Sunday, August 24, 2008

طراطيش

أنظروا لهذا الوجه البريء و العيون الطفولية الرقيقة...طب ده حد يزعل منه..يطلع بتصريح زي "تجريم نقل الأعضاء بين المسلمين و الأقباط"..تزعلوا منه ليه؟..انتوا مش عارفين إن ده معاه أكبر شهادة في البلد؟ شهادة يعامل معاملة الأطفال



آه المجلس ولع..آه ماكانش فيه طفايات و لا رشاشات و لا صفارات إنذار ..و آه ..بيخلوكوا تركبوا الحزام و تلبسوا الخوذة و ماتتكلموش في الموبايل و انتوا سايقين ..إجراءات سلامة ..يا شعب ياللي ماتعرفش يعني إيه إجراءات السلامة...يا اللي غرقتوا العبارة و حرقتوا قطر الصعيد و سممتوا أكياس الدم و سرطنتوا المبيدات بغباؤكم المستحكم و قلة إتباعكم لإجراءات السلامة و قلة أدبكم كمان...ليكوا شوق في حاجة ..هه؟




هزيمة و هزيمة و تعادل.....هو الأهلي خلاص؟...خلاص...خلاص كده والا إيه؟








إمتحانات الكادر..نياهاهاهاهاها..و النعمة فرحانة فيهم ..أولا من اللي كانوا بيعملوه فينا زمان ..ثانيا ده حقد من صيدلانية مقهورة مابتاخدش أجازة في الصيف و لا مكافأه إمتحانات..و عملوا كادر للمدرسين و الأطباء و قريبا سواقين الميكروباص و طنشوها

آه الصراحة فرحانة فيهم بقه



فتوى في السعودية لتحريم إرتداء الملابس اللي عليها صورة مهند و تحريم الفرجة على المسلسل من أصله
و قبليها من كام سنة أصدروا فتوى تحريم فرجة العيال السعوديين على البوكيمون و فتوى تحريم الفرجة على ستار أكاديمي
الناس دي فاضية؟

15 comments:

Cinderella & Cinderella said...

!!يكش تولع علي دماغ اللي خلفوهم
!!بت ب ميت راجل صحيح

نيران said...

أختي اختي..
انا من هذا المزنأ، بأحيي كل الناس اللي فرسوكي في البوست دا و اللي قبليه
انا بحيي السيد رئيس نقابة الأطباء، و السيد اللي ولع في مجلس الشورى و السيد رئيس رؤساء نادي الأهلي و السيد اللي بدع امتحانات الكادر و السيد مهند، و السيد اللي افتى بتحريم الفرجة على مهند من أساسه

عشان خلوكي تكتبي تاني :)
بصي.. انا عندي أمل في ربنا

مع اني زعلانة عشان اللي بالي بالك قاعد على قلبنا كماااان شهر، مهو انا مش متوقعة انه يموت في رمضان، عشان دا شهر كريم،و الموتة فيه شرف
و طبعا هو يكفيه شرف أول طلعة جوية فتحت باب الحرية للأرض و للأوطان و الأمة العربية.. و اديها كمان..

بس لحد امتى بقى؟
مافيش غير نقول يا رب.. يااا رب

محمد عبد الغفار said...

لم استطع فهم ابداً تصريحه هذا فكبرت

انت بينك مخك فوت عاوزه تعملى للحكومه قانون ايه فى ايه اصحى صحصح فوق

الأهلى فوق الجميع


يا بخت اصحاب المهن المفهومه مدرس سواق دكتور كده يعنى ، وصيدلى اه بردو فى الأخر حقد عليهم انما ادارى غلبان بقى مش فى تخيل اى حد يعمل ايه امال

الأثنين فاضيين ، انا بس سمعت سمع عن كل اللى انت اتكلمتى عليه انهم حرموه

Sourah said...

بصي با سوسة ده عادي ، اصلا احنا واخدين على التناقضات الكتير دي ، امال ليه مناعة المصريين قوية ، ما هو من دش السخن و البااااااارد اللي بناخده دايما ..
انت مني الاخر سيبيها لله و اديها حسبنه في العلم دي ربنا عليهم و لا يهمل ، و اشتري دماغك ..

و اخر الكلام سلاااام ..!!!

دردشة على الماشى said...

انا معاكى فى كل حاجة إلا كادر المعلمين
باين كدة عليكى ماتعرفيش مدرسين دة احنا غلابة حد يقول ان بعد13سنة شغل المرتب لم يصل500ج؟بعد الكادر الهايل،والمكافأة سنوية يعنى زى ما أى شركة توزع أرباح،أما الأجازة الصيفية دة كان زمان دلوقت بناخد اسبوعين بالعافية في شهر7أو8بعد امتحانات الملاحق أما فى أثناء الدراسة ممنوع الإعتيادى إلا لو أجازة جوازأو عمرة..وبعد كل دة فرحانة فينا؟

Mercy Devil said...

ايه يابنتى الكوكتيل العجيب اللى انتى عملاه ده ؟
اولا عن مجلس الشعب اللى ولع بصراحة انا زعلان مش علشان ولع لالالالالالالالالا
علشان محدش مات من اخوانا البعدا فيه الناس دى بتتحدنا حتى فى الموت سبحان الله
وياسلام على قواتنا المصرية المسلحة اللى عجزت عن خمد الحريق
شوفتوا الهنا ياولاد

وعن مهند
من الآخر كل دى اكيد اشاعات علشان الشهرة مش اكتر زى ما برضه قالوا عليه شاذ وقالوا مش عارف ايه

والاخ اللى بيحرم نقل الاعضاء بين المسلمين والنصارى هو اهبل ولا إيه
؟
هو نقل الاعضاء اساسا حلال ؟ !!! بجد والله علشان اساسا الموضوع فيه اختلاف كبير جدا لحد الان ما بين علماء الطب والدين وكل فريق منهم منقسم كمان وبعدين الاخ ده يقول الخرافات دى
من الآخر " ولا تطع من أغفلنا قلبه عن ذكرنا وأتبع هواه وكان أمره فرطا "
محدش فهم حاجة ؟

Empress appy said...

اعصابك يا شابه النبى غلط عليكى ايوووووون احنا شعل كخه يعنى الناس هتعمل لكوا ايه يا ساتر

يا مراكبي said...

إيه الطرطشة دي كلها .. طرطشطي علينا جامد

أنا مش قلتلك قبل كده إننا أصحاب مرض ومش ناقصين؟

إكتبي حاجة فرايحي شوية .. إزاي؟ إكتبي عن أي حاجة مالهاش علاقة بمصر .. بس كده

mohra said...

انا كمان قلت كده بقى عايزينا نحط طفايات و شنط فى العربيه طب كانوا طفوا المجلس


تصحيح واجب
والله احنا مالناش كدر و لا حاجه ده المدرسين بس

Asmaa mahaba said...

ههههههههههههه والله العظيم دى خيبه بالقوى اما يجتمع شيوخ السعوديه بجلاله قدرهم ويسيبوا العرب والسعوديه نفسها منغير اى فتوى تحرم اكل الكبسه وحفلات الخرفان الضانى والهوبر وبعزقه الفلوس على الانتيكات... فى ظل المجاعات وتهتم قوى بتحريم مسلسل نور فعلا فعلا لجنه الافتى عندهم شايفه شغلها ميه ميه اللى عمرهم ما اتكلموا على الجهاد ولا تحرير فلسطين ولا طرد قواعد امريكا اللى كانت عندهم ومهتمين قوى بالبوكيمون ونور
اما عن مجلس الشورى فهو من توابع الاهمال اللى معتادين عليها كالعاده يعنى مفيش جديد
ربنا يهنى النادى الاهلى وعقبال ما يطلقوا قمر صناعى خاص بيهم نسميه اهلى سات
تحياتى ليكى سومه_87

حكيم النيل said...

انتى جايبه كل الحاجات دى فى بوست واحد مش عارفة ان الضغط عندنا عال من غير حاجة

نور فريد said...

يعني حتى وانا ميته وروحي عن ربي هيتحكمو في جثتي
فرضاً عيزا اتبرع لمسيحي مش ممكن اكون سبب في هديتو
يوووه حتى في الأجر واقفين


احمدي ربنا جات على مجلس الشورى ده كان متخطط تحترق القاهره كامله تبقى شبه روما بس ربنا ستر لو احترقت القاهره يابخت الحكومه هيموتو 17 مليون واو هينقص الشعب والله مخطط جامد بس ربنا ماتممهوش


ربنا يسترها مع الاهلي سيبك انتي كلو على ربنا


على اساس انو الي عملو قبليهم طلعو بحاجا


مهند واد جامد اها وطلعت الفتوى من الغيره هيا اي حاجا تجي في دماغهم يعملو عليها فتوى ناس فاضيه تقولي فيها ايه دي شغلتهم

ذو النون المصري said...

كل عام انتم بخير
تقبل الله منا و منكم طيب القول و صالح العمل

ذو النون المصري said...

الحريقه كانت كبير فعلا و كان من الصعب تصديق ان المجلس الموقر بلا طفايات حريق بعد الغاغه اللي عملوها علشامن طفايات حريق السيارات
و حكاية مهند و نور و الله اغرب ما في الموضوع كله
جات علي مسلسل وولد و بنت استاهلوا تطلع لهم فتوي
و ليه محرم لبس اي ملابس عليها صورهم
ماكان فيه تايتانيك و صور روز و جاك و كانت اشهر منهم في العالم كله و لازالت صورهم في كل مكان و علي الشنط و الملابس
اشمعني يعني علقت معاهم علي مهند و نور
حكاية نقل الاعضاء اعتقد ان نقيب الاطباء اما انه خرف خلاص و اما ان كلامه حرف و نقل عن مواضعه

لعب عيال said...

بجد هى حاجة تفرس بس عايز اقولك الراجل نقيب الاطباء ده متخديش على كلامه لانه مش هايعمل حاجة دا راجل الحكومة والحكومة مش بتقوم من وش الدخانة
اما موضوع الحلال والحرام فالكلام فيه يطول خصوصا السدة اصحاب الفتاوى مدفوعة الاجر زى السادة القضاة عندى اصحاب الاحكام مدفوعة الاجر
اما مجلس الشورى ده شوفى مين اللى وراء حرقه لانه كان فيه مستندات تدين مصر كلها فلازم حريقة تطلع تاكل الاخضر واليابس
تقبلى تحياتى