Sunday, July 23, 2006

نصر الله ....و شعبولا





أثارت حالة التباته و التناحه التي يعيشها كل العرب في داخلي تساؤلات كثيرة..هو احنا خلاص جتتنا نحست ..ما عدناش بنحس خالص..اتعودنا ع الإهانه و على الضرب على القفا للدرجه دي..بقينا بنحول القناة- من الزهق مش من التأثر- لما ييجي خبر عن انفجارات في العراق أو اجتياح في فلسطين عادي يعني و ايه الجديد؟؟..ست قاعده تلطم على وشها ..راجل قاعد يعيط على عيل من عياله..جثة طفل ماكملش سنه راسه طارت من قذيفة مدفع..حول القناه يا عم حول خلونا نشوف اخر أخبار تامر حسني و اخر فساتين اليسا

بس اذا كنا اتعودنا من زمان على موضوع العراق و فلسطين ده الغريب اننا ناخد موضوع انضمام دول تانيه للقائمه السوده بالبساطه دي ..حتى ايام اجتياح العراق كان فيه تأثر و اهتمام اكتر من كده بمراحل..عمرو خالد كان عامل برنامج نار..جمع المساعدات من كل مكان في مصر ..و المظاهرات كانت على ودنه و الهتافات تقطع القلب...لكن دلوقت زي مانكون مضروبين على رؤسنا او كإن حد ساقينا حاجه أصفرة....

طب ايه السبب؟؟؟

أولا : المونولوج الهايل اللي طلع غناه الثلاثي المرح: الحلو المصري و القمر السعودي و الأمور الأردني بأصوات هي مزيج من نقيق الضفاضع و نهيق الحمير..و اللي تسابقوا من أول واحد يطلع يقوله قبل التاني تنفيذا لأوامر سيدهم الكبير والحلو بتاعنا كان نفسه يسبق و يزيد في تأكده من توريث العسل الصغير بس السعودي سبق الكل (ربنا يجعله في ميزانه يوم القيامه). مش انتوا كنتم زعلانين من موضوع الشجب و الإستنكار و بتقولوا دي سلبيه..ياللا يا سيدي ولا شجب و لا استنكار إلا إذا كان لحزب الله.وطبعا التنصل من حزب الله بالطريقه دي يخلي أي حد في المنطقه يخاف حتى يجيب سيرتهم ليتهموه بالخروج عن الصف و الوقوف ضد الإتحاد العالمي للقضاء على الإرهاب و مش بعيد يسقطوه في امتحانات أولى ثانوي زي الاء ..و هو ماصدق عدٌاها

ثانيا: الطائفيه اللي هي الداء المستحكم اللي بيسري في عروقنا من قبل التاريخ...زمان كان انت تبع رع و الا آمون؟؟ دلوقتي انت مسيحي و الا مسلم ..لأ و الأدهى ...انت سني و الا شيعي؟؟
وطبعا احنا سنة ..نبقى دح ..و حزب الله شيعه يبقوا كخ...و أي حد هيشجب الحرب و الا يحاول يرفع صوته بشعار يحيي بيه حزب الله يبقى خلاص خرج من المله و احتمال يقيموا عليه الحد

ثالثا: حالة غسيل المخ المستمرة اللي بيقوم بيها خبراء الغسيل في الأنظمه العربيه.....بص في عينيا نااااام ناااام .شد اللحاف و اتغطى..احنا مش حمل أمريكا ..إحنا مش اد إسرائيل..لو دخلنا معاهم في حرب ..هنمووووووت كلنا ..احنا ضعفااااا ..ضعفاااا .و الحل عشان نبقى أقويا هو :.........................ما فيش فايده و مافيش حل ....أحسن حاجه اننا نوطي نبوس جزمة أمريكا و نمشي جنب الحيط.....و عشان ما نعلى و نعلى ونعلى...لازم نطاطي نطاطي نطاطي
و ابعد عن القضايا لتتبهدل يا ضنايا

ده حتى الفنانين اللي كانوا بيتلككوا على أي مناسبه يرزعولهم فيها أغنيه و يقعدوا يتشنجوا و يعيطوا في الكليبات ..طناااااش....ولا حتى اللبنانيات ..يعني حتي لا" نانسي" راضيه تطبطب و تدلع و لا "هايفا" راضيه تبوس الواوا بتاع لبنان....لأن الحكومات العربيه عامله حظر على كل الأغاني اللي ممكن تثير حماس الإرهابيين أمثالنا اللهم إلا أغنية مروة

الصراحه راحه يا روحي.........و إنت مابتعرفش
الصراحه راحه ياسيدي.........و إنت مابتقدرش


رابعا: الشعوب العربيه من بعد عبد الناصر ما عدتش بتدي ودنها لأي سياسي بيخطب أو يتكلم ..وأصبحت الدول العربيه لا تطلع على أحداثها السياسيه من خلال الجزيرة أو العربيه بل من خلال ميلودي.....و بالأخص من خلال أغاني شعبان عبد الرحيم
يعني آخر انفعال حصل للعرب ضد إسرائيل كان من خلال أغنية "أنا بكره إسرائيل" ...هذه الأغنية اللي غيرت وجه السياسة المصرية وودت عمرو موسى في الكازوزة....و فيه ناس كتير ماكانتش تعرف مثلا محمد الدرة إلا لما سمعت شعبولا بيغني له ......

يعني لو فرضنا إن شعبان عمل أغنيه دلوقتي عن لبنان هتلاقيها بكرة على كل لسان و الناس كلها بتتكلم أكتر عشر مرات من كلامهم أو انتباههم للقاء "حسن نصر الله " مع قناة العربيه اللي مر على ناس كتير مرور الكرام...و هتلاقي الناس في أي فرح منفعلين و متحمسين و نازلين رقص على أنغام الأغنيه الجهاديه بتاعة شعبان ..و اهو كله جهاد

إيه اللي حصل لنا خلانا ناخد موقفنا السياسي و الإجتماعي –بل و ساعات- الديني من شوية جهله و ساقطين ...الشعوب العربيه الآن شعوب بتفهم بوسطها و بتنفعل و تجاهد في الأفراح و النايت كلابز

نحن نشجب العدوان على فلسطين)...إفتح القوس....(نحن نشجب العدوان على فلسطين و العراق)...إفتح القوس.....(نحن نشجب العدوان على فلسطين و العراق و لبنان ) .....إفتح القوس ...و ياريت تسيبه مفتوح

الدور قرب علينا و إحنا مش واخدين بالنا.............مستنيين شعبولا يقوللنا

41 comments:

Unknown said...

يخرب عقلك ... فعلا شر البلية ما يضحك

Anonymous said...

أختنا الحبيبة سوسة المفروسة .. يا ترى هتتفرسي قد إيه لما تقرأي كلامي ده؟
أرجو نشرها على مدونتك .. كلنا يحاط بنا والله يا جماعة .. ربنا يستر من اللي جاي.. على فكره سأرسل إليك قريباً بروتوكولات حكماء صهيون مترجمة لتري ماذا يخططون لنا ؟؟ هل تعلمون أن كل ما نمر به اليوم موجود يف بروتوكولاتهم ؟؟؟ هذه البروتوكولات لم نصنعها نحن ولم نتحدث عنها نحن في بلاد العرب حتى يتفضل إخواننا باتهامنا بأننا ضحايا نظرية المؤامرة .. نعم نحن ضحايا جميعنا ولكن للمؤامرة وليس للنظرية التي يتم تأكيدها عمليا كل يوم ... لك التحية يا سوسة
أفيقوا يا أقباط مصر .. ماكسيموس الأول وعائلة مبارك ينفذون أحد فصول المؤامرة علينا ...
أعلم جيداً أن آلاف الأقلام وملايين العقول التي خضعت طوال خمسين عاماً إلى غسيل مخ إعلامي ثقافي لن تتقبل الحديث مجدداً عن المؤامرة ، تلك المؤامرة التي يشارك فيها كل من يناهضها ويتهمنا بأننا نستخدمها شماعة لإخفاء إخفاقاتنا تتضح اليوم وضوح الشمس بعد أن خرجت للعيان بلا تستر أو مواربة ولا ينقص العاقل إلا أن ينظر بعينيه المجردتين بلا حتى أن يكون لديه خلفية تاريخية ، فالأمر لم يعد يحتاج إلى دراسات أو تنظير لا لزوم له وسط الكشف السافر عن المخططات وكشف العملاء لأنفسهم بطريقة فجة في الآونة الأخيرة ، يكفي فقط أن تنظر وتتمعن في سير الأحداث أمام عينيك لتواجه حقيقة المؤامرة التي يحياها العالم وليس نحن فقط. إنها مؤامرة قديمة جداً بدأت جذورها بعد ثلاثة وأرعين سنة من ميلاد السيد المسيح عليه السلام عن طريق الحركة السرية التي أسسها اليهودي احيرام أبيود تحت مسمى القوة الخفية بالتعاون مع الملك الكاره ليسوع وشيعته الجديدة آنذاك هيرودوس وهذه حقائق لا جدال فيها لدى العلماء تاريخياً ، ولكن لماذا كانت خفية ، يقول احيرام نفسه ((لما رأيت أن رجال الدجال يسوع وأتباعهم يكثرون ويجتهدون بتضليل الشعب اليهودي بتعاليمهم، مثلت أمام مولاي هيرودوس وقلت له: مولاي الملك: لقد تأكد لجلالتكم وللملأ أن ذلك الدجال يسوع استمال بأعماله وتعاليمه المضلة قلوب كثير من شعبكم اليهودي ، وعلى ما يظهر أن أتباعه يزدادون يوماً بعد يوم. فلما رأيت أن لا أمل بقوة تدفع تلك القوة التي لا شك أنها خفية إلا بإنشاء قوة خفية مثلها ، فلذلك أرى من الصواب إذا حسن في عين جلالة مولاي وارتأى رأي عبده: إنشاء جمعية ذات قوة أعظم منها, تضم القوة اليهودية المهددة من تلك القوة الخفية ، ولا يكون عالماً بمنشأها ووجودها ومبادئها وأعمالها إلا من كان داخلاً فيها ، ولن ندع أحداً يعرف أننا أسسناها إلا المؤسسين الذين تختارهم جلالتكم)). وهكذا بدأ تأسيس المؤامرة المستمرة حتى اليوم ، فهي لم تتأسس لأجلنا كمسلمين حيث لم يك الإسلام قد ظهر أيامها ولكنها تأسست في الأساس لتدمير العقيدة المسيحية ومحاربة يسوع المسيح عليه السلام ، ونجحت إلى حد بعيد في أهدافها التخريبية حتى بدأت تسيطر على العالم حالياً عبر الآلاف من محافلها الماسونية المستترة والعلنية وتحت آلاف المسميات المستترة خلف شعارات الإنسانية والحرية وما شابه من دعاوى لا وجود ولا أساس لها ، لقد تشعبت في بناء شبكي شيطاني لا مثيل له على مر التاريخ مهيمنة على الإعلام والاقتصاد العالمي لتوجيه الدفة إلى أهدافها الرئيسية في السيطرة على العالم وإذلاله لأنه عالم لا يستحق حتى الحياة من وجهة النظر الصهيونية ، يقول حكماء صهيون في البرتوكول الخامس عشر من بروتوكولاتهم الشهيرة ((أنه من الطبيعي أن نقود نحن وحدنا الأعمال الماسونية ، لأننا وحدنا نعلم أين ذاهبون وما هو هدف كل عمل من أعمالنا. أما الغوييم فإنهم لا يفهمون شيئا حتى ولا يدركون النتائج القريبة . وفي مشاريعهم فإنهم لا يهتمون إلا بما يرضي مطامعهم المؤقتة ولا يدركون أيضا حتى أن مشاريعهم ذاتها ليست من صنعهم بل هي من وحينا)) والغوييم التي يصفون بها الناس أجمعين من غير اليهود وهي تعني الحيوان البشري الغبي الذي لا حق له في الحياة إلا في خدمة شعب الله المختار من اليهود . المتابع فقط للأحداث من غير الدارسين لتاريخهم الأسود سيلاحظ من خلال الربط البسيط لبعض الأحداث ما يجري على الساحة ، فمنذ ستة أشهر تطوع بلا أي داعي ولا مناسبة إبن أكبر ماسوني عربي عبدالله ابن الحسين قائلاً أن إيران تريد أن تمد هلالا شيعياً من إيران إلى كل دول المنطقة ولم يك هناك أية مناسبة ليخرج بهذا التصريح الغريب في حينه ، ومنذ شهرين وبلا أي داع على الإطلاق تقدم زعيم الماسونيين العرب حالياً مبارك بعد موت حسين الأردن وصرح لأحد أبواق الإعلام الماسوني في المنطقة (قناة العربية) بأن ولاء الشيعة في منطقة الخليج لإيران وليس لبلادهم ، والمتابع لمنابر بلاد الحرمين ووسائل إعلامهم سيلاحظ منذ شهور تلك الهجمة الشرسة على الشيعة وكأن آل سعود هم حماة السنة من جور وطغيان الشيعة ؟! وما هذا كله إلا حشد للرأي العام المسلم ضد حزب الله الشيعي ، المتابع أيضاً سيرى ما يحدث اليوم للكنيسة الأرثوزوكسية المصرية من تدمير بيد النظام المصري الذي ذهب رئيسه القادم إلى أمريكا سراً منذ شهرين وعقد الصفقات التي على أثرها وصل إلى القاهرة مبعوث المسيحية اليهودية في الشرق الذي يسمي نفسه ماكسيموس الأول قادماً من أمريكا واحتفى به النظام المصري وأعطاه ترخيصاً لإنشاء خمس كنائس تابعة لمذهبه الجديد (المسيحية اليهودية التي يدين بها بوش وإدارته وبلير وكل حكومات الغرب) برغم أن أخانا في الوطن المسكين البابا شنودة الثالث بابا الإسكندرية تحفى قدماه أربعين عاماص ليحصل على موافقة بترميم كنيسة سقطت؟! ، أنا لم أتحدث عن العراق وما يجير على أرضه من تدمير بيد الصهيونية وفتنة يتم تأجيجها كل لحظة بين سنته وشيعته فهذا مشهود ومفهوم لدى الجميع . لذا لم أستغرب تصريح رايس بالأمس حين قالت أن شرقاً أوسطياص جديداً يولد .. هذا بحق ما يرمون إليه منذ سنوات طويلة جميعهم ولا أستثني منهم هنا أي زعيم عربي وتحديداً بني سعود وحسني مبارك وأما عامل الصهاينة على بلاد الأردن فلا يستحق حتى الإشارة .. أركز هنا على بني سعود ومبارك لأنهم أهم دعائم قيام المشروع الصهيوني في بلادنا لكون المملكة ومصر أكبر دولتين عربيتين ومصر تحديداً هي القاطرة العربية كما يطلقون عليها ولكن تلك القاطرة فقدت اتجاهها وراحت تجر الأمة إلى الهلاك بعد أن أمسك بقيادتها ماسونيون موالون بلا جدال لحكماء صهيون منذ كامب ديفيد وتفتيت الصف العربي ، فهل تفيق الأمة وتعي ما يحيط بها من مصائب ؟ كل الأمة .. سنة وشيعة ومسيحيين حقيقيين أرثوزوكس أو كاثوليك وليسوا صهاينة كما يراد بهم وبأبنائهم .. كلمة أوجهها من هنا إلى السادة مشايخ وعلماء ومراجع الأمة سنة وشيعة .. إلى متى يستمر الصمت ؟؟؟ أليس هذا وقت الوقوف في صف الأمة .. الوقوف في خندق محمد بن عبدالله؟؟؟ الوقوف في وجه ذلك الطغيان الصهيوني على بلادنا ؟؟؟ أفيقوا فوالله لا حاجة للأمة بعلمكم إن لم تهبوا اليوم في مؤتمر عالمي بمبادرة منكم لجمع قوانا الوطنية بعيداً عن تلك الكيانات المريضة كالجامعة العربية أو مؤتمر القمة الإسلامي الذي تأسس أصلاً على الباطل .. كلمة أخرى إلى نيافة البابا شنودة الثالث بطريرك الكرازة المرقصية بالإسكندرية .. أخي العزيز في الوطن والمصير ماذا تنتظر حتى تهب بأبنائك لحماية كنيستكم التي تهدم اليوم وأنت أعلم الجميع بما أقول ، كلمة أخيرة إلى البابا بندكت الثالث عشر باب الفاتيكان .. لقد جاء بيانك في إدانة العدوان الصهيوني على لبنان متوافقاً مع الحق والعدل ولكن الحق كما تعلم يحتاج إلى أكثر من بيان .. وأنتم معنا في ككاثوليك تواجهون البركان الصهيوني الذي يكاد يدمر العالم فهلا تحركت اليوم لإزالة العدوان اللوثري الذي زلزل كنيستكم منذ ستة قرون .. أنت تعلمه تمام العلم ومدون لديك في مخطوطات وأسرار الكنيسة فمتى ستتحرك؟
يا سنة العالم .. يا شيعة العالم .. يا كاثوليك العالم .. يا أرثوزوكس العالم .. يا شعوب وليس حكومات .. هل تتحركون .. أم رضيتم على أنفسكم أن تكونوا غوييم كما يصفونكم ؟؟؟!!!
إبن بهية
http://ibnbahya.blogspot.com/

أُكتب بالرصاص said...

التعود على الشيء هو السبب ، تعودنا وتكررت هذه المشاهد ، وكثرت ،

ولكن تأكدي ان هذه الامة حبلى ، وانها ستضع مولدها قريبا ،

ستنتفض ،
ونصر الله الذي وعدها آت

والامل يولد من رحم المأسأة
وإن اش ساعات الليل حلكة واسودادا
هي الساعات التي تسبق طلوع الفجر


اسلوبك جميل في السرد ، مزج الكومديا السوداء بالحقيقة

اه ،
وما الدنيا إلا... .مرسح كبير

DoOoOoOdY said...

اسلوبك جديد مصدفنيش قبل كده بس بيعبر عن حقيقه ان العرب اخدوا على كده خلاص مبقتش تفرق معاهم ونحن بانتظار معرفه الدور القادم على مين؟

soosa el-mafroosa said...

tarek

الله يكرمك ..كويس ان البوست عجبك ..ابقى عدي علينا تاني

ibnbahya

انا خلاص مفروسة ع الآخر ..ماقدرش لتفرس اكتر من كده عشان ماختفيش ..كلامك مرتب وواضح انك دارس اللي بتقوله كويس..و انا في انتظار بروتوكولات حكماء صهيون

soosa el-mafroosa said...

itstoolate

عندك حق ..هم بيستعملوا معانا نظرية الضفدعه اللي لو حطيتها في ميه بتغلي هتنط على طول...لكن لو حطتها في ميه عاديه و رفعت النار واحده واحده هتتعود على الميه لحد ما تغلي و تموت

على فكرة انا خلاص بقيت بادور على ردودك كل اما افتح المدونه ...ماتقطعش بينا بقه

dody

شكرا يا عسل ع الزيارة ..و فعلا عندك حق ..ما فيش فايده..من ناحية الدور ..فالسيناريو بيقول ..سوريا و بعدين إيران و يمكن ليبيا و بعدين السعودية و مصر

Khaled gad said...

الشباب فى الزمن ده اى كلام
تتكلمى مع حد عن فلسطين و لبنان و العراق يقول اه و الله ده اسرائيل و امريكا دول منهم لله و الحكومات العربية لازم تتحرك ووراها على طول يقول ايه رأيك فى الفيلم الاخير بتاع السقا و لا شفت كليب هيفا الجديد
ساعات والله بحس بالزهق و ان الحال هيفضل هو الحال فى الزمن ده لان الجيل الحالى مايقدرش يعمل تغيير لان معظمه هايف و دماغه فاضية
رغم انى دايما برد على البوستات بايجابية بس دلوقتى نفسيتى متدمرة خالص
كفاية كده , سلام

Anonymous said...

انا فاكرة موضوع افتح القوس دي
وكانت لسة علي بالي
وقلت اكيد القوس ده حيفضل مفتوووووووووح

بس لا يا شيخة الناس بتؤيد وتساند..شوفي كدة قناة مزيكا و روتانا اغاني و كل قناة فضائية ليها خاصية الشات بالموبايل
sms
كلهم مع لبنان و اليسا فوض دماغهم بتتعري..و هيفا بتتدلع....و نانسي بطبطب

لا لا لا
والفوللة لا

soosa el-mafroosa said...

بحب مصر

منور المدونه..بس عموما ده اللي انت بتكلمهم دول واعيين شوية ..مش أحسن من اللي كنت باقولهم ايه رأيكم في اللي بيحصل في لبنان..قالولي أحسن عشان يبقوا يلبسوا هدومهم

epitaph

و الله عندك حق انا ماكنتش واخده بالي من موضوع الشات ده...و كمان لفتي نظري لموضوع هيفا و نانسي و اليسا مجرد وجودهم على الشاشه بيفكروا الناس بلبنان و اهو كله جهاد..ما هما دول الأمل أمال مين هيجاهد . وائل كافوري و جاد شويري..بلا هم

أُكتب بالرصاص said...

صباح الخير

النهاردة أحسن من امبارح ،
رغم ان مافيش ولا خبر يسر الخاطر
على المستوى الشخصي والالاقليمي والعربي والدولي
إنما فيه شلحة من التفائل

وتفائلت اكثر لما رأيت صورة لملاجئ اليهود ، وشفت إزاي انهم يألمون كما نألم ،
وده الدليل
http://www.geocities.com/tamertaha/yahod.jpg

لو الصورة ماظهرت ، قوللي وانا ابعتها بالميل

مـحـمـد مـفـيـد said...

انت اكيد في مصر
اول مره ازور البلوج الرائع ده وان شاء الله مش اخر مره وحلوه اسمك اوي يا مفروسه

حدوته مصرية said...

اسلوبك حلو اوى فى الكتابة وفعلا الناس اتعودت على اللى بيحصل وبقت ما بتبصش اساسا غير اكلها ونومها ما دام دول موجودين يبقى خلاص ولو مش موجودين هينشغلو فى التدوير عليهم

حكاية القوس دى كانت موجودة فى فيلم عربى يمكن يكون رحلة حب او الناظر والله اعلم فعلا مش فاكر لكنى شفتها كانت من طلبة مدرسة كمان

تحياتى لكى

HANY said...

peace all , what can i say , nothing can express what i fell " sick" good effort soosa and keep going , wish u all luck

see u in 26 hope so

peace

كلبوزة لكن سمباتيك said...

هناك وجه تشابه واضح فعلا
زي السكر يا سوسة
الي الأمام دائما
----
شاركونا حملتنا في التفافة علي اليهود
زورونا لجمع اكبر عدد من التفافة لاغراق اليهود
خالص تحياتي

Ahmoss said...

U r right in most of the stuff u mentioned.
yesterday i was watching AlJazeera and I asked my self where is this shoot taken Iraque, lebanon or palestine?
it is almost the same scene, poor people in front of a collapsed house under the fire of the same soldier and same guns.
rabena ma3ana

soosa el-mafroosa said...

itstoolate
مش عارفه انا شاكه في موضوع النهارده احسن من امبارح دي خصوصا ان كل الإشارات بتدل على قرب وقوع هجوم بري


محمد مفيد

شكرا ع الزيارة و يارب دايما معانا..اسمي بصراحه مش اسم ده فعل ..انا اصلي اتولدت كده مفروسة...عيب خلقي


محمد ياسر


شكرا ع الزيارة و سعيده ان اسلوبي عجبك....موضوع القوس ده كان في فيلم "ليلة سقوط بغداد"..حتى الأغنيه اللي حطاها كانوا مشغلينها في الفيلم في مشهد الفرح...أصلي بحب الفيلم ده قوي ...خصوصا الرقصة بتاع "كونداليزا رايس"..قمر

soosa el-mafroosa said...

hany

شكرا ع الزيارة و التعليق...موضوع يوم 26 ده ماوعدكش ..أصلي من عيله محافظه....محافظه ع السلبيه من زمااااان

كلبوزة لكن سمباتيك
الله يخليكي يا عسل من بعض ما عندكم

بالنسبة للتفافه

عموما كل التفافه مش هتكفيهم ..بس اعفيني اصلا اصل ريقي ناشف..من حرقة الدم

ahmoss
خوفي ان تعمم هذه المشاهد على بقية الدول العربيه..و لما اي حد يشوف الأخبار يعرف ان منظر الحرب ده في دولة عربيه بس ما يعرفش مين و الا مين

karakib said...

تحليل قوي فيه سخريه ظريفه
انتوك

farida said...

عزيزتي سوسه
انا لم أقرأ مدونتك بعد... لكني ذهبت للتأكد فيما أرسلتي لي بخصوصه أنا مش فاهمه ليه و الله..أكيد في حاجه غلط بس مش عارفه إزاي الغلط ده يتصلح أنا جديده في موضوع المدونات ... كل اللي عملته إني سجلت نفسي و خلاص إتأكدي إنك مسجله كل حاجه صح و أنا كمان حأتأكد من البيانات الخاصه بي ... لكن أنا مش فاهمه ليه الغلط ده بيحصل هل اسم المستخدم متشابه .. معرفشو مش قادره افيدك

Nouran said...

خلينا كده مستنين الاستاذ شعبولا هو بقى المحدث الرسمي لل70مليون مصري ربنا
يصبرنا
انت عرفتي طريقة التنويم ازاي دي طريقة سرية للغايه حتى ان كل ال70مليون مصري عارفينها واكيد شعبولا هيعمل اغنية ع الموضوع ده
ربنا يصبرنا يا رب

alzaher said...

عزيزتي سوسة
مدونتك جميلة فعلا وهذه زيارتي الأولى لها رغم انني مررت على بعض الموضوعات فيها بالصدفة البحتة من قبل
أدعوك لزيارة مدونتي المتواضعة
http://asfoorelsharq.blogspot.com/

Anonymous said...

لأ بجد برافوا والله كأن روحى هى اللى بتكتب خليك معايا معلش حطول عليك شويه.
أولا:بالنسبه لضرب لبنان وعدم وجود جديد تقريبا كده عشان الضرب كان فى الصيف والناس كلها مش فاضيه تفتح التلفزيون وراهم مليون حاجه وطبعا مش بيقعدوا فى البيت والاماكن العامه مش حتفتح قناه الجزيره طبعا على ميلودى أصلنا شعب بتاع دماغ مش فاضى يوجع دماغه فى الصيف كمان مش كفايه الواد اللى قلبه بيوجعه .
ثانيا:أنا أكتر حاجه بكرهها فى حياتى الاغانى الكتير اللى بتنزل تندد باعدوان على دوله ما مع انه لو حد كلمه ممكن يعمل مليون حاجه ويوديه فى داهيه وكل واحديتسالق مع غيره لأ وممكن كمان يعملها وهو بيضحك وقال أيه بيسخر من العدوان .
لأ وممكن يعملوها قريبا على ميلودى وبعد شويه تبقى نغمه ورنه موبيل. وغيرنا بيموت عشان حد ينجده.
ثالثا: بالنسبه للديانه ده موضوع كبير مش داخل فيه لو أجتمع العرب بكل طوائفه مسلمين ومسيحين ويهود بدون تفرقه ممكن نعمل حاجه ومش حكتب أكتر من كده على موضوع الديانه دى.
أدعوا يا حماعه ليهم دول فى أشد الحاجه للدعاء ياارب فرج كربهم يا رب.
أنا حكتب التنديد بالعدوان فى البلوج بتاعى بس ده مش برده كفايه لازم نعنل حاجه تانيه كمان

Anonymous said...

عارفة يا سوسة ايه الى حصلنا خلانا ناخد موقف سياسى متخاذل
اولا :رسائل ضعف مستمرة فى كل وسائل الاعلام من سينما و تليفزيون و اغانى تصوران الاباحية اصبحت شىء عادى يعنى انا سمعت مثلا واحد بيقول عن فيلم احمد السقا الى فات انه زعلان اوى علشان كل الشباب الى فى السينما عندهم girlfreind
و انا مش عندى و ده يبين لك اد ايه بجد الاعلام و الخطاب الدينى منفصل عن واقع الناس المرير الى مش عارفة تكمل اخر الشهر منين فاعلام بيصور للناس انى فى ناس فى مصر عايشين حياتهم بالطول و العرض و كل مشكلتهم فى الحياة صاحبتى خانتنى مع واحد صاحبى ان علقت صاحبته قبل كده

طب مادام الناس التافهة هى الى عايشة و عندها عربيات و شقق على النيل و محتارة تودى الفلوس فين و انا بحارب علشان اخر الشهر و مش عارف اتجوز يبقى ملعون ابو العراق على فلطسين على القومية العربية على الوطن العربى كله
ثانيا: الخطاب الدينى بتاعنا اما انه بيضعف الارداة من خلال انت يا بنى حترمى نفسك للتهلكة او من خلال انت كافر و كده كده رايح النار فالحق صلى و صوم و اتعبد قبل م ا تموت

ثالثا : انعدام الارداة و الاستسهال طب انا حاسالك سؤال
ترضى انتى تجوزى من غير الدش و الديب فريزر و الفول اوتوماتيك و التلات اوض و دخل شهرى على الاقل 300 جنيه غير التصييف كل سنة و البس الشتوى و الصيفى و الدهب و تغيير الموبايل كل 6 اشهر
طبعا لا

يبقى يا سوسة يا مفروسة ما تفرسنيس اكتر و تقعدى تتغنى على النت عن الجهاد من غير ما تكونى مستعدة اش حال انتى لسة راجعة من مطروح يبقى ازى الحال لو مصر اعلنت الحرب

حتستحملى ويلاتها
ارهاندك ابدا
لو عندك شجاعة للرد ادى الميل بتاعى
mm_leader@yahoo.com
دبلوماسى مصرى
يعنى من اتباع الريس و الحكومة

Dr. Tantawy said...

وجهة نظرك جميلة جدا و عجبتني
انا كنت داخل على اساس اشوف اسم المدونة بس لأنه جديد .. لكن طلع المحتوى كمان جميل جدا و مؤثر جدااااا

ربنا معاااااااااااكي

ADMIN said...

انا اول مرة ازور المدونة دى بس الاكيد انى كل يوم حكون هنا
بالتوفيق

Gid-Do - جدو said...


Anonymous
دبلوماسى مصرى اللى عرف نفسه بانه
من اتباع الريس و الحكومة
قال كلام معقول اما انا فعشت الحرب وسبت مصر غصب عنى بسب الحرب ياترى عاوزة دة يحصلك ؟ فكرى ولا الكلام حلو ولو دخلنا حرب وفقدتى اخوكى ولا ابوكى ـ لانك طبعا مش حتشيلى مدفع وتحاربى لانك ست حتى لو عاوزة تشيلى المدفع مفيش راجل حيرضى بكدة ـ ولو نظرينا كسبنا الحرب لكن دمرت مصر حتبنيها ازاى ومنين وفى كام سنة اظن كفاية عليكى كدة

soosa el-mafroosa said...

karakib
شكرا يا فندم..ربنا يخليك

farida
أنا برضه مش عارفه ايه المشكله..أنا بعتلهم ايميل يمكن يتصرفوا..بس عموما الفايده الوحيده م اللخبطه دي اننا اتشرفت بوجودك هنا

nouran

موضوع التنويم ده جايلي من مصادر عليا ..ما أقدرش أقول اكتر من كده حفاظا على سلامتك الشخصيه...و ربنا يصبرني انا و انتي و الناس جميعا....ع الأقل لحد مايغني شعبان

soosa el-mafroosa said...

alzaher
نورت المدونه أنا كمان زرت مدونتك ..حقيقي جميله ..بالتوفيق

wa3d el3yoon

حلو قوي موضوع " روحي" ده بجد عجبني..كلامك كله مظبوط ماهو إحنا ماننفعلش على لبنان عشان الدنيا صيف و ماننقذش بتوع العبارة عشان غرقوا يوم جمعه...العرب في الأجازات مرفوعين مؤقتا من الخدمه (قال يعني في غير الأجازات نافعيين)..هههههه

إبـ را هـ يـ م

يعني انت كنت متابع مجهول ..طب ليه يا عم ده الواحد اكتر حاجه بتسعده التعليقات اللي بتجيله على الأقل ما يحسش انه بيكلم الهوا....شكرا ع الزيارة و ماتبقاش تكسل و تعالى تاني...و بالنسبه لموضوع سوسة ...سوسة سوسة بس أعيش

soosa el-mafroosa said...

zangoolaaa

بالذمه مش كده ..وجهة نظري صح ...طب قول لجدو لحسن داخل فيا شمال...نورتنا..مستنينك تاني

shabaskandrany

تنورنا كل ساعه مش بس كل يوم ...ع الأقل تجيبلنا نعك شوية طراوة من إسكندرية

soosa el-mafroosa said...

إلى"الدبلوماسي المصري
anonymous

شوف يا فندم ..إنت أصلا واضح انك مفروس اكتر مني و زيك زيي بتحاول تحلل أسباب "الموقف السياسي المتخاذل " بتاعنا -و ده كلامك مش كلامي- و انت بتعدد الأسباب : رسائل ضعف يبثها الإعلام-خطاب ديني يضعف الإراده-الإستسهال و أنعدام الإراده

مش هو ده كلامك يا فندم ...يبقى زيي زيك ..كلنا بندور ع الأسباب و بنحاول نحللها لأن بداية الحل هو معرفة أساس المشكله...يبقى بقى ايه لازمة موضوع "رجالة الريس" و "لو عندك
شجاعة" و الكلام ده؟؟؟؟؟؟؟!!!!


gid-do-جدو

أنت خلتني جبت المقاله و قريتها تاني...أنا جبت سيرة جهاد و الا قلت تعالوا نحارب..أنا عارفه اننا لو حاربنا دلوقتي هنتوكس وكسة ما بعدها وكسة لأن الجيش - على ما باسمع - ماينفعش غير في مهمة إطلاق مدفع الإفطار في رمضان كل اللي بقوله اننا نعترض..ده حتى الشجب و الإستنكار حرمونا منه .... و بعدين كلامك بيقوللنا بصراحه ان مافيييييييييش فايده و ان احنا لازم نفقد الأمل...يعني نفضل طول عمرنا بناخد على قفانا و ساكتين...طب مش دلوقت بس ما نستعدش حتى لبعدين ....و لما يتلككولنا على عسكري و الا يقولوا لازم نضريكوا عشان بتهربوا أسلحه للفلسطينيين-و احنا لا بنهرب و لا نيلة- نعمل ايه ساعتها ..نجاري الجو بقه و نتلهي و أغير اسمي و ابقى ...استر المفروسة...و حضرتك تبقى جدو كوهين؟؟؟؟؟

Gid-Do - جدو said...

مفروسة
مقدر مشاعرك ويوما ما كنت فى سنك وعارف حماس الشباب بس الدنيا مش كدة وانا برد عليكى لسبب واحد لاغير انك مؤدبة حتى فى غضبك اعتقد انى كنت عنيف الى حد ما فى تعليقى الاول وحقك علىّ لهذا العنف ـ انت مجبتيش فعلا سيرة جهاد بس فية خلط فى الاوراق اولها ان مصر لوحاربت حتكسب زى مكسبت فى 1973 لان دخول الحرب والخروج منها لية حساباتة واديكى شايفة امريكا دخلت حرب العراق بحسابات غلط ومش عارفة تخرج والجبش المصرى جيش محترم قادر تماما على الدفاع عن بلدنا اما عن الشجب والاستنكار ماهو مالى الجرايد ومش عارف بصراحة ازاى اتحرمتى منة وايه قيمتة اصلا؟ واذا كلامى فسرتية على انه محبط وبيقول مفيش فايدة يبقى العيب فى طريقة كتابتى رغم انك لو زرتينى فى البلوج عندى وشوفتى تعليقاتى حتلاقينى معنديش حاجة غير زرع الامل فى بكرة وانكم الجيل اللى علية كل عبئ بكرة والاستعداد من دلوقت ـ وان كنت لا احب ان اكتب فى السياسة لانها وجع قلب وخوتة مخ واى كتابة فيها لاحتقدم ولا حتاخر ـ احنا كشعب وكدولة لازم نعمل زى اليابان بعد هزيمتها فى الحرب وانا كاتب هذا الكلام فى رد مماثل ولا داعى لااعادتة اما حكاية تغيير الاسامى فاذا كنت انت لاتتعاملى مع هؤلاء الناس فانا اتعامل معهم كل يوم من سنوات طويلة وفية احترام متبادل لمن يستحقة وغير ذلك لمن لايستحقة فرض عليهم بالعلم واحترام الذات ووضوح المواقف وثبات المبادئ والمحافظة على دينى وكلمة الحق ولم يتغير اسمى بل على العكس جدو اسمه محمد والكل لازم يقولة محمد وعمرة ماغيرة ولا حيغيرة وياريت نبقى اصحاب لك كل الحب ولله الامر من قبل ومن بعد

Aladdin said...

ما فعلتيه أنت يا سوسة هو - بنظري - من قبيل جلد الذات غير المبرر!! ليس كل العرب صامتون وساكتون .. بالنسبة للحكام، هم لهم حساباتهم التي تختلف - بطبيعة الحال - عن حسابات الشعوب التي - غالبا - ما تتصف بالانفعالية والعاطفية.

الفرق بين الحاكم والمحكوم كبير حتى في الدول العريقة في الديمقراطية مثل الدول الغربية وأمريكا (وصنيعتها) إسرائيل! وإلا فلماذا يخرج هؤلاء للتظاهر ضد سياسات حكامهم؟!

برأيي طول عمر الحروب بتخدم مصالح (شخصية) للقادة على حساب الغلابة (حتى لو كانوا أمريكان أو لبنانيين أو عراقيين أو حتى إسرائيليين)!!!

freedom said...

nice post.
want 2 ask for cooperation.
.................
for further details:
www.3allisotak.com
info@3allisotak.com

Khaled gad said...

مش فعلا شعبان عبد الرحيم غنى اغنية عن لبنان اسمها اتنين عساكر , لسه شايفها النهاردة
الراجل ده طلع محترم و ابن بلد بجد


كل مادخل مدونة الاقيكى كاتبة فيها تعليق , ايه الانتشار الجامد ده

اتبسطت اوى لما شفت فى البروفايل بتاعك انك صيدلانية , اصخاب مهنة واحدة يعنى , كان نفسى اعمل جروب من الصيادلة اسميه صيادلة من اجل التغيير , زى مهن تانية كتير عملت الموضوع ده , ايه رايك ؟

dead man said...

شعبان عبد الرحيم بالفعل أخرج لنا رائعته الجديدة "اتنين عساكر"ومن المتوقع أن تهز مشاعر الأمة الغارقة مع القارة المفقودة التى كانت تعرف يوما ما باسم الأمة العربية ولم يتبقى منها الا بعض الحفريات المعروضة في المتاحف
والله يرحمك يا حليمويرحم "شمس لبعروبة"و"فدائي" من أجل العروبة

soosa el-mafroosa said...

gid-do-جدو

مااشي يا جدو....حصل خير ..و انا موافقه نبقى صحاب

aladdin

من ناحية جلد الذات ..الواحد لو ماتريقش على نفسه و حاسبها ..أمال يحاسب مين ..و بعدين ياريت بيحوق


freedom

شكرا ع الزيارة يا ريت تتكرر

بحب مصر

أهلا يا زمل ..أنا سعيده اني بقابل شخص تاني يشاركني مأساتي..و انا مستعده للإشتراك في حركة (صيادلة من أجل التغيير )....من أجل تغيير المهنة

dead man

هو ده المنتظر من شعبولا و هتشوفوا بكرة يقلب ميزان الحرب دي بالأسلحه النووية الجرثومية الموجوده في صوتة..هتشوفوا

Khaled gad said...

موضوع الحركة ده مش عشان تغيير المهنة , اولا مش هتكون حركة رسمية , الهدف منها هو اصدار بيانات و تنظيم وقفات احتجاجية و توضيح موقف الصيادلة فى مصر من ما يحدث فى مصر و العالم العربى , يعنى بالبلدى نمارس حقنا كمصريين و عرب فى التعبير عن ارائنا , هنبدأها طبعا على النت من خلال موقع او مدونة و ربنا يسهل , و ياسلام لو عرفنا ندخل النقابة فى الحوار ده
فكرى كده و قوليلى شوية افكار

ملحوظة : ما يشطحش بيكى الخيال و تفكرى ازاى نقلب النظام , هو لا يتعدى وسيلة لابداء الرأى من خلال منظومة غير رسمية , حاجة كده خفيفة , و الله أعلم ممكن بعد كده تكبر

أُكتب بالرصاص said...

فين جديدك ؟

ان سخن انا نار انا ولعة
عايززين نعلق

soosa el-mafroosa said...

بحب مصر

متهيألي مش محتاجين حركة جديدة عشان نقف وقفات احتجاجيه و نعترض ..الموجود كتير ..بالنسبه للنقابه .انت عارف تقابتنا من نوع أبجني تجدني..انسى انهم يشتركوا في أي حاجه موش طالعلوهم منها مصلحه
بالنسبه لقلب نظام الحكم ...و هو أصلا ناقص قلب ...ما هو مقلوب خلقه

itstoolate

لو صبر القاتل ...ياللا ورينا الولعه

أُكتب بالرصاص said...

ايوة

بس فين القتيل ؟؟

فين الولعة

فين ؟؟؟
انا مش شايف غير صفين طوب مع اسمنت مسلح

هي اشتغالة وألا أية

Anonymous said...

best regards, nice info » » »