تعويضات خالص قطعاً إطلاقا وبعدين اقرأ في مدونتك يا سوسة عن مفاعل نووي وأسلحة ومشعارف أيه تانى .

ده كله زين ( كويس ) بس المهم العيال المصابين خدو كام

ده اللي هجن واعرف إيه اللي حصل فيه المفروض انه يطالب بعلاج العيال دول مدي الحياة
وتعويض مالي يزيد عن تعويضات ( لوكربي ) اللي خد فيه كل مواطن أوروبي مات على ما أتذكر خمسة ملايين دولار
عشان دكمى ماتوا أمال دول عيشين يعني لازم يكون التعويض اكتر من ( لوكربي )


إذا مكنش خد تعويضات للعيال دوله بالطريق دي يبقا ليبيا والعالم العربي خد على قفاه كف نضيف والزعيم طلع أونطا وطربوش على نعش ).

من نص تعليقي احترم ما فعله القذاقى معا أني أتحفظ على تصرفاتها والتي كان أخرها تخليه عن القومية العربية وقال أنها لا تسلح لهذا العصر ، ودعى إلى الدولة الفاطمية التي تضم الشيعة والسنة وغير ذلك وهذا كلم نظري جميل .

إن كرامة الليبيون من كرامة العرب ومن كرامة المصريون أيضاً ،،

نحن مسلمون وعرب ومن الشهامة ومن الكرامة أن احزن على أي مسلم وأي عربي لم يأخذ حقه ولم يستوفي ما له من غير المسلمين والعرب ،، ويحزنني هؤلاء الأطفال الذين لم اسمع عنهم أنهم اخذوا تعويضات مقابل إصابتهم بهذا المرض الخطير ..
لقد دفعت ليبيا وكل مواطن عربي حر وصاحب شهامة في تعويضات لوكربي فمن العدل ومن الكرامة أن يأخذ هؤلاء الأطفال وهؤلاء العرب الليبيون تعويضات تفوق تعويضات لوكربي ..

إني احترم الشعب الليبي الذين اعرف ثقافته واعرف طريقة تفكريه ،، بأنه شعب حر شعب عنده الرجولة مثله مثل اليمنيون والسودانيون ومثل الصعيده الذي يوجدون في جنوب مصر ..

لا يقبلون على أنفسهم الذل أو الهوان وهذا يتنافى مع ثقافتهم ومع إسلامهم وعروبتهم ..

ولك كل التحية والتقدير وللشعب الليبي والعربي ككل .

Anonymous said...

حياك اخوي فارس عبدالفتاح

محمد مارو said...

الله ع كلامك
جميله اوى انا قرات اكتر من موضوع من اللى انتى كتباهم بجد مدونه رائعه و احلى مافيها اسمها سوسه المفروسه

Unknown said...

يا شيخه في ليه بس ولا انتي مش من العرب و فاهمه ان ده عادي الراجل بس باع في مزاد علني مش زي باقي حكامنا البواسل يبيعوا بالأظرف المغلقه بكره يبيعوا الشعب بالكيلو

شــــمـس الديـن said...

طيب يا سوسة حالهم احسن من حالنا

احنا بقي بنبيع كل ارضنا برخص التراب من عمر افندي لحد البنوك - فكرنوي ايام المحاكم المخطلتة و الامتيازات الاجنبية - و بنعمل خدنا مداس و بنصدر النساء للسوق السعودي ...يعني تفوقنا علي الجميع بصراحة

خليه يطور بلدة و ياكل عيش يا سيتي ... ما احنا اصلنا بقينا في زمن بيع حتة من لحمك علشان ترضي العدو

دمت يا قمر

dead man said...

باعوني وقبضوا التمن من حر مالي

ابوزياد الفاتح said...

دا انت شكلك مفروسه قوى
بلتاش احسن القذافى يزعل منك
وبعدين امن الدوله تعزمك عندها
هههههههههههههههههه
عندك حق
يعنى جاتعليه هوه
ماهو ذيل زى غيره
ربنا يخلصنا منهم يارب

بييبو said...

ههههه وايه الجديد ما كله عمال يبيع توشكا اتباعت و6 اكتوبر بتتباع اهه لتركيا جزء كبير منها
ده غير باقى المالكين الاجانب
جت ع القذافى يعنى

تحياتى

Anonymous said...

لا و معمر

عمار يا عرب

soosa el-mafroosa said...

الطائر الحزين

mostafa

محمد مفيد

عصفور المدينة

عدى النهار

mongey

amr ahmed

islamz

فارس عبد الفتاح

حصان بري

sherief

dr.tantawy

soosa el-mafroosa said...

أحمد المصري

علا-من غزة

غمض عينيك

سكتم بكتم

محمد المصري

ذو النون المصري

محمد

خمسة فضفضة

الأيام

القلم السكندري

ma-3alina

beeboo

soosa el-mafroosa said...

shah

e7na

he&she

ahmed

maro

emy

شمس الدين

dead man

أبو زياد الفاتح

bebooooooo

منة الله



آسفة على التاخير في الرد لظروف السفر

و فعلا الأخ العقيد ماباعش بلاش و لا من تحت الترابيزة زي ماحنا متعودين

يمكن هي دي الشفافية اللي بيقولوا عليها؟

جايز برضه أنا الصراحة أعرفها بالشبه


بالنسبة للتعليق الملغى للأخ احمد

لم أمسح التعليق للخلاف في وجهة النظر لكني مسحتة لإحتواءة على لفظ لا احب أن تتضمنه المدونة

تحياتي

soosa el-mafroosa said...
This comment has been removed by the author.
حسن ارابيسك said...

اللي اتسلع من الشربه بينفخ في الزبادي

kafrawy said...

تحية للشعب

و تحية للريس

طول مانا مهيس


سلام بقى

مدونة كل العرب said...

للاسف حكام دولنا العربية ممكن يعملوا اى شى عشان عرشهم

متى ياتى اليوم التى ستتخلص فية ارضنا عن هؤلاء الاموات الاحياء