Friday, July 06, 2007

حتى لا تذهب وراء الشمس

288


1


يقول بعض المغرضين أنه الأسبوع اللي فات 7 تلاميذ بين سن السابعة و التاسعة دخلوا مستشفى تعليمي لأخذ جرعات من الأنسولين لعلاجهم من مرض السكر ..و لأن المستشفى مستشفى تعليمي مصري كما يجب ان يكون ..أصيب التلاميذ السبعة بفيروس سي...ياسسسسلام..طب ما جايز العيال السبعة دول راحوا يحلقوا عند حلاق واحد..جايز هما السبعة عملوا نقل دم ..جايزاحدى الدول المعادية نقتهم من بين الشعب المصري و حقنتهم بالفيروس من أجل الإضرار بمستقبل الشعب المصري..ياسسسلام لااازم يعني يكون المستشفى هي السبب ...مش كفاية الحكومة بتعالجكم ببلاش...ايه البطر ده؟...جتكوا القرف ماليتوا البلد


2


بررررضه الإسبوع للي فات قلة مندسة من أبناء محافظة كفر الشيخ طلعوا على الطريق الساحلي الدولي و قطعوا الطريق..و منعوا ان أي حد يعدي...ليه يا بيه منك له؟...قال ايه.. الماية مقطوعة عندهم بقالها 11 يوم...ياسسسلام..ده ايه الرعونة دي.. ايه عدم تحمل المسؤولية ده..فييين الصبر..فييين الجلد..فييين احفاد الفراعنة..ماحدش فيهم فكر لحظة في أجدادةالفراعنة كانوا عايشين إزاي؟..ولا كان عندهم صرف صحي و لا كهربا يعني حتى ماكانوش يقدروا يشغلوا لا مروحة ولا تكييف..ده غير ان ماكانش عندهم تلاجات ولا ديب فريزر..و مع ذلك حد منهم اشتكى؟..حد إعترض؟..بالعكس بنوا لكم أهرامات و معابد لسه عايشين من خيرها لحد دلوقت..ايه يعني لما تعيشوا عيشة الأجداد 11 يوم؟..دول حتى ماكملوش أسبوعين.الناس دول.مافكروش انهم يعلموا عيالهم قيمة الصبر و تحمل الصعاب..مافكروش في منظر البلد خصوصا الأجانب و العرب اللي ماشيين على الطريق رايحين مارينا..مافكروش منظرنا قدامهم هيبقى عامل ازاي؟

و بعدين ايه يعني مافيش ماية...اشربوا بيبسي يا أخي..جتكوا البلاوي بوظتوا منظر البلد


3


إلى الأخوة المحموقين قوي بسبب رفع العلم الإسرائيلي في ستاد القاهرة بعد حصول منتخب إسرائيل المشارك في البطولة الدولية لسلاح الشيش على المركز التالت...نؤكد لهم مرة أخرى أن إسرائيل دولة صديقة و بيننا و بينها إتفاقية سلام ..و بعدين مين في الدنيا أجدر من إسرائيل عشان ندعوها تحتك بالمنتخب الوطني في لعبة "السلاح"...متهيألي الكل عارف ان موضوع السلاح ده لعبتها...و بعدين يا خويا منك له ليها..محروقين قوي من العلم المرفوع في الإستاد ..طب ماهو مرفوع على سفارتهم من 78 ..صحيح على رأي المثل..قال يا بابا علمني الغتاتة ..قاله تعال في الهايفة واتصدر


4


السيدة سوزان مبارك تبنت بنفسها حملة شعبية ضد ظاهرة الختان..و الحملة تجئ في هذه الأيام بعد وفاة طفلة بسبب جرعة بنج زائدة أثناء إجراءها للعملية ..واحد رخم هيقوللي و هي الحملة دي ماعملتهاش قرينة الرئيس من زمان ليه؟..أقولله إن السيدة قرينة الرئيس أول مرة تسمع عن الموضوع ده ..لأنها طبعا لو كان عندها خبر ماكانتش أبدا إتأخرت...هي بس كانت مشغولة شوية مع قرينة الرئيس القادمة بتلف معاها على الدكاترة عشان تطمن على الوريث إبن الوريث..و بهذه المناسبة السعيدة سوف نذيع بعد النشرة الأغنية الوطنية الهادفة

كايدة العزال أنا من يومي...إيوة أه


5


يووووه كل أما حد يقع من البلكونة في إحدى الدول الصديقة تعملولنا هليله و تقعدوا تقولوا مخابرات و تجيبوا سيرة إسرائيل الشقيقة..هو انت مخكوا مش هينضف أبدا من نظريات المؤامرة دي..طب و احنا نعملكوا ايه اذا كنتوا حتى مش عارفين تقفوا في البلكونات زي بقية خلق الله..نعملكوا مادة و ندرسها في المدارس و نسميها "التربيةالبلكونية" أمركوا عجيب والله...و بالنسبة لصديق النشرة اللي باعتلي ايميل فيه سؤال مهم أحب أطمنه....اطمن يا أستاذ يحيى سعيد مرزوق.

.قصر القبة... ..ليس به بلكونات



و الى اللقاء مع نشرة اخرى من قناة الحزب الوطني الإخبارية حيث شعارنا



حتى لا تذهب وراء الشمس

.

.


67 comments:

Ma 3lina said...

هييييييييييه انا اول واحدة

بعد ما قريت البوست عملت زى الراجل كدا و شديت شعرى

جكاية موته من البلكونة دى غريبة انا اعرف اللى يختل توازنه يقع فى مكانه مش ينط من البلكونة

بس ايه حكاية الحزب الوطنى ده انتى انضميتى لجمى و لا ايه ؟؟

Amr Ahmed said...

سوسسسسسسسسسسة

يا سلام علي الوطنية

والله ياباشا سوسة دي بتحب جمال مبارك وزي الفل


وانا كمان

وربنا يخلي ماما سوزان

انا ليا غير سوزي

الا مفيش اخبار عن حفيد كده ولا كده



الواحد برضو عاوز يتطمن علي مستقبل رئيس احفاده

ربنا ينفخ في صورتك يا جو

عصفور المدينة said...

كلب مولانا الوالي عضني اليوم ومات
فدعاني حرس السيد الوالي لأعدم بعدما أثبت تقرير الوفاة
أن كلب السيد الوالي تسمم
أحمد مطر

موضوع المصابين بالفيروس أعتقد أنه تحضيرا لإطلاق الممرضات البلغاريات في ليبيا

AoLaAoL said...

انتى كادر حزبى مميز يا مزمزيل سوسة...والحزب محتاج شباب واعد زيكم يقوموا على تثقيف الشباب وتصحيح المفاهيم المغلوطة عند الأغبياء قاع المجتمع...
انطلاقة جديدة...فـــكر جديد
تريرن تريرن يا شيخ "حــسنى" يا جــن

Anonymous said...

ايوة كده سيبك من المعارضة الى مش هاتأكلك عيش ولا حتى جاتوه وخليكى مع الحزن الوطنى الديمقراطى

وواضح جدا من النشرة الاولى انك هايبقى لكى مكانه متميزة فى المنظومة الاعلامية للحزن الوطنى

بس انتى عارفه فعلا معظم تعليقاتك على الاخبار سليمة بس احنا الى شعب متخلف مش فاهم مصلحته

فيه فئة قليله مندسه بيجمعو من بعض وهايكلفو شركة المقاولين العرب باعتبارها شركة وطنية تعمل من 9 الى 75 بلكونه فى قصر القبة وكل اخواته الصغيرين

بخصوص الحفيد طلعت منك اوت دى ياسوسة الناس دى ما بتتعبش وتجيب عيال انتى عايزة جيجى تحمل وبطنها تبقى كبيرة ياى طيب وليه ؟ ما الوريث يتفصل برة وخلاص والشعب الى ماعندوش احساس بالمسئولية ده يوفرة

برده فئه قليله مندسة بتقول ان فيه مدرسة داخلية فيها الوريث ابن الوريث وكمان بيقولو ان اسمه احمد وبيربو دلوقتى الماكينه الى هاتعمل هيثم طبعا معروف هيثم مين ولا عايزاتنى اقولك هاقولك هيثم احمد وهكذا

لو عاوزانى اتصلى بيا ورا الشمس اول شارع يمين من عند عم عبده بتاع الجرايد

سجدة said...

اهو انا مش كايدنى غير الحملة بتاعة الختان
بشوف العيال بتوع المناديل اللى نايمين فى الشارع دول مش ليهم حاملات يعنى
ولا اللى بيقع من البلكونة يا اختى ربنا يستر انا مش ناوية ادخل البلكونة كتير

Islamist Bloke said...

كله كوم وحملة الختان دي كوم تانى

واللى فاقعني اكتر واكتر المفتى اللى بيروح فى اى مشوار....اى حد يقول له تعالى معايا يروح على طول

ختان شغل.....رضاع كبير اوكية.....تماثيل وتبرك واى اعلانات راشق فيها

طيب اصلا المشكلة مش فى الختان.........المشكلة اساسا فى طبيب التخدير........... نقول اية بس؟ وعلى راى عضو الجماعة الاسلامية الشيخ اسامة حافظ....... لو طبيب تخدير فى عملية قلب عمل حاجة غلط وادى جرعة زيادة والمريض مات.... هتمنعوا عمليات القلب؟

البلد دي رايحة فى داهية ....... والمصيبة اننا كل يوم نقول كدة ومبتروحش
!!

ربنا يهدي

Islamist Bloke said...
This comment has been removed by the author.
بيجاسوس المصرى said...

يعنى اقولك السنة الجاية ما تبقيش مفروسة

فتروحى تفرسينى انا يعنى

متباعه متباعه بلدى
متباعه رخيصة بلدى


فكر جديد و العبور الى الوراء
للخلف در احنا فى بلد سبعة الاف سنة حضارة
و تصبحوا على خير
اى اى كفاية حرام اى اى

علا من غزة said...



هو حد طايل يروح ورا الشمس اليومين دول

ده حتى اللي يروح ورا الشمس مش حايحس بالحر اللي احنا حاسين في ده

أحمد المصري said...

هههههه اكتر حاجة حلوة في البوست الكلمة الأخيرة في الجزء الأول:كتكو القرف مليتوا البلد00
يايرت الحملة جات على قد الختان..ده فيه القراءة للجميع كمان00والممثلين ولعيبة الكورة بتوع نورت مصر والأهرامات هتتهزا النهاردة يا جدعاااااااان0

يا مراكبي said...

ولو إني متأكد من إنك بقيتي ورا الشمس خلاص وجايز بتكوني مش هتقري التعليق ده .. إلا إني أحب أسجل أسفي وإحباطي من إن قصر القبة ما فيهوش بلكونات

حقيقي منتهي الإحباط

ياللا .. كنتي مدونة طيبة .. مايجوزش عليكي إلا العيش والحلاوة دلوقت

اسكندراني اوي said...

يا بنتي اهدي شويه من الفرسه اللي انتي فيها دي
حرام عليكي نفسك

mo'men mohamed said...

ههههههههههههههههههههه
ربنا يجازيكى
كل ما أدخل مدونتك أبقى حموت مت الضحك و الفرسة فى نفس الوقت
على العموم يا ست سوسة يا مفروسة
ربنا يفرسك كمان وكمان عشان تتحفينا كده
اما بالنسبة للمواضيع دى ففعلا والله حاجة تفرس الشعب يا أختى معندوش صبر ولا جلد خالص
عايزين كل حاجة تجيلهم على كفوف الراحة
ده حتى ربنا بيقول (( وأستعينوا بالصبر والصلاه ))
شوفتى بقى
والحكومة عرفت معنى الآية دى فحبت تطبقها علينا
على العموم خسارة كبير ان قصر القبة مفيهوش بلكونات
السلام عليكم

فارس عبدالفتاح said...

اغوذ بالله من الشيطان الرجيم

بسم الله الرحمن الرحيم

فأرسل فرعون فى المدائن حاشرين ان هؤلاء لشرذمة قليلون وانهم لنا لغائظون وإنا لجميع حذرون فأخرجناهم من جنات وعيون وكنوزً ومقام كريم

صدق الله العظيم


هذه الاية الكريمة الشريفة بمناسبة انك ذكرتي كلمة ( مغرضين ) كأنك تقولين مثل ما قال فرعون لموسي عليه وعلى نبينا افضل الصلاة والسلام وقومة والسحرة الذين آمنوا معه

ولكن من اراد الحق لا يخف من وراء الشمس فان وراء الشمس نور الحق والحقيقة المطلقة وهى الله سبحانه وتعالى


وهم الذين قال الله فيهم اغوذ بالله من الشيطان الرجيم

بسم الله الرحمن الرحيم

رجال صدقوا ما عاهدوا الله عليه فمنهم من قضي نحبه ومنهم من ينتظر وما بدلوا تبديلا


صدق الله العظيم


وان الله امرنا اذا لقينا الظالمين او اعداء الله فلا نوليهم الادبار بل نقاتلهم حتى الموت ولا نتمني لقاء العدو لانه فتنا للذين فى قلوبهم مرض


وقال ايضا فى الذين يتبعون الفراعنة والطواغيت او بمعني اصح المرتزقة من اعوان الظلمة الطغات مثل حسني مبارك والحكام العرب ومثل بوش وبلير ومثل سركوزي وغيرهم وغيرهم


يقول الله فى كتابة الحكيم العزيز الكريم فى الذين يتبعون الظالمين خوفن منهم ومن جبروتهم وظلمهم فيصبحوا تبع لهم

بعد اعوذ بالله من الشيطان الرجيم بسم الله الرحمن الرحيم

قالوا ربنا غلبت علينا شقوتنا وكنا قوما ضالين ربنا اخرجنا منها فان عدنا فانا ظالمون

صدق الله العظيم


يخاطب هؤلاء القوم الذين هم كانوا تبع للظالمين وهم فى النار يخاطبون الله غز وجل سبحانه وتعالى

ويقولون يارب ان اشقيائنا اي الظالمين منا والمتجبرون غلبوا اي سيطروا علينا وكنا لهم تبع وكنا اي نحن قوم ضالين لم نعرف انه كان المفروض علينا مخالفتهم وعدم الانصيع لهم فصفح عنا واخرجنا من النار فان فعلنا هذا ثانية فادخلنا فيها

فيرفض الله ويقول اخسؤا فيها ولا تكلمون

ان الله يحب المؤمن القوي ولا يحب المؤمن الضعيف
لان الله سبحانه عظيم يحب من يعظمة ومن يخافه ولا يخاف غيره من العالمين وهو احق بالخوف والرجاء من البشر وسائر المخلوقات

واقول قولى هذا واستغفر الله

فارس عبدالفتاح said...

عفواً هذا هو لينك المدونة بتعتي ولكي كل الاحترام

http://hgukjdg.maktoobblog.com/

فى القلب said...

واللهى يا بنتى أنا ألى أتفرست أول معرفت أن حرم الرئيس بجلاله قدرها هى راعى حمله الختان يعنى خلاص كل المشاكل أختفت من الشارع ملقتش غير الموضوع ده
مش مستبعد بكره
تقول مش لقين تكلو عيش كلو باتون ساليه

Sally said...

هههههههههههههه
بجد مش ممكن عليكي ياسوسو
كل مرة اقولك اسلوبك تحفه كدا
بعد كدا هقولك عادي
يعني
عادي انك تكوني متميزة
ومتالقة ديما

بس تصدقي انضمامك للحزب الوطني دا لصلحك يعني يازين مااخترتي ياختتتي
ربنا يوفاك وترفعي راس الحكومة كدا كمان وكمان
ههههههههههههه

mohamedgado said...

جد على رايك الشعب ده هيفضل متخلف لامتى
ومابيحمدوش ربنا على حاجه ابدا
ده انا لو مكان بابا حسنى لكنت ضربتهم بالنار
دى حاجه تقرف
وبعدين انتوا ايه اللى مزعلكوا لما ماما سوزان تروح للدكتور تطمن على حفيدها هوده مش من الاسره الملكيه
وتهمنا اخباره
دانتوا شعب عبيط اوى
تحياتى ليكى ولتدويناتك الجميله
سلام

Nouran said...

حتى لا تذهب وراء الشمس امشي بجانب الشمس
عندنا سووء ظن غريب صحيح حاجة غريبة مش مقدرين ايه اللي الحكومة بتعملهولنا احنا شعب مش بيقدر لا حو ولا قوة الا بالله كل الحجات اللي بتحصل ديه بتكون صدفة حاجة عجيبة فعلا مفيش مش بتفرس ف مصر :)

خيرالدين said...

والله يا سوسه أنا حاسس ان فيه مشكلة اسكان ورا الشمس الحكومه هتسكن مين ولا مين
ايوه كده ابعدى عن الوحشين بتوع المعارضه وننضم سويا الى جمعية جمال المستقبل
أول مره أعلق عندك ويظهر انى فاتنى كتير

Dr. Tantawy said...

جامده اوي اوي اوي
واحب بالمناسبه دي اطمن الاخ سعيد مرزوق ان قصر القبه فيه بلكونه :) بس المشكله انها مش بحري .. ف محدش بيطلع فيها .. لكن اوعده اننا نتلافى الغلطه دي ف القصر الجمهوري القادم ان شاء الله هههههه

طهقان said...

ملعوبة يا سوسة

ربي عيالك يا بنتي

Anonymous said...

و بعدين ايه يعني مافيش ماية...اشربوا بيبسي يا أخي

حلوووووووووووة

Anonymous said...

جامده اخر حاجه
ياريت تقولى كتيير علشان فيه حاجات بتكون اول مره اسمع عنها
ريهام

Anonymous said...

بجد جميل اوي البوست ده يا سوسة , انا قريته في عشرينات تقريباً او في ولاد البلد وقلت اني لازم ادخل واقولك عجبني قد ايه :)

huda gamal said...

اول زياره لى فى مدونتك الجميله
اسلوبك جميل ماشاء الله


فعلا شر البرية ما يضحك
:)(

تحياتى لك

Anonymous said...

الا ماما سوزان

بتيجي في الهايفة و تتصدر بجد

يعني احنا خلاص بلدنا مفهاش بطالة مفهاش فقر مفهاش عجز

كلو كلو قضينا عليه مفضلش غير ختان البنات

كفاية كلام

حتى لا اذهب وراء الشمس

None said...
This comment has been removed by the author.
None said...

تنفعى يا سوسه تدخلى امانه الاعلام فى الحزب الوطنى


هتبقى المتحدث الرسمى
ومحدش هيعرف يكلمك
وهتظبطى الشعب اخرر تظبيط

اقول ايه
بس
هتفضلى طول عمرك
سوسه
بوست جامد جداااااااااااااااا

وسلااااااااااااام

Anonymous said...

اهلا بسوسة اللي انضمت للحزاب المفروسية ايه الجمال ده يا نوسة تحياتي ياقمر

حلم الحرية said...

لا دلوقتي بيروحوا ورا القمر

اصل ورا الشمس اتملي خلاص

ــــــ
تعليقا علي موضوعك

انا اكتشفت اننا شعب معندناش نظر

بقي لينا عين نعترض علي الحاجات دي
اما احنا زي القطط ناكل وننكر
بقي يعني مش كفاية موفرينلنا مستشفيات مجانية نعترض بقي ليه علي اصابة الاطفال

لاوموفرينلنا مية طول السنة نعترض ليه بقي عال11 يوم دول

وحملة عشان الختان ..اينعم الدولة مش فاضية تعمل حملات لمرض السكر وللا السمنة وفيروس سي بس مش مشكلة...المهم حملة الختان

وبعدين ماله علم اسرائيل ما هي دولة صديقة

دي حاجات نعترض عليها

اقول ايه بس

علي رايك ..جتنا القرف ملينا البلد



بوست راااائع يا سوسة
اسلوبك زي العثل
تحياتي

ابوزياد الفاتح said...

الساكت عن الحق شيطان اخرس
واللى عين الظالم على ظلمه يبقى زيه برضه
ربنا على المفترى والظالم
لكن برضه رغم كل ده
باعلى صوتى هاقول
سياتى الضياء برغم الغيوم
وتشدوا الطيور بذاك القدوم
ونمضى سويا على دربنا
وفى كفنا شعلة من علوم

فارس عبدالفتاح said...

عفواً هذا لينك المدونة الثانية

http://fawares.blogspot.com/

ولكي كل الاحترام والتقدير

هوندا said...

ياستى خدو الانسولين بنفس السرجنة هذا سر الازمة

اظرف حاجة بقا
قال يا بابا علمني الغتاتة ..قاله تعال في الهايفة واتصدر

عثل ياثوثه

ذو النون المصري said...

بلدنا بقت كانها ملجا للمصايب
كل مصيبه مش لاقيه حته او بلد تحصل فيها تيجي مصر علشان تحصل عندنا
امتي بقي الملجا ده يتقفل؟

ذو النون المصري said...

من شعر بيرم التونسي
ياما عجايب و للا غرايب ،و للا مصايب
وردت علي مصر
الهمشري و الاناضولي و المنغولي
احدف علي مصر
و جيوش من النكشاريه و الدلاتيه
اشحن علي مصر
عبيد و كانوا خدامها بقوا حكامها
و احتملي يا مصر
سكنوا القصور زي القلعه و شموع والعه
و احنا في ظلام
حلال عليهم خيراتها و مسراتها
و علينا حرام
...............
القصيده طويله

صاحب البوابــة said...

اضحكتينى

:)

عموماً شر البلية ما يضحك

تحياتي اختاة

S H A H said...

شكلك عايزة تضيعي نفسك

في الاول و انا بقرا الكلام مختش بالي انك بتتهكمي و كنت هصدق

و بمناسبة موضوع الختان انا سمعت ان المفتي هيعمل اعلان صابون كامي الجاي مع اليسيا

و سلام مؤقت

Anonymous said...

سوسة انتي اسلوبك زي العسل
عاوزين نشوف حاجات حلوة من دي

بالمناسبة عندي سؤال محيرني
هي مين البنت في اللي لازقة في الكنبة فوق دي ؟؟؟؟
هو النجار بتاع النابوليا نسي وخيطها في الكنبة ولا ايه ؟؟؟

tota said...

سوسة
اولا ان كنت عايزة اقولك كل سنة وانتى طيبة علشان مش كنت اعرف ان عيد ميلاد مدونتك فات بس مكنش ينفع اعدى من غير ما اقولها

نرجع تانى بقى
بخصوص المستشفى التعليمى لازم يتعلموا صح فى الولاد اعراض الالتهاب الكبدى ايه لما يكون مصحوب بمرض السكر فكانت تجربة واقعية ناجحة جدا


على رأيك الميه مقطوعة فى كفر الشيخ بس هما قطعوها هناك علشان يغرقوا منطقة المعادى ويصل ارتفاع المياه الى نصف متر يعنى لازم يكون فى تباديل وتوافيق علشان الميزان يفضل معدول

علم اسرائيل المرفرف مرفوع فى حتت كتير وعلاقتنا قوية ووثيقة ومش عايزين اى محاولات مدسوسة تلخبط العلاقات دى احنا ما صدقنا ختمناهم على معاهدة السلام

ماما سوزان هو احنا عندنا اغلى منها قلب الام هو اللى خلاها تهتم فجأة وهى قاعدة قلبها انقبض فحست ان بنت من بناتها حصلها حاجة من ساعتها ما نمتش الا لما قلولها عملنا حملة روحى نامى بقى


اما بخصوص البلكونات انا حظى العاسر انى كنت هناك ايام الحادثة دى اول سؤال هو انتم عندكم ليه مشكلة مع البلكونات ؟ انا بصراحة قلت اصلنا بنستخدمها فى مصر لنشر الغسيل وساعات بتدخل هواء لكن مش بنرمى نفسنا منها خالص بنيجى انجلترا نرمى نفسنا من عندكم علشان الحبال بتاعة الغسيل ما تعملش لينا اعاقة


تحياتى يا سوسة

فارس عبدالفتاح said...

tota

العلم الاسرائيلي بسبب كمب ديبفيد

فارس عبدالفتاح said...

اسف يا سوسة اصل

tota وضحتلى حاجة انا كنت بشك فيها ومكنتش مصدقها ولا حتى الاخوة الساداتيون والمباركيون

islamz said...

صحيييييح الوطنية كنز لا يفنى
ايه الحلاوة دى يا سوسة ... ده مش بعيد تمسكى حتة كبيرة فى البلد اد كده يعنى ..
ويعينوكى وزيرة التدوين مثلا .. التدوين مش لتموين يا سوسة ... لا بس انا طول عمرى اقول سوسة يعنى وطنية
سوسة يعنى عاش جمال مبارك
سوسة يعنى بتحب الحزب الوطنى ...

باتا باتا متانة وخياطة
لف وارجع تانى .. لف وارجع تانى

وشكر كل من شارك فى مظاهرة حب مصر
مع سوووووووسسسسسسة

:]

soosa el-mafroosa said...

ma-3alina

منوراني يا قمر

ألف سلامه على شعرك يا جميل

amr ahmed

طبعا أنا أحب جمال و علاء و أبوهم و امهم و كل اللي خلفوهم

شفت الوطنية بأه

الحفيد اكيد جاي

ماتحلمش انحنا هنطلع من الدايرة المغلقة المنوفية دي أبد

soosa el-mafroosa said...

عصفور المدينة

مافتكرش خيالهم يربط بين الإتنين

عايزة أول ان الناس في مصر لا يعرفوا دول و لا دول

هما بس يععرفوا روبي و أبوتريكة

aolaaol

احنا كلنا في خدمة الوطن يا باشا

يعيش الوطن واحنا مش مهم

soosa el-mafroosa said...

مصري متغرب

المعارضة مابتأكلش عيش

خلينا في بوفيه الوطني المفتوح أفيدلنا

سبق صحفي موضوع المقاولين العرب و بلكونات قصر القبة ده...قللي بتلموا كام عشان أعمل حسابي

انت نقلت ورا عم عبده؟ مش كنت عند عم مرعي بتاع الكلمة؟

سجدة

ماما سوزان سيدة الحملات الأولى

لازم كل كام شهر تطلعلها بحملة بس تكون شيك و ماتملاش ضوافرها تراب و لا تضطر تبذل مجهود و لاتتعب نفسها

احنا لينا بركة الا ماما سوزان
ده البلد ماشية ببركتها يا جماعة

soosa el-mafroosa said...

islamist bloke

ربنا يستر ع البلد من اللي فيها

ماهو حكام مش نافع
شيوخ مش نافع
شعب كمان مش نافع

البلد هتعمل ايه بس؟

بيجاسوس المصري

الفرسة علينا كلنا حق

إزاي يعني تبقى مصري و ماتتفرسش

دي تيجي؟

كل سنة و احنا دايما في عبور الى المستقبل

soosa el-mafroosa said...

علا من غزة

من عينينا يا ستي

ديتها توصيه بس بسيطة

و من بكرة تكوني وراها

أحمد المصري

الأهرامات خارج نطاق الخدمة

قصدي خارج المنافسة باين

و الله البلد دي تفرس اللي مابيتفرسش

soosa el-mafroosa said...

يا مراكبي

فيك الخير و الله

بس لا يمكن أبقى ورا الشمس

دا أنا الوطنية قلبا و قالبا

اسكندراني أوي

و الله نفسي

بس أعمل ايه؟

نصيبي أتولد في مصر المحروسة

soosa el-mafroosa said...

mo'men mohamed

أنا سعيدة انه كل مرة بينضملي ناس جديدة في حزب المفروسين

أهلا بيكوا كلكوا

الصبر أهم مكون من مكونات الشعوب العظيمة

بس مين يقدر مجهود الحكومة؟

ربنا يرزق اللي في بالك ببلكونة ان شاء الله

فارس عبد الفتاح

شكرا على الشرح و التوضيح

و مبروك المدونة الجديدة

تحياتي

soosa el-mafroosa said...

في القلب

أهلا بالجميع في أكبر حزب في مصر

حزب المفروسين

بالله المستعان

راس الحكومة دي دايما في العلالي

مش شايفة أونكل نظيف طول ايه؟

يبقى دماغه اللي هي دماغ الحكومة في العلالي والا لأ؟

تحياتي

soosa el-mafroosa said...

mohamedgado

فعلا شعب ناكر للجميل

مش مكفية كل الرخاء و الرفاهية اللي عايش فيها

قال ايه عايز يشرب كمان

شوف البطر

الوريث ابن الوريث

جاي جاي ماتقلقوش

nouran

الشعب ده و الله عايز الحرق

شعب بيتدلع كدده دلع مرئ

ربنا يقويك يا بابا حسني و تستحمل قرفنا

soosa el-mafroosa said...

e7na

منور المدونة

هنستناك على طول

اذا حصل مشكلة اسكانية ورا الشمس

سهلة

يودوكم زحل

تحياتي
dr.tantawy

ربنا يطمنك يا رب

يعني هيعملوا بلكونة بحري

آن الأوان للكل يطمن و يتفاءل خير

soosa el-mafroosa said...
This comment has been removed by the author.
soosa el-mafroosa said...

طهقان

أنا مش هاربي عيالي

إلا في ضل الحكومة الرشيدة و رئيسها الطويل

حفظه الله


anonymous

شكرررررررررا

soosa el-mafroosa said...

ريهام

شكرا ليكي يا قمر

و هنقول كتير طبعا

احنا طول ماحنا في مصر هنقول و نقول

محمد

شكرا ليك يا محمد

بس على حسب علمي البوست ده ماتنشرش في عشرينات

هما كانوا نشرولي بوستين تانيين

تحياتي

soosa el-mafroosa said...

huda gamal

أهلا بيكي يا هدى

ان شاء الله ماتبقاش أول مرة و آخر مرة

تحياتي

منة الله

ماما سوزان دي قلبها كبير

بس هيا اللي ساعات كده بتنسى

بكم السن

كتر خيرها برضه

soosa el-mafroosa said...

fnan_geology

هما بس لو يشموا خبر عني في أمانة الإعلام دي

لايمكن يضيعوني من ايديهم أبببدا

مالهمش حظ

قلوب حائرة

اللي يلعب يلعب ع الكسبان

والا ايه؟
تحياتي يا جميل

soosa el-mafroosa said...

واحدة بتحب البلد دي

شفتي بأه

مافيش غير أنا و انتي اللي مقدرين مجهود الحكومة علشاننا

علشان انا و انت بنحب البلد

يا ريت فيه مننا كتير

ماكانش ده بأه حال الشعب

أبو زياد الفاتح

الساكتعن الحق شيطان أخرس

أدينا بنتكلم و بنصرخ بأعلى صوتنا

بس مين يسمع و مين يفهمنا؟

لنا الله

soosa el-mafroosa said...

honda

المثل ده من تراثنا الشعبي

اللي يمشي في الماضي و الحاضر

و ان شاء الله في العبور الى المستقبل

تحياتي

ذو النون المصري

للأسف أرض مصر الطيبة

تربة خصبة لكل النكبات و المصائب

ربنا يحفظنا

soosa el-mafroosa said...

صاحب البوابة

تحياتي

لصاحب البوابة

shah

أنا باتكلم طبعا بجد

كل أما هتيجي هنا أكتر هتعرف ان أنا كا همي مصلحة البلد

و المصلحة طبعا اننا نبقى أمام الشمس و ليس وراءها

نورت

مستنينك على طو

soosa el-mafroosa said...

محمد صبري

البنت اللي فوق الكنبة دي واخداها مع البلوج

تقدر تعتبرها كده تخليص حق
:)
تحياتي

tota

كل سنة و انتي طيبة يا توتا

فعلا انتي من الناس اللي استفدت جدا بمعرفتها من خلال سنة تدوين..فعلا من الشخصيات المحترمة جدا
اللي سعدت و شرفت بمعرفتها

تحليلاتك رائعة فعلا شفتي الأحداث من وجهة نظر جديدة

بس برافو عليكي

لأنها برضه وجهة نظر ماتوديش وراء الشمس

تحياتي

soosa el-mafroosa said...

islamz

أولا حمد الله ع السلامة

ثانيا من ناحية البلد

لإنا هامسك حتة أد كده

وزيرة التدوين و الشات و البلاي ستيشان ان شاء الله

و هابقى افتكرك

أكيد هنعوز كوادر شابة

و يعيش الوطن و احنا مش مهم

تحياتي

koukawy said...

هو الشعب كده علي طول ميعجبوش العجب
و عامل زي القطط ياكل و ينكر

kafrawy said...

هو دة بقى اللى جاينا لورا

القر بتاعكم

مليتوا البلد

Anonymous said...

والله والله
انت زي العسل خسارتك في البلد ده