Friday, September 07, 2007

بعيد عن شنبكوا

face-surprise



طب واحد قال عليك عيان...أجر عجلة و لف بيها البلد و قول أنا حيطه أنا صخر..ضد العيا و الكسر ..لكن تزعل منه ليه؟


طب واحد قال عليك اتكلت..خليهم يعملولك اوبريت و يغنوا و يقولوا الصحافة فييين واحد صاحي أهه..لكن عايز تسجنوا ليه؟


طب ناس فرحوا لما سمعوا الإشاعة...شوف عملت ايه عشان يفرحوا فيك...لكن تطنشهم و هما بيصرخوا من الجوع و من العطش ليه؟


طب ليه اعتبرتها اهانة...هو الموت علينا احنا -بس-حق؟


طب ليه معاونيك نفوا الإشاعة باستغراب بيقول..انتوا فاكرينه بيموت زيكوا والا ايه؟


هي غريبة؟؟..هي بعيدة؟؟


شكلها فعلا بعيدة



بعيدة عن تفكيرك...و عن شنب كل الي مستنيها


68 comments:

فارس عبدالفتاح said...

أحم أحم أحم

اقولك كلمة بيقلوها الاخوة الصعيده بتوع اسيوط

بيقولوا : ربك يهييها ويجيبها على الجنب المرتاح وما عايمه اللي ما ترسي

adhm said...

ربنا يكرمة زى ما
كرم شارون
او حتى كرم مطاوع

ذو النون المصري said...

و الله الواحد فعلا مستغرب
ليه الراجل زعل من الاشاعه و ليه كمان اعوانه كانوا بينفوها بقوه كان علي قدر القوه في النفي يكون العطاء سواء مناصب او اموال
انا قريت في الاهرام مقال لواحده ما اعرفهاش بتتكلم عن الاشاعه و امرها الغريب جدا الذي طال اكبر منصب في الدواله و ان هذا العمل غير اخلاقي
فعلا زي ما عادل امام قال
هوه فيه رئيس بيموت؟؟؟؟؟؟؟؟؟؟
الظاهر كلامه صح

ذو النون المصري said...

انا قعدت فاكر في كلام شهروزه و اسال يا تري هو كرم مطاوع حصل له ايه
لحد ما عرفت انها قفشه ظريفه فقعدت اضحك عليها كتير
تحياتي لكي و لشهروزه

ذو النون المصري said...

يادي الخيبه
انا شفت الصوره قلت شهروزه لقيته لواحد تاني اسمه ادهم

Anonymous said...

مفروسة هانم

لية الشعب الخنزقور فرحان باشاعات غير صحيحات عن ...مش اقدر اقول كلمات وحشات عن حظرتنا؟

مفروض شعب خرسيس شعب يوك شعب خنزقور ابقا زعلان كتير ـ مثل حضرتكم سوسة هانم مفروسة - على ولى النعم

Unknown said...

شعب قليل الادب صحيح مافيش تمييز
عااااش الملك طويل العمر و من بعده ابنه

علا من غزة said...



انا مليش دعوة في الريس بتاعكو

تحبوه تكرهوه انا مليش دعوة خالص

:)

بردو الريس بتاعنا الله يرحمه لما مات محدش كان مصدق ,, لدرجة ان الخبر كان لازم يتعاد يجي سبع تمن مرات على ما الناس صدقت ,, انتو يمكن مش فاكرين ,, بس ايامها كان حاجة زي اللعبة ,, مات ما ماتش مات ما ماتش

ياللا ربنا يرحمنا جميعا احياء او اموات
تحياتي :)

david santos said...

Thanks for posting, and have a good weekend

Amr Ahmed said...

هو فيه رئيس بيموت

عمري ما هنسي كلة طفل قالهالي
وكان بيسال بجد

هو حسني مبارك بيموت زينا؟

حسن ارابيسك said...

الأرض اللي في الصحرا عاوزتها تبقى خضرا

حياة الأحلام said...

أزيك يا سوسه طولتى الغيبه

الغريبه بقى أن الواحد لو قالوا أنه مات هيطلع بنفسه ويقول أنا أهو أهو وصحتى 10/10


مش هيخلى حد يقول بداله
وبعدين هو ايه اللى يزعل فى الأوشششششششششششاعه

عارفه على رأى أنيس منصور النهارده بيقولك "الناس لاتصدق الأشاعات ألا أذا كذبتها الحكومه " هههههههه

ربنا يكرمنا بقى ياااااااارب
كفايه كده

ربنا يرحمنا

محمد عبد الغفار said...

المشكله لم تكن فى استبعاد الموت

كانت فى طريقه التعامل مع الأشاعة
وكانت فى تأثيرها السلبى على جميع اركان الدولة

الأشاعه اسلوب قياس واسلوب توصيل رساله واسلوب وصول لمأرب معين

وقد نجحت فى كل ذلك نجاح باهر

مـحـمـد مـفـيـد said...

السلام عليكم
أولا كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده
ثانيا/ هو اللي هيوصلنا سا سوسه
ده ماسك فيها بأيده وسنانه

He and She said...

The main problem is that those rumors suddenly affected the economic stability in Egypt. 3ala2 Mubarak assets were shaken, Egyptian economy and forgeign investors were panic. Everybody was losing that is why Suzzane screamed. Howa e7na na2seek khasara ya khowana. Ma7a be nekhsar kol youm

صاحب البوابــة said...

كل عام وأنتم بخير

يهل رمضان من بعيد

حاملاً لي أحلى الذكريات دائماً

أصدق العبرات حتماً

أخلص العبادات دوماً

لرمضان عندي مكانة خاصة

ولكم أنتم أيضاً

يا أحبابـــي

فكل عام وأنتم بخير

وأنتم إلى الله أقرب وعلى طاعته أدوم

m_elsewedy said...

يا سوسة الموز علينا حق

كل سنة وانتى طيبة
:D

عصفور المدينة said...

هي شتمة يظهر بس احنا اللي مش واخدين بالنا

سيبها على الله said...

الى الاخت سوسة
كل عام وانتم والاسرة الكريمة بخير بمناسبة حلول شهر رمضان المعظم اعاده الله عليكم وعلى امة الأسلام
بالخير واليمن والبركات

masrry metgharb said...

على رأى ذو النون المصرى

هو فيه رئيس بيموت

عفوا


الرئيس


يمرض


ولا يموت


يقال ان الرئيس قبل الانتخابات الاخيرة بيقولو له مش هاتقول كلمة تودع بيها الشعب ( تحسبا لانه ممكن يخسر الانتخابات يعنى )
رد عليهم وقالهم اودع الشعب ليه هو الشعب رايح فين

يعنى الراجل ما عندوش تصور انه ممكن يمشى

فبلاش بقى كلام الاشاعات الغرضة الى هدفها ضرب الاستقرار الذى تنعم به البلد

break said...

هوا فى ريس بيتعب و يموت !
انا قلت كدا بردو ساعتها مصدقتش
الراجل صحته احسن منى و من ولادى اللى جايين ان شاء الله

Ma 3lina said...

ايه ده انتى فاكرة انه بيموت كدا زى البنى ادمين غريبة و الله

ده معمر هبفضل فيها على طووول

لازم يموت الشعب كله و يفرسه الاول قبل ما يتكل

Anonymous said...

ممكن تضفينى لااهمية

tomarb2001@hotmail.com

أوشه said...

يوم ماييجي يومه هو ده اليوم الوحيد اللي مش هيقدر يقول فيه بم ولا لأ....
فرصه اعزمك انتي والحبايب تنوروا مدونتي
لسه طازه

انكسارات .. احمد البوهى said...

روعة اسلوبك وطريقتة المميزة تنسينى ما اعلق به على المضمون
...............
تحيتى لكى وذكاء افكارك
....
ربما مود مدونتى يختلف عنكى كثيرا
ولكنى فى انتظار زيارتك

Nouran said...

الموت علينا حق وربنا قادر ع كل شئ
بس انا حاسه كده ان احنا هنتكل وهو لسه ربنا يستر

Anonymous said...

رمضان كريم
وكل سنة وانتى طيبة


جيت اسلم واشوفك

رمضان كريم

sa'7so'7te said...

انا بيتهيألى بعيدا عن انه مبارك اللى طلعت عليه الاشاعة
فان المفروض لما حد يكتب حاجة يبقا واثق فيها
لان اخبار زى دى تضر ناس كتير جدا
و لولا ان الخبر ده اتكذب كان ممكن الالاف يفقدوا اموالهم نتيجدة هبوط اسعار اسهم البورصة
يعنى بعيدا عن الريس ولا لأ
فالخبر ده كان هيضر مصريين و مواطنين

بس يا ست سوسة يا مفروسة

Eric Matt said...


ربنا يستر علينا

تحياتي لك من ماناساس البلد وفاكرك يا ناسيني

soosa el-mafroosa said...

فارس عبد الفتاح

يا سلااام

أحلى كلام

soosa el-mafroosa said...

adham

كرمه و فرجه قريب

يااارب

soosa el-mafroosa said...

ذو النون المصري

الصراحة حاجة تفقع و تعل

الراجل مستبعدها ع الآخر

و معتبرها اهانة ان حد يتصور انه ممكن يموت

تشابه أدهم و شهروزة في الصور تشابه عجيب

تفتكر يقربوالبعض..لأن الشبه كبير
:)

soosa el-mafroosa said...

ولي النعم

الشعب الخنزقور ده بصراحة غريب

ازاي يتبطر على النعمة و يتمنى زوالها

الصراحة قلة تربية

soosa el-mafroosa said...

ولي النعم

الشعب الخنزقور ده بصراحة غريب

ازاي يتبطر على النعمة و يتمنى زوالها

الصراحة قلة تربية

soosa el-mafroosa said...

emy

يسلم فمك

soosa el-mafroosa said...

علا-من غزة

تعدد الرؤساء و الموت واحد

soosa el-mafroosa said...

david santos

thank you very much

keep visiting

soosa el-mafroosa said...

amr ahmed

حتى العيال مووا فيهم الأمل

كلنا اتعملنا غسيلمخ

و الله فعلا الواحد مش متخيلها

يعني يوميها هنفرح والا هنزعل و الا هنضيع

منه لله الي كان السبب

اسكندراني في الغربة said...

اوحش حاجة في الاشاعة انها طلعت اشاعة

soosa el-mafroosa said...

حسن أرابيسك

احنا ماعندناش أرض في الصحرا يا سيد

كله أخضر

بلاش اشاعات مغرضة

انت كنت مسافر والا ايه؟

soosa el-mafroosa said...

حياة الأحلام

ربنا بس بيخلص ذنوبنا

و انتي عارفة انها كتير

و على فكرة هو من عيلة معمرة

بيقولوا امه ماتت و هي عندها 104 سنة

يعني لسه قدامنا 25 سنة كمان

soosa el-mafroosa said...

mohamed a.ghaffar

بينت الإشاعة ان مافيش أي حد عامل حساب لأي حاجة

المستقبل مظلم مظلم مظلم

على رأي أحمد عيد

احنا ضايعين ضايعين لا محالة

ياعيني عليكي يا مصر ياللي قطعت الخلفة بعد القائد المغوار

soosa el-mafroosa said...

محمد مفيد

كل سنة و انت طيب و اعاد الله الشهر عليك و على العائلة الكريمة بالخير و البركات

هو بس مش ماسك فيها بايديه و سنانه

ده ماسك في رقبتنا كمان

شوية هوا بأه عايزين نتنفس

soosa el-mafroosa said...

he&she

مع اني مش زعلانه قوي يعني على أسهم علاء مبارك دي

بس تأثر الإقتصاد بالطريقة دي دليل على ان مافيش أي خطة

و البلد دي ماشية بالبركة

يا فضيحيتنا وسط الأمم

soosa el-mafroosa said...

صاحب البوابة

كل سنة وانت طيب

و كل المدونين بخير

رمضان التدوين له طعم جميل

اعاده الله علينا سنين عديدة

باليمن و البركات

soosa el-mafroosa said...

m_elsewedy

الموز علينا و البرتقان عليه

انت ليه بتغيب كده يا سويدي

فين النشاط بتاع زمان؟؟؟

كل سنة وانت طيب

soosa el-mafroosa said...

عصفور المدينة

مش عافرفة و الله

مع ان الشتيمة غالبا هتلف تلف و ترجع لصاحبها

يبقى يزعل ليه؟؟؟

soosa el-mafroosa said...

عصفور المدينة

مش عافرفة و الله

مع ان الشتيمة غالبا هتلف تلف و ترجع لصاحبها

يبقى يزعل ليه؟؟؟

soosa el-mafroosa said...

سيبها على الله

كل سنة وانت والأسرة الكريمة بخير

أعاده الله علينا و عليكم اعواما كثسرة بالخير ان شاء الله

soosa el-mafroosa said...

masry metgharab

عفوا

و مين قال ان الرئيس بيمرض اصلا؟؟

بس النكتة

جاممممدة

ربنا يبعد الإشاعات عنا و يبعد عنا الإشاعات

soosa el-mafroosa said...

break

فيه حد قاللي و ايش عرفك انه هوا هواه

مايمكن بديل زي بتاع صدام

جايز برضه

soosa el-mafroosa said...

ma-3alina

مش عارفة برضه ايه السذاجة بتاعتي دي

بس انا الصراحة ماصدقتهاش

قفلتلهم يموت ازاي يعني

ده مش نمن الفصيلة اللي بتموت

soosa el-mafroosa said...

anonymous

حااضر

soosa el-mafroosa said...

inksarat

الله يخليك

أخجلتم تواضعنا

مدونتك جميلة جدا و في قمة الرقي

لدرجة اني ماببقاش عارفة أقول ايه

باحس ان كلامي عبيط قوي جنب الكلام الحلو بتاعك

soosa el-mafroosa said...

nouran

و الله يا نوران أنا فتحت عينيا على بابا حسني

و خايفة اغمض عينيا على بابا حسني برضه

ربنا يستر

soosa el-mafroosa said...

شهروزة

و انت بخير

يا أحلى شهروزة
ميرسي على ذوقك يا قمر

soosa el-mafroosa said...

sa'7so'7te

أينعم

لكن لو فيه أصلا ملامح للمستقبل

أي لمحة استقرار

أي فكرة عن مين هييجي بعده

ماكانش الناس تتخض

لكن التعتيم و تكبير الدماغ ده
هو اللي مخللي الناس خايفة و فاقدة الثقة

soosa el-mafroosa said...

the groom

يااارب يستر علينا فعلا

مش عارفة بعد كده هيجرى ايه

تحياتي

أبوشنب said...

طب انا بقول انها قريب قوي

قولي انشالله

أوشه said...

ماشي يا ست سوسه
بقه تردي عليهم كلهم
و anonymousاللي قبلي
inksarat اللي بعدي
وانا لأ؟؟!!
على العموم رمضان كريم
والمسامح برضه كريم

غمض عينيك said...

حلوووه
:):)
ربنا ياخد الشعب الزنان دا والله
الناس ماصدقت ولا ايه
لا خلاص ماعدش فيه
قاعدين على قلبكوا
منكوا لله شعب متعب

كل سنة وانتي طيبة

Desert cat said...

انتى بتقولى ايه بس يا سوسة
الشعب ابن الــــــــ
هو بس اللى يموت
انما الملك صاحب العزبة
مش بيموت ابدااااااااااا
وقادر الحى الذى لا يموت
يستجيب دعواتنا
حسبنا الله

شــــمـس الديـن said...

فعلا

انا مش مستوعبة اصلا هما ليه اعتبروا اللي روج الاشاعة - زي ما بيقولوا يعني انه روجها - يستحق الحبس ؟؟؟

مش فاهمة فعلا ايه منطقهم بس كل اللي اقدر اقولة ان البلد دي نظامها شاخ و عايز يتكفن قريب

مش عيب يعني كلنا هنموت

ربنا يهدي و يشفي

yomna said...

بصي بقى يا ست سوسة انا عاوزة اربي العيال

ريس ايه ده اللي يموت و اشاعة ايه دي اللي مقومة الدنيا حريقة

ربنا يطولنا في عمره كمان و كمان ريسنا حبيبنا هو اللي ماكلنا و هو اللي ملبسنا و هو اللي معذبنا و هو اللي مموتنا في العبارات و القطرات...الراجل مش مخللي في نفسنا حاجة خااااااااااالص
و بعد ده كله تقولوا مش عارف ايه عليه

ادعوله ادعوله
ربنا..............

قولوا امين

يا مراكبي said...

ههههههه

البوست ده من أحلى الكلمات اللي سمعتها عن الموضوع ده

حلو قوي حكاية يأجر عجلة

يا بنتي ده ممكن يشتري عجلة .. مش يأجر عجلة

Phoenix said...

تخيلى ان اول لما سمعت الموضوع ده
استغربت قوى قولت لا اكيد تهريج

ده لسه فى عز شبابه بس برضه مش كنت متوقعه يموت

استغفر الله العظيم

اصل الموضوع صعب قوى عليا

من كتر الفرحه حزنت واتصدمت فى نفس الوقت

يلا يومه قريب ان شاء الله

koukawy said...

ههههههههههههههههههههههههههههههههههههههههههههههههههههههههههههههههههههههههههههههه

Anonymous said...

wow gold
wow gold
wow power leveling
wow power leveling
wow gold@@@@
World of Warcraft Gold
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow powerleveling
wow powerleveling
wow powerleveling
rolex replica
wow powerleveling
wow powerleveling
wow powerleveling
wow powerleveling
wow powerleveling
wow powerleveling
wow powerleveling
wow powerleveling
replica rolex
powerleveling
powerleveling
powerleveling
powerleveling
power leveling
power leveling
powerleveling
powerleveling
power leveling
power leveling
power leveling
power leveling
power leveling
power leveling
power leveling
power leveling
rolex
wow gold
wow gold
Warcraft Gold
Warcraft Gold

中高年 転職
アルバイト 求人情報
ブライダル
転職
競馬
FX
ダイエット
お見合い
競馬 予想
新築マンション
新築マンション
コンタクトレンズ
婚約指輪
合宿免許
人材派遣
東京都 墓地
派遣会社
人材派遣
パチンコ 攻略
おなら

货架
OCR
OCR
手机词典
高速扫描
机票
灭蟑螂
蜗轮减速机
减速机
齿轮减速机
丝杆升降机
租房
租房
北京租房
北京租房
搬家公司
北京搬家
北京搬家公司
上海机票
上海机票
上海打折机票
上海打折机票
上海特价机票
上海特价机票
搬家公司
搬家公司
北京搬家公司
北京搬家公司

dgfhghjg