Tuesday, October 31, 2006

ليـــــــــــــــــــــــــــــــــــــــه؟؟؟؟؟







الموضوع نفسه بأه معروف..التحرش الجنسي الجماعي في أول أيام العيد بوسط البلد..أول ماجيت أستأنف الكتابة تاني في البلوج كنت مجهزة التدوينة اللي فاتت دي على اساس حاجه خفيفة بما اننا في أيام العيد..
بلاش تعقيد ولا سياسة ولا حوادث..عيد باه كل سنة وانتي طيبة يا سوسة مالوش لازمة تنكدي على الناس ..الا اني ماكنتش واخده بالي ان العيد دلوقتي ماعدش مرادف للكحك و البسكوت و العيدية والفسح و الملاهي و زيارات القرايب..لا..العيد دلوقتي بأه مرادف لحاجات تانية خااالص
ماكنتش واخده بالي ان العيد بأه مرادف للثورة..وياريتها ثورة من بتاع تعيش مصر حرة مستقرة ..لأ دي ثورة من بتاع تعيش بنات مصر ملطشة للي رايح واللي جاي
وياريتها بس بنات مصر ..لأ دي أي انثى بغض النظر عن الجنسية او الدين أو الشكل أو اللبس أو حتى الحالة الإجتماعية
مصرية بأه سعودية منقبة او كاشفة شعرها بنوتة او حتى متجوزة ..أهو أي شئ ماشي في الشارع يحمل في وصفه تاء التأنيث
الموضوع عند مالك

و الصور في الوعي المصري عند وائل عباس

الجميل هو التعتيم التاااام في كل وسائل الإعلام ..يادوب عمودين في المصري اليوم..و يوم السبت كانت منى الشاذلي مستضيفة احدى الناقدات في برنامجها "العاشرة مساءا" بدأت الناقدة كلامها بوصف الحادثة فاستغربت منى الشاذلي جدا و قالت فين؟...امتى؟...انا شخصيا ذهلت انها واحده جوة المجال الإعلامي و ماسمعتش حتى عن الموضوع..و أول مالاقيت ايميل البرنامج على الشاشة رحت باعته ايميل بعناويين مواقع مالك ووائل و لينكات المواضيع و الصور عندهم..و أكيد ناس كتير عملوا كده لأن العاشرة مساءا تاني يوم قدمت تقرير و كان بيتكلم فيه مالك

لكن ليه التجاهل الإعلامي؟؟؟

هو سهل يعني ان واحده او اتنين او خمسة يتهتك عرضهم و يتقلعوا ملط في الشارع؟؟
عادي يعني؟؟..طب امال فتاة العتبة اللي كانوا قالبين الدنيا بسببها من كام سنة كانت اهم من دول ؟؟
والا لازم البنات يتسيح دمها عشان حد يتحرك ؟؟

فيه مدونات كتير بتقول .عادي بيحصل كده كل سنة

عادي ازاي يعني..يعني واحده حامل ماشية جنب جوزها يشدوها و يقطعوا هدومها؟
واحده لابسه عبايه و نقاب يقلعوها ملط؟؟
أطفال 10 و 11 سنة عايزين يشاركوا و ينزلوا تحت الهدوم؟؟

طب السبب ايه يعني؟

حد يقول ضاربين و مخدرين ..أيوة يعني عاملين جروب على جوجل واتفقوا يتقابلوا بالميات في وسط البلد؟
اسرائيل نقتهم و عملت عليهم تجارب استثارة جنسية؟
أكلوا فراخ كانت متزغطة فياجرا؟
أنا معلوماتي انهم بيأكلوا الفراخ حبوب منع الحمل ..يمكن بيأكلوهم فياجرا كمان؟...جايز

والا هما شباب مصر بقوا كده؟؟؟؟؟؟؟؟؟؟؟

ردوا عليا يا شباب يا للي بتدخلوا المدونة لوسمحتم..ماهم دول شباب زيكم ..من سنكم و تعليمكم و مستواكم ..ماهو ماتقنعونيش انهم "قلة مندسة و منحرفة" والكلام الكبير ده

شباب عادي زيكم و شافوا فرصه سانحة

يعني هو كل الشباب و الرجاله كده؟؟مستننين بس فرصه؟

يعني كل طالب بيبص كده لزميلته في الجامعه؟
كل موظف بيبص كده لزميلته في المكتب؟
كل بياع بيبص كده للست اللي بيبعلها؟
كل واحد راكب في اتوبيس بيبص كده للبنت اللي قاعده جنبه؟

كل الرجاله بيبصوا كده للستات و مستنيين الفرصة؟

يعني لو ماحدش هيقفشك..لو ماحدش هايعرفك ..لو البنت هتخاف و مش هتقدر تتكلم لو مش هتعلي صوتها و تفضحك..لو مش معاها حد يدافع عنها..لو انت وصحابك شلة جامده و ماحدش يقدر يكلمكم

لو توفرت الظروف دي كلها هتعمل كده؟؟

لو مش محجبة يبقى مبررك انها هي اللي جابته لنفسها
ولو محجبة هتقنع نفسك انها مش ضروري مؤدبة يعني و بعدين ايه اللي ممشيها في الشارع لوحدها
و المبرر الكبييير الجااااامد ..طب وانا هاعمل ايه ..مانتوا شايفيين ظروفي..طول النهار الفيديو كليب و الأغاني العريانة..و قنوات السيكس في الدش..و المواقع اياها بتاع النت
..أعمل ايه بس؟

زي مايكون حد شال مخه و حط بداله فردت جزمة و مابقاش عارف الفرق بين الصح و الغلط و مابقاش قادر يسيطر على غرايزة و بقه مرفوع عنه القلم و من حقه يمد ايده على أي واحده في الشارع حتى لو منقبه لمجرد انه شاف "بوس الواوا " ع الريق

ناس تانية هتقولك ..النظام و القهر السياسي و تقييد الحرية و المادة 76

طب انتوا شوفوا الصور دي مناظر ناس بتفهم في اي حاجه في البطيخ؟

واااضح اننا لازم نقف وقفة حداد و نبطل الكلام البايخ بتاع الأفلام و المسلسلات العبيطة اللي بيصرفوا عليها ملايين كل سنة

الكلام العبيط ده بتاع المروؤة و الشهامه و المجدعه و الشاب المصري العترة.."وانا ممكن ابيع جتتي ..كله الا بنات حتتي"والكلام الإكسبايرد ده

كاااااان ...كله كاااان.. ماعدش يا فندم و بطلوا ينتجوه ..المصنع قفل

عندي فكرة ....تيجي نستورد شهامة من الصين؟؟؟

بس برضه حد يقوللي اللي حصل ده ليــــــــــــــــــــــــــــــــــــــــــــــــه؟

80 comments:

moatassem bellah said...

ana mabsoot awy enne awel wa7ed yekteb comment 3al mawdoo3 dh , ana kont f west el blad awelw tany youm el 3eed , w ro7t hnk el 3eed elly fatw adeto kollo hnak .

shoft b3enaya ma7adesh aly , w kont mkarar enne hakteb 3al blog beta3y el amwdoo3 bel tafseel wahaza2 kol wa7ed sharek fel mawdoo3 dh aw seket 3aleh aw madafe3sh 3an ay bent 7asal feha kda.

el 7ewar dh mesh geded w bye7sal kol sana , welmohem el police beyeb2a 3aref w fahem w ba3d kol dh mabeyfakarosh 7ata ynazelo 3arabeyet amn markazy wa7da men elly malyana be 3atawlet el 3asaker elle byenzelo le mozahret ekhwan wala kfaya yenzelo 3alehom darb l 7ad maymawetehom , tab mate3melo kda lamma bent byohtak 3ardaha fel share3 , wala dih mesh masreya men sha3b masr , tab balash 3arabeyet amn markazy wa7da , nazelo 3arabeyet atary ( el 3arabeya el beda dih bta3et el shorta) aw e3melelko ay manzar.

b amana ana kont hnak bagry wara el nas ely bye3melo kda w batfarag ( batfarag bas walahy) w el 7a2eee2a makontesh ader asta7mel ashof dh bye7sal odam 3enaya , ma32ool banat el 3arab yet3emel fehom kda w odam el nas kolaha , ma32ool el banat el 3arabeya ely 3ayshen fe masr ba2o bela qema lel daragady , ma32ool el sha3b masry rkhes lel daraga dih odam el 7okoma.

w 3amatan el shabab bardo mesh we7esh lel daragady , howa sa7e7 beye3mel w beydoos , bas men gowah modtar , ya3ni lama sha3b talat terba3o ta7t khat el fa2r , ma3homsh yaklo akla ndefa wala yetgawezo tab3an , akeed hayestano ay forsa , w ana mesh badafe3 3anhom , ana bawsef el wad3 wely mkhalehom kda .

w bardo el 3eeb 3al banat tab3an el 3eeb 3al banat , el banat ely 3arfa bele bye7sal , w btenzel dahna weshaha 3 kilo bodra w labsa m7aza2 w met3ary , ya3ni wa7da zay dih hatkon 3awza eh , akeed hatkon 3awza yt3emel feha nafs elly btesma3 3anno.

awalan w akheran law el sha3b la2y yakol aw yetgawez 3omro mahaye3mel kda efhamoha b2a

Anonymous said...

هاي سوسة
أنا اسمي مؤمن المحمدي مشرف صفحة المدونات في الغد وأنا باحب كتيييير مدونتك واخترت منها مدونة في عدد الغد اللي في السوق
سيبك من الهلفطة دي وأحب أقول حاجة عن موضوع التحرش قد تصدم البعض
أنا شايف إن الشباب دول عملوا الطبيعي جدا
وكل إنسان ميال للخروج عن قيود الغلط والعيب والحرام والممنوع والمحظور وغيرها من الكلمات التي تفرض على الإنسان عدم تنفيذ رغباته امتثالا لأي حاجة الدين العرف القانون .... إلخ
لكن المفروض أن المجتمع يضمن ألا يخرج أفراده عن القانون الذي يضعه
وإلا ما فائدة الشرطة والسجن وما إلى ذلك
إذن ما حدث ليس خطأ هؤلاء الشباب بل إنه خطأ المجتمع من ناحية والدولة من ناحية أخرى
فمن ناحية المجتمع سنجد أن ما حدث هو امتداد لخط يبدأ من رؤية التعدي على القانون والتصرف حيال كل ذلك وكأن ذلك شيء عادي وكأن مواجهته هي الجريمة التي تستدعي العقاب بالسخرية
ومن ناحية الدولة فأعتقد أنني لست في حاجة للكلام عن التقصير الأمني الرهيب من أجهزة الشرطة التي لا تؤمن إلا حياة شخص واحد! وهكذا
أرجو ألا أكون ضيفا ثقيلا وبخخخخخخخ
أو دمه تقيل

عبدالله مفتاح said...

بصي يا سوسة احلى حاجه ممكن اعلق عليها اسئلتك اللي هي
هو كل طالب بيبص لزميلته كده؟
كل موظف بيبص لزميلته كده؟
كل واحد بيبص للي جنبه على الاتوبيس كده؟
اسئله جامده جدا وفي محلها بس الاجابة لما بتكون ايوة اي واحد بيبص لاي واحده كده سواء قدر يطرد الفكر ده ولا مقدرش بيكون رد الناس (اتكلم عن نفسك اذا كنت انت قليل الادب متخليش كل الناس زيك)
فمتتوقعيش ان رد حد هيكون بالايجاب حتى لو هيخدع نفسه
باختصار يا سوسة انا كنت هكتب في الموضوع ده بس غيرت راي لان الحل حاجة من اتنين؟
اما الحرية الجنسيه واما التربية الدينية
اي حلول تانيه هتكون مشوهة وليمكن تحل المشكله

Anonymous said...

ايوة يا سوسة الرد علي كل اسئلتك بالايجاب
للاسف
دي النظرة
كل راجل بيبص علي كل حرمة علي انها جسد لا غير
ويا سلام لو كانت محنتفة ومظبطة وعاملة ماسكات وحاجات ومدلعه لبسها
هي دي نظرات الراجل مش في مصر بس لكن في كل الدنيا حتي في بلاد الواق واق
نظرة غريزية بحتة
اما بالنسبة لاغنية انا ممكن ابيع جتتي ..كلة الا بنات حتتي
فالمغني نسي الجزء الاهم في الاغنية وتكملتها انا ممكن ابيع جتتي ..كلة الا بنات حتتي (لاني اولي بيهم من الغريب)
ويا ريت الستات تفوق وتعرف ان دي نظرة اي راجل الا من رحم ربي
وتعرف ان مهما الراجل علي في المناصب او التعليم او ..او
بتفضل نظرتة للمراة جسد جميل ليس الا

Anonymous said...

اه ونسيت اقولك
هيدخل واحد بعدي ويقولك ان رايي دة فاسد وانه لا يعبر الا عن كاتبة وانه راي همجي متخلف وان انا عندي كبت ومش عارف اية ويقولك كلام كبير
فاانا بقولة .......ستوب
خدي بالك لان دة حاجة من الاتنين
1-عضوة الذكري خارج نطاق الخدمة
2-بيهوي النفاق والتمثيل وقلب الحقايق

Anonymous said...

شكرا ليكي يا جميل علي اسئلتك و علي البوست الجميل وعلي المدونه الرائعه بصفه عامه بس لو حبيتي اجابه لاسئلتك نقدر نقول اه ولا ازاي بقي
اه ان ربنا قال زين للناس حب الشهوات من النساء
معناها ايه اي حد يقول معندوش شهوه ناحيه واحده يبقي زي ماقال صحابنا مش راجل اصل او بيستعبط دي حاجه فسيلوجيه بحته
بس الجزء ده بيغطي نفسه بجزء مهم ان احنا عندنا عقل يعني لو جعانين جدا و هنموت من الجموع مش اول ما هنشوف سنتدوش في ايد واحد ماشي هنهجم عليه ناكله نفس العقليه الي بتسيطر علينا في الموقف ده هيا الي بتسيطر علي تصرفتنا في التعامل مع البنات طيب معني ده اننا مش بنشوف غير جسد المرأه لا طبعا اكيد بنشوف عقلها بنشوف شخصيتها بنشوف جوانب كتير و الجسد جزء من حاجات كتير بنتعامل معاها
انا كنت لسه كاتب رد عند مالك وهبعته هنا كمان شويه
سلام يا عسل

Anonymous said...

طبعا انا مش قريت كل الردود علي الموضوع بس قريت اغلبها
حبيت بس اشارك معاكوا في تفكير شخصي
تقدروا تقولوا دي انطباعات شاب شاف مصر من كام سنه قبل ما يتخنق و يشوف بلد تانيه يعيش فيها ممكن برضه تقولوا حوار نفسي يمكن المهم نبدأ
ليه بنقول البنات تتكلم سؤال بفكر يمكن تكون الاجابه علشان الناس تبدأ تحس ان الموضوع كبير فعلا و يبدأ المجتمع ياخد رد فعل مضاد للموضوع ده يمكن برضه
طيب عن قناعة شخصيه هل فعلا تحس المجتمع كده
اه طبعا من زمان قوي و مش حاجه جديده فاكر من زمان حوالي عشر سنين الحاجات دي كنت بشوفها انا كنت ساكن في المهندسين فاكر لما كنت صغير و في العيد بالذات كان الموضوع ده بشوفه كتير في الجنينه الي وسط شارع جامعة الدول لما كانت جنينه كبيره كان عادي اني اشوف الولاد متلمين علي بنت طبعا كان اقصي حاجه تحرش بس
طيب فين تاني شوفت التحرشات الجامعه برضه ايام زمان شوفتها في هيصة الماتشات بتاعت مصر او بتاعت فوز الاهل و الزمالك في نفس المنطقه فاكر ايام الجامعه لما كنت بلعب في نادي الترسانه لسه مخلص تمرين و طالع اعتقد كان الزمالك لسه كسبان ماتش افريقي لقيت الجماهير الفرحانه بنفسها لقيوا شلة بنات ماشيه بهدولها و الامن بتاع النادي بيحاو يحميهم
بعدها بكام يوم في العيد برضه ماشي مع صحابي في جامعة الدول شوفت نفس المنظر بس طبعا علشان كنا صحاب في النادي عملنا فيها رجاله و ادخلنا وبقيت خناقه فل خالص و الي فاكره بس ان البنات طلعناهم بالقوه بس بدون جزم
:))))))
اصلهم استخدموا الشباشب و الجزم في الدفاع عن النفس بقي
فين تاني شوفت الاسلوب الثوره الجماعيه
مفيش حاجه واضحه بالظبط لما كنت في مصر يعني بس اعتقد فاكر اني شوفته في العيد برضه في التحرير
طيب التحرشات الفرديه
من زمان و انا في ثانوي كنت بشوف الناس معايا و هيا بتبهدل البنات طيب رغم ان مفيش كبت جنسي ان اغلبهم يعرف بنات و عايشين حياتهم ده مش لاقيله تفسير لحد دلوقتي الموضوع ابدا مش جوع جنسي ان زي ما كتير بيقول انك نجيب واحده من الشارع بقي اسهل بكتير من انك تنزل تجيب قرص اسبرين يمكن موضوع الممنوع مرغوب يمكن برضه طيب يمكن ايه تاني نتانه في الشعب مجرد شعب عاوز يحس انه بيعمل حاجه حتي لو غلط ممكن برضه طيب التحرشات كانت موجهه كلها لبنات مش محجبه او لابسين مش كويس اقدر اقول بنسبه ميه في الميه من التحرشات الجماعيه سببها البنت انها مش لابسه كويس او ردت بطريقه مش كويس علي معاكسه من شلة شباب او لسانها طويل اما التحرشات الفرديه نقدر نقول بنسبه 80 في الميه موجه ضد البنات غير المحجبه و المحجبين عادي ومش سعمت لسه عن تحرشات ضد منقبات بس سمعت عن تحرشات ضد مخمرات
برضه بالمره احكي عن تحرشات ايام الجامعه الي كنت بشوف الشباب بيعملوها طبعا كتير جدا رغم ان الجامعة انك تتعرف علي بنت و تعمل الي انت عاوزه معاها مفيش اسهل منه بس الي فاكره قوي واحد من صحابي كان عنده مرض انه يفتح السوسته كل ما يلاقي بنت قدامه في حته فاضيه طيب هوا كده بيستمتع مش عارف بس هوا مش كان بيعمل اكتر من كده يعني اخره بس يفتح السوسته يشوف رد الفعل علي البنت و خلاص يمشي و مش كان بينقي بنات شكلها كويس لا بينقي بنات شكلها عادي او اقل من العادي بمراحل كبيره جدا
حبيت بس اشاركوا في مجرد ذكريات عن ايام عشتها في مصر يا الف حسره عليكي يا مصر يالي كل ولادك الي بيفهموا سابوكي و اتفضل فيكي اغلبيه هوجاء لا تجد من يقودها
نفسي قريب اشوف تحليالات نفسيه و اجتماعيه للموضوع ده
بس فكره الجوع و السعار الجنسي انا مش مقتنع بيه يمكن لو قولتوا نوع من الزهق و البحث عن مغامره جديده يفتكروها بعد كدع و يضحكوا اصدق ان مفيش ولا حاجه تحرش جماعي انتهت باغتصاب مجرد بس تحسيس و ممكن تقطيع هدوم علشان ياخد جزء منه تذكار يمكن
:)))))
ابقي طمنوني علي بلدنا عامله ايه بقي
سلام

عبدالله مفتاح said...

استكمالا بس لريي يا سوسة فانا ازعم ومتاكد بنسبه تقترب من المائه في المائه ان الجماعه المتحرشين في الشارع دول ليهم صحبات وجيران بنات والبنات دول بيقولوا المتحرشين مؤدبين اوي ويمكن امهات البنات دول بردو بيقولوا عليهم مؤدبين اوي وان بنتهم بتصاحب الولاد المؤدبين بس
والموضوع ده بقا حصل ادامي كتيييييييير جدا
تلاقي الولد منهم مقزز وهو واقف وسطينا مقزز فعلا بكلامه والفاظة وتربيته السيئه وبمجرد ما البنت تكون موجوده يقلب على الوش التاني بحجة انها بنت ولازم تتعامل ولما تمشي البنات مشيت نرجع لاصلنا
الشخص ده موجود كتيييييييير والبنات بيقولوا عليه مؤدب اوي وابن ناس اوي والحقيقة انه متحرش كبير اوي وان مكنش باللمس يبقى بالنظرات وكل عام وانتم بخير

3rby said...

منهم لله كرهوني في الجواز
اخاف امشي مع صاحبتي او خطيبتي او مراتي بعد كده
انا حتي لو شايل سلاح او سلف ديفنس مش هاينفع
البلد ديه محتاجة ديكتاتور(اللي موجود دلوقتي سمسار)قبل الديموقراطية
يلم الناس الوسخة ديه يلمهم يحطهم في افران ويولع فيهم بجاز وسخ


الرد علي السؤال..ايوة..او علي الاقل الناس اللي في سني واعرفهم كلهم كده...بس انا لا..مش عارف ليه بقالي سنتين مقروف جدا من البنات...حالة القرف ديه جاتلي من وصف صحابي للبنات وجسمهم...حسيت اننا لسه حيوانات وماحصلناش"ايفولشن"مش عارف ايه ده
كان عندي اكتئاب من الدراسة من ايام الامتحانات بتاعة تانية..وبعدين ارتاحت..وبعدين قريت الحوار ده ورجعلي الاكتئاب تاني
زي ماقلتلك
ديه بلد عاوزة الحرق

Anonymous said...
This comment has been removed by a blog administrator.
Anonymous said...

سوسا
زى ما قلت عندى
البلد ماشية نحو منحنى اخطر جرف للهاوية فى تاريخها
عصر اضمحلال وانحطاط
لم تشهده مصر حتى فى اسواء كوابيسها
------
لم يعد هناك اى احترام لسيادة
لم يعد هناك اى احترام لعقيدة
لم يعد هناك اى خوف من عقاب
لم يعد هناك اى وازع اخلاقى او دينى
الاخلاق والدين دول بقوا موضة قديمة
------
اللى عرفناه كلنا هنا
ان دة بقا سلوك ممنهج للشباب المصرى
قهر المجتمع بقا وسيلة مجانية لتفريخ مجرمين ومنحرفين وشواذ بكل معانى الكلمة
-------
التشوة اللى حصل لنفسية المجتمع المصرى بقا مستحيل اصلاحه الا باستبدال االاجيال الحالية
التى ذاقت القهر والانحراف
دة رايى اناا
---------
بالنسبة بقا للنظرة للبنات فى مصر
انتى شفتى يوم ما عملنا يوم ليلى
انا بقا ايقنت اننا اتسرعنا لما عملنا اليوم دة...كان لازم ننتظر هزة قوية زى دى وكل ليلى من الليلات المنتهكات تروى تلك الحادثة بنفسها
وليس لسبب الا انها مصحوبة بنون النسوة
--------
محدش يقول كمان ان سبب عدم زواج الشباب تعنت الاهالى
معادش فيه اهلى بتتعنت
لان البنات زى الرز على قفا من يشيل
بدليل حسب اللى شافوا الحدث ان كمان ناس متزوجين تخطو الاربعين من العمر كانوا من ضمن المتحرشين
-------
التعتيم يا عزيزتى من اساسيات الحياة الامنية فى مصرنا الحبيبة
علشان الشعب مايتخضش
خايفين عليانا من الخضة والفزع
فيعتموا علينا خوفا على نفساويتنا
وكله
لدواعى امنية
اكلاشيه جاهز عند كل ضرورة
الدوووواعى الااامنية

اعتذر عن الاصالة
تحياتى

NoOR said...

تصدقي اني من ساعه الموضوع ده وانا مش عايز اخواتي البنات ينزلوا حتي ولو معايا ..........انا قرفان من الناس ومن نفسي و للاسف نفسي اعرف وسط البلد بجلاله قدرها مكانش فيها جوز امناء شرطه من بتوع خمسه جنيه وامسحلك المخالفه ولا حتي عسكري بنبوت الغفير حتي

Elmesaharati said...

Elgam3 etqafaal we eldesh etfatah
montazera eah ?!!!!!!!
Rabena Yoltof be MASR

Amr Ahmed said...

شكرا علي الموضوع لكن اكيد مش اي واحد جاتله الفرصةهايتحرش ببنت لان الدين والاخلاق والانسانية بتمنع كده وعندك حق ان مش كل حاجةنقول السياسة لان اللي عملوا كده مالهموش علاقة بالبتنجان زيهم زي اللي ضربوا بعض في تربية عين شمس وسيحوا دم بعض oredoky-ontha.blogspotوهتلاقي الموضوع هنا

وحلوة حكاية نستورد شهامة من الصين انا اقترحت موضوع الاستيراد ده في تدوينة بس انا اقترحت استيراد رجالة ولا اقولك نجيب من شارع عبد العزيز واهو اقرب واوفر ونفع المصرييين ويجعله عامر

أحمد المصري said...

انا مش عارف أقول ايه 00خجلان أقول أي حاجة أنا بهت لما قريت الموضوع 00ايه ده للدرجة دي ممكن تنعدم الآدمية والرجولة 00قعدت أسئل نفسي نفس السؤال ده :لييييييييه؟ عقلي كان حيشت ومفيش إجابة لأن مفيش أي حاجة تبرر اللي حصل ده 00وعلى رأي لست أدري لازم تتحول لقضية رأي عام 00ولو الإعلام تجلهلهل احنا لأ ولازم نلاقي حل للموضوع مش بس احتجاج والشجب ولا إيه؟

wanna b a bride said...

و الله يا سوسة حاجة تقرف فعلا

البلد دي ماعادش فيها اي حاجه ..خلاص فضت و ماعدش فيها غير أمثال سعد الصفير

آل وانا اللي عايزة اتجوز؟؟؟

طب اتجوز واحد يكون متحرشلوا باتنين تلاته قبل الجواز

يعني أكتب في متطلباتي للعريس دلوقتي

أن يكون مثقف و غير مدخن و غير متحرش؟؟

ايه النيلة دي؟؟

البلد دي رايحة على فين؟

بجد بجد حاجة تقررررررف

BackBone said...

لأ "ليــــــــــه" ديه انا ممكن اجيبلك عدد لا نهائي من الاسباب الاجتماعيه المحيطة بهؤلاء الشباب اللي عملوا كده, بل بالعكس احصاء الاسباب اللي تحل سؤآل وليه لأ اكيد اقل.

و ممكن نتكلم في الموضوع ده و نقعد نقول مهي اصلها حكومة و سخة و بتشجع الفساد

مفيش حاجة تتقال اكتر من حسبنا الله و نعم الوكيل في اللي عملوا كده في شباب الأمة

و متقلقيش ديماًَ في لسه شباب كويس بس ديما الخبث هو اللي بيطفوا علي الوش و يغطي المعدن الأصيل

كلبوزة لكن سمباتيك said...

مش مصدقة
و لا حصدق


دول عيال صيع

و حاجة فردية

و كل اللي حصل ان في جهة عايزة تزعزع الامن و الامان او تاكد علي انهم مزعزعين في مصر


اقرؤوا سورة النور فيها ذكر لاحداث مشابهة و فيها وصف لحال المسلمين لما يسمعوا كلام زي ده

{لَوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْراً وَقَالُوا هَذَا إِفْكٌ مُّبِينٌ }النور12

soosa el-mafroosa said...

أهلا بيك يا معتصم

بس تعالى هنا قوللي ..منين بتقول هاهزق أي حد كان هناك بيتفرج و مابيساعدش البنات و منين بتقول أنا كنت هناك بجري وراهم واتفرج؟؟؟؟

يعني يا معتصم لو واحده من اخواتك هي اللي كانت جوة الدايرة وبيتعمل فيها كده برضه كنت هتقف تتفرج؟؟

أنا اللي مش قادرة أفهمه ان الناس دي من يوم واحد قبلها كانوا صايمين

صايمين...دانا ساذجة قوي ..لا يمكن طبعا

بعد كده يا معتصم ابقى حاول تساعد البنات و لما يبقى فيه واحد ايجابي يمكن اللي حواليه برضه اللي بيتفرجوا ممكن يحاولوا يعملوا حاجة

soosa el-mafroosa said...

هاي يا مؤمن إزيك

طب مش كنت تقوللي من أول ما العدد طلع ..دانا كان ممكن العدد يفوتني و مالحقش أشترية

لو حصل تاني ابقى قوللي لو سمحت على طول

و بعدين يا راجل حدد أنهي غد ..أنا اشتريت الغد التاني الأول و مالقيتش فيه حاجه و بعدين اشتريت بتاعكم ولقيت ..غرمتني 4 جنيه بحالهم ..هاتهم بأه

أنا سعيدة ان المدونة عاجباك..ابقى تعالى على طول

آه بقولك ايه ..ماينفعش تشوفلي شغلانه معاكم في الجريدة ..أصلي بصراحة زهقت م الصيدلة دي و اتخنقت ع الاخر

لو فيه فرص أو انترفيوهات والا حاجه أمانة عليك تقوللي اوكي؟

بالنسبة للرغبة الطبيعية للخروج على التقاليد اوكي انا معاك انها جوة كل الشباب

لكن كمان احنا عندنا عقول هي اللي المفروض تميزنا عن الحيوانات تخلينانفكر قبل ماننقاد ورا غرايزنا

و بعدين بيني وبينك انا خوفي لو الشرطة كانت موجوده كانت تنضم الى قوى الشعب العاملة ..انت عارف فيه ناس بتموت في التفعيص في كل فئات الشعب

ربنا يستر على ولايانا

soosa el-mafroosa said...

dawyomeldonya

مش عارفه الكلام اللي بتقوليه فيه جزء من الصح بس كمان هما بره مش ملايكه

فيه نسبة كبيرة من التحرش بالنساء و حتى الأطفال

متهيألي ده مش بيبان قوي في الشارع لن فيه قانون و الشرطة شايفة شغلها و موضوع ان واحد يعمل كده مابيعديش بالساهل

كمان مافيش حد بيتساهل مع الحيوان اللي بيعمل كده بدعوى لن كل الستات لازم يا اما تتنقب يا اما تترزع في بيوتها عشان الشوارع تساع الحيوانات دي يمشوا فيها لوحدهم

هنا بيلتمسولهم العذر و يحطوا اللوم كله ع البنت و حتى لو بلغت بتتفضح..عشان كده لاحد بيبلغ ولا حد بيهتم و لا اللي بيعمل كده بيتعمله حاجه

آخره يتحلقله زيرو و يسيبوه يدور على ضحية تانية

بس برضه المفروض دينا و اخلاقنا و تربيتنا تفرق مع الشباب ده مش بس الخوف من القانون

emz said...

للاسف و للاسف قوى كمان .. الاجابة هى غالبا ايوة .. انا يمكن بنت و معرفش بس للاسف هى دى الاجابة يا مفروسة ..
تعرلفى انا عملت زيك و قمت باعته ايميل على طول فيه كل اللينكات ..
و الصراحة كنت متوقعة من العاشرة مساءا اكتر من مجرد ذكر للحادثة ..
و الله حاجة تكسف اوى ..

soosa el-mafroosa said...

شكرا يا عبدالله

وضحتلي كتير قوي..أكن انا اي زميل بكلمه بيبقى باصصلي كده؟

أي واحده كده يا جماعه؟

طب الحمدلله ان احنا بنات ..معظمنا بيتعامل بنية طيبة مع زمايله الشباب

بس يظهر الطريقة دي لازم تتغير

و خد بالك ان كلامك في المطلق ..يعني ماقلتش ان ده بيحصل لما تكون البنت لابسه مش كويس أو مش محجبة

طب ايه الحل يعني اننا نخش الجحور و نخفى من قدامكوا عشان ترتاحوا و نبطل نمتهن كده؟

لأ برده ..الرجاله هي اللي المفروض عقولهم تنور شوية عن كده

ده رأيي

عبدالله مفتاح said...

استني بس ياسوسة بلاش توقعيني في المحظور انا كلامي واضح (سواء قدر يطرد الفكر ده ولا مقدرش )
عارفه لما زمايل رجاله يتكلموا عن بنت زميلتهم
مهم بيقولوا (فلانه جامده) او (فلانه دي اجمد من فلانه)
كونه انه عرف انه جامده -على حد تعبيره- فهو ده اللي انا قلت عليه
وعلى كل جمال البنت العالي بيوفر مناخ جيد جدا للشيطان ده طبعا بالاضافه لملابسها لانها لو محتشمه هيفكر في ايه ؟ هو شايف حاجه؟
بس المشكله في ايه بقا يا سوسة ... ان في بنات كتير بتعتبر ان لبسها حشمه مع انه مش حشمه ولا حاجه يعني مثلا تكون لابسه عباية ومنطقة الوسط باينه
مع ان المفروض (مش هعرف اعبر بقا) يعني البنت تبقى حتة واحده
افهميها انتي بقا
كلامي كده يا ريت يكون بقا واضح
تحياتي

farida said...

عزيزتي سوسه
شكرا لزيارتك
وحشاني و الله يا حبيبتي
و رجعنا بعد العيد على أخبار وحشه
معلش

أنا رديت على البوست بتاعك و على التعليق عندي كمان في البوست الجديد
تحياتي

SOLITUDE® said...

"ردوا عليا يا شباب يا للي بتدخلوا المدونة لوسمحتم..ماهم دول شباب زيكم ..من سنكم و تعليمكم و مستواكم ..ماهو ماتقنعونيش انهم "قلة مندسة و منحرفة" والكلام الكبير ده"

معلش يا سوسة
اسمحي لي أختلف معاكي
الشباب دول مش زينا ولا متعلمين زينا ولا في مستوانا
وإلا كنا احنا كمان عملنا زيهم

shalaby said...

انا ممكن اقول وجهة نظري كشاب ويمكن تكون صحيحة تتنطبق علي ما حدث وممكن تكون خطأ والله اعلم . المهم اعتقد ان ماحدث في البداية كارثة بكل ما تحملة الكلمة لعدة اسباب اذكر منها السبب الاول غياب التربية الدينية في البيت يعني لو كل واحد فكر في العقاب في الاخرة بسبب اللي الاشياء اللي بيعملها كان دة يمنعة من انه يقبل علي الخطأ وخاصةاذا كان خطا كبير وشنيع زي اللي حصل دة الجزء اللي يخص اللي عملوا كدة . السبب التاني ظهور السلبية في المجتمع يعني اللي اعرفة انه زمان وعلي فكرة انا سني لسة 30 سنة يعني مش من زمان قوي لما كان واحد يتعرض لواحدة وحد يشوفه كان فيه رجاله كتير يبعودوا الشاب عنها وممكن كمان يضربوه ودة اللي كنا بنسميه الشهامة فلما يحصل ده في شارع عام ومئات الشباب المفترض ان يكونوا من الناس اللي تمنع حاجة زى اللي حصلت فتبقي سلبية مجتمع والملاحظ ان السلبية انتشرت في كل شيئ من السياسة حتي وصلت اللي كل المجتمع والسلبية السياسة ان الناس كلها او 99 % منها قرفانة وزهقانة والحكومة لسة زي ما هي واعتقد ان الحكومة مبسوطة من كدة السبب الثالث غياب دور الدولة وخاصة وزارة الداخلية يعني تجمهر زي اللي حصل وفي وسط العاصمة واعداد بالمئات ويطلع بيان من وزارة الداخلية ان مفيش حد بلغ شوف الاستهزاء بالناس وصل لحد فين والهيافة بتاعة الداخلية يعني الشباب ده لو كانوا عملوا مظاهرة كانت الداخلية هتستنة لما حد يبلغ علشان تبعت 5000 عسكري من قوات الغباء المركزي علشان يفرقوهم . وطبعا فية اسباب ثانوية كتيرة زي ما ذكر الكثير ما الاخوة المدونين والله اعلم. رجاء ابداء الراي في التعليق

abderrahman said...

أنا مع محمد محرز إن الشباب اللي كان هناك، وأغلب اللي بيقوموا بحاجات زي دي ، دول شباب منحط، لظروف كتيرة، وبعضهم حاقد على المجتمع وعنده احساس إنه عمر مابنت حتبصله على عكس شباب كتير أفضل حالا .
فبياخد حقه بدراعه .
هي حوادث مؤسفة، والأمور واضح إنها خرجت عن السيطرة بعد ما كان ممكن تكون التحرشات دي مسكوت عنها في السابق لإن بعضها بيكون متبادل على أساس كل واحد مع واحدة وبيقضوا وقت في العيد .
ده غير - والأهم - إن مفيش عقاب من اللي واجبه يقوم بعقاب هؤلاء.

3rby said...

طيب تفسر بايه اللي حصل للمنقبات في وسط البلد(انا ماكنتش مصدق في الاول لحد ما اتاكدت من ناس اثق فيهم)انا باشوف ده بيحصل لستات اد امي

Anonymous said...

انا شخص متعلم تعليم عالي ...وأعمل في شركة كبيرة ومحترمة ... ومع ذلك انا الشخص الذي تسألين عنه... نعم انا انظر لأغلب زميلاتي في العمل نظرة شهوانية بحتة .. ليس في كل الأوقات ..ولكن أحيانا.. وعندما ارى اي بنت تسير في الطريق وملابسها مثيرة أتخيل انها عاهرة الى ان يثبت العكس .. وفي محيط أصدقائي وأقربائي ...نعم أنظر نفس النظرة الشهوانية الحيوانية .. ولا أدري ان كنت سأستطيع ان أقلع عن هذه النظرات بعد الزواج أم لا ؟؟ّّ

هل هو كبت جنسي .. لا أظن .. لإنني لي صديقة حميمة ..نعيش علاقتنا كاملة ...

هل هي طمع أو شهوة زائدة .. لا أدري ..

ولكن الذي انا متأكد منه ان مثلي كثيرون ولكن لا يستطيعون التصريح بذلك , انا نفسي لم أجد الشجاعة ان اكتب التعليق بأسمي الحقيقي لأني معروف لدى أغلبكم ...

ولكن انا لا استطيع ان اكون مثل من تحرشوا وتطاولوا بأيديهم أو حتى بألسنتهم على هؤلاء البنات في وسط البلد... لا أستطبع ان افعل هذا ..

انا أنظر فقط ..

Anonymous said...

هاي سوسة أنا مؤمن
من ناحية الأربعة جنيه فانتي ليكي عندي غير الأربعة دول حق الموضوع .. مش احنا نشرناه
ومن ناحية الجرنان أهلا وسهلا بيكي إنتي كاتبة عظيمة
لكن خدي بالك الصحافة مش بتكسب قوي على الأقل في الأول
أما الموضوع نفسه فانا أعتقد إن الغريزة الحيوانية موجودة داخل كل واحد وواحدة مننا
والتغلب عليها مش بيكون بالضمير وما إلى ذلك
التغلب عليها بيكون بسيادة القانون وأن تضمن الجماعة التي يعيش فيها الإنسان هذا
وعبر التاريخ في أي لحظة كان القانون بيضعف في أي مكان في العالم على طول الغريزة الحيوانية بتطلع
شوفي مثلا إندونيسيا من كام سنة
شوفي فرنسا أيام الثورة الفرنسية والدم اللي كان للودان مش للركب
وكل راجل مننا نفسه نفسه يتحرش وأكتر من يتحرش مع كل نساء العالم
وأي واحد يقول غير كده أظن إنه يا إما كذاب يا إما عنده مشكلة
لكن احترام الطرف الآخر اللي بتفرضه القوانين والأعراف والقيم والمجتمع اللي بيعاقب أولا بأول وبمنتهى الحزم من يخرج على هذه القوانين هم اللي بيخلوه يهمد
وفي أوربا مثلا أي حركة من حركات الأتوبيسات عندنا معناها سين وجيم ونون كمان المسألة مش هزار دا اللي بيعود الناس على احترام بعض
احنا هنا عايشين في فوضى ودا اللي بيخلي الحيوان اللي جوانا يظهر
كان نفسي نتكلم في حاجة أفضل من كده
لكن آدي المجتمع المصري وآدي حكمته
قولي لي أسيب لك رقم تليفوني ازاي وأهلا وسهلا بيكي في أي وقت

Anonymous said...

شهادة حيه علي ما حدث من احدي ضحايا التحرش يوم العيد علي اسلام اون لاين
http://www.islamonline.net/discussiona/thread.jspa?threadID=6688
و قام مقدموا البرامج الحواريه بالموقع بعمل حوار مباشر معاها يوم الخميس ويمكن المشاركه يوم الخميس علي
http://www.islamonline.net/livedialogue/arabic/Browse.asp?hGuestID=4rKsqh&hSession=Recent

soosa el-mafroosa said...

anonymous

يا جماعة انا باعترف اننا كنت ساذجة جدا من ناحية الموضوع ده

ما كونتش متخيلة ان كله كده

يعني افهم ان واحد يبص كدخ لوحده لابسه بطريقة ملفتة
أو واحده بتتدلع و هي بتكلمه

لكن لي ولحده و كل واحده

اما كنت فاكرة ان ده منحصر في عدد معين من الشباب اللي بيسموهم عينيهم زايغة

بس كله؟

طيب بأه معاملتي هتبتدي تتغير مع كل الناس

وعلى فكرة كل اللي بعدك قالوا زيك كده كتقلقش دي الحاجة الوحيده اللي اتفقتوا فيها كلكم

soosa el-mafroosa said...

7ayran

تأكيد على كل الكلام الي فات
و اللي انا بغبائي ماكنتش واخده بالي منه
الشهادات اللي انت بتقولها بصراحة شهادات مؤكده نا الموضوع مش مرتبط قوي بتعليم بدليل صاحبك بتاع السوستة و صحابك التانيين

طب يعني الكل -عايش حياته- زي مابتقول

يعني مافيش كبت جنسي ولا حاجه

يبقى هو تفكير واطي و تصرفات واطية وخلاص

انا حتى زمان كنت أشوف اللي بيعاكسوا البنات دول او يتحرشوا بيهم بيبقوا ماشيين وراهم

لكن دلوقت خلاص ..عيني عينك ووريني هتعملي ايه

متهيألي منطق ان اللي قدامي ضعيف ولازم استغل ضعفه باي طريقة ممكنه

مش قادر ع الحمار بيتشطر ع البردعة يعني

soosa el-mafroosa said...

شكرا تاني يا عبدالله

يا بني انت خلاص عقدتني

انا ماعدتش هتعامل مع رجالة ولا حتى في الشغل و اي راجل بيبيع أي حاجه مش هشتري منه

و مش هاركب مواصلات غير لما يعملوا ميكروباصات و تاكسييات بيسوقها ستات و كل اللي راكبين ستات

ايه ده؟

يعني لا البايظ ولا المؤدب؟

نولع في نفسنا طيب؟

soosa el-mafroosa said...

3rby

أولا لسه بدررري على ما تفكر في الجواز

ثانيا ده لو لم كل النس اللي هتعمل كده لو جاتلها الفرصة السانحة يبقى البلد موش هيبقى فيها رجالة

هنمشيها بقه زي الأمازون..ستات بس

واضح من كلامك ان كل اصحابكبيفكروا كده في البنات و من رأيي انهم لو جاتلهم الفرصة يتحرشوا عادي هيتحرشوا

ماعادش فيه أخلاق ..بقت موضه قديمة اظاهر

هي فعلا بلد عايزة الحرق

soosa el-mafroosa said...

شهروزة

الأجيال اللي موجوده كلها انضربت خلاص

لما واحد عنده عشرين او تلاتين سنة طول عمره شايف القوي بيفتري على الضعيف
و الأمن يبهدل في أي حد مش عاجبه منظرة
و الكبير بياكل في الصغير
ومافيش حد بيحاسب حد

المشكلة في البلد دي ان ماعادش فيه كبير ..ماعادش فيه حد يخوف حد
لأن الكل عارف انه ممكن يفلت باي حاجه يعملها
طالما مابيتكلمش في السياسة

كل حاجه تانية مسموح بيها و ماخادش هيبص لحد عشان تعدى حدود الأدب

الأمن مش فاضي للحاجات دي

فيه أمل ؟

مش عارفه

عن نفسي مافتكرش

الدنيا هتضلم قوي بعدين

اللي حصل مجرد مؤشر

بكرة نسمع عن شباب بيخطفوا البنات من جوة بيوتهم

هي دي الخطوة الجاية

ربنا يستر

soosa el-mafroosa said...

noor

انا كمان وانا نازلة الشارع بابقى مرعوبة

وامبارح بابا قول مرة يبصلي وانا نازلة و يقوللي خلي بالك من نفسك

الكلمة وجعتني قوي

كأني رايحة حرب؟

الأمن مش فاضي يحمي أعراضنا

عنده واجبات أهم

soosa el-mafroosa said...

elmesaharati

عندك حق

هنقول ايه؟
حسبنا الله و نعم الوكيل


miro

مش عارفه انا بقيت حاسة ان أي شاب مستني الفرصة بس

و اللي حصل في عين شمس و غيرها دليل على تمكن أخلاق الغوغاء مننا كشباب

و كشعب..حاسة كده ان ده الدخان اللي بيسبق البركان

حاسة ان البلد هتولع و دي اول الشرار

soosa el-mafroosa said...

د/أحمد المصري

الشجب و الإستنكار للأسف..للأسف ..هو الشئ الوحيد اللي في ادينا
الحل في الموضوع ده ان الشعب كله عايز يتربى

للأسف دي حكاية مش عايزة يوم و لا سنة ولا حتى عشر سنين

متهيألي البلد دي عايزة تولع و بعدين تتبنى تاني على نضافة هي و شعبها

wanna b a bride

موضوع انك تلاقي عريس غير متحرش دي متهيألي بقت صعبة

معلش ادعي ان يبقى فيه قلة قليلة غير متحرشة

ربنا يرزقك بواحد منهم

soosa el-mafroosa said...

backbone

بس دايما كان فيه ظروف اجتماعية صعبة

و بالعكس الفقر كان دايما مرتبط بالشهامة

و لو قصدك على انهم مش لاقيين يتجوزوا أو محرومين

كم التعليقات على الموضوع هنا

يبانلك تن مافيش حد محروم -للأسف- لكن الموضوع كله انحطاط وصل لكل شئ حتى الأخلاق



كلبوزة

هي حالات فردية بس كتييير جدا

في الميكروباصات
في الأتوبيسات
في أي شارع هادي
ساعات كمان في الجامعة

الموضوع بقه منتشر و عايز وقفة عشان يتحل

لازم ماندفنش راسنا في الرمل

فيه مشكلة و عايزة حل

soosa el-mafroosa said...

بنت عادية جدا

واضح فعلا انه ايوة و ستين أيوة كمان

انا قلت برضه ان اكيد ناس كتير بعتت ايميلات

تغطية العاشرة مساءا مخزية

تغطية القاهرة اليوم أفضل بكتير


عبدالله
على فكرة انا مرة قريت في مدونة مش فاكرة اسمها بالظبط عن المعاكسات

واحده لابسه اسدال (حلو الإسدال حتة واحده أهو)..الواد جه جنب منها و قال

اموت واعرف لابسة ايه تحت الإسدال

ايه رأيك بأه

يعني مهما البنت تلبس

مادام مؤنث يبقى تتعاكس

مافيش حل

واحـــد مـــــن الـنـــاس said...

طيب ممكن اسئلك شوية اسئلة يا سوسة
عشان بالظبط نحدد المشكلة ومسبباتها بالظبط

ماشي

طيب يا سوسة ...الشباب اللي اتحرشو بالبنات دول هل كانو من طبقة اجتماعية معينة او من فئة معينة ...ولا كانو وخلطين من كل المستويات والطبقات ؟؟؟يعني هل دول متعلمين ولا مش متعلمين ؟؟

انا اقولك رأي
حكاية التحرش دي ملهاش دعوة لا بتعليم ولا بطبقة اجتماعية

هتقوليلي ليه
اقولك وانا في المصيف
كنت بشوف شباب راكبين عربيات تمنها ...ربع مليون جنيه ويمشو جنب بنت ..وبعدين يتحرشو بيها

زي بالظبط من اسبوعين وانا ماشي في السكة الجديدة في المنصورة ...في وسط الشارع وما بين الوف ..شاب شكله كحيان وتعبان ..اتحرش ببنت..والبنت هزأته وضربته ...
يعني نستنتج من ده
ان التحرش الجنسي غير مقتصر على طبقة معينة من المجتمع او فئة من فئاته

هتقوليلي اومال ده من ايه
هسألك بقا السؤال التاني

يا سوسة ..مش في ناس كتار جدا نفسهم يسرقو وينهبو بس لو الفرصة اتيحت قدامهم ؟؟
ايون ..زي ما في ناس ضميرها صاحي.ززي ناس وسخة ...
طيب
مش في شباب ورجالة نفسهم يتحرشو ويزنو ويعملو بلاوي لو سنحت الفرصة لذلك ...وبيتحينو الفرصة لكده ؟؟

طيب...ايه الشيء اللي كان ممكن يمنع الشباب دول ((اللي احنا اتفقنا انهم مش من طبقة او فئة معينة )) انهم يتحرشو بالبنات والستات ؟؟؟

هقولك في عدة اسباب
اولا: الوازع الديني
وده بقا تنسيييييييه خاااالص
عشان 80 % من شبابنا مش عارف اساسيات دينه وده بفضل نظامنا التعليمي الرائد ...اللي يعملك كتاب الفيزيا 300 صفحة والدين 25 صفحة
ودلوقتي كلنا عارفين ان 80 % من الشباب حشاشين وبيشمو وفيهم كل العبر

الا من رحم ربي
يعني الكلام عن الوازع الديني للشباب ..وانهم لازم يخافو من ربهم
كلام لا يودي ولا يجيب ...
لان شبابنا وبقولهالك بكل وضوح
ميعرفش حاجة عن دينه خاااالص
وتلات تربع الشباب دول لا بيصومو و 99.9
منهم مبيصلوش خالص
--------
طيب ايه العائق التاني اللي ممكن يمنعهم انهم يتحرشو بالبنات ؟؟

الشرطة ؟؟
طيب ..شهادات كل الشهود والمارة وقت الحادث اكدت ان مفيش عسكري واحد او امين شرطة واحد يوحد ربنا كان موجود وقت الحادثة
هتقوليلي كانو فين ؟؟
هقولك كانو نايمين في بيوتهم
عشان الباشوات الكبار نايمين في بيوتهم برضه
والبلد تولع..تتحرق بجاز ...ميهمهمش

واساسا
لو كانو موجودين ساعتها ..مكنتش هتفرق
لان اساسا كلاب الشرطة ...انتهكو اعراض الستات قبل كده على سلم نقابة الصحفيين وفي الشارع
واسئلو عن الكلب جمال الشاعر مدير امن القاهرة ..والحشرة وليد الدسوقي

يعني حتى الشرطة اللي هتتحمو فيها ..هما اس الفساد ..ومكنوش هيحمو حد ؟؟

نشوف السبب التالت اللي ممكن يمنع الشباب دول انهم يتحرشو بالبنات ؟؟

شهامة ومروئة المصري
ايون
الكلام بتاع الافلام والمسلسلات..ومؤتمرات التأييد للرئيس

هقولك يا سوسة والله كان في فعلا رجالة عندهم شهامة ومروئة ودافعو عن البنات دول ..واتعرضو للضرب ..من قبل الشباب المتحرش
ونجحو في حماية بنات كتار

يعني لولا الرجالة دول كان زمان البنات راحو

طيب دول كانو نسبتهم كام من مجموع الموجودين في مكان الحادث

اقل من
10%
ايون
يعني عشر المصريين بس اللي اتبقى فيهم روح الشهامة والمروئة والــــشــــرف والكــــــــرامــــة ؟؟
ايون
طب تفتكري ليه ؟؟

تفتكري مين اللي خلا المصري يوصل حاله لكده

انه ميبقاش عنده اقل معاني الشرف
اقل معنى للكرامة
ازاي يهون كل شيء قدامه ...ويوصل لدرجة انه يقلع بنت ملط في وسط الشارع ؟؟؟

اقولك
مفتاح السر في كلمة
((اشمعنى انا ))
ايون
كل شاب فيهم
انكسرت كل القيود اللي قدامه
وشاب كل الشبب بيعملو زيه
فقالك اشمعنى انا
متسأليش ساعتها عن ضمير
عن قلب
لا
كل شيء يهون من اجل الشهوة


طيب نرجع للسؤال الرابع يا سوسة..

يا ترى ايه الدافع اللي دفع الشباب دول انهم يعملو كده بعد ما كل العوائق اللي قدامهم اتزالت ؟؟

هقولك
اولا ...تفشي الرذيلة في المجتمع بصورة لا تصدق
دلوقتي الدعارة علنية ...والقوادين هما اللي ماسكين بلدنا ..واي واحد غارف ربنا
بيركنوه على جنب ..يا اما بيترمي في معتقل
ليه ؟؟
لان في حشرة كبير اسمه حسني مبارك ماسك مصر من ربع قرن ...والميؤولين اللي بيعنهم كان بيختارهم على اساس الولاء التام ليه ...بغض النظر عن اي
شيء اخر
وبرضه الحشرة ده اللي منع اي ست محجبة تظهر على شاشة اي تلفزيون مصري

وبرضه الحشرة ده ...اللي سمح ببيع الخمور والمسكرات جهارا نهارا في البلد

وبرضه الحشرة ده اللي منح مكانة اجتماعية رفيعة لحثالة المجتمع من الرقاصات والمغنيين وتوابعهم
والفاسدين والمرتشين والقوادين

وبرضه الحشرة ده سمح للاجانب يدخلو مصر ويقلعو ملط على الشواطئ ويعملو الفنادق هناك مداعر... ويجيبو المخدرات معاهم ويوزعوها على الشباب هناك

وبرضه الحشرة ده في عهده انتشرت المخدرات بشكل فظيع
دلوقتي اقسم بعزة وجلال الله ان المخدرات بتتجاب اسهل ما تشتري علبة تونة من البقالة
اقسم بالله..وقدام عيني


فطبيعي جدا انهم لما يكونو عايشين في مجتمع ..شارف على الانحلال
واسطوانات الافلام الاباحية بتتباع على الرصيف واللي عاملينها مصريين

وقضايا اثبات النسب والجواز العرفي فاقت كل المعدلات الطبعية بصورة فظيعة شنيعة مريعة

ودلوقتي الدعارة بقت بصورة شبه رسمية
يعني تروح المكان الفلاني عشان تجيب كذا كذا ...

والبنات بيمشو في الشارع لابسين لبس مينفعش يلبسوه في اوض نومهم

تيجي تقولهم مش كده عيب ؟؟
يقولولك اخرس يا فلاح
انا فتاة متحررة ..وبابي مش رافض لتصرفاتي

ربنا يكرمك يابابي وتشوف بنتك رجعالك وبطنها قدامها متر ونص

دلوقتي الشباب اللي قدامهم كل ده

يعني عندهم دوافع كتير لاهم يتحرشو بالبنات
وفي نفس الوقت مفيش اي معوقات تمنعهم يعملو كده

مش هيتحرشو ليه ؟؟؟؟


طيب احب اسالك سؤال خامس

هل كل الشباب كده ؟؟
انتي بتقولي اه
احب اقولك لأ
ايوة لأ
والله يا سوسة المحترمين كتار اوي اوي اوي
لكن ده مش زمنهم ولا وقتهم
دلوقتي المحترم((مش هقول المتدين)) بيتحارب
بيتحارب في رزقه في شغله في حياته ...احنا في زمن المسخ

كل حاجة بالمشقلوب
عشان يبقى ليك مكانة اجتماعية ...لازم ترمي ضميرك في اول صفيحة زبالة على اليمين
عشان تمسك منصب
لازم تبقى ديوث وقواد ..
انما هتقولي حرام وحلال
يبقى يا تسكت خالص ..يا تشرفنا في ابو زعبل

بس صدقيني ...الناس لسه فيهم الخير
وبرضه مع ذلك بقولك
المثل بيقول
((حرص ولا تخونش ))

واللي يفرسك يا سوسة
ان بيان وزارة الداخلية طلع يقولك كله تمام والامن مستتب ...
ومفيش اي حاجة حصلت خالص
وان كل الحكاية ان الشباب تجمهرو بشكل طبيعي جدا حوالين نجوم كانو خارجين من السينما .. بسس
يعني يا حبة عيني الشباب كانو رايحين يتأملو جمال الست دينا الرقاصة بس
ومتحرشوش ولا اي حاجة

وان اللي روجو الاشاعات المغرضة اللي بتتكلم عن تحرشات او ما شابه
هم قلة مندسة ...من ضعاف النفوس ...الوحشين الكخة ..اللي متمولين من امريكا واسرائيل والامبريالية

ولسه كنت في ميكروباص امبارح ..زولقيت واحد شاب وطنجي بيقول لاصحابه كدا لما كانو بيتناقشو في حكاية التحرش دي
انا انفجرت فيه
وطلعت القديم والجديد عليه

طب اقول ايه بس دلوقتي
لما اختي تبقى ماشية في الشارع ويتعمل فيها كده
اعمل ايه انا ؟؟
قولولي اعمل ايه
دلوقتي انا بسألكم

:(

انا لله وانا اليه راجعون
حسبي الله ونعم الوكيل

اسف للاطالة
علي

ذو النون المصري said...

بصراحه انا في غاية التعجب مما حدث ،دي حادثه واحده في العتبه و كانت من سنوات عده ضج لها مجتمعنا كله لدرجة انها كانت موضوع خطب الجمعه في المساجد و سمعتها بنفسي ،لكن ماذا حدث الان ؟التعتيم الاعلامي فض الموضوع بدري بدري ولمه في نطاق غير مرئي،و النتيجه ان مفيش حتي انتقادات لما حدث و دي مصيبه كبيره

ذو النون المصري said...

انا اعتقد ان ما حدث معبر عن خلل فكري في عقول الفاعلين ،مثله مثل الخلل الفكري الذي عولج سلفا في عقول من سميناهم ارهابيين ، وطالما الحكومه لامت نفسها و صلحت خطئها و قامت الحملات الاعلاميه المنفره من فكر هؤلاء الشباب و انفقت علي الافلام و المسلسلات من نوعية (الخروج من الدائره ليحيي الفخراني ، و الوهم و السلاح لاحمد خليل)
فانا اري ان تقوم الحكومه باصلاح الخطا بنفس الطريقه بالحملات الاعلاميه ضد التحرش كما فعلت ضد الارهاب

ذو النون المصري said...

انا اوجه دعوه للفنان الهمام عادل امام انه يوجه نظره لما حدث يوم العيد طالما هو دائما يتكلم عن وقوفه في صف الشعب
مضمون الدعوه يا استاذ عادل كما شاهدنا لك فيلمك الرائع الارهابي نرجو منك ان تقدم لنا فيلمك الجديد المتحرش
و يا ريت يكون العرض عيد الفطر القادم
و لك من اتحاد المدونين المصريين خالص الشكر و الاحترام

ذو النون المصري said...

يا ريت يا جماعه اعرف رايكم ايه في الاقتراح ده وهل هاينفع وللا لا؟

شــــمـس الديـن said...

اختي الفاضلة سوسة
هقول لك حاجة و مش تضحكي ؟؟
انا سمعت كتير عن الموضوع دا و فعلا كنت بخاف في جلدي لما كنت بخرج و كنت بعتقد انه هيحصل لي حاجة ( رغم لبسي المحترم كما امر الله ) و مرة قولت لاخي اشتري لي مطوة ... لكن عرفت ان عقوبة حيازة سلاح ابيض 6 اشهر حبس

عارفة ...بقيت بمشي بسرعة جدا في الشارع ...علاش محدش يلحق يقول حاجة ولا يعمل حاجة و ببقي مكشرة علي طول ( و للاسف دا خلي ملامحي مش حلوة لفترة )لدرجة اني اتعاكست مرة وحد قال لي ...فكيها شوية و لما بصيت له باحتقار قال لي , دا انت قرفانة مني موت !!!!

المهم عارفة و الله بقيت ادعي كل الادعية بتاعة الحفظ في الطريق و الحمد لله بقيت بمشي زي ولا كأنه حد شايفني ...

انا عارفة انه ناس كتير ممكن تتريق و لكن اعمل ايه ؟؟؟ لا هقعد من الشغل ولا هبطل اخرج علشان الناس دي
ربنا يستر علي كل البنات

واحد من الناس ...[جد تعليقك حلو او و تحليلك جميل جدا

ذو النون المصري
معلش ...مع احترامي و لكن عادل امام اصلا اس من اسس البلاء و البلي و المحرض و الملمح علي الجنس الاول في افلامة ... يعني يكون فيه شوية مصداقية لو عايزين حد يتكلم عن الموضوع ... ملاقيتش غير عادل امام!!!!!!!!!!!!!!!!!!!!!!!!!!!!!!!!!!!!

مع خالص تحياتي :)

ذو النون المصري said...

يا اخت شمس انا خجول جدا مما يحدث ،لكن انا قصدي من دعوة عادل امام و الحكومه بمواجهة ما حدث بافلام و مسلسلات الاحراج فقط لانهم تحركوا بقوه و كفاءه غير عاديه ضد الارهاب ،و وجهوا اللوم للمجتمع كله لانه ترك فئه من شبابه للتطرف ،خلاص ،،،انا قصدي يا عادل انت و الحكومه ،،دي زي دي ،،و زي ما اعلنتم الحرب علي الارهاب بكل الوسائل المشروعه و غيرها ،،مهمتكم بقي يا ابطال ،،قاوموا التحرش لانه مش اقل من الارهاب .
بس يا ستي خلاص

ذو النون المصري said...

بالمناسبه عادل امام الدور ده مناسب له جدا و مريح جدا لانه لن يحتاج مشاهد جنس مفتعله للفيلم لانه منه فيه .لكن المشكله ان خروج عادل عن النص يكون خروج مرضي ،يعني حب مخالفه لاثبات زعامه و سيطره .في الحاله دي هيخرج يروح فين
هنا مكمن المشكله لانه ممكن يقضيها جنس و خلاص
و الفيلم و الموضوع بناء علي طلب الجمهور و كل سنه و انتوا طيبين

ذو النون المصري said...

في فيلم الارهابي شفنا الافيش
يا تري لو عمل فيلم (المتحرش ) الافيش هيكون شكله ايه؟

Anonymous said...

سوسه انتي اكيد فهمتي الكلام غلط ياريت لو قريتي كلام فريده عن الموضوع ده هتفهمي بالظبط ايه الي بنكلم عنه
http://morning-cafe.blogspot.com/2006/11/blog-post.html
الانجذاب الطبيعي بين الرجل و المراه حاجه و التحرشات حاجه تانيه

labido said...

زي مايكون حد شال مخه و حط بداله فردت جزمة و مابقاش عارف الفرق
هي دي

ذو النون المصري said...

علي فكره يا سوسه تحياتي لحسن اختيارك للماده الصوتيه و الصوره المصاحبه للتدوينه الاخيره
بجد اختيارك ممتاز

عبدالله مفتاح said...

اي حد من اللي زعلانين يرد عليا اي حد

اشمعنى المتحرشين دول النيا قامت عليهم

في حين ان عادل امام مارس التحرش امام

اعيننا جميعا في فيلمه رسالة الى الوالي؟

لييييييه؟ مهو متحرش اهو ليه محدش

وطالب بعقابه زي ما طالبنا بعقاب الاخرين؟

Anonymous said...
This comment has been removed by a blog administrator.
ذو النون المصري said...

يا جماعه انتم نسيتم ان رئيس جمهوريتكم نفسه امر بهتك الصحفيات ايام الاستفتاء؟
طبعا لا لم ينسي احد.
المشكله ان الزعيم نفسه مارس باجهزة الشرطه هذا العمل ليه الشرطه تعاقب من يفعل فعلهم جرب و اغلط اكيد هيكون صعب نفسيا انك تعاقب اخر علي نفس غلطك دا اذا مكنتش تغير قيمك و تعتبر انه مغلطش اصلا
ضابط الشرطه نفسيا خلاص غير مؤهل لمقاومة جرائم مارسها الزعيم بنفسه و الشباب الصيع خلاص هما كمان الامر عندهم اصبح عادي الرئيس عمل كده
هيمسك نفسه ليه دا اللي حصل يزيده جراه علي البنات و الدوله و الشعب كله

لحظة صدق said...

انا قررت اعلق على الموضوع ده
ولقيت مدونتك من وجهة نظرى احسن مجال للتعليق ده لأنها بتتناول الموضوع من نفس وجهة نظرى و يمكن تكون أسئلتك دى هى نفس الأسئلة اللى فكرت فيها
لكن أهم سؤال ليه
بس السؤال ده احنا بنساله النهاردة و لا امبارح و لا بكرة و لا كل يوم
و لا احنا المفروض نحط ف دماغنا ان كل رجل معدى جنبنا ف الشارع هو شئ مرعب نجرى منه و نستخبى
اصل دى مش حاجة بقت بتاعت اعياد و خلاص بدءا من المعاكسات البريئة
انا هاسميها بريئة بالنسبة للى بيحصل ده
الىالتحرش و .. و
و السؤال التانى اللى بتساليه هل هى دى نظرة كل راجل لكل انثى؟
بصى السؤال الأول اجابته بسيطة
احنا بقينا فى مجتمع منحل اخلاقيا على كافة المستويات بقى الكلام فى الأمور دى هو فطار و غدا و عشا كل يوم غصب عن كل الناس
الحدود الدنيا للخجل و الحياء تدهورت
ماعادش فى و الفضل للانفتاح العالمى ع الرابع و لا كمان ع السابع من فضائيات و انترنت و حدث و لا حرج
و فى نفس الوقت ما عادش فى حاجة قدام ده تواجهه بنفس القوة من ناحية الدعاية الدينية و كون ده اختيار المتلقى شوفى بقى انت انهو اسهل و اقرب و احسن من وجهة نظر اى شخص مش متربى
و ربنا يهدى
انا قصدى برضه ان فى حاجات كان الواحد يستحى يتكلم فيها و لا اهلنا يقدروا يتكلمو فيها دلوقت خلاص ماعادش
زمن الحيا ولى و راح
اما بقى ليه ده تحديدا حصل
يعنى انا مش متخيلة مدى اللى حصل
بس اى شئ ممكن يحصل اكيد سببه ان ما فيش حد منهم يعرف ربنا سبحانه و تعالى
و الناس دى ماحدش رباها
بس انا فى نفس الوقت مقتنعة ان ده مش مطلق الأمور بصى لأخواتك و قرايبك الناس دى كلها بتصنع مجتمع طيب برضه رغم ان الانحلال الأخلاقى نسبته ارتفعت لكن اكيد لو كل واحد كان فى حد ذاته ناصح و معين للى حواليه يمكن فى يوم من أليام الموضوع ده يبقى أحسن
و أنا شايفة من وجهة نظرى ان اللى حصل ده سواء هو جديد و بيحصل كل عيد او من غير عيد يعنى الناس اللى بتعيد من نفسها ف اى وقت
ما هو الا تنبيه و اشارة للمجتمع و اى مجتمع صدقينى بيحصل فيه طول ما فيه الفالح و الطالح و طول ما فيه ابيض و اسود
الفرق هنا فى ان الناس تاخد بالها ان دى مشكلة حقيقية و ان اخواتنا و بناتنا و كل ستاتنا و كل ما هو انثى على حسب كلامك لازم تاخد حقها و لازم الراجل سواء كان مواطن عادى او شرطى المفروض ينظر للحكاية دى من جهة رجولته و انه لازم يحمى كل بنت فى المجتمع ساء كانت صح او غلطانة يعنى هى حتى لو كانت مقصرة فى لبسها ف هى مقصرة ف حق نفسها قبل حق المجتمع الاسلامى عليهاو ده عمره ماكان مبرر للانحراف الأخلاقى بشتى صوره لكن انا من وجهة نظرى بالقى اللوم على كل الاعلام اللى خلى كل الأمور دى بسيطة و عادية لدرجة ان يبقى فى ناس تستلم لنفسها و الشر الموجود فيها ويمكن يبقى هو ده العادى بتاعهم بتاع كل يوم
ربنا يهدى الجميع
و انا شايفة برضه ان الموضوع ده لو كان حتى صغير و هو مش كده طبعا فهو شئ مش صحيح تنه يبقى موجود أساساو إلا هانبقى زى بلاد بره لما الشمس تغرب نكون مستخبيين ف بيوتنا و نقول كان زمان لما كانت البنت تقدر تمشى لوحدها فى الشارع
لأ مش عايزينالموضوع يوصل لحد كده ف يوم من الأيام

اما عن السؤال التانى
اوعى تفكرى كده لحظه لأن تفكير اى حد مش من حقنا نعرفه حتى لو كان كده و لا من حقنا نتعامل مع اى انسان عل حسب اللى ف داخله
انت لازم تقدمى بالخير دايما و تعاملى زمايلك زى اخواتك
و اللى اكبر منك زى ابوك
بس صدقينى انا كتير بافكر كده ان مافيش واحد بيكلم بنت غير اما تكون مرت على باله يحبها او يعجب بيها حتى لو بينه و بين نفسه
ده بيخوفنى كتير و بارجع ابص لخويا اقول لأ مستحيل انا عارفة اخويا و الناس دى برضه اكيد لها اخوات بنات زيي و ممكن يفكروا بنفس الطريقة و يوصلوا لنفس النتيجة مهما حصل احنا اللى بنحط الحدود اللى على اساسها بنتعامل بيها و هو ده الحلو فى الموضوع الصراحة من اول كلمة
و مهما حصل مش نتنازل عن ثقتنا ف نفسنا و ف الله و نشغل بالنا بأسئلة لا يحاسب على اجابتها الا الله

و مدونتك حقيقى روعة يا سوسة و دمك خفيف
خصوصا و انت مفروسة

لحظة صدق said...

و عايزة اقول ان دى حاجة ما لهاش دعوة بقهرو لا فقر ولابطالة و لا ظلم و لا حكومة و لا خرابة و لا يحزنون
فى حاجة اسمها الحياء كانت موجودة عند الناس دى راحت خلاص و هو ده السبب الرئيسى
اذا لم تستحى فافعل ماشئت

المواطن المصري العبيط said...

ابقي زوريني على مدونتي، يمكن تلاقي الرد على سؤالك اللي محيرك، أصل أنا كنت عملت تحليل اجتماعي حول الدوافع التي دفعت هؤلاء الشباب لمثل ما حدث في وسط البلد، وقد اكتشفت ان مجتمعنا ده هيودينا في داهية، وان اللي عملوه شوية العيال في وسط البلد ده مقدمة لما بعد ذلك، ابقوا شرفيني واقريه لو عايزة، وقولي رأيكم لو معجبكيش

تحياتي وشكرا لك

dead man said...

تدوينة جميلة كالعادة وأسئلة في محلها ويا ريت كل واحد يسقط الأسئلة دي علي نفسه ويحاسب نفسه قبل ما يحاسب حد

أنا كان بقالى كثير مدخلتش علي مدونات علشان كده مشكرتكيش انك حطيتيلي لينك في المدونة بتاعتك
شكرا

علا من غزة said...


كان بودي اجاوبك على سؤال الـ ليه ده , لكن بجد معنديش جواب مختصر على السؤال ده ,,

والي عايزة اقوله كمان ان المشكلة دي موجودة في اغلب الدول العربية وان كانت باختلاف الطريقة والكثافة وانما موجودة ,,
وانا كتبت عن تجربتي هنا في غزة في البويت "مصدمة أنا" وبستنى نشريفك
http://fromghazza.blogspot.com/

Yasmine Adel Fouad said...

ليه
علشان ايه مش عارفة
بس بجد السياسة ليها دخل .. و البطالة ليها دخل و الكليبات ليها دخل و الدماغ البايظة ليها دخل
هو الشعب بقى نفسهيسرق و يجرى و الكل يقوله هييه
بدليل انهم مش بيداروا على نفسهم خالص
لا دول كانوا عاملين هيصة و ظبمليطة كمان
و اللى ماجاش هتلقيهم حكولوه


خلاص هى سياسة كله ياكل فى كله و كله يضرب فى كله

من الاخر كل العوامل اديت لتكوين انسانى نفسى غريب مشوه

طبعا ده ممكن يكون جزء هامشى جدا من الحقيقة و ممكن يكون و لا حاجة

بس اهى اجتهادات

ربنا يستر علينا

None said...

الواحد بجد يا مفروسه كل ميقول مفيش نظريه موء امره
يتضحله انه فيه اللى حصل فى وسط البلد
ده حصل نتيجه ايه لازم نفكر ونعرف
انها موامره على الشباب تخلى تفكيرهم بنات وجنس وسجاير وحشيش واى حاجه تانيه لا ياعم هو ده حصيله اللى احنا عايشينه وياما هنشوف

soosa el-mafroosa said...

farida

ازيك يا فريدة

ليكي وحشة

البوست قريته أكتر من رائع

مش جديد عليكي

mohamed mehrez

احترم رايك بس اللي بيحصل في الشوارع و كل الجامعات كل يوم من شباب برضه متعلمين يمكن يهز النظرية دي شوية

shalaby

انت فعلا عددت الأسباب اللي ممكن تكون السبب في اللي حصل

مافيش دين
مافيش ايجابية
مافيش أمن وبالتالي مافيش ردع

كمان فيه فراغ يخلي اي شاب يعوز يعمل اي حاجه غير معقولة يثبت بيها انه موجود

و فيه قهر يخليه يدور على حد أضعف منه يقهره

Anonymous said...

فعلا الحل في التربية ..ثورة تربوية شاملة قائمة ع

أحمد المصري said...

فعلا الحل في التربية ..ثورة تربوية شاملة قائمة على خطة طويلة المدى بس الناس مسكتتش ..يعني فيه إقتراحات ومايشبه لائحة عمل لحل الموضوع والتصدي له في العديد من المدونات ..صحيح ممكن كل ده يطلع على فشوش..بس فيه تحرك أهه ..بالنسبة للسؤال لييه؟ أنا مكنتش عارف بصراحة ليه ده حصل لكن دلوقتي لقيت فعلا السبب وحنشره في تدوينة قريب إن شاءالله.
مع تحياتي ..
والسلام عليكم.

soosa el-mafroosa said...

abou basha

فيه حد قبل كده قال ان اي واحد ممكن ينزل يجيب واحده-للأسف- يعنى الموضوع مافيهوش كبت و بعدين طول عمر مصر فيها فقر و ناس فقرا بس محترمين

هو انا يتهيألي مربط الفرس في عدم وجود أمن او قوانين رادعه

3rby

الليحصل ان الأدب مات

عليه العوض

anonymous
شهادة أعتز بانك قولتها هنا

بتؤكد على وجهة نظري و رأيي اللي توصلتله في البوست ده

مش مهم التعليم

ولا المركز الإجتماعي

ولا مدى التزام البنت

ولا الحرية الجنسية المتوفرة للشاب

النظرة الشهوانية هي الأساس

للكثيرين

ولكتي اتساءل لو توافرت الفرصة

لو كان احتمال انك تتقفش او تتفضح او حد يعرفك هو احتمال مستبعد و غير موجود

الم تكن ستشارك المتحرشين؟

مؤمن المحمدي

موضوع الأربعة جنيه ده نتفاهم فيه بعدين

القوانين والردع هو الحل الوحيد

مادام ديننا و اخلاقنا ماعادوش بيفرقوا مع ناس كتير

7ayran

الحوار كان شيق وانا تابعته
شكرا على اللينكات

soosa el-mafroosa said...

واحد من الناس

كلامك جميل جدا و كله في مقتل

ممكن تعمله بوست لأنه جميل و مهم فعلا

مش عارفه أعلق أقول ايه؟

انت قلت كل حاجه

ذو النون المصري

الحادثة بتاع العاتبة اكيد كانوا بينفخوا فيها للتغطية على احداث أخرى كنت بتحصل ساعتها

نظرية عصا موسى عارفها؟

انت على فكرة جيت تكحلها عميتها

عااااادل اماااام يعمل فيلم ضد التحرش

امال مين يعمل فيلم يشجعه؟؟؟؟؟

شمس الدين

على فكرة حل كويس

على الأقل اللي جاي يتحرش لو سمع الواحده بتقول الدعية يمكن يحس على دمه و يتلم

بس والله الأذكار لو الواحده تحافظ عليه على الأقل بيديها صفاء نفسي

ردك على موضوع عادل امام ده صح ميه في الميه

labido

مش كده برضه؟؟؟

ذو النون المصري

شكرا

ده من ذوقك بس

عبدالله مفتاح

ايييه يا عبدالله

هو حد يقدر على عادل امام؟؟

ده واااصل

و بعدين انت ماعرفتش

اصل الفن أصلا رسالة

خصوصا منلظر عادل امام

الأميره أوسه said...

الحل نموت المتحرشين
أى بنت تشيل معاها سيف وهى ماشيه
أو زجاجة مية نار
طيب نعمل أيه طيب بقا

سوسه المفروسه

أنا كمان الأخ مؤمن محمدى سابللى تعليق أنه نشر حاجه ليه فى عدد 5/11
يا ترى ده عدد أسبوعى ولا أيه
أأأأأيه
تحياتشى وقبلاتشى
أأأأموااااااااااااااه بقا

shalaby said...

ان الله لا يغير ما بقوم حتي يغيروا ما بانفسهم

soosa el-mafroosa said...

لحظة صدق

كل الكلام اللي قلتيه في معظمه حقيقي

الإنفتاح الإعلامي - الله يخرب بيت اللي فتحه يا رب- و عدم وجود مقابل لده من ناحية الدعوة الدينية

حتى البرامج الدينية اللي كنا استبشرنا خير بانتشارها..خصصت في معظمها لمناقشات الزنا و ابن الزنا و ما أسميه بفتاوي أوضة النوم

كأن المسلمين مافيش في حياتهم غير المواضيع دي يفكروا فيها

أما من ناحية التربية وان اخواتنا مش ممكن يعملوا كده

والله بقيت بخاف ليكون الكل كده وانا اللي هابلة

مش معقول برضه هامشي خايفة في الشارع من كل واحد ماشي جنبي

لكن هو ده اللي بيحصل دلوقت للأسف و قدامي لسه كتير على ماتخلص انا و غيري من الإحساس ده

الدين و التربية و الأخلاق و سلطة القانون هي أبجديات أي مجتمع عايزينه يتقدم و يبقى آمن علينا و على أولادنا من بعدنا

انتي نورتي المدونة على فكرة

هاستناكي على طول

soosa el-mafroosa said...

المواطن المصري العبيط

مدونتك على فكرة جميييلة جدا

و الموضوع فعلا محلل كل الأسباب الممكنة

ربنا يستر علينا و ع البلد

قول يا رب


dead man

لو كل واحد سأل نفسه
و بأه صريح قدامها
و حاول يواجه أخطاؤه و يصلحها
مصر هتبقى حاجه تانية

3ola

فعلا الموضوع منتشر في كل الدول العربية

بس المرة دي كان خضة كبيرة خصوصا في كم الشباب في حادثة واحده

هاجي طبعا المدونة ...استنيني

soosa el-mafroosa said...

د/أحمد المصري

التحرك اللي موجود دلوقتي و المناقشات و حتى التدوينة اللي أنا كاتباها دي
مش هتحل حاجه

احنا شعب ذاكرته تيفال أو بالأصح حياته كلها مصايب

كل مصيبة بتنسينى اللي وراها

هنعمل ايه؟؟؟

مش عارفه

أوسة

انا يا أوسة طول عمري بحب حلولك الجذرية

بتجيبي م الآخر يا حبيبتي على طول

فعلا مية النار هي الحل الوحيد


موضوع الغد

الجريده اسبوعية

وخدي بالك ان فيه جريدتين اسمهم الغد

هتلاقي موضوعك في جرية الغد بتاع أيمن نور

مبروك يا عسل ..اسمك هينور في الجرانين

نحن السابقون و انتم اللاحقون

بعد كده نعمل رباطية و نسيطر ع الجريدة كلها

قبلاتشي يا عسل

أمممموااة

shalaby

تمام

فرجه قريب انشاء الله

Ahmoss said...

yesslam fomek ya benti ...
ana mestaghrab some ppl say assl el dish we el neela...
ya3ni dah mobarrer .. ma3na kedda en el 7agah heia mobarer lelser2a we el derooss el khososeia mobarer lel rashwa we teb2a heeesaaa ba2a.

Anonymous said...

متشائم:
أشعر بتعاطف كبير معك ومع كل بنت وامرأة تعرضت لهذا الاعتداء ولكني اشعر ان المشكلة هي أزمة أخلاق: أخلاق الزحام والقطيع.
عندما كنت واصدقائي (بالمناسبة انا متزوج ولدي طفلتين) وعمري 33 عاما- في فترة المراهقة كانت اقصى معاكسات من قبيل "يا حلو يا جميل انت يا قمر" وعلى استحياء ولم يكن من الممكن تصور ان تعاكس فتيات شبابا على قارعة الطريق او في المترو او ان يتبادل الشاب والفتاة المزاح بالايدي داخل مترو الانفاق.
لا تحزني فالاسوأ قادم للاسف فقد انهارت الأخلاق مع التفسخ الرهيب في مجتمعنا وبات كل شئ متوقعا.
السمكة تفسد من رأسها وعندئذ يصبح الدمار مسألة وقت وساعة العد التنازلي تدق الان.

ذو النون المصري said...

انا لا كحلت و لا عميت انا قصدي من الدعوه الاحراج لا اكثر لكن انا عارف عادل امام و غيره لكن قصدي اذا كان فنك عن قضايا المجتمع فهيا ارنا ابداعاتك

Anonymous said...

اسمحيلي اجاوب على سؤالك
ليه حصل كده وبيحصل وهيحصل
عشان حاجات كتير اوي
اولا انا بحمل الحكومة مسئولية أي انحراف اجتماعي
ليه بقى
عشان الامن هو المسئول عن حماية المواطنين وده ما حصلش
عشان الحكومة هيا اللي خوفت الناس من الدين ومش بتتدخل الا لو فيه مظاهرات بتقول رأيها في النظام او لو فيه شباب بيتكلموا في الدين او امام جامع بيقول الحق
لكن مش تدخلوا في زحمة شباب بيتحرشوا ببنات

عشان الحكومة كمان في الوقت اللي بتخوف الناس من الدين بتقربهم من مضاد التدين وهو الكليبات والعري والاباحية لانها فتحت بوابة ثقافة العري على الأخر ويقولك بنواكب العصر والتقدم

عشان الحكومة كمان مابتتحركش الا لو فيه دم حتى ديه مش مضمونة

ليه حصل كده ؟؟؟
عشان الناس شبعت فرجة وعاوزين يعيشوا اللي بيشوفوه

ليه حصل كده عشان كل واحد شاف بنت بتتعاكس يا اما سكت وقال وانا مالي انا خايف اموت فطيس يااما اتفرج ويمكن شارك في المعاكسة هو كمان

ليه حصل كده ؟؟؟
عشان احنا شعب بتلمه طبلة وتفرقوا عصايه وبيهيص في الهيصة

زي ما قولتي لو اتيحت له الفرصة انه يتحرش باي واحدة هيعملها

عشان يعني مسكين مش قادر يتجوز وبردو بسبب الحكومة

ليه حصل كده
عشان زي مافيه شباب قذر وفاسد ونازل الشارع يعاكس فيه بنات بردو فاسدين ونازلين عشان يتعاكسوا وطبعا معاهم الادوات المساعدة من اول اللبس لحد الضحكات والكلام المايع وده اللي هو الخضوع بالقول لان ربنا امر نساء المسلمين الا يخضعن بالقول حتى لا يطمع الذي في قلبه مرض
القرآن نبهنا ان فيه ناس في قلوبها مرض ودول لو اتيحت لهم اي فرصة للتحرش هيعملوه

ليه ده حصل عشان اول بنت اتعاكست واتقطعت هدومها كل اللي عملته سترت نفسها وقعدت تعيط وروحت بيتها مكسوفة تحكي او تقول لحد ما ضاع حقها وحق اللي بعدها

ليه ده حصل لكل البنات عشان خلاص ماعدش فيه تفرقة
وكله من الاعلام بردو اللي هاجم النقاب وقالك اصل بيكونو منتقبين وبيعملوا مش عارف ايه فالشاب قالك صحيح معاهم حق

عشان الشاب لو بص للبنت لاي بنت اليومين دوول مش هيبص على لبسها ولا هيبص لها على اساس انها محجبة ولا مش محجبة انما هيبصلها على اساس انها انثى
لو نزلتي القرى هتلاقي شباب فلاحين بيغتصبوا البقر والحمير

المشكلة فعل اقل مايوصفها في كلمتين اننا نسميها فعلا سعار جنسي

يمكن بيأكلوا الفراخ فعلا فياجرا
ولا حتى بيرموا في النيل منشطات جنسية

بالاضافة للمثيرات اللي مش ملاحق عليها الشباب من النت والدش والجامعه كمان نفسها

اللي انا بسميها دار استعراض
الكل فيها بيستعرض سواء شباب او بنات

البنات بيستعرضوا اخر صيحات الموضة في اللبس والميكب والشباب بيستعرضوا كمال أجسام

وانا بتكلم في مدونات كتير عن الموضوع ده صاحبة مدونة قالت : هما مالهم البنات تلبس اللي على كيفها هيا حرة

قولتلها بردو لكل فعل رد فعل والمفروض ان البنت تراعي القلوب المريضة لان مش كل الناس متدينة
خصوصا وان البلد بتصور لنا الدين كأنه بعبع

اذا كان الاسلام حث الشاب على غض البصر فهو بردو حث البنت على غض البصر واكتر حثها على الاحتشام

ده اذا كنا بنقول ان اللي عمل كده شاب متدين وان اللي اتعمل فيها كده بنت متدينة

سامحوني اللي يقول العيب مش ع الضحية بدليل ان فيه محجبات حصلهم كده هقوله ان اللي غير محجبة وكمان دلوعة في الشارع هيا اللي خلت العملية تطول المحجبة لان الشباب اصبح مسعور لدرجة انه ممكن يتحرش باخته ولا امه ولا حد من اقاربه مش بس المحجبات

العيب على الكل
من اول المعتدي والمعتدي عليه لحد الحكومة ورجال الدين والمجتمع والشعب كله

ارجوكم تنظروا للموضوع بنظرة محايدة وعدم تحيز عشان نعرف نوصل لعلاج

وللحديث بقية

مهــــــــــــند

Anonymous said...

عزيزتي سوسة المفروسة
اسمحيلي اضيف تعليق بسيط كمان
وانتي سألتي اللي حصل ده ليه
او ايه الاسباب والدوافع اللي جعلت فئات كبيرة من الشباب والكبار والاطفال كمان لان الحادثة كان فيها عيال صغيرة بتاع 12 او 10 سنين
الموضوع قديم ومش جديد على المجتمع المصري
ولكن كل يوم بيتطور

كمان بمناسبة الاخوة الكرام اللي اقترحوا تقديم موضوع التحرش في عمل سينمائي يقوم ببطولته عادل امام
انا بقولهم الفيلم فعلا اتعمل من 15 سنة تقريبا
وتناول المشكلة من بدايتها
الفيلم ده اسمه اغتصاب بطولة فاروق الفيشاوي وهدى رمزي ونجاح الموجي

انا مش هحكي الفيلم لان ممكن يكون فيه كتير شافوه لكن ناسينه انا هفكرهم بيه بس
وهو انه تناول حكاية تلات شباب عاطل وبيمثلواغالبية من فئات المجتمع
يعني كان فيهم صاحب الصنعه وفيهم اللي مؤهل عالي وهكذا
في الفيلم ده عرض لنا بداية فكرة الاغتصاب اللي توصل اليها التلات شبان دوول وهيا انهم كانوا متعودين يدخلوا اي فيلم اجنبي بيعرض في السينما مش محذوف منه اللقطات اياها
مرورا بان احدهم كان بيشوف مجلات غربية فاضحة لحد ما التلاتة لما بيكونو مش عارفين يشوفوا الفيلم عشان مش معاهم فلوس يدخلوا سينما او زهقوا من المجلات فبيضطروا يركبوا اتوبيس عام اوفر وارخص
وبيقفوا ورا ست في الاتوبيس والباقي انتوا عارفينو طبعا

لحد ما يزهقوا من الاتوبيس والافلام والمجلات فمن هنا يبتدوا يفكروا في حل جذري ونهائي يملا حاجتهم الحيوانية ويفرغ طاقتهم الجنسية
وبيفكروا يعتدوا على اي كائن ارتبط بيه تاء التأنيث او اي ايدين ورجلين جوة جيبة وبلوزة
اذن من هنا اقولكم الموضوع في اساسه مش محجبة ولا غير محجبة
مش مسلمة ولا مسيحية كلها شكليات ترجع الى صاحبة اكبر فرصة سانحة
يعني مين اكتر واحدة متاح للمتحرش انه يعتدي عليها
بس ده ما يمنعش ان غير المحجبة هيا اداة الاثارة في تصور المتحرش
عشان كده اتكلمنا عن الحجاب وعدمه
لكن لو هيتحرش بواحدة مش هيفكر هيا مين ولا هيا لابسة ايه بقى ماعدتش تفرق المهم انها انثى ...بس اللي شجعه هيا التي تملك اداة الاثارة
زي مثلا واحد بيشوف في الجامعه بنت زميلته مش ملتزمة وفي الوقت نفسه مش عارف يوصلها لكنها اثارت في نفسه المريضة الهياج الجنسي وبالتالي اول ما تسنح له فرصة لانه يفرغ ده مع اي انثى بيفعله
انا من هنا عاوز اخرج لنقطة واحدة وهيا اننا لما قولنا العيب على البنت اللي مش ملتزمة قالو يعني ده مبرر انه يبقى حلال يتعمل فيها كده
انا بقول لاء طبعا مش المقصود انه حلال فيها كده لكن البنت اللي مش ملتزمة ديه بالتفسير النفسي والمنطقي هيا اداة اثارة زيها زي الكليبات او روبي او هيفاء وهبي والافلام العارية والخ

بمعنى هيا الدافع زيها زي العري والاباحية المرئية والمقروءة , للتحرش

واللي بيأكد على كلامي ان البنت الغير محجبة او الغير ملتزمة هيا اداة الاثارة وليس الهدف للتحرش هو التحرش بالاطفال
هل هنا هنقول اصلها مش محجبة او فاتنة ؟؟؟؟

من هنا عاوزين نفصل ما بين ادوات الاثارة او الدافع وبين نوع الضحايا

لان ده يفسره علماء النفس بأن الجاني اما بيفشل من انه ينتقم من العامل المثير بيبحث عن ضحية لها نفس مواصفات هذا العامل لكي يشبع رغباته
زي بالظبط انا لما بتخنق من مبارك مش قادر اضربه بجيب عروسة لعبة واضع عليها صورته واقعد افش غلي فيها

النقطة التانية بردو اللي بتأكد كلامي وان الموضوع مش بنت محجبة ولا بنت غير محجبة وديه حصلت قدامي هو اني كنت ماشي في احد اشهر شوارع مصر الجديدة امام حديقة المريلاند لاني كنت في مكتبة سمير وعلي ....امامها بالظبط وخارج مروح واذ ببنت محجبة او تحديدا ترتدي خمار وولد وراها بيمطرها بسيل من كلمات الغزل القبيح مش بس الصريح واذ بها تضحك
يعني مش رفعت ايدها ولطشته بالقلم
وبعدين مشيت معاه
وكأنها تعرفه من قبل

وعلى النقيض في موقف اخر بنت مش ملتزمة بحجاب وبتتعاكس وبتقلع اللي في رجليها وهاتك ياضرب على دماغ اللي عاكسها

اذن الموضوع يرجع للبنت في موضوع المعاكسات

اما موضوع التحرش فانا من رأيي انه نتيجة للافكار السابقة اللي كونها عن البنات
بمعنى
الولد من دول خارج من بيته عنده استعداد لو شاف بنت هيعمل فيها كذا وكذا بدءا من النظرات وحتى التحرش وده طبعا لو انسان ضعيف وماعندوش لاتدين ولا حتى عيب وحرام
لكن نشوف هو جاب الجرأة ديه منين
وده في رد على سؤالك يا سوسة على فكرة

اولا : خارج من بيته وبعد ما طول اليوم بيتفرج على كليبات عريانة ويفتح الجورنال يقرا اخبار الاغتصاب وكمان يقرا خبر بيقول القبض على منتقبة تدير شقة دعارة بالحتة الفلانية فيبتدي يكون فكرة هنا عن المحجبات ويفقد الثقة في اي بنت محجبةوعشان كده في وسط البلد تحرشوا بمحجبة عشان خلاص مش فارقة اصله مش وقت تمييز ده ديه فرصة زي ماهو متخيل والكل ظايط ويا تلحق تتحرش يا ما تلحقش وده اللي بيداعب افكاره يقولك يا عم هو منقبة ولا محجبة ما كلهم زي بعض خلاص انت مش بتسمع الاخبار ولا ايه
ويفتح مواقع النت يشوف مش عارف ايه والكلام ده
بمناسبة النت يا عزيزتي سوسة احب اقولك ان مواقع عربية كثيرة للأسف تنشر فضايح المشاهير وبشكل مستفز واستطاعوا جذب ولفت انتباه الكثير من الشباب العربي
وانا على الايميل بتاعي بيجلي رسايل من مواقع زي ديه بعناوين مثيرة اخذة للانتباه يقولك شاهد نانسي عجرم وهي فين ومع فلان وو .....الخ

اذا بردو الاداة الاعلامية

ثانيا : الشاب ده يخرج من بيته وعاطل معهوش فلوس مش لاقي حتى يروح شقة دعارة ولو راح يخاف يتمسك وفيها حكم قضائي وكمان يأس من حياته وبيهون عليه اي حد
تخيلي ان اللي زي دوول اللي بيتحرشوا بالبنات في الشوارع هما نفسهم اللي كانو بيطلعوا في مظاهرات ضد اللي بيحصل في فلسطين والعراق ولبنان

ده لاننا شعب بيظيط
ظياط يعني

وف اخر كلامي هحكيلك حكاية قديمة تعرفك اننا شعب ظياط اد ايه وان اللي حصل في وسط البلد ابتدى بواحد ثم التاني فالثالث مرورا بالرابع ....الخ الخ

المهم ......ثالثا: الشاب ده مش على طول كده بدأ يتحرش عيني عينك لاء الاول يبتدي يزنق في الاتوبيس الزحمة وطبعا ماحدش هيكلمه هيعمل فيها مزنوق غصب عنه
بعد كده يلمس ومن ثم يحسس
وبعدين يتطور
ويزيده تشجيع البنت نفسها لانها مش اتكلمت
فعجبته الحكاية
وبعديها بقى يبتدي يجترأ حبة حبة
لحد ما وصل الأمر للي حصل في وسط البلد

انا طولت عليكم انا عارف بس ربنا يعلم حجم النار اللي ملأت صدري من المصايب اللي نازلةورا بعضها على ارض الكنانة

وان الواحد فقد الأمن والأمان
وعلى فكرة لو استمر على كده هيخلق جيل جديد من المجرمين والبلطجية اللي هيمشوا بسلاح ابيض واحمر كمان عشان يدافعو بيه عن بناتهم واخواتهم
ومش بعيد الشارع يتحول لحمام دم

اه
احكيلك الحكاية
معلشي استحمليني شوية
الحكاية ديه وانا كنت في مدرسة القبة الثانوية
وهيا بطل من ناحية على عمارات سكنية
واي واحد في اي مبنى من مباني المدرسة او الحوش حتى يقدر يشوف بوضوح بلكونات الناس اللي ساكنة في العمارات ديه

وفي احد الشقق اللي بتطل على المدرسة كان فيه شقة سيدة فاضلة وابنتها
السيدة ديه بعيد عنكم راقصة
وبنت الوز عوام
وف مرة بنتها خرجت للبلكون تنشر غسيلهم
وكنا وقت الخروج من المدرسة
المهم البنت باين عليها كانت لسة صاحية من النوم ولا ايه والساعه كانت 12 الظهر كده
قامت خرجت بالبكيني في البلكونة تنشر
او يمكن كانت ملابسها الداخلية ونسيت تلبس هدومها وتخرج

ايه اللي حصل
واحد بس لفت انتباه كل الطلبة في المدرسة وشاورلهم على البلكونة والبنت
والله العظيم عارفة ايه اللي حصل وقتها انا سمعت صفافير وتصقيف وهتافات وافتكرت ان الاهلي بيلعب وجاب جول
لدرجة ان المدرسين نفسهم وقفوا يتفرجوا على قناة الافلام اللي طلعت في البلكونة
وكأنهم اول مرة يشوفوا بني ادميين بالبكيني
ده غير اللي جري واتمسمر قدام البلكونة
وغير اللي كان عاوز يطلع لها فوق
واصحابه شدوه بالعافية والبواب كمان

عرفتي ان الموضوع هو في كلمتين السعار الجنسي ؟
السؤال بقى مش ليه ده حصل
انما ليه في سعار
وفيه تحرش في كل مكان
المدرس اللي بيتحرش بالتلاميذ
والاب اللي بيتحرش ببنته واقري الجرايد القومية
والاخ اللي اعتدى على اخته
ده غير مصيبة تانية سبب من اسباب الفتنة الطائفية كمان
الشباب المسلم اللي بيتحرش ببنات في الكنيسة ليلة قداس رأس السنة
وانا شاب مسلم وبقولك ان ديه حقيقة

المشكلة كبيرة ومش جديدة خدي بالك للنقطة ديه كويس
انها مش جديدة
لكن بتتطور والمشكلة انها في تطور مستمر
وصدقوني لو مش عرفنا نحلها دلوقتي هتبقى في اي مكان بقى مش بس شارع مزدحم
ويمكن يكونوا جماعات اسمهم المتحرشون المتحدون وتبقى عصابات زي عصابات السرقة كده والقتل

اسف للاطالة
لكن لسة الكلام ما خلصش
وياريت نفتح الموضوعات المتعلقة بالتحرش ونتكلم عنه بموضوعية ونتكلم عن التحرش داخل البيوت المصرية نفسها وفي المدارس وبالذات التحرش بالاطفال

وربنا يستر
لكي الله يا مصر

مهــــــند

Anonymous said...

والله يا سوسة ..البلاوى السوودة دى بتحصل على طول...وخصوصا فى القاهرة بس الموضوع ده عمل ضجة جامدة علشان كان جماعى....إحنا بلد فى كارثة...ومش الشباب بس لأ والله رجالة كبار كمان..الواحدة تبقى راكبة المترو وبتشوف بلاوى وقرف...
بس برضة مهما كان منقدرش نقول إن الفيديو زفت دى ملهاش دور لأ ليها وليها كتير أوى...لما واحدة سافلة زى دينا الرقاصة..تقف ترقص فى الشارع شبة عريانة مش عايزة الشباب يتجنن..
وبعدين التربية متظلميش كل الشباب ...فى ناس أهليهم بتقولهم روح يا حبيبى إتعرف على البنات وجرب كل حاجة تحت إسم الحرية...المسمىاللى عملوه شماعتهم خلاص..مبقتش فارقة دى محترمة ولا لأ..محجبة ولا لأ ..ولا حتى على رأيك متجوزة ولا لأ...خلاص هي باظت
وربنا يسترها معانا..البنات محكوم عليهم دايما كده يعيشوا فى قرف