Sunday, October 21, 2007

جلالة الملك





الملك فاروق الأول




ما حصلش قبل كده في تاريخ الأعمال الدرامية ان الشباب المصري يتأثر بعمل درامي بهذا الشكل..عن مسلسل "الملك فاروق" اتكلم..رغم ان المسلسل كان بيتعرض على قناة واحدة بس بعد ما مؤلفته طلعت روحها عشان التلفزيون المصري ينتجه لكن ماحصلش ..لسبب بسيط..ان المسلسل ينصف الملك فاروق ..الذي كان تشويه صورته مهمة قومية لكل صحفي أو إعلامي منذ قيام الثورة حتى الآن




رغم ان المسلسل من وجهة نظري عابه التطويل و زيه زي كل المسلسلات المصرية كان فيه فترات ملل كبيرة..و عيبه الأكبر انه من وجهة نظري برضه خلص فجأة...كان يبقى أجمل بكتير لو امتد و صورلنا حياة الملك المخلوع بعد ما انطرد من بلده و عرشه..في رأيي كانت دي هتبقى قمة الدراما..انفصاله عن ناريمان و تخليها عنه و رجوعها مصر بعد خلعه..أخواته اللي خرجوا عن طوعه هما و أمهم خصوصا الأميرة فتحية و أمها نازلي اللي تحولوا من الإسلام للمسيحية ..التعمق في مشاعره بعد مابقى مطرود و مالوش شغله ولا مشغله ..كانت فعلا هتكون مجموعة حلقات ثرية جدا لو كانت اتعملت


الملك فاروق و الملكة فريدة والأميرة فريال


تأثير الحلقات على كثير من الشباب فكرني بتأثير"رأفت الهجان" علينا زمان...أول مرة كنا ندرك ان فيه حاجة اسمها مخابرات و نفرق بينها و بين أمن الدولة...و اول مرة نحس اننا ممكن نطلع أذكى من إسرائيل في حاجة.."دموع في عيون وقحة" ماكانش له نفس التأثير لأن أداء عادل إمام و إفيهاته و حكايته مع جوجو و مش عارفة مين كانت طاغية شوية على القيمة الوطنية للعمل




المرة دي المسلسل كان مفاجأة لمعظم اللي شافوه..لأول مرة الناس يشوفوا الجزء ده من تاريخهم بعين تانية..لأول مرة الناس تفكر ان فاروق ممكن مايكونش فاسد ولا فاسق ولا خاين..لأول مرة يشوفوا حاجة خارج كتاب التاريخ و المعلومات المغلوطة و المفتراه..لأول مرة يبتدوا يفكروا في الملك السابق كإنسان..و في مجتمعات كتيرة و بالذات على الإنترنت..بدأ الشباب يتساءلوا عن الفترة دي و الملك و العيلة المالكة كلها..ولأول مرة بيشغل الموضوع ده حيز تفكيرهم




الصورة الرسمية للملكة ناريمان بفستان الزفاف


فمثلا على الفيس بوك..هتلاقي ناس جمعت مئات من صور العائلة المالكة و أرخوا ليها.هتلاقي دعوات لزيارة قبر الملك فاروق و الدعاء له.و هتلاقي تعاطف تااام مع الملك فاروق..و انبهار بأخته الأميرة فوزية امبراطورة ايران و تشكك في الملكة ناريمان اللي سابته بعد خلعه ب3 شهور و اعجاب بموقف فريدة اللي رغم الطلاق جت مخصوص عشان تحضر جنازته و دعوات كثيرة على نازلي أمه المتمردة قوية الشخصية و ضعيفة العقل



الأميرة فوزية أخت الملك فاروق و إمبراطورة إيران فيما بعد


أسماء لم تكن تحتل أي مساحة في تفكير أي شاب مصري..لكن المسلسل أجبر الكثيرين على التوقف لحظة و مراجعة التاريخ و الحسابات..و الواقع أيضا أجبر الكثيرين على التوقف لحظة و التفكير...طب الثورة كانت صح والا غلط..الناس دي اشتغلونا والا ايه..طب كان يجرى ايه لو فضلت الملكية





و تفاجأ وانت على الفيس بوك بناس فعلا و بجد..بتطالب برجوع الملكية..من باب انهم كانوا ناس شبعانه و ماكانش حد فيهم هيسرق البلد..هل ده تأثير مسلسل والا يأس من الواقع اللي بيخنقهم بيد من حديد والا رعب من مستقبل يكاد يكون مجهول..الشباب بيحاول يلاقي طريق للهرب من واقعه في صورة الماضي اللي صوره المسلسل نضيف مليان سرايات و قصور و ناس مزينين بالجواهر و النياشين بعيدا عن صور الفلاحين و الموظفين اللي تجاهلهم المسلسل و غابوا عن تفكير الشباب..

الملكة نازلي في شبابها


أيا كانت أسباب هذا الإهتمام و دوافعه..ففريق عمل هذا المسلسل يستحق الشكر ..بمؤلفته المصرية و مخرجه و بطله السوريان و انتاجه السعودي و بقية أبطاله المصريين


تيم حسن



فأي عمل ينقلنا من خانة المشاهدة لخانة التفاعل و التفكير ..يستحق كل الإحترام..

69 comments:

حياة الأحلام said...

السلام عليكم
يااااه أنا أول تعليق
عموما حمد الله على السلامه يا سوسه ويارب يكون كان عيد سعيد عليكى وعلى الجميع

أما عن المسلسل فأنا للآسف ما أتفرجتش عليه بس كنت بشوف لقطات منه بس من كلام الناس حسيت بجد أن المسلسل كان حلو وأنصف الملك

بس أنا طول عمرى حاسه أن الملك مظلوم بالرغم من عيوبه

يعنى مثلا ماما دايما تقولنا ولا يوم من أيام الملك كان كل الناس على الأقل بتاكل وبتشرب أحسن الحاجات
وكنت دايما أقولها يمكن علشان باباكى كان أقطاعى وغنى علشان كده بتقولى كده:)
بس كانت بتقولى بس مكنش الفقر واليأس كده بالصوره اللى بشوفها دالوقتى

عموما أى كان فعلا الناس وصلت لمرحله بتقول ياريت الملكيه ترجع بدل ما أحنا هنبقى ملكيه وأحنا جمهوريه

وربنا يرحمه لو كان فعلا أنسان كويس ويحاسب كل واحد على قد ما عمل
ويرزق مصر باللى يصونها يارب

بوست معرفش ليه وجعنى بس جميل أنك أنتى كمان تنصفى أنسان التاريخ والدنيا كانت ظلماه

تحياتى ليكى يا سوسه ويارب دايما منوره البلوجات ببوستاتك

حياة الأحلام said...

السلام عليكم
يااااه أنا أول تعليق
عموما حمد الله على السلامه يا سوسه ويارب يكون كان عيد سعيد عليكى وعلى الجميع

أما عن المسلسل فأنا للآسف ما أتفرجتش عليه بس كنت بشوف لقطات منه بس من كلام الناس حسيت بجد أن المسلسل كان حلو وأنصف الملك

بس أنا طول عمرى حاسه أن الملك مظلوم بالرغم من عيوبه

يعنى مثلا ماما دايما تقولنا ولا يوم من أيام الملك كان كل الناس على الأقل بتاكل وبتشرب أحسن الحاجات
وكنت دايما أقولها يمكن علشان باباكى كان أقطاعى وغنى علشان كده بتقولى كده:)
بس كانت بتقولى بس مكنش الفقر واليأس كده بالصوره اللى بشوفها دالوقتى

عموما أى كان فعلا الناس وصلت لمرحله بتقول ياريت الملكيه ترجع بدل ما أحنا هنبقى ملكيه وأحنا جمهوريه

وربنا يرحمه لو كان فعلا أنسان كويس ويحاسب كل واحد على قد ما عمل
ويرزق مصر باللى يصونها يارب

بوست معرفش ليه وجعنى بس جميل أنك أنتى كمان تنصفى أنسان التاريخ والدنيا كانت ظلماه

تحياتى ليكى يا سوسه ويارب دايما منوره البلوجات ببوستاتك

Tarek said...

غريبا فعلا تأثير المسلسلات على الناس
أنا لا زلت أذكر حين عرض مسلسل أم كلثوم حينها بدأ الكثير ممن يعتبروا أغاني حميد الشاعري ضمن تراث الغناء القديم بدأوا في تنزيل و سماع أغاني أم كلثوم

المنفي said...

بالامس على قناة دريم ادارت الاعلامية الرائعة منى الشاذلي في برنامجها العاشرة مسائا حوارا يبرز مدى الدوي الذي اصابه هذا المسلسل في الاوساط المصرية بين عامة الناس والنخب السياسية والفنية

واود ان اذكر هنا رأي الكاتب صلاح عيسى الذي اعتبره فصل الخطاب في هذا اللغط الرهيب حول الملكية والناصرية

قال صلاح عيسى ان الملكية غلبت الديمقراطية السياسية على حساب الديمقراطية الاجتماعية او العدل الاجتماعي
فكان الشعب المصري عبارة عن عبيد بكل ما تحمل الكلمة من معنى يعملون بالسخرة حفاة وهنا اقول حفاة اي انه كان هناك حملة شعبية لتوفير الاحذية والشباشب للحفاة الذين يفترشون الشوارع ويلتحفون بالسماء وفي المقابل كان هناك حياة نيابية وديمقراطية

ومرحلة ما بعد الثورة غلبت الديمقراطية الاجتماعية على الديمقراطية السياسية حيث كان هناك قانون الاصلاح الزراعي وما تبعه من الانجازات الوطنية الاجتماعية التي كانت تعني بالدرجة الاولى بالفلاح والمواطن الغلبان وتهد معاقل الاقطاع

وفي اعتقادي ان هذا رأي صحيح يصب في خانة ان الملكية لها ما لها وعليها ما عليها وكذلك الناصرية

اما مصطفى بكري فإنبرى في الدفاع عن الناصرية بكل همته العالية و بمخرجات حروفه الصعيدية مصورا حياة الملكية هي الظلام الدامس والناصرية هي النور الباهر

اجمالا من الناحية الفنية المسلس مبدع بالنسبة للمصرين الحديثي عهد بالاخراج السوري
حاتم علي وغيرهم من المخرجين السوريين واخص بالذكر باسل الخطيب ابدعو اعمال فنية تفوق الملك فاروق الف مرة
والتفوق هنا من الناحية الفنية والدرامية لا ما يثيره المسلسل من جدل

وانا اتفق معك جدا يا سوسة في ان الدراما الحقيقية لو كان عرض المسلسل حياة الملك فاروق بعد خلعه وصراعاته الداخلية في المنفى
وللموضوعية هذا اسلوب السوريين في الكتابة ولكن يبدو ان المسلسل كان معني بالسياسة في الدرجة الاولى

ارجو ان تفيق الدراما المصرية وتأتي باعمال ذات جودة فنية وقيمة فكرية وتحاول ان تعيد ثقتها بنفسها وذلك لن يأتي الا باحترام عقلية المشاهد المصري

عـلا - من غـزة said...


اولا مبروك عودتك وكل سنة وانتي طيبة

هو مزبوط كلامك من ناحية انو المسلسل اللي بيسبب ضجة ورد فعل من الناس بيكون فعلا مسلسل ساب بصمة ونجاح .. بغض النظر من محتواه وموافقتنا على الافكار الي طرحها ... زي مثلا الحج متولي .. ساب صدى كبير بالرغم من معارضة معظم الناس لفكرة التعدد .. ده مثلا يعني

بالتأكيد ان المسلسل كان فيه جوانب تدعو للتساؤل .. ويمكن كان ينقصة حتة ال"ما بعد الانقلاب" زي ما قلتي ..
يمكن يعملو منه جزء تاني ولا حاجة .. او حد مثلا يتشجع يعمل فيلم عن حياته بمعالجة أخرى .. مين عارف

anyway ..
انا ضفتك اهو على الفيس بوك :)

وعايزة اعرف السر في اغنية محي ؟! اختيار غريب شوية !؟

اشواقي وسلاماتي :))

fnan_geology said...

هيه سادس تعليق
اولا بدعوك لحضور اففتاح المدونه الجديد بعد فتره اصلاحانت وتجديدات وغلق



ثانينا

تعليقى على مسلس المللك فاروق
انى مشفتهوش لانى كنت غير تابع للمسلسلات فى رمضان خالص
عدا تامر وشوقيه ويتربى فى عزو

بس بالنسبه للسمعته وشوفته
انا من راى الخاص
انه المولفه حبت تعرض الجانب الانسانى للمك انه تولى لامسئوليه وهو سه صغير وعاشت معاه فى القصوروالسرايات ومجبتش سيره الشوارع والورى والفساد

وفى نفس الوقت الافلام التانيه بتجيب الشوارع والحوارى والفساد ومجبش المللك كان عامل ايه
من الاخر
احنا عايزين
نتبا لتاريخ بحياديه ونكون لينا نظره اخرى فى كتابه التاريخ
لانه كله بيكتب بمزاجه او على هوى الخاكم
وسلااااااااااام

Amr Ahmed said...

هو المسلسل فعلا شيق

لانه بيعرض فترة الكلام عنها قليل جدا

ومن وجهة نظر اخري تماما

وفترة اعتقد انها مهمة جدا في تاريخ مصر

وناس كتير حاولت تلغيها

لكن التاريخ لا ينسي

لكن اعتقد ان الملك مكانش بالصورة السيئة اللي كلنا اتربينا عليها

بس برضو لا تزال فترة غامضة

تحياتي يا سوسة هانم

ابوزياد الفاتح said...

السلام عليكم
انا مسمعتش اى مسلسل والحمدلله
بس طبعا الملك فاروق لم يك بالسوء اللى معروف عنه
والذى روجته لنا الثوره المباركه
ان كان عليه سهل
المشكله بقى فى الاستمرار فى تشويه التاريخ فى كل نواحيه

رفقة عمر said...

طبعا انا بادور على اى حد بيتكلم عن فترة الملكيه وعن تصحيح التاريخ المغلوط والتغيبه اللى كنا فيها
بجد كلامك جميل وانا كمان كان نفسى قوى يكملوا لحد وفاه الملك كانت هايكون المسلسل اجمل كتير
عايزة ااقولك الاغنيه اللى فى خلفيه المدونه من اكتر اغنيات محمد محى اللى بحبها ايام لما كنت باسمع اغانى
انا اتفجات بها ولها ذكريات معايا

فارس عبدالفتاح said...

السلام عليكم ورحمة الله وبركاته

كل سنة وأنتي في أحسن حال والأهل والأصحاب والإخوان وجميع من تعرفيهم

إن الشعب المصري لا يستطيع أن يفرق أو يفهم بين ما هو شخصي ( النفس البشرية ) وبينما هو سياسي ( العقل البشري ) فيخلطون بين هذا وذاك ..

وهذه هي المصيبة الكبيرة


إن الشعوب العربية والشعب المصري بالأخص ليس قارئ ولا يحب القراءة ولا يحب المعرف وتعودوا على المعلومة الجاهزة حتى ولو كانت مغلوطة ولا يتعبوا أنفسهم في التحقيق والدراسة والمراجعة ..وهذا سبب تخلفنا وجهلنا

ومن السهل السيطرة عليهم عن طريق - الإشاعات وعن طريق - الإعلام - المسموع والمرئي ..


ولذلك تنطبق عليهم نظرية ( الديمغوجية ) التي يتبناها السياسيون والدينيون والإعلاميون ..

أما عن الشباب المصري والعربي يصفى عامة إن هم إلا بغبغاناة تكرر ما يقال لهم دون الاستناد إلى المقارنة بالرأي الأخر أو النظرية الأخرى و - المفاضلة – والاستحسان - بينهم ..

فالتالي من حق الحزب الوطني أن يفعل ما يشاء لان الجهل عم ولا اقصد الجهل بالقراءة والكتابة أي الأمية ولكن اقصد الجهل - بالمعرفة - التي لا يعرف معنا هذا المصطلح أكثر من 90 % من الشعب المصري والشعوب العربية ..


فإذا قرأنا في احد الكتب التاريخية المغلوطة لا نكلف أنفسنا العناء لنستبين الصحيح من المعطوب .. هذا بالنسبة لنا كشباب

ونستند إلى هذه الكتب المغلوطة في الحجة والبرهان ونقول هذا هو الحق المبين وهو لا يعرف ما هو تعريف الحق أصلاً ..

ونقول لأي شخص إذا كنا نتجادل في موضوع اقرأ الكتاب الفلاني - مع أن الكتاب الفلاني مغلوط - وليس صحيح المصدر ولا التوثيق ولا المراجعة ...

فهذه هي عقلية العربي والشباب العربي والمصري

والنماذج على هذه الأشياء كثير منها التاريخية والدينية والعلمية والاجتماعية .

فتقول لنا الكتب التاريخية والمحرفة عن رابعة العدوية وهارون الرشيد والأفلام والمسلسلات ما أكثرها ..

مع خالص التحية والاحترام

ketchup said...

سلام عليكم

المسلسل شدني جدا اخراجيا ً و نصيا

عجبني جدا اداء وفاء في الملكة نازلي و العلاقة المعقدة بين الملك و امه و تصويرها بصورة حرفيه رهيبة

كمان محاولة اظهار الحقائق في المسلسل دون طمس لها كما يحدث منذ ايام الثورة محاولة تستحق كل التقدير و الاحترام من لميس جابر الكاتبة

مسلسل ممتع جدا

adhm said...

, يتوجة ابناء الباشوات والامراء والناس الارستقراطيين بالشكر العميق لصاحبة المقام الرفيع لميس جابر على مساهمتها العميقة فى افشاء الاسرار المكنونة لجلالة الملك فاروق الاول وكشف الغمة عن الامة الملتاعة شوقا الية وحبا فى شرف اخلاقة ونزاهة سيرة امة
وطهارة مسلك اختة الاميرة فتحية التى تزوجت برياض غالى المسيحى وتنصرت هى وامها ثم اطلق عليها الرصاص


عقدة غرفة النوم
لحية الخليفة..وسياراته

لكم افتقدنا هذا الملك الذى اعزنا وصرنا من بعدة اذلة فى ايدى ابناء الفلاحين والرعاع
واكرمنا واصبحنا من بعدة مهانين
سرادق اخر لتقبل العزاء فى الملك فاروق المعظم

Desert cat said...

انا واحدة م نالناس اللى اتمنت ان مصر كانت تفضل ملكية بعد ما شوفت كام حلقة من المسلسل
كام حلقة وقلبوا تفكيرى كدا امال لو شفت المسلسل كله كان ايه اللى حصل
عملت ثورة لقلب الحكم
تحياتى

ذو النون المصري said...

انا للاسف لم اتابع المسلسل لاني من مده طويله انتهت حقبة المسلسلات فس حياتي تماما
من سنين لا اتابعا المسلسلات لكن من كثرة الكلام عن الملك فاروق تمنيت فعلا ان اشاهده
كل ما نعرفه في اعلامنا عن فاروق هو ماخوذ من فيلم
رد قلبي
و نسمع صلاح ذو الفقار و شكري سرحان و زهرة العلا صرختهم الشهيره تحيا الثوره و يجي حسين رياض يصرخ و يقوم و يقول انا بامشي
طبعا من فرحته بقيام الثوره اللي هتنصره علي الباشا
المهم
معروف عن تاريخنا كله للاسف ان اي حاكم بيكون من اهم اعماله هو القضاء تماما علي الحاكم الاخر و ذكره و طمس كل ما يدل علي عصره و يبدو ان هذه العاده في دمنا للاسف
للدرجه التي علمنا منها ان احد قيادات الثوره قرر منع اغنيات ام كلثوم لانها تعبر عن العهد البائد و هذه المعلومه من مسلسل ام كلثوم
المهم ان الثوره اكيد بالغت كثيرا جدا في وصم عهد الملك بالعار رغم ان فيه بعض المميزات التي لم تكن في عهد الثوره و لم تات الي هذا العهد
موضوع الملك فاروق في حاجه لاعادة بحث كي نتاكد من الحقيقه و تاريخنا كله للاسف في حاجه لاعادة البحث بما فيه الفتره الناصريه التي لم نسمع فيها عن محاكمه للمسؤل الحقيقي عن الهزيمه المخزيه و المحزنه في 67 رغم ان الاسرائيليين حققوا في هزيمتهم في 73
نحن في حاجه لاعادة بحث و دراسة لتاريخنا كله

simple girl.. ..simple dream said...

would u plz visit my blog and participate in my poll
i really need ur opinion


with my best regards

قلوب حائرة said...

بقالي سنين مش بتابع اي مسلسلات في رمضان خالص بس بجد بعد الي قريته على المدونات هحاول القي اي تسجيل للمسلسلات او اعادة ليهم واتفرج تاني

جـيـداء said...

المسلسل فعلا ممتاز
انا برضه مش بتابع مسلسلات بس المسلسل شدنى و حسيت منه ان الملك فاروق مكانش بالبشاعة اللى هما مصورينها لنا على لااقل الظروف كانت ارحم بكتير من القرف اللى احنا فيه دلوقتى
و الاسم ديموقراطية و جمهورية
مش الملكية كانت احسن برضه

Ammar Jarrar said...

السلام عليكم
اول مرة ازور مدونتك
وقد اعجبتني فعلا
تفضلي لزيارة مدونتي الجديدة
http://archimanager.blogspot.com
وارجو ان تكوني ضيفة دائمة علينا
تحياتي
عمار جرار - فلسطين

hend...hanady said...

الموضوع ده فيه كلام كتير سبق وقلته عند اسراء فى مدونتها بس انا مش حاسة انه كان فيه تطويل وملل
وعلى فكرة د. لاميس جابر اتسالت فى موضوع اشاعة ان الملكة ناظلى وابنتها فتحية استنصرتا فقالت انها اشاعة وانما زوج فتحية اعلن اسلامه حتى ولو كان اسلامه خدعة بس هو امامهم اسلم وثانيا حكاية ان الملكة ناظلى كانت بسبب انها دفنت فى مقابر المسيحيين ده بسبب انها لما ماتت مكنش فيه مدافن للمسلمين فى كاليفورنيافاضطرت الجالية المصرية وقتها لدفنها فى مقابر المسيحيين

ahmed said...

أيام الملكيه كان كل شئ في مكانه أصحاب العلم في مناصبهم بعد الملكيه إستبدلوا بأصحاب الثقه مش مهم يكون فاهم المهم يكون كلب وفي وقد كانت الكارثه التي غرقنا فيها

فارس عبدالفتاح said...

اهههه

الأخ / ادهم المحترم

سلمك يا زعيم


أول ما قرأت التعليق بصراحة كنت متخيل انه فعلا كلام بدا لي انه من إنسان مريض نفسياً


لكن اتضح أنه بيهزر بس بطريق جميلة ومنطقية

يثبت عكس ما تم ترسيخ في عقول الشباب المصري من غسيل مخ عن طريق المسلسل دون أن يتعبوا أنفسهم في البحث عن الحقيقة من الكتب والمراجع والدراسات عن هذه الحقبة من التاريخ


وكان تعليق أو رد الأخ / ادهم

بالعقل والمنطق وبالدليل

بأرقام التواريخ - والوقائع بالصورة

فعلان أسلوب جميل

أحييك يا أخ / ادهم

أنا كنت سوف أضع موضوع على مدونتي عن هذا الموضع بعد ما رأيت هذه - السعار - بعد ما سمعوا هذا المسلسل ..


لكن خفت أن افهم خطأ بما أني انتمي إلى ( الفكر القومي العربي )

فبالتالي سوف يكون الرد عكسي لأنه لا توجد مناقشة موضوعية أو تكون موثقة بالتاريخ والأحداث

فشكراً لك أخي / ادهم الموقر

dead man said...

عارفة .. المشكلة في ايه .. ان المتاح دائما قدامنا عن الفترة دى كله من تأليف شوية افاقين وطبالين وزمارين كتبوا التاريخ في غفلة وادهولنا نقراه .. فطبيعي ان لما حاجة تيجي وتقول غير كده الناس تنبهر بيها .. وعلي فكرة الملك برده مكانش ملاك .. بس مكانش الشيطان التى صدرت الثورة صورته

Ahmed Al-Sabbagh said...

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نُذّكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ

Anonymous said...

هههههههههههههههههههههه
من لعمق نقطة فى قلبى

مافيش حاجة فى البلد دية الا و بتعدى على الفرازة
ولا مللك ولا غيرة دة نوع من غسيل المخ
تمهيد يعنى بخلى الناس تتمنى الملكية ترجع تانى على ايد الخ الفاضل جمال مبارك
لا بارك الله فيه ولا فى ابوه
وتبقى ملكية بجد
ملكية من عصر تانى زهقت الناس من نفسها و عايزة تصرخ الحل فين
يقوم البطل يدلهم المكلية هى الحل
هى بنا بنايع المللك الجديد
مين ياترى
جمال بية ولا باشا ولا لا اختاروا انت لقب بقى
جمال باشا على عرش مصر
قيل لها أهكذا عرشك قالت كأنه هو
لا و النبى ما هو عرشة من الاول
ليه بقى اللفة و المللكية و الكلام الفارغ دة ما هو ملك غصب عن عين التخين
مللك بجد نص البلد
مين عارف يمكن انا نفسى اكون شغال عندة فى الوسية الوسية كدة صح
قريبا ان شاء الله
بس الوسية دية فين بقى فى مارينا ولا فى الارياف
مش مهم طول ما انت فى ظل ملك ما يهمكش
مللك مللك يحى المللك
الملك جمال الاول و ربنا يزيد لما نوصل العاشر وتقوم ثورة حمقة زى الثورة اللى فاتت دية و تقطع المية و النور و تسرق الفلوس و بعدين تحن على الغلابة بشوية مية و شوية كهرباء

تعيش المليكة
و من بعدى الطوفان

ابو الرباب الصرى

Anonymous said...

عاجبني اوي اسلوبك و فرستك تحياتي و احتراماتي افندم
إيهاب شلبي

Anonymous said...

واضح أن الأستاذ سيار لا يعلم اى شئ عن الملك فاروق
فمعظم احداث المسلسل التاريخي قد جاءت بالنص من وثيقة تاريخية واحدة وهي كتاب أسرار الساسة والسياسة لمحمد التابعي الذي لم تكلف السيدة مؤلفة العمل نفسها للتنوية عنه بالرغم من انه قد عاصر الشخصيات الحقيقية
والتي لم تقم السيدة المؤلفة سوى بنقل الكتاب كما هو وتقديمة دون اى مراعاة لقواعد النشر

عمرو الجوهري

سلام سالم said...

ايه يابنتي انت في كل حتة والا ايه انا مبدخلش مدونة الا لما بلاقي رابط المدونة بتاعتك عليها استني متقوليش خمسة وخميسة ولا حاجة انا اللي هقول ما شاء الله
اما بالنسبة للمسلسل انا للاسف متفرجتش عليه لاني كنت في الجامعة ومبروحش الا كل فترات متباعدة بس سمعت انه مسلسل ناجح بس مش هقدر اقول رأيي الا لما اشوفه بس في الحقيقة انا مقل شوية في التلفزيون
ياريت تزوريني وتقولي ليا رأيك
http://clashenkof.blogspot.com/

حبة حاجات (ايمان) said...

اولا احييكى على البوست دا
ثانيا احييكى اكتر على الصور اللى انتى جايباها وعلى فكره انا نزلتهم كلهم عندى وبشكرك
ثالثا بقى ان دا مش جديد علينا احنا على طول موجهين من الاعلام والاعلامينن
حتى لو احنا مش قاصدين بس بنتاثر معاهم

تحياتى ليكى واتمنى انك تنورينى

reporter said...

الموضوع حلو
بس مش معاكى ان المسلسل كان ممل بالعكس
المسلسل كان عادى مفروض كان يزيد فى تفاصيله لاننا مانعرفشى حاجه عن
العصر ده
dr_reporter@yahoo.com

t3ban said...
This comment has been removed by the author.
بنت المنصوره said...

اكيد الموضوع جميل
انك تقدم صوره حقيقيه قلم الكثير بتشويهها ده شىء رائع
وبالرغم ان المسلسل كان به بعض النقاط
الا انه يكفيه انه عمل حاله من الاستناره العقليه
واوجد مناخ ثقافى تاريخى بين الناس
وده شىء جديد علينا بالنسبه لمسلسلات التلفزيون

The Groom said...


جيت أسلم بس يا سوسة

:)

تحياتي من ماناساس البلد ودمتي متألقة

soosa el-mafroosa said...

حياة الأحلام

منورة في المركز الأول لمسابقة اول تعليق

فكريني ابعتلك الفجلة الذهبية اللي هي جايزة اول تعليقفي البريد المستعجل

جميل انك كنتي حاسة انه مظلوم..مفيش ناس كتير لمسوا ده..كنتوا اقطاعيين و أغنيا

طيب

:)

بس فعلا المسلسل جميل ..حاولي تتابعي اعادة له

soosa el-mafroosa said...

tarek

للإعلام قوة هائلة على الشعوب و الشعب المصي مش غريب عنه تأثير الإعلام ..بالذات في المسسلات العربي

و التأثير ده يا إما يرفعنا يا إما يودينا في ستين داهية

ربنا يستر

soosa el-mafroosa said...

المنفي

شكرا ليك على تلخيص حوار العاشرة مساءا

انا كمان شاعدته و اعجبت بيه جدا

و فعلا أنا و انت بنتفق على ان الدراما اللي بجد كانت هتبقى في فترة نفي فاروق

يمكن المؤلفة تعمل جزء تاني و الا حاجة
بس يا رب ماتقعد 9 سنين تانية على ماينتجوه

soosa el-mafroosa said...

علا من غزة

الحاج متولي عمل ضغطة عند بتوع المنظمات النسائية و بقيةالناس أعجبت بيه فقط دون تغيير أي مفهوم جواها لكن الملك فاروق وقف ناس كتير قدام نفسها يكلمو نفسهم و يقولوا

أيه ده بأااااه حتى التايخ فيه خم يا جدعان؟؟


أغنية محيي هفت عليا مش عارفة ليه

و الله الراجل ده كان عنده شوية أغاني حلوين و ما اخدش حقه

soosa el-mafroosa said...

fnan_geology

مبروك على إعادة الإفتتاح

المؤلفة فعلا اهملت الشعب المصري خالص في المسلسل

لكن عذرها انها كانت مهمومه بتوضيح صورة فاروق الحقيقية اكتر من اي شئ آخر

اقولك حل حلو ..احنا نشوف حتة من المسلسل و حتة من الأفلام بتاعة الثورة بتاعة الذل و البؤس دي و نلخبطهم على بعض

يمكن نفهم حاجة

soosa el-mafroosa said...

amr ahmed

كل شئ في الماضي أو الحاضر او المستقبل في مصر

للأسف

غامض

ربنا يستر

تحياتي عمرو باشا

soosa el-mafroosa said...

أبو زياد الفاتح

المشكلة ان الواحد عشان يعرف حد بجد لازم يكون عايش في عهده

و حتى دي مش مضمونه

اثناء عهده الطبالين كتير و بعد وفاته المولولين و المعارضين فجأة بيظهروا

soosa el-mafroosa said...

رفقة عمر

سعيدة انك بتشاركيني حب الأغنية بتاعة محيي فعلا اغنية عبقرية

المسلسل كان هيبقى أقيم كتير لو تضمن الفترة الخيرة من عمره

لكن نقول ايه الحلو مايكملش

soosa el-mafroosa said...

فارس عبد الفتاح

فعلا لن الشعوب العربية كلها شعوب مشاهدة و ليست قارئة من السهل التاثير عليهم بفيلم او بمسلسل

و فعلا يعجز الكثير عن التفرقة بين الصحيح و المغلوط


تحياتي

soosa el-mafroosa said...

ketchup

و عليكم السلام

فعلا اداء الممثلين كان(على غير العادة) ممتاز

وفاء عامر و منه فضالي انا اصلا ماباطقهومش لكن عملوا ادوارهم بحرفية

soosa el-mafroosa said...

adhm

وجهة نظر تحترم

و زي ماقلت قبل كده الكتب مع أو ضد كتيره

و الناس فعلا محتارة تصدق مين
و كل اما يبقى فيه صوت عالي الناس تتجه ناحيته

soosa el-mafroosa said...

desert cat

ثورة على الحكم؟؟؟؟
طب كويس ان بقية الشعب ماشافوش المسلسل

:)

بس فعلا احساسك ده وصل لناس كتير

soosa el-mafroosa said...

ذو النون المصري

كل مانعرفه عن فاروق او الثورة كله ماخوذ من رد قلبي...للأسف

و هنفضل ناخد تاريخنا من الأفلام و المسلسلات

و هتفضل العادة الفرعونية المتاصلة جوانا ان كل عهد يلعن العهد اللي قبله و يشوه انجازاته و يسفه أفكاره

و هي دي مصر يا ذو النون

soosa el-mafroosa said...

simple girl>>>simpledream

حااضر

من عينيا

soosa el-mafroosa said...

قلوب حائرة

فيه غعادة على أو تي في

يا ريت تلحقيها

soosa el-mafroosa said...

جيداء

تفتكري ممكن في يوم من الأيام حد يعمل مسلسل عن بابا حسني يبان انه مش وحش قوي كده برضه؟؟؟

جايز

koukawy said...

من رأي ان اكبر عيب في العمل هي وفاء عامر لأن من رأي انها متنفعش و هي بيئه كده تعمل دور ملكه
لأن طبقة صوتها مكانتش في رقي صوت ملكه

شاب مصري مفروس said...

السلام عليكم

اعجبنى طريقة طرحك ومعالجتك للموضوع

انا لم اشاهد المسلسل للأسف

لكن من كثرة ما تاقشه الناس وتأثرو به شعرت انى المصري الوحيد الذي لم يشاهدة ويتأثر به

ولكن اعلم ان الملك فاروق ظُلم كثيرا من الثورة وهذا شيء طبيعي انهم يشوهوا صورته امام الناس

لدرجة انك تسال اي شخص او حتى اي طفل في المرحلة الابتدائية عنه يقول لك انه فاسد وخائن وزير نساء

ولكن جاء هذا المسلسل ليقلب الموازين ويجبر الناس على التفكير ولو قليلا عن هذة الشخصية الانسانه

وانا اقصد بالانسانه انه بشر له مميزاته وعيوبه
صفات مقبولة وصفات غير مقبولة

تحياتى لكي يا سوسة واتمنى زيارة منك لمدونتى

مش احنا مفروسين زي بعض

ههههههههه

تحياتى العطرة

soosa el-mafroosa said...

ammar jerrar

أهلا بيك نورت المدونة

زيارة مردوده ان شاء الله

soosa el-mafroosa said...

hend...hanady

معلوماتي ان زوج فتحية اعلن اسلامه على الورق و بعدين الكل اتنصر

و الله اعلم

soosa el-mafroosa said...

ahmed

بالنسبة لينا كأبناء الطبق المتوسطة-لو انت منا يعني-الموضوع هو هواه

كده اتظلمنا و كنا أبناء الفلاحين و كده اتظلمنا و كنا ابناء الموظفين

اللي صعب يتولوا أي منصب حتى لو امتلكوا العلم

soosa el-mafroosa said...

dead man

المشكلة ان من ايام الفراعنة كل فرعون بيتفنن انه يشوه صورة الفرعون اللي قبله و يسبغ على نفسه صفات الهابط على الشعب من السماء

و مين يعرف الحقيقة في ظل جو زي ده؟؟

soosa el-mafroosa said...

ahmed al-sabbagh

علم و شكرا

soosa el-mafroosa said...

أبو الرباب المصري

فعلا الناس اللي زعلانه قوي ان الملكية انتهت

طب ماهي راجعة راجعة
البركة في جلالة الملك جمال الأول

قفشة حلوة على فكرة

soosa el-mafroosa said...

إيهاب شلبي

شكرا ليك..منور المدونة على طول ان شاء الله

soosa el-mafroosa said...

عمرو الجوهري

شكرا على المعلومة القيمة

soosa el-mafroosa said...

سلام سالم

يا سيدي كويس انك قلت ماشاء الله
الله يزيد في الحبايب و يبارك

وان شاء الله انتظرني في زيارة قريبة

soosa el-mafroosa said...

حبة حاجات

أولا شكرا ليكي
الصور من جروب للعائلة الملكية على الفيس بوك و فيه صور كتير جميلة و نادرة

soosa el-mafroosa said...

reporter

المسلسل أنا ماقلتش انه كان ممل بشكل عام

لكن كان فيه مساحات ملل كبيرة
عموما ده رأيي الشخصي
تحياتي

soosa el-mafroosa said...

بنت المنصورة

أتفق معاكي تماما في كل اللي بتقوليه

soosa el-mafroosa said...

the groom

منورنا

و تحياتنا لكل سكان ماناساس الشقيقة

soosa el-mafroosa said...

koukawy
مش عارفة
انا شفت صورللملكة الأصلية و حسيت انها فيها تاتش من شعننة و بيئة وفاء عامر

او يمكن تمثيل وفاء عامر هو اللي ادالي الإنطباع ده عن الملكة

مش عارفة

soosa el-mafroosa said...

شاب مصري مفروس

أهلا برفيق الفرسة المقدسة

سعيدة ان البلوج عجبكو ياريت لو فيه اعادة للمسلسل تحاول تتفرج عليه
فعلا يستحق

و انتظر مني زيارة قريبة ان شاء الله

يا مراكبي said...

أنا مش هأتكلم عن المسلسل لكن اللي يهمني هو الإلتفاف الرهيب ده حواليه .. ده مالوش إلا دلالة واحدة: اليأس من الوضع الحالي لدرجة تمني المستحيل لأنه أحسن حالا من الواقع

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片,A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情

belhana said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول