Monday, May 04, 2009

عزيزتي هايفا







إلى العزيزة هايفا ..

تحية طيبة و بعد ..

تابعت أنا و غيري من أبناء هذا الوطن السعيد أنباء زواجك الميمون و دخولك بيت العدل ..(أو قصر العدل بأه فالمقامات لازم تبأه محفوظة برضه)..و لا تتخيلي يا أختاه كم كانت سعادتنا و نحن نتابع هذا الخبر العظيم ..فعلا كنا سعدا.. دي سنة من أجمل السنين اللي مرت علينا ..مش بس سعادة دي سعادة مختلطة بالفخر لأننا قدرنا نحصل على واحدة من أعضاء مثلث الرعب الشهير (هايفا إليسا نانسي و شركاؤهم) و نضمها لمنتخب جحافل الستات و البنات المصريات خاصة إننا بقالنا سنين بنحاول نوفر بديل محلي ليكي و لأخواتك الفاضلات و مش عارفين ..(روبي كانت عاملة اللي عليها و الله لكن مايقدر على القدرة غير ربنا و يكفيها على الأقل شرف المحاولة).. دا احنا حتى بدأنا نطبق نظرية وحيد حامد في عمارة يعقوبيان "كل واحد حر في هدومه ياختي" فعشان كده بنرحب بيكي و بأذرع مفتوحة و قلوب صافية و بلا أي ضغائن من بتاعة زمان.. لكن دلوقتي و بما إنك بقيتي مننا و علينا و قريب جدا هتيجي تستقري في مصر و ستتكحل بك عين الوطن (حلوة مش كده) فخليني أقولك حاجة بسيطة شايلاها في قلبي أنا و قلة قليلة من المصريين ..إيه موضوع ال 9 مليون دولار ده ؟..أصل أنا عايزة أفهمك حاجة مهمة ..موضوع الملايين ده مش ماشي هنا قوي يعني ده حتى الأستاذ "طارق علام" لما كان بينزل زمان الشارع و يسأل الناس المليون ده فيه كام صفر و حياتك إنتي ما كانوا بيعرفوا ..طب أقولك حاجة تضحك و الله ولا ليكي عليا حلفان من كام سنة بس مصر كلها كانت بتدور على صورة جادون تجت كل غطيان الحاجة الساقعة عشان يكملوا بيها صورة عجلة و يكسبوها .جادون يا هايفا..حلمنا القومي كان جادون ..تقوليلي إنتي 9 مليون ؟..


مش هاقولك يا أختي إن مافيش حد في مصر عنده ملايين ..لأ يا حبيبتي موجودين ..بس السيستم هنا إن الناس اللي عندهم ملايين مابيتكلموش كتير في المواضيع دي قدام الناس التانيين اللي زينا عشان عنينا وحشة و حسادين و عشان بقية أحقاد طبقية قديمة مش عارفين نتخلص منها ..و برضه عشان مايجيش يوم و حد من الناس المغرضين اللي زينا اللي عينيهم تندب فيها رصاصة يلف حوالين نفسه حزام ناسف و يفجر نفسه فيهم والا حاجة.. يعني واحد من ال4 مليون مصري اللي تحت خط الفقر اللي ممكن يعدي عمرهم كله ما يشوفوش فيه حتة لحمة غير في المتحف ( ألا يجييبوا كام كيلو لحمة ال9 مليون دولار دول يا هايفا؟)..أو واحدة من ال9 مليون بنت اللي مش عارفين يتجوزوا عشان مش لاقيين تمن الجهاز ( يجهزوا كام بنت ال9 مليون دولار دول يا حبيبتي؟)..أو دكتور محترم من اللي قضى في التعليم 18 – 20 سنة و اتخرج بتفوق عشان يلاقي نفسه متعين بمرتب 600 جنيه (ألا هم ال9 مليون دولار دول يطلعوا كام 600 جنيه يا روحي ؟) ..أو الملايين اللي قاعدين على القهاوي من غير شغل ..أو الملايين اللي مش عارفين يشربوا كوباية ماية نضيفة ..أو الملايين اللي مابيعرفوش يجيبوا رغيف عيش من أي فرن ..أو الملايين اللي عندهم سرطانات و فيروس سي و بيموتوا عشان مش لاقيين تمن العلاج..و غيرهم و غيرهم..هي دي الملايين اللي احنا نعرفها يا قلبي لكن ال9 مليون دولار دول و حياتك إنتي مانعرفهم..ولا عايزين..

مش هنمنعكم تصرفوا فلوسكم و الله و لا يفرق معانا تصرفوها فين ..إنتوا بس ماتبقوش تقولولنا عشان إحنا أعصابنا خفيفة حبتين.. إحنا هنودي وشنا الناحية التانية و انتي إصرفي اللي تصرفيه..إصرفي 9 مليون ..10 مليون -11 (سوري ماباعرفش أعد أكتر من كده) لكن نصيحة من أختك الصغيرة ..بلاش يعني موضوع الكلام في الملايين في الجرايد و المجلات دي..ماتفسروش في وشنا ...ده الريس نفسه حط إيديه في الشق منكم يا شيخة..كمان هتنرفزولنا الراجل الطيب اللي ما بيتنرفزش و لا حتى للشديد القوي؟
..


.9 مليون دولار في ليلة؟..و 150 طيارة خاصة تنقل المدعوين ..دول كان ممكن يحرروا فلسطين .. هايفا يا روح قلبي ..خصيمك النبي يا نور عيني داري على شمعتك تولع ..بدل مانولع إحنا يا حبيبتي ربنا يخليكي و يهدي سرك ياااا رب ..و السلام ختام ..إمضاء واحدة مش مضايقة ولا واخدة على خاطرها ولا مفروسة خاااالصصصص خالص.

63 comments:

islamz said...

عزيزتى سوسة .. هئولكك حاجة .. ولا تعصبك - ابدا - ولا ينرفزك-خالص على طريقة هنيدي وطلعت زكريا

يمكن التسعة مليون زرار دول بتحوشهم من زمان عشان فرحها ولا يمكن بتقول كده فنجرة بق ولا حاجة
مهو لو طلع بجد انا مش هبطل قر لحد متفرقع هيا وابو هشيمة ده كمان
نفسي اشوفه بعد كليب هيفا اللى جاى .

عزيزتى مفروسة الناس دى من النوع اللى اسمه بيلاقى الفلوس ..

مبيفكروش بطريقتنا فى حساب الفلوس .. وعجبي

تحياتى ليكى انتى بس .. هيفا لا

اصلى زعلان عشان معزمتنيش
دنا حتى كان ممكن اروح بري مش لازم طيارة ..

ويجعلو عامر

MaNoO said...

الست بتتعب برده ولازم يتعملها فرح وتنبسط دا حتى المرحوم كان بيحب الفرفشة بس فكرك ياسوسة هيفاء بتفكر فى الفلوس زينا كدا ولا بتفكر ان الموظف مش لاقى ياكل او الناس بتموت عشان تاخد عيش ولا السمك ياأختى اللى اسعاره ولعت لا لا دول بتوع الفطار ال مش عارف ايه كدا بس فى اخره تنتل انا طبعا مش عارف أكتبها
ربنا يجازيهم على قد نيتهم بس احنا نعلنها صريحة نعتز ان هيفاء لم تخرج عن يد المصريين وهيا الان ملك لانسان مصرى فاضل وربنا معاه بقى
تقبلى زيارتى يامفروسة جدا انا تقريبا أول مرة ادخل مدونتك وتحياتى

يا مراكبي said...

أنا عارف إن عينيكي باردة زيي

يمكن الفرق بس إني عارف إن المليون دولار دول أكتر من العشرة آلاف جنيه .. أنا متابع ومش نايم

تفتكري بعد البوست ده هيفاء هتعيش؟

Moony said...

على فكرة يا سوسة مفيش حاجه من دى حصلت خااااااالص و طلعت ف الاخر شغل صحافه
و بعدين جوزها مش غنى للدرجه دى

عمرو اديب كان ف الفرح و نووال الزغبى و كتيير تانين قالوا انهم كانوا رايحين على حسابهم الشخصى و ان مفيش كل الكلام ده هو بس القاعه هى اللى كان شكلها غالى حبتين

Moony said...
This comment has been removed by the author.
مهندس مصري بيحب مصر said...

دي قعدت 3 ساعات في لقاء مع عمرو أديب في القاهرة اليوم
و نفت كل الكلام ده

هيفاء أكدت إن كل دي مبالغات

سايكووو said...

حلوه منك يا مفروسه.. ماكنتي تلمي الدور.. ده انا انتي كنتي عندهم بردوا و كانوا ممكن يعني يشبرقوا عليكي شويه
ع العموم ما تتضايقيش خالص.. كده كده احنا مالناش تمن..بس جبتي الصوره دي منين يا اروبه
مروه فايز

محمد عبد الغفار said...

مش مهم تحرير فلسطين ولا اشباع الفقراء ولا اى حاجه من دى ده ترف

على الأقل بس ميستفزوناش

احلام جوليا said...

لو قلت عسل عليك يبقى شوية والله تصدقي انا كمان كنت حموت من الفرسة من ساعة ما قريت الخبر واتخانقت مع الراجل جوزي وقلت له اه انتم السبب انتم الرجالة خليته الي لحمها رخيص اغلى من الشريفة والله كنت حتجنن من الفرسة ده لحد دلوقت قال ايه بيتكلم كانه سلطان زمان على الفرح الي عمله بكم الف جنية وانه كنا وفرناه احسن وتمنه كنا عملنا حاجة مفيدة فيه مع ان ياختي وحياتك اتكتب لي المهر الشرعي يعني يا حبيبتي لحد دلوقت مشفتوش الا هو كام المهر الشرعي ده متعرفيش ونبي
امضاء واحدة مفروسة

احلام جوليا said...
This comment has been removed by the author.
ذو النون المصري said...

انا كمان عرفت الخبر من العاشره مساءا
و لما عرفت ان الننوس جوزها ابوه كان ضابط امن مواني و مطارات قلت يبقي هنا مربط الفرس
حاسس انه غير شريف
و الا ليه فرط في كل المبالغ دي بهذه السهولة
علشان يقول انه اتجوز هيفا
و الله راجل مخبول

Kalimalhus said...

بيتهيألى كده إن ده مش حقد طبقى.. ده حقد حريمى من النوع المعتاد.. يعنى لو كنتوا ضمنتوا إنه هايقعدها فى البيت و تبطل كليبات و حفلات كنتوا لميتولها ال9 مليون دولار بنفسكم. طبعا المشكلة إننا لو لمينا اللى معانا و اللى مع كل الخلق اللى نعرفهم ما كناش هانحصل مليون منهم.. يعنى لو كان العريس و شركاه من إتحاد ملاك مصر سابولنا قرشين مش كنا قدرنا نساعده دلوقت أو نخش عليه يوم الصباحية بزيارة تشرفه قدام عروسته؟ على العموم العروسة للعريس و الجرى للمفاريس و دمتم!

واحدة و خلاص said...

كلامك عين العقل ... بس دي برضة هيفا اللي عملته في الرجالة مش شوية انتي عايزاها تعمل فرحها علي السطوح والبوفية يكون حتتين جاتوة وسندوتش بسطرمة والست نبوية تقول ماخدتش وهي خدت أصل عينها فارغة .......الناس مقامات برضة

تأثير الفراشة said...

:D :D :D :D

فارس عبدالفتاح said...

طيب ومال هيفاء وهبي والصراع الطبقي المستمر في مصر منذ القدم

والله يستر اصله اللي اجوزها جبلنا العار لكل المصريين والله العظيم انا احيانا افكر اني اتخلى عن معتقداتي في الفكر القومي العربي وانادي بانفصال الصعيد عن مصر الشمالية

بصراحة احيانا كثير جداً بحث بالاشمئزاز من مصر الشمالية وبحث بانها قذره وليست فيها اي فائدة لنا في الجنوب بل نحن من ندفع الضرائب عبر التاريخ

كان مينا نارمر موحد القطرين صعيدي وفتح مصر الشمالية وضمها لمصر الجنوبية الان انا اطالب بانفصال مصر الجنوبية عن الشمالية

نحن الذين ندفع فواتير الشمال عبر العصور من اول الهكسوس الى الحملة الفرنسية وجلاء القوات الانجليزية من خط القنال على يد عبدالناصر الصعيدي

انا نفسي اعرف هما بتوع الشمال دول عيشين ليه ما هو هدفهم في الحياة وما هو المبدأ الذي يعتنقوه

نحن هنا في الكويت نعاير بهذه المصيبة يقول احد شيوخ المساجد المصريين في دولة الكويت ان مصر التي يموت ابنائها في طوابير الخبز

يأتي ابن من ابنائها ليتزوج من ساقطة بتسعة ملايين دولار

فعلا ..اذا اصيب القوم في اخلاقهم فاقم عليهم مأتماً وعويلا

Anonymous said...
This comment has been removed by the author.
Unknown said...

على فكرة
الستات عندنا
دايماً بيبالغوا فى مسألة
المصاريف وبيفخروا بشكل كبير جداً
وطبعاً هيفا
ست
ستات
ومش اي ست

Sally said...

ايه ياسوسو
هي جت علي هيفاء
ووقفت وله ايه
:D


سوسو
مش هتقولنا رايك
في خطاب اوباما
؟؟؟؟؟؟؟

مستنيه منك
بوست
علي فكره

سيكو said...

ااااااااااااااااااااااااععععععععععععععععع وانا عماله ادور على شقة فى اسكان الشباب 63 م منك لله يا بعده الهى تغرقوا فى عبارة السلام 2000
او تقعوا من طايره اير فرانس
او يجالوا زلزل تساونامى ياكلوكوا اععععععععععععععععععععععععععع

Polka Dotted said...

LOOOOOOOOOOOL

مجرد القراية فرستنى

ربنا يديها طولة العمر وتصرف

اراهنك نصهم اتصرف خلاص

واحدة مجنونة said...

لا بجد عندك حق
تسعة مليون مرة واحدة
لو كانوا تمانية تبقى مبلوعة شوية لكن تسعة
زودتها فعلا
اول مرة ادخل هنا بس اعتبريني من هنا و رايح زاير دائم
تقبلي تحياتي يا مفروسة

عماد خلاف said...

اكيد لازم تكونى مفروسة ومضايقة ومخنوقة ما هية حاجةبرضة تخنق مش كدة والا اية المهم الف مبروك كلمات رائعة واسلوب متميز
ارجو التواصل
لدى مدونتين واحد للقصة القصيرة والتانية للمقالات بحلم ببكر ة
http://emadkhalaff.blogspot.com/

Pink Dreams said...

مدونتك جميله جداااااااااااااااا يا سوسه

-_- said...

هو طبعا الحاجات دي طلعت اشعات بس لو مش اشاعة دي هيفاء و دي قيمتها

فارس عبدالفتاح said...

كل سنة وانت طيبة يا سوسة

Tarkieb said...

للي يلاقي حنة بيحنى ايده......واللي يلاقي العز وما يتبغدد ماعنده حق....عقبالك يا سوسة ما تلاقى ابن الحلال اللي يتاقلك بالملايين ....

Cute Kitty **sookra said...

والله فرستينى ياشيخه حرام عليكى

Anonymous said...

دردشة شات بنت مصر , بنت مصر , موقع بنت مصر , دردشة مصرية , منتدى بنت مصر , بنات مصر , شات مصرية , موقع مصرية , مصريه , شات مصرى , دردشة , شات , شات بنات مصر , دردشة مصرى , موقع مصرى , شات بنات , موقع بنات مصر , مصرى , دردشة بنات , دردشة بنات مصر , موقع بنات , بنات , منتدى بنات مصر , دردشة مصرية مصر , شات بنت مصر , دردشة شات مصرية , شات مصري , مصري , دردشة بنت مصر, شات دردشة مصريه , شات مصرى بنات , الشات المصرى , شات بنت مصرية , شات بنات , دردشة بنت مصرية , شات بنات مصرية , شات بنات مصر, بنت مصر , دولة مصر , موقع بنت مصر , بنت مصر , بنات مصر , بنات مصر , شات بنات مصر , دردشة وشات مصرية , بوابة مصرية دوت كوم - اكبر تجمع عربى مصرى خليجى شامى ترفيهى على الانترنت
www.eg-girl.com

Anonymous said...

eg-girl.com

علا من غزة said...

وين انتي يا سوسة ؟؟؟

مدونتك اشتاقت لك

:(

اميرات الاسرار said...

السلام عليكم

بوست جميل تسلم ايديكى
ياريت تنورينا فى مدونتا المتواضعه

اميرات الاسرار

Anonymous said...

ههههههههههههههه
حاجه تفقع

Anonymous said...

منتديات ليلوز كافيه
http://www.lilous-cafe.com/vb/

ليلوز كافيه
http://www.lilous-cafe.com

خدمات الويب
http://www.lilous-cafe.com/web/

وتلومني فيك said...

منتديات ليلوز كافيه
خدمات الويب
مركز تحميل
منتديات
تسريحات
فساتين
مكياج
خلطات
زفات
خلفيات ماسنجر
رموز ماسنجر
صور للتصميم
بث مباشر
ديكور
منتدى سعودي
ازياء
صور رومنسية
العاب
توبيكات ماسنجر
رسائل
برامج جوال
اناشيد اسلاميه
صور ماسنجر
زفات

Anonymous said...

learn about my special site -

[url=http://trailfire.com/lexapro] lexapro withdrawl [/url]

http://trailfire.com/lexapro
[url=http://trailfire.com/lexapro] lexapro side effects [/url]

Anonymous said...

learn my best site -

[url=http://www.young-dro.com/profiles/blogs/buy-cheap-hoodia-hoodia-diet] hoodia weight loss [/url]

http://www.young-dro.com/profiles/blogs/buy-cheap-hoodia-hoodia-diet
[url=http://www.young-dro.com/profiles/blogs/buy-cheap-hoodia-hoodia-diet] hoodia gordinii [/url]

Anonymous said...

Fuck

Anonymous said...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى
www.ouregypt.us

Anonymous said...

I consider, that you are mistaken. Write to me in PM, we will talk.

حازم ربيع said...

مدونه رائعه اسعدنى المرور بها

حازم ربيع said...

رائعه

حازم ربيع said...

رائعة

حازم ربيع said...

مدونة رائعة اسعدنى المرور بها

اخبار طريفة said...

ماذا لو صنعنا لهيفاء تمثال ودعينا لتمجيدها
لماذا كل هذه الاخبار عنها
كل الاخبار حتى لو كانت تسب هيفاء فهي تساهم في شهرتها

Emtiaz Zourob said...

اختي سوسه المفروسة .. بجد ضحكتيني وانا مش قادرة اضحك ،، ففي خضم مشاكلنا ومتابعتنا المستمرة للاحداث المتلاحقة في مصر واللي جابت لنا صداع مزمن . قرأت البوست بتاعك ونقلني نقلة نوعية من الاكتئاب الحاد إلى الضحك المبالغ فيه ،ههههههههه ، يلا خففتي عننا شوية ..تسلمي على الموضوع والله تناولك له أكثر من رائع ،،اسلوبك سلس وبيوصل ع طووووول ، حاسة اني قاعدة معك مش بقرأ لك .. تقبلي مروري ..

فارس عبدالفتاح said...

الف مبروك يا سوسة وانا مش ناسيك انت فين يا ستي حتى ردي علينا

Hawk said...

thank you
my blogs
http://24w7.blogspot.com/
http://tv4day.blogspot.com/
http://pic2all.blogspot.com/

Anonymous said...

السلام عليكم
قمت مع مجموعة من الأصدقاء بإنشاء عدد من المدونات ، ووضعنا بها إعلانات جوجل أدسنس، وبالفعل نحقق دخلا مش بطال
فعلى جميع الأخوة الكرام سواء عنده مدونة أو لم ينشئ مدونة بعد، وكانت له رغبة في الاشتراك معنا في هذا العمل، برجاء مراسلتي على الإيميل niletrader@gmail.com
والله الموضوع مثمر، وبالفعل وصلتنا دولارات من أدسنس ، فالموضوع ليس وهمًا
برجاء نشر هذا الموضوع لتعم الفائدة
مع تحياتي
Hello
We are a group of Egyptian guys who established some blogs where we added Google Adsense codes so we make some money on monthly basis, as a way of coming over our financial problems!!
if you would like to help us through allowing us adding the Adsense code to your blog and share the profits with you, pls contact us niletrader@gmail.com
Yours
Ash

نادي حواء said...

شكرا علي الموضوع

koukawy said...

يا ستي دي كانت متصوره بشنطه هديه من ثري عربي بمليون جنيه الشنطه
صلي ع النبي بس و اوعي يغم عليكي انا عارفه اني حدفتها زي الطوبه في وشك

الصحيفة الصادقة said...

اكثر من رائع

المدونة التعليمية said...

عندك حق والله

صحة أون لاين said...

مدونة رائعة

العاب said...

nice blog

islamaamr said...

ده كله شغل صحافه

شات عيون حبيبى said...

دردشة عيون حبيبى

karim2day said...

شات عيون حبيبي
منتديات عيون حبيبي
منتدى عيون حبيبي
شات عيون
دردشة عيون حبيبي

Unknown said...


thx

شركه تنظيف

Unknown said...


thx

شركه تنظيف

Unknown said...


thx

شركه تنظيف

Unknown said...


thx

شركه تنظيف

Unknown said...


thank you

سعودي اوتو

Unknown said...

thx

كشف تسربات المياة
غسيل خزانات
شركة نظافة عامة