السلام عليكم يا جماعه
والله وحشتوني كلكم كنت كل اما اشوف سايبر في مطروح ابقى نفسي ادخل ع البلوج و اشوف عاملين ايه من غيري ....ياللا اهي الأيام عدت قوام و رجعنا الى قواعدنا سااالمين
بس اييه الحر الفظيع ده؟؟؟؟؟ داحنا كنا ساقعانين هناك ...اما مطروح حلوة حلاوة !!! اللي راح اكيد عارف و اللي لسه مارحش انا هعمل قريب موضوع كامل بالصور عن كل الشواطئ فيه مناظر تحفه
بس استنوا عليا شوية عشان السايبر اللي انا مشتركه فيه الحمدلله ضرب تفليسه و انا دلوقتي لاجئه عند شيماء صاحبتي بكتب من عندها ع الكومبيوتر بتاع جوزها من وراه و هو مش موجود ... و عماله تبرقلي عشان الفاتورة
بس هتتحل انشاء الله هشترك تبع السنترال الاسبوع الجاي مش هاسيبكم
اهه عايزه ارحب بالناس اللي دخلت جديد
مي و اياكش تولع ومحمد السيد film69
أهلا بيكم دايما و يارب دايما تيجوا على طول
أصدقائي الأوفياء : احمد الشقيري و سيبها على الله
والله فيكم الخير
انتظروني بقه قريب و معايا صور مرسى مطروح
5 comments:
العزيزة سوسة المفروسة
الف حمد لله على السلامة اتمنى ان تكونى قد امضيت اجازة سعيدة وارجوا ان تكونى قد استمتعت بالبحر والشمس..على فكرة انا من عشاق مرسى مطروح رغم اننى اسكندرانى الا اننى لا احب الاسكندرية فى الصيف اهرب منها اما الى الساحل الشمالى او الى مرسى مطروح..انما السنة دى مش باين لها اجازة ...
المهم حمد لله على السلامة ومنتظريين الصور
هوه ده حر ياسوسة ، امال تقولي ايه على الحر هنا في السعودية
حمد الله على السلامةةةةةةةة
ضلمتى مطروح ونورتى مطروحش
القاهرة يعنى
:D
سيبها على الله
الله يسلمك أنا خلاص فرشتلك مرسى مطروح كلها رمل انتظارا لحضورك
ahmed shokeir
حر ايه يا عم دانتوا عايشين في التكييف ..انتوا بتشوفوا حر خالص??
m_elsewedy
والله ده انت اللي منور شكرا على ذوقك يا باشا
فين جديدك
منتظر البوست الجديد بقالي كثير
ولكن
دايما خيبي ظانن
قصدي
ظني خايب
Post a Comment