Saturday, May 10, 2008

حرمت يا ريس


مش عارفة ليه بيتهيألنا ساعات بأمخاخنا الضلمة دي ..إننا عارفين مصلحتنا


الشيطان بيوسوسلنا و بيوزنا نطالب بحاجات مش فاهمين عواقبها إيه


يعني إيه الأجور تزيد..هما يعني هيجيبولنا منين؟..من جيوبهم..ماحنا عارفين لا عندنا موارد و لا عندنا ثروة سمكية و لا بترول تحت ألغام العلمين ممنوع نستخرجه ولا قمح ممنوع نزرعه ولا آثار و لا صناعة و لا تجارة و لا قناة سويس و لا فلوس ضرايب ولا تحويلات الشقيانين في الخارج ولااااا أي حاجة


و بعدين نتقمص قوي لما يزودولنا البنزين و الأسعار عشان يوفرولنا العلاوة اللي هتخلينا نواجه الزيادة في البنزين و الأسعار
!!!!!!!!!!!!!!!!!!!!!!!!!


طب و نزعل لييييه؟..ماحنا اللي اتسحبنا من لساننا


إمتى هنفهم إن الريس و الوزارة عارفين مصلحتنا أكتر منا؟


يعني زيادة و زودوكم..دلع و دلعوكم...لعبوكم كل الألعاب
يبقى بتشتكوا ليه بأه؟؟


أنا شخصيا حرمت


و باقولهالك يا ريس بالفم المليان


حرمت أقول عايزة زيادة في المرتب..لأنكم أكيد ساعتها هتزودوا البنزين و الأسعار


حرمت أقول عايزة رعاية صحية على مستوى..طالما مش هاقدر على أسعار المستشفيات لما هتقلبوها كلها خاصة


حرمت أقول عايزة تعليم نضيف..طالما مرتبي و مرتب أهلي كلهم مش هيقضوا مصاريف سنة بعد ماتلغوا التعليم الحكومي و اللي نفسه يتعلم يبقى يتعلم في جامعة من جامعات ولاد الناس الكويسين


حرمت أطالب بالديمقراطية..طالما هي من وجهة نظركم إننا نتكلم زي ماحنا عايزين و بعدين انتوا تحبسونا زي مانتوا عايزين


حرمت يا ريس


و مش هافتح بقي و أطالب بأي حاجة تاني


حرمت يا ريس



و الله حرمت

36 comments:

لماضة said...

ايوه والله حرمت بالجامد
الرحمه يارب
حرمت زي بوجي ما قال
وحشتيني يا سوسه والله العظيم
بس انتى توقفتي مده طويله شويه
وانا كمان مقصره في المتابعه

مصــــري..!! said...

ياريتنا نحرم اننا نحرم.

مقالة رائعة ورائحة السخرية خفيفة.

واتمني قبولي زائر لمدونتك
ولا حرمتي.

أسامة

مـحـمـد مـفـيـد said...

واناكمان زيك حرمت
ده احنامفتريين اوي

نيران said...

و أنا كمان حرمت


بس الصراحة مش عارفة احرم اقول


حسبي الله و نعم الوكيل فيك يا ريس

حسبي الله و نعم الوكيل فيك و في اللي جابوك و خلوك و سابوك و هايخلو ابنك و ابن ابنك و ابن ابن ابن ابنك

حسبي الله و نعم الوكيل في حاشيتك.. و لو انك مش محتاج حاشية

حسبي الله و نعم الوكيل في الحرامية و اللي اتعدمت عندهم ريحة الذمة و الضمير

حسبي الله و نعم الوكيل

حسبي الله و نعم الوكيل


إلخ إلخ إلخ...

koko said...

شطورة يا سوسة .. ايوان كده برافون عليكى .. اديكى يا امورة فهمتى اللعبة ماشية ازاى .. مش بيقولك اللعب مع الكبار ..

ال ايه يا سوسة يا اختى اليهود زمان ايام ما كانوا فى مصر كان الفراعنة مضطهدينهم و مطلعين عين الى جابوهم .. شوفى انتى بقى الحكومة الى كانت مطلعه عين اليهود هتعمل فينا احنا ايه:)

appy said...

طيب والله انا مأخدتش حاجه انا قطاع خاص متنيل
وانا مالى ااكل عربيتى ايه عصير قصب طيب والله القصب غالى
وبعدين ايه نحرم دى لا طبعا خالص هنقول بس واحنا بنجرى هههههههههه

عمرو عيسي said...

الصراحه كل ما ادخل مدونتك بحس بالحيره مش عارف اضحك من خفة دمك ولا ابكي علي حالي وحال اهلي وحال ولادي الي لسا مجوش وياريتهم ما ييجو عشان ميتزلوش زي ما احنا اتزلينا .. سوسا المفروسا ليكي كل تحياتي وتقديري ويا ريتني اقدر اقول زيك " حرمت يا ريس " لكن اعمل ايه في دماغي الناشفه كل ما احرم ارجع تاني اعاند واقول لا

وارجو منك زيارت عيساوياتي

mostafarayan said...

عزيزتي المفروسة
يظن كثيرا من المصرين بالخطأ ان هذه البلد بلادهم رغم ان هذه البلد بلد الريس وعائلته ومحاسيبه واحنا ضيوف عن
عندهم وهما كتر خيرهم متحميلنا بس مش معني كدة ان الضيف يطلب طلبات من صاحب البيت كفاية عليه قوي انه مستضيفه الحكومة بتحاول تفهنا كدة بس لأننا دماغنا علي قدنا فمش قادرين نفهم لكن كتر التكرار بيعلم الشطار
يارب بقي نفهم
تحياتي لكي

محمد عبد الغفار said...

كل الزيادات استطعت ان افهمها

إلا السولار اللى القرش فيه بيبطح الفقير بلا رحمة

واحدة مفروسة said...

انا حرمت من زمااااااااااان
حرمت كل حاجه ...بطلت اعترض....(حتقولى عليا بفشر علشان الوست بتاعى يعنى حقولك من الكبت ..بعيد عنك)
باكل اى حاجه و كل حاجه و انا ساكته...يحطوا موبيدات...همه برضه ادرى علشان الدود اللى فى بطننا اللى ما بتشبعش يموت.......
يغلو البنزين...طبعا علشان اللى بيفكر يحرق اى حاجه يراجع الميزانيه مليون مره.....يحطوا ضرايب على المدارس..علشان اللى ناوي يعلم ابنه فى الزمن الجميل ده ياخد على دماغه
......انا حسكت و احرم

Tamer Nabil said...

ما هو لازم تحرمى

وجنب الحيطة تمشى وما تتكلمى

هيا دى الحرية هيا دى الديمقراطية

يارب نور طريقنا

وهات لينا اللى ينور

طريقنا ومستقبلنا

مفيش احلى ولا ارق من الدعاء والرجاء

ونورتى مدونتى بجد

بس المرة الجاية خليكى جنب الحيطة

وما تسندى عليها اوى

لااحسن هديتى الجنب الامامى

تحياتى

funckydoctor said...

حرمتى
علشان تسكتو بقا
عمر الحداية ما ترمى كتاكيت
وعمر المصرى ما هيفضل معاه غير فتافيت
والبلد بتاعتهم مالناش فيها أى تيت
والمدونة جامدة من غير تنتيط

.:.-=- ELGaZaLy-=-.:. said...

لا عمرك هاتحرمى ولا هاتعرفى...

عزيزى الرئيس

طظ فيك...

المقالة جميلة اوى يا سوسة

يارب تكونى بخير

tamer.sala7 said...

انا لسة محرمتش ومش هـ حرم وهم اللي لازم يحرموا يستهزئو بينا ولازم يدونا حقوقنا ولازم حاجات كتير تتعمل بس المهم اننا محدش فينا ييأس ويقول حرمت يا ريس

Anonymous said...

مصرى متغرب

مش عارف اخرتها معاكى ايه ياسوسة كل ما اغيب وارجع اقول سوسه هاتعقل وتبطل تتعب مخها وتعيش زى بقيت الشعب الى عايش وكل الى فى دماغه جوزيه هايمشى ولا هايجدد عقده مع الاهلى وحسنى عبدربه هايروح الاهلى ولا الاسماعيلى ارجع الاقيكى برده بتتكلمى فى السياسة

اتمنى تكونى حرمتى بجد وتفهمى ان بابا حسنى قصده مصلحتنا وبيعمل كل حاجه كويسه علشان خاطرنا ومش قصده خالص انه يجوعنا ويشغلنا علشان ما نفكرش زى ما كنتى انتى فاهمه

واخيرا بجد بجد البلد دى خلاص ماتت ومش نافع فيها اصلاح

وسلام بقى بدل ما اتحبس

soosa el-mafroosa said...

لماضة

مش كده برضه

و حشاني يا بنت إنتي

ابقي تعالي بأة

---------------------
مصري

منور المدونة يا أسامه

بس أنا خلاص هيا دي نظريتي الجديدة


لااااااااازم نحرم عشان ماتجيش على دماغنا
والا إيه؟

soosa el-mafroosa said...

محمد مفيد

مش كده و النبي

إفترا افترا يعني
---------------------
نيران

لا يا جماعة

لازم نقدر هو بيتعب عشانا أد إيه

قلتوله هات علاوة
جابها
هيعمل إيه تاني يعني؟

soosa el-mafroosa said...

koko

مش كده يا أختشي بالذمة

و على رأيك

اليهود من كتر اللي عملوه فيهم جاتلهم قفلة في النفسية و ماشيين ياكلوا في الناس

أمال إحنا هنعمل إيه بس
-----------------------
appy

أنا بأة قطاع عام
و اتبشبشت على الآخر

بيقولك إن فاتك المير
خد اللي بعده
عادي يعني

soosa el-mafroosa said...

عمرو عيسى

ور تعيط ولا تضحك




إنضم معايا لحزب المفروسين


أكبر حزب في البلد

هاود بس و قول حرمت و الريس هيجيبلنا كلنا حاجة حلوة
-------------------------------
mostafarayan

مين بيظن الظن الوحش ده
لا يا فندم كلنا عارفين
بلدنا ؟..أنا شخصيا عمري ماشربت من نيلها ولا جربت أغنيلها

soosa el-mafroosa said...

محمد عبد الغفار

طب يا بختك إنك قدرت تفهم كل الزيادات

عقبالي

------------------------
واحدة مفروسة

براوة عليكي كده إنتي عضوة في حزب المفروسين اللي حرموا

العضويات مفتوحة بس بشروط تعجيزية

لنيل العضوية مطلوب من كل عضو 10 أرغفة عيش من اللي برده
.
.
إبقوا قابلوني

soosa el-mafroosa said...

tamen nabil


"وهات لينا اللى ينور

طريقنا ومستقبلنا"


و ده هيجي منين ده

إييييييه

ربنا يبعت
---------------------
funkydoctor

و عجبي

:)))

soosa el-mafroosa said...

elgazaly

يااه

إنت كنت فين
طولت الغيبة
مدالله ع السلامة

بس إيه الشجاعة دي

بالراحة ع الريس شوية
ده شمعة بتحترق عشانكم
إنتوا ليه مش واخدين بالكم من كده
هه؟
------------------------
tamer sala7

أحسدك على شوية المل اللي باقيين عندك دول

انا بأه
بح ..خلاص..مافيش على رأي الست نجلا

soosa el-mafroosa said...

مصري متغرب

أنا عملت حاجة؟

مانا باقول حرمت أهه
دانا المرة دي بالذات عداني العيب و ازح

ألا يعني إيه أزح دي؟

و بعدين انتوا في الأمان هناك

احنا هنا اللي بنتحبس

مش انا يعني دول هما
:)

تحياتي

وعد العيون said...

شوفوا يا جماعة
انتوا زعلانين ليه ؟
انتوا طلبتوا زيادة
هم رفعوا اسعار
اصل لما يرفعوا فلوسكم
هتشتروا حاجات كتير
يعني هتكععوا البلد كتير
يبقي ايه لازمتها الكع الكتير
نرفع دي قدام دي
بتفكروني بدرجات الرأفة عندنا في الكلية
احنا عندنا 30 درجة رأفة
نقوم لما ينضافوا لينا
نبص نلاقي درجات الاقسام اترفعت 30 درجة هي كمان
مش انتوا الي عاوزين
اشربوا بقي .

عمرو عيسي said...

من ناحية الفرسه فأنا مفروس جداً
انضم .. وماله منضمش ليه .. هما يعني الي انضموا مفروسين اكتر مني ولا يعني مفروسين اكتر مني ..

بس هو مقر الحزب دا فين ؟

الستة بتوع صيدلة said...

حبينا نناديكى تيجى تحضرى اول عيد ميلاد للمركب عندنا

ما تتأخريش

Tamer Nabil said...

يانتى ياسوسة

خلاص صوتك وصل للريس وعرف انك حرمتى خلاص هههه

فى انتظار جديدك

دى عاشر مرة اخش

وابقى تعالى طلى مش مكتوب عليا اطل على اصاحبى وهما انفيض

ههه

ربنا يوفقك
.
تحياتى

ذو النون المصري said...

كان فيه عالم بيتكلم عن التطور في الذكاء البشري و قال كلمه لازلت اذكرها
قال
سنظل و الي الابد نصطاد السمك بالصناره و الفاره بمصيدة الفئران
دلاله علي عدم تطورها العقلي
و يبدو ان نفس الكلام يصدق علينا الان
سيظل مبارك يصيدنا بالعلاوه و الي الابد الا اذا تطورت عقولنا و يدو انه حرم علي عقولنا التطوير لاجل الا نفلت من مصيدته

shreef said...

للاسف

مفيش


فايدة


:(

يا مراكبي said...

حرمتم تفتحوا بقكم وتطلبوا أي حاجة خلاص؟

أيوة كده إرجعي لعقلك .. صحيح شعب قاصر مش عارف مصلحته

المرحلة الجاية ما حدش يفتح بقه بغرض التنفس كمان .. وإلا هنجمرك الهواء

مواطن زهقان said...

مقاله جامده
واول زياره ومتكرره ان شاء الله

كلام على بلاطة said...

ما كان من الاول
تحياتى

doaa said...

أحببت خفة دمك رغم الحزن الساكن بداخلي على حال بلدنا
ربنا يصلح حالها وحالنا
مستنية زيارتك لمدونتي اللى لسه جديدة خالص
دعاء

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

belhana said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول