Friday, April 04, 2008

إنتوا فهمكوا بطيء قوي







مانشيت الأهرام في الطبعة الأولى النهاردة بيقول




مبارك يؤكد على ضرورة التوسع في غزو الصحراء و إنتاج الحبوب




إزاي إحنا قبل كده مافكرناش في ضرورة التوسع في غزو الصحراء و إنتاج الحبوب





طب و ليه الريس قعد 27 سنة على ماقرر يأكدلنا على ضرورة التوسع في غزو الصحراء و إنتاج الحبوب




لأ لأ لأ ..هو أكيد قبل كده فهمنا ضرورة التوسع في غزو الصحراء و إنتاج الحبوب




بس إحنا أكيد اللي مافهمناش ضرورة التوسع في غزو الصحراء و إنتاج الحبوب





أو يمكن الموضوع كان محتاج 27 سنة على مانفهم ضرورة التوسع في غزو الصحراء و إنتاج الحبوب

.








أصل إحنا فهمنا بطيء قوي

32 comments:

الساحرة said...

دة احنا طلعنا مبنفهمش خالص


هنغزو الصحرا ونزرع قمح يا حلاوة يا ولاد

والله راجل زوق

صاحب المضيفة said...

لا تعليق رايق بجد

يمكن احنا فهمنا بطئ فعلا


او يمكن مش بنفهم أصلا

يارب نكون بنفهم شوية حتى

تحياتي

Ahmed Shokeir said...

حبوب إيه ؟؟ اول مرة اسمع حكاية الحبوب دي .. مش المفروض يوضح عشان إحنا فهمنا بطئ وخصوصا إن فيه كبسولات ومراهم ولا مؤاخذة لبوس

basma saghir said...

غباوة شعب يافندم

محمد عبد الغفار said...

تصدقى انا انا لسه لحد دلوقتى مفهمتش بردو

Ahmed Mubarak said...

اخيرا جده حد وقال اننا مش بنفهم كل مرة بنرمي بلاوينا على الحكومة وهما بيفهمونا واحنا لسه مبنفهمش
:D
تحياتي

None said...

ضرورة التوسع في غزو الصحراء و إنتاج الحبوب

هو يعنى ايه حبوب؟؟؟؟؟؟؟؟؟؟؟

سيبها على الله said...

والله ياسوسة الراجل دة سكرة بس العيب فينا احنا المفروض نفهمها وهى طايرة عارفة ياسوسة المفروض الشعب يعمل ايه يلم خلاجاته ويذهب للصحراء وياخد معاه زمزميه ميه لزوم غسيل الارض واستصلاحها وبعدين يزرعها والبلد بصراحة كتر خيرهم حايخدونا يحدفونا هناك يعنى المواصلات عليهم واهو يبقى عنوان فيلم جميل مصر الصحراء تذكرة ذهاب فقط

Anonymous said...

يعني ايه حبوب
وهي الصحرا دي عملت ايه علشان نغزوها يعني

ألِف said...

مش عيب..أما تكلمي عن الرئيس و توجيهاته الاقتصادية الفذة، تقومي تحطي صورة بقرة ترعي في حقول الغرب الأمريكي..عيب و لا مش عيب!

ام هادي said...

والله يا سوسه القمح اللي واقف فيه مايأكل معزه ده واصل لركبه الفمح لازم يبقي طويل عن كده

Sally said...

علي فكره بجد انا مش فاهمه ياسوسو
؟؟؟

عدى النهار said...

الناس هاتفضل لغاية إمتى فهمها تقيل كده!! كتر خيره مستحملنا كل السنين دى

إوعى تكونى فاكرة إن "ضرورة غزو الصحراء وإنتاج الحبوب" علشان الناس تاكل لأ و لأ و لأ..ده علشان الحبوب بتدخل حالياً فى إنتاج الوقود ، تصدير بقى ونهبص ، هو إحنا لسه هانأكل ونربى فى ناس فهمها بطىء

Layla said...

يا سلاااام...بقى هو ده الحل..واحنا كنا فاكرينه انتاج الصحراء وغزو الحبوب

كده تبقى منطقية اكتر

Mafrousa said...

اهلا يا سوسه...كنت فين ..غيبتك طولت....
اانا بصراحه..فاااااااااااااهمه
معقوله انى انا الوحيده العبقريه.....
الحبوب يا ماما ...ديه ...الحبوب المنومه و حبوب الفياجرا و حبوب منع الحمل..اصل دلوقتى العلم تقدم.....و الحبوب دبه حتتزرع.....شوفتى انا شطوره ازاى ..و بفهم....أه أه أه
معلش اصلى باين عليا اكلت لحمه كتير امبارح....

سلوى said...

يااااااااااه
ودي فايده الرؤساء يا جماعه
بيعرفوا اللي مش بنعرفه
وبيفهموها وهي طايره كده
هي صحيح فضلت تطير 27 سنه
بس هيعمل ايه يعني
مش على ماعدت عليه وهي طايره

خالص تحياتي .. تدوينه بجد حلوة

حنة said...

يوه يا سوسة ده الريس شربلوا كوبايتين كابتشينوا ، مع انه مش كييف قهوة وركز وقعد يراجع منهج تانية اعدادي بتاع الحساب لحد ما عرف يقو لنا البق ده
وده مجهود ممكن ياخد 27 سنة برضه
والنبي نفسي يحكمني رئيس ذكي ولو كان الشيطان
قبل ما اموت يا رب

NoOR said...

و اكتشفها ازاي ده ..... اكيد ساحر

يا ترى مين وراه

zahra said...

شوفتوا سهله إزاى
انتوا بس اللى معقدينها
و عمالين تقولوا مش لاقيين رغيف العيش
شعب كسلان صحيح

ذو النون المصري said...

مش عارف احنا و للا هو و افراد حكومته اللي فهمه بطيء قوي؟؟؟؟؟
و الله حاجه بقت تمخول ان الواحد يتابع تصريحات الراجل ده
يعني كل ما يصر بحاجه لحل مشاكل الجماهير نلاقيه صرح بيها يجي الف مره قبل كده
شويه توشكي و شويه شرق العوينات و شويه النوباريه و مش عارفين ايه النتيجه من دا كله؟؟؟؟
و لسه فيه تصريحات بتتكرر
و ايييييييييييييييييييه
ايييييييييييييييييه

ihapoof said...

هى القيادة اية غير اتخاذ قرارات مناسبة فى الوقت المناسب !!!

هو ده القرار .. ربنا يخليك يا ريس

كمان الراجل "أكد" هيعمل ايه اكتر من كده ؟

تفهموا ايه انتوا فى القيادة ؟

اطلع يا اسطى

ATEF said...

ياحرام ما قلتلكم يا جماعة اننا ظالمين ريسنا بقه الراجل مش واخد نفسه ليل نهار وهو قاعد فى توشكى بيزرع حبوب وانتوا نايمين فى العسل اه صحيح هى الحبوب دى نوعها ايه ؟ حبوب قمح واللا حبوب الشجاعة واللا حبوب منع الحمل واللا حبوب منومة المهم ده مش موضوعنا المشكلة ان سمعت ان السماد خلص من الجمعيات الزراعية يلا هاتيجى على السماد يعنى اه قبل ما امشى ما تنسوش يا جماعة تشوفوا فيلم أرض النفاق بتاع فؤاد المهندس وفيه حبوب برضهومين عارف ما يمكن الريس عجبه الفيلم وقرر انه يزرع الحبوب بس الفيلم فيه حبوب السعادة انما الريس هايزرعلنا حبوب التعاسة والمجاعة

واحشانى يا سوسة مووووووت
اخبارك ايه

nody said...

طب انتى عاوزه الكبير يعمل ايه اكتر من كده
الراجل بيخطط
شعب ظالم

مزجانجى said...

دة بقى على غرار الاغنية المشهورة

عايزنها تبقى خاضرة الارض اللى فى الصحرا

ونقدمها لمصر هدية حاجة جميلة ومعتبرة

هى اية الصحرا

ومن يوميها قاعد اسأل هى اية الصحرا

romalistic said...

هههههههههه

فعلاً هم يضحك و هم يبكى .. ما هو مبيعرفش غير يؤكد طول الوقت .. بقاله 27 سنة بيؤكد على حاجات كتير و حيفضل لحد مايموت يؤكد .. و ييجى ابنه يؤكد لنا تانى بقى هو كمان عشان أنتحر أو أسيب البلد ده خالص

حمادة زيدان said...

سوسة
هومش فهمنا أحنا اللي بطيء ... هو الراجل على قد سنه بيحاول يركز ... يعني ممكن يكون قال البقين دول من كام وعشرين سنه ونسي خالص أو تناسي بقي حكم السن ... المهم يمكن يكون افتكر دلؤتي ... اوعى حد ينسيه !!!!!!!!!!!!!

tota said...

لا يا سوسة ملكيش حق خالص

واضح ان فى سوء فهم الراجل مش قصده كده خالص

انا هشرحلك هو قصده التوسع فى انتاج الحبوب الزرقاء ودى نتيجتها هتبان بعد فترة وهتظهر فى صورة جيل مفاجىء عشوائى كتير

الجيل ده مش هيلاقى اى مكان والعشوائيات اتملت خلاص زى ما انتى عارفة قوم ايه بقى
يدور على الصحراء ويغزوها ويقضى على اليابس حيث لا اخضر هناك علشان يقضى عليه
ونبقى حققنا الهدف الاقتصادى المنشود وهو القضاء على اليابس كله

وحشانى كتير والله

عازفة الكمان said...

بجد احنا انضحك علينا بالقوي ما توشكي كا مالها ما كانت توسع بالصخراء لانتاج الحبوب ولا ايه؟؟؟؟

aya said...

وان شاء الله الغزو ده هيبقي بري ولا بحري اكيد اكيد هيبقي جوي اصله خبرهفي كده بس تصدقي ان 27 سنه مده قصيره علي مايفهم كده...اسفه قصدي احنا طبعا الي نفهم كده....كلامك حلو منتظره زيارتك

نعكشة said...

عاوزنها تبقي خضرا الارض اللي في الصحرا

طب ما البرنامج دة من ايام العصر التحتوحي

يابنتي شكلك فهمتي غلط

هوه قصدوا هنغزوا الصحرا من اتجاة تاني
هنحتلها يعني
بدل ما اسرائيل تيجي و تحتلها
احنا نحتلها ولا ملناش نفس نحتلها

والحبوب دية خودعة كلام في سرك قنابل

اجهزي يا بنتي هنغزوا الصحرا :D

soosa el-mafroosa said...

الساحرة

صاحب المضيفة

Ahmed Shokeir

بيسوو

محمد عبد الغفار

Ahmed Mubarak

fnan_geology

سيبها على الله

مصر تاني

ألِف

ام هادي

بالله المستعان > رؤية

عدى النهار

Marvel

واحدة مفروسة

Salwa

حنة

NoOR

زهرة الياسمين

ذو النون المصري

ihapoof

ATEF


nody_1987


مالك الحزين



romalistic

حمادة زيدان



tota

rasha said

tota

نعكوشة المنكوشة


أهم حاجة ااننا نكون أخيرا فهمنا

الريس بقاله 27 سنة بينبح في صوته و لازم نريحه

بس تصدقوا فكرة الحبوب الأزرقة دي ممكنة برضه

و اهي كلها ضرورات
:))

mohamed ibrahim said...

احنا اصلا و بكل فخر

من النوع الي بيسيب الفهم لناسه
مالنا احنا و مال الفهم .