Wednesday, September 13, 2006

بتضحك على مين ..ياااد؟

يعني ضحكنا على أباهاتنا و عملنا نفسنا بنذاكر...و هو مش شايف جوة الكتاب "رجل المستحيل"
و ضحكنا على الجيران و بصينا في الأرض و قاله الواد مؤدب و بيغض البصر ..و هما مش عارفين انه مدي بنتهم معاد بعد نص ساعه ع الكورنيش
و ضحكنا على الحموات قبل الجواز و البنت عملت نفسها أرق م النسمه و مابتفتحش بقها ..و هما مش عارفين انها ناوية بعد الجواز تخلص منهم القديم و الجديد
و ضحكنا على رؤساءنا و فاهمناهم اننا مقتولين في الشغل .. وهما مش داريانين اننا مقضينها نوم و مش شايفين ساندوتشات الفول جوه درج المكتب مونسه الدوسيهات
لكن كماااااان هنضحك على ربنا؟؟؟
استغفر الله
-------------------------------------------------------------------------------
مابحبش أحط فيديوهات ع المدونة عشان أصدقائي اللي بيدخلوا بالديال أب
بس ما اقدرتش مااوريكوش الفيديو الفزيع ده
اللهم طهرنا من النفاق و الرياء
آآآآآآمييييييين

90 comments:

عبدالله مفتاح said...

احتمال واحتمال
انا فاكر في ليلة القدر ناس كتييير في قيام الليل يتعيط مع الدعاء لان الناس بتكون حاسة ان الليله دي الامل الاخير لان ربنا يغفر لها
اللهم اجعل اعيننا من العينان اللتان لا تمسهما النار

3rby said...

انا عاوز اسأل عم عبد الله...هو الليله بدأت اول ما الكاميرا جت عليه ولا ايه؟


الراجل ده يا سوسه مش بيدحق علي ربنا لانه شايفه وعارف اللي في نفسه....يمكن كمان يبقا جاي وعامل فيها شيخ بعبايته ديه علشان يتمنظر مثلا...مش فاهم...بس ده ان دل علي شيء فيدل علي النفاق اللي مالي حياتنا....انتي عارفه مره كان فيه واحد ايراني بيكلم مزيعة ال بي بي سي...قالها كده بالنص(بعد الترجمة طبعا:"لقد نجح الخمايني في ان يجعلنا نصلي في الشارع ونشرب الخمر في البيت بعد ان كنا نشرب الخمر في الشارع ونصلي في البيت في عهد الشاه"المقولة ديه تنطبق علي بلدنا وعلي اي شعب حاطت علاقة العبد بربه شيء عام وليس خاص...ينطبق علي السعوديين...واللي مش مصدق يروح سيتي ستارز او يدخل بيت سعودي في مصر...هاتحس انك قاعد في خمارة...

عمر said...

والله يا سوسه عندك حق.الهم احفظنا من الرياء

رانية said...

سوسة الرياء صفة خبيثة تسكن بعض القلوب المريضة من المسلمين أو غير المسلمين اللهم ارحمنا و أعذنا من الرياء
أنا بس بعتب عليكى فى نشر الفيديو على مدونتك لأن دة بيدى انطباع سيء عن المسلمين و اللى حيشوف الفيديو من الناس اللى عمالة ترمى بلاها على الاسلام و تدعى عليه مش حيقول ان دى حالة فردية بالعكس تماما حيقول بصوا شوفوا آدى المسلمين يعنى حيعمم الموضوع و تبقى بكدة شاركتى بدون قصد فى تشويه صورتنا و صورة ديننا دة بالاضافة بانك بكدة فضحتى مسلم و الحديث الشريف بيقول " ومن ستر مسلما ستره الله يوم القيامة". (رواه البخاري ومسلم).

احترامى لك دايما و ما تزعليش منى العتاب هدية الأحباب

مصرى متغرب said...

انا بس فى الاول عايز اعترف انى كنت بعمل زيك بالضبط فى موضوع راجل المستحيل دة وملف المستقبل والشياطين ال13 وع * 2 وسيف العدالة وفارس الاندلس واخيرا ميكى جيب وتان تان يعنى بصراحة كنت مدمن الى ان شفانى الله
ثانيا الكليب مش شغال عندى زية زى الكليبات الى على مدونة كازانوفا بس الى فهمتة منك ومن تعليقات الزملاء ( حلوة الزملاء دى صح ) انة واحد يرتدى الرداء( والرداء دى كمان حلوة ) الاسلامى وبيعمل حاجة مش مظبوطة ولو دة صح ايا كانت الحاجة دى يبقى انا عاتب عليكى يا سوسة لان انتى كدة مشيتى على نهج اعلامنا الذى كلما اراد ان يظهر ارهابيا او شخصية شاذة فهو يرتدى الجلباب الابيض ويطلق لحيتة وكأنها اصبحت سمات للارهاب واصبحنا ندرك ان بمجرد ظهور هذا الشكل اننا امام ارهابى ننتظر ان يفجر نفسة ويقول (اذهب الى الجحيم عليك اللعنة وثكلتك امك ) ولم نجد فى اعلامنا الراقى بتاع ابيه صفوت ( ادعو علية احنا ف ايام مفترجة يمكن ربنا يستجاب لكم ) اى دلالة لتغيير تلك الصورة ويجب ان نكون نحن من يغير لانهم لن يغيرو وعلية يا سوسة لو سمحت ( وانا عارف انك هاتسمحى ) شيلى الكليب ( لو كان زى مانا فهمت ) وسيب كمن كليبات الناس الى بيضحكو على ربنا وسبيهم منهم لله وخلينا فى كليبات الناس الى بيضحكو على شعبنا الطيب ويهينوة وكليبات الست الفاضلة نانسى عجرم والاخت المناضلة هيفاء
انا اول مانزل مصر هاشوف الكليبات دى واعلق براحتى دة لو ماكانوش مستنينى فى المطار

أُكتب بالرصاص said...

سوسة
مقدمة البوست حلوة


بس الفيديو لم يفتح معي!!!!؟

بس متوقع الفيديو
لاني شفت حاجة زي كده من فترة

الفيديو عبارة عن مصليين في مسجد والكاميرا بتتجول
ولما بتيجي على واحد بيبدأ في البكاء؟

هو والا مش هوا؟

ده يا سيدتي العزيزة
احد مساجد الشيعة

BackBone said...

استني بس ياعم المصري المغترب: اصل انت ماشفتش.

الرجل ياسيدي قاعد في صحن (ايه رائيك حلوه "صحن" ديه؟) المسجد النبوي و اول ماشاف الكاميرا بتصوره تصنع (حلوه تصنع, ايه رايك؟) العياط وقعد يتمنظر قدام الكاميرا بالخشوع, يبقي ايه قولك بقهههههه؟؟؟

بس انا معاك في رائيك علي الاعلام المصري, بس اعلام سوسسسسه ده اعلام هادف و "نضيـــف"ـ

Anonymous said...

:))))))))))
راجل مسخرة!! . بس بجد دمه خفيف

BackBone said...

اكتب بالرصاص:

هوه فعلاً الفيديو اللي بتقول عليه, بس ده مسجد شيعه و اللا المسجد النبوي, اصله شبه المسجد النبوي قوي بس انا مش متأكد...لو متأكد ياريت ترد توضحلنا؟؟؟

مصرى متغرب said...

ياباشا اولا شكرا انك اهتميت بتعليقى ثانيا انا عارف ان اعلام سوسة اهلام هادف وسوسة مش قصدها طبعا تعمل زى اعلامنا وسوسة عارفة انا معجب بكتاباتها اد اية ومتابعها ازاى وعارف انها هاتفهم الى انا عايزة منها لان احنا شكلنا وحش اصلا مش محتاجين ان احنا نظهر الوحاشة دى ونوريها للناس الى واخدين عننا انطباعات زى الزفت لازم نحاول نغيرها مش نأكدها وعايز اقول كمان سيبو الراجل منه لربنا وبلاش نحكم على تصرفاتة لان احنا مادخلناش فى علم الغيب وماتنسوش احنا ولا حاجة يعنى ماحدش فينا يقدر يقول دة منافق ولا لا وخلون نتكلم عن اى حاجة الى تقييم علاقات العباد برب العباد واسف ياسوسة ان كنت غلست شوية فى كلامى بس انا اصلى مفقوع من موضوع الاعلام الى عمال يسيء لاسلامنا ويشوههة واخر مرة كنت هاكسر التليفزيون بسبب برنامج تافة جايب شيخ ضعيف يسخر منة والراجل لانة ضعيف دينيا الا انة لم يستطيع ان يجارى مقدمة البرنامج فى الحوار وطبعا دة مقصود لان هما لو عايزين داعية متمكن مصر مليانة بس المتمكن دة هايرد عليهم ويكبسهم
حلوة يكبسهم دى صح ؟؟؟

soosa el-mafroosa said...

قبل ما أعلق على كلام كل واحد

الموضوع مش حكاية دعاية سيئه عن المسلمين ..أنا طبببببعا ما اقصدش ده

و بعدين لا يمكن التعميم ..لأن الراجل قاعد وسط عشرات ان ام يكن مئات المصليين و مافيش حد فيهم بيعمل كده..يعني هو الإستثناء

بس أنا حبت أعرض ده كنموذج لحاجات كتير بنعملها في حياتنا و كلها كذب و نفاق ..و الأمور استفحلت مع -البعض- لغاية لما وصلت لموضوع الدين ..مش بس الإسلامي ..كل الأديان

موضوع سني و الا شيعي ده مايهمنيش..أنا باتكلم عن الفعل نفسه و كل الحاجات الل قلتها في البوست كمان رياء و نفاق ..

أتمنى ان ماحدش ياخد الموضوع على أساس انه موضوع ديني..سهل أوي أن حد يقول على حد انه بيشوه صورة الدين لمجرد انه انتقد وضع غلط شافه

يعني لو جيراني مشغلين اذاعة القرآن و معللينها ع الآخر و طلبت منهم يوطوا الراديو شوية عشان عايزة أذاكر أو أنام ...أبقى كافرة

لو قلت للست اللي بتصلي جنبي في جماعه انها مش لازم تحط رجلها فوق رجلي عشان تبقى صلاتها صحيحة ..يبقى عليا غضب الله

لو والدي قال لإدارة الجامع اللي بيصلي فيه ان الإمام على طول بيلخبط في القرايه و ممكن حد تاني أجدر منه ي}منا ..يبقى خارج من المله

مش كده يا جماعه ..احنا لازم ننقد السلبيات_البسيطة_ دي ..وده مش معناه اننا بنستهين بالدين أو بننشر فكرة خطأعنه

و بعدين الموضوع أنا مش متناولاه من جانب أنه شئ كوميدي..أنا حبيت أدي نصيحه لنفسي قبل أي حد ..ان الواحد يحاول يبعد عن النفاق و الرياء..عشان ربنا يتقبل

Dr. Tantawy said...

سيبك من الفيديو باللي فيه .. ربنا يحفظنا من النفاق

المهم

التدوينه اللي قبل الفيديو جامده اوي .. بتفكرني بالتسكيمات اللي بنعملها قبل الامتحان هههههه

طول عمرك جايبه مالآخر يا سوووووسه

NoOR said...

تحفه يا سوسه لقيتي الفيدو المصيبه ده فين ............لأ بس راجل مشكله


الا هو احنا مبنعرفش نعمل حاجه بضمير حتي الدين كتنا ستين نيله

كلمه said...

sosa .... mesh gedeed 3lena el7arak el2ar3a de .....

elnefak montasher tab3an odam shashat el television ..... 3ady y3ni ...maba2etsh toseer eldahsha ... bs da sorry y3ni mota2amer wahbal :D

3rby said...

مصري متغرب:علي فكرة نانسي عجرم من الفنانات اللي كانت صايعة زمان وبقت محترمة...مش عارف ايه اعتراضك عليها


اكتب بالرصاص:مش فاهم ايه اللي عرفك انه مسجد شيعي...ممكن يكون سني....بس زي ما ممكن الراجل حالة فردية...برضه لو كان المصليين اللي في المسجد بيعملوا كده كلهم...برضه تبقي حالة فردية

nirfana said...

ههههههههههههههههههههههه
لا حول ولا قوة الا بالله العلى العظيم
هم يضحك وهم يبكي


النفاق اصبح سمه مجتمعاتنا العربية على حد السواء ... والعجيب فعلا انه منتشر بين من يتخذون المظهر الديني

وكما قال ماركس
الدين افيون الشعوب


فهل نفهم ديننا بصوره صحيحه ونتخلص من المظهربة والرياء

tota said...

سوسة الجميلة
وجب على كل من يرى خطأ ان يشير اليه حتى يكون عبرة وعظه
لا اجد تعليق يصف هذا النفاق المبين غير ان الرجل المتأسلم الذى يرى الدين لحية وعباءة ودموع تتساقط امام عدسات كاميرا يخشع لها ولا يخشع لله سبحانه وتعالى
لا املك غير ان اقول ان هؤلاء المتأسلمين اى ان كانت هويتهم هم سبة فى جبين الاسلام
وحسبى الله ونعم الوكيل

تحياتى لك
الاشارة الى الاخطاء والتعليق عليها هدف يجب ان يحترم فليس الغرض منه التشويه بالعكس الغرض منه
ان نتعلم من اخطاء الاخرين وننبذ كل ما هو مسىء

شكرا يا سوسة

cigara... said...

شكراااااااااااااااااااااااا
يا
سوسة

wanna b a bride said...

هههههههه

والله هاموت م الضحك ..هم يبكي و هم يضحك

ربنا يطهرنا من النفاق

Reformer1976 said...

مسااااااااااااء الخييييييييير

أعتقد إنك بينك وبين نفسك يا عزيزتي سوسة ممكن تكوني فكرتي
الواد جرجس لما هيشوف الكليب دا هيقول إيه
وتلاقيه ما هيصدقها فرصة ويديها تنظير على الرياء والنفاق
ويولع في أم المدونة كالعادة

شايفة أم النرجسية اللي عندي؟
وانتي أصلا تلاقيكي عمرك ما فكرتي فيا يا خاينة

أجمل حاجة يا بت سوسة في الموضوع دا
إن السيد عبد الله
خد الموضوع على صدره كالعادة وأخذ يدافع عن البكاء في وقت الدعاء
وقلبها وعظة
بس الحمد لله الأخ عربي ما سكت لوش
========

يا ابن اللاذينا يا عربي
تعليق في سطر واحد بس كارثة
هي الليلة بدأت أول ما الكاميرا جت عليه ولا إيه؟

الواد عبدالله دا مش فاهم انتي بتحكي في إيه ولا إيه؟؟؟

مالها يا عم الحاج ليلة القدر بواحد أول ما جت عليه الكاميرا راح موسطن نفسه وخد بوز بتاع "يلا صورني" واداها عياط؟؟؟

=======================
الأفقع من موضوع عبدالله كانت الناس اللي فهمت الفولة
وزعلت منك إنك بتسيئي للإسلام بمثل هذه الصورة وغيرها
(ما هو دا بالظبط اللي سوسة بتحكي فيه يا أفاضل!!!)
كل اللي هاممكم هو "شكلنا" إيه
أدام العالم
يا نهار اسود!!!
أمال لو سوسة ما كتش اختارت عنوان البوست هو
"بتضحك على مين ياض"
وكلامها كان كله عن موضوع النفاق
اسمحوا لي
كل من عاب على سوسة في نشرها للفيديو دا هو بصراحة
"منافق"
نعم!!
اقف في وجه المرآة
(تعال يا شاور ميرور)
وقول لنفسك
أيوة
أنا طلعت منافق

وبعدين ساعتها تكتشف إنه نصف سكة العلاج يا عم المنافق ويا ست المنافقة
هو التشخيص الصحيح للمشكلة

حفظك الله يا سوسة
ولكن يبدو أنه مكتوب عليكي تفضلي مفروسة
بالمناسبة... كون عبدالله عشرة من عشرينات دا ما يخليكيش تجبني عن مواجهته وتقوليله إبه يا ابني اللي بتتكلم فيه
ما تضحكش الناس عليك وتفضحنا بتطرفك الجاهل دا!!

كل الناس شايفة النفاق باظظ من الصورة وانت الوحيد اللي بتوعظ وتقول إنه احتمال يكون متأثر وبيعيط من قلبه
(الله يكرمك يا عم عربي وفرت علينا الكلام بقولك الجازم المانع في ردك على السيد عبدالله)

===========================
يبقى هنا يا أخت سوسة

هل من حق الحاج جرجس
(اللي هو انا لمن لا يعلم)
أن يعلق على البوست دا والفيديو كليب دا ولا دا ميصحش من باب إن كلامي ها يبقى كخة؟

(الهدف من السؤال هو مزيد من الكشف عن الرياء الذي في داخلنا أمام أنفسنا)
فليسأل كل قارئ نفسه...
هل لو الحاج جرجس قال نفس التعليق بتاع عربي مثلا عادي هتمشي ولا هيعتبر بيثير فتنة طائفية وبيهاجم الإسلام... وإلخ
(لمن لا يعرف إلخ يرجع إلى بوست "يهدي من يشاء لسوسة المفروسة")

saso said...

في حد هنا قال ضمير، معلش اصلي قريت البوست والكومينتس ورا بعض فتهت
غير الضمير النزعة الاستعراضية اللطيفة بتاعة ساي هاي للكاميرا حتي لو بتصور جنازة او مظاهرة، بس جامع دي جديدة

Anonymous said...

يا كابتن عربى
انت سألت سؤال وعجب 1976 جدا وانا بسألك انت سؤال هو انت كشفت عن الى جوة بصدر هذا الرجل واسمح لى اقولك حكاية المفروض انها تكون معروفة لمعظم المسلمين وهى انه اثناء احدى غزوات الرسول كان صحابى يبارز واحد من المشركين ولما اسقط منه سيفة واوشك ان يقتله قال الكافر الشهادبين فقام الصحابى بقتله فعلم بذلك الرسول (ص) فغضب غضب شديد وهنا قال الصحابى يارسول الله انما قالها لينجو ( وهذا واضح للجميع ) ولكن الرسول علية الصلاة والسلام اراد ان يعلمنا درسا فقال له هل كشفت عن ما فى صدرة ؟؟؟ وانا اسألك هل كشفت عن ما صدر الرجل ؟؟
والهجوم العنيف على عبد الفتاح لماذا ؟
الرجل لم يخطء وانا اؤيد كلامة ومن منكم لم يصلى فى رمضان فليدخل اى مسجد فى صلاة القيام ويرى المئات ممن يجهشون بالبكاء فى دعائهم وصلاتهم ( اللهم اجعلنا منهم واجعل اعيينا تدمع من خشيتك ) ولمن لا يعلم هناك ايات فى القرءان اسمها ايات الترهيب وهى كل مايتحدث عن النار والعذاب والدار الاخرة وكان عمر بن الخطاب وهو الشديد القوى وخليفة المؤمنين يغمى علية عندما يستمع احداها وكذلك عثمان ابن عفان لان بين صدورهم قلوب تحس وتشعر وعقول تفهم المعانى اما نحن فقلوبنا وعقولنا مشغولة بالدنيا (اللهم اغفر لنا وارحمنا )اخبرونى اى مسجد ستذهبون وسأنتظركم لنضع المصليين صفا واحدا ونحكم من منهم منافق ومن ليس منافق ولكن هل نتفق ؟؟
كنت اعلم ان الموضوع سيثير جدلا ولهذا طلبت من سوسه فى اول تعليق لى ان تحذف الكليب وانا مرة اخرى اعيد طلبى لها بحذفة .
اما بخصوص اهتمامنا بمظهرنا الخارجى امام العالم فهو مهم جدا لان هناك من يحكمون على الناس من مظهرهم ولا يبحثون فى الاصول ولهذا نعم قلتها واقولها ثانية يجب الا نساعد - بدون قصد - فى ذيادة تشوية صورتنا التى هى اصلا مشوة وحدها .
يا اخ عربى و ياعم ريفومر قلتها واقولها خلونا نقيم تصرفاتنا مع بعضنا ونقيم تصرفات العالم الخارجى معنا ونقيم اى تصرف من تصرفات المخلوقات مع بعضها البعض اما علاقة العباد برب العباد فلنتركها لاننا وببساطة لن نستطيع تقيمها وليس لنا الحق فى تقيمها .
واعتذر للتطويل
ومرة اخرى ياسوسة انا لم اقل انك تحاولين الاساءة الى احد ولكن اعتقد ان الموضوع ماكانش له لازمة لانه فعلاً اساءة حتى وانا متأكد انك لا تقصدين .

مصرى متغرب said...

التعليق الى فات بتاعى للى عايز يرد او يعلق علية
مستنى تعليقك ياسوسة

mizo said...

massry metgharrab

ma7addesh 2al 7aga 3al nas elli bet3ayyet w heyya betsally, el fekra en el 2akh kan 2a3ed 3ady khales w bass lel camera la2aha betsawwaro ebtada y3ayyatt!!! ma3takedsh abadan en da me7tag tafkeer taweel howa bey3ayyet men 2albo walla manzar

wana 3ayez as2alak so2al, bet2ool "tashweeh soretna", 2asdak sooret meen 2oddam meen?? 2aftared 7osn el neyya kal 3ada w a2ool sooret el 3arab 2oddam el gharb, elli e7na fakreeno beydawwerlena 3ala ghalta, raghm en da tahayyo2at f dmaghna bass ma 3alena mesh mawdo3na,
law kan da 2asdak fa el blog bel 3araby w ma7addesh byedkhol 3aleh gher 3arab, ya3ni el mawdoo3 byetna2esh benna w been ba3d zay manta 3ayez...
amma el efterad el tany, methayya2li wade7 howa eh w mesh me7tag a2oolo, fa da daleel tany aw b sara7a 3asher en 7alet el ta3assob elli f baladna di 3omraha ma hatet7all

gher keda, e7na leeh bnakhod koll 7aga f sekket el deen?? el mawdoo3 3al nefak, wel video da soora mel nefak, elli mawgood f koll el mogtama3, fel madrasa wel gam3a wel shoghl wel beit wel game3 wel kneesa wel garayed wel tv wel radio w koll 7etta

مصرى متغرب said...

ميزو
اشكرك لاهتمامك بتعليقى والرد علية دة اولا اما ثانيا انت بتقول " ما اعتقدش " وبتقول "الموضوع مش محتاج تفكير " وانا هاسألك سؤال وهو موضوع الكافرالى نطق الشهادتين علشان ينجو بحياتة دة محتاج تفكير طبعا لا بس الرسول (ص) حب ان يعلمنا درس وقالها صراحة هل كشفت عن ما بصدرة ؟ وانا هنا مش بدافع عن الراجل انا والله ماعرفوش وكمان ماشوفتش الكليب انا بدافع عن مبدأ وهو حاجة انت مش متأكد منها ازاى تقول فيها رأيك ومثال تانى على كدة الحسن البصرى كان يمر مع احد تلامذتة على شباب يتقاتلون ( يتعاركون ) فوجد احدهم يضرب الثانى ضربا مبرحا فقال تلميذة ان هذا الشاب لظالم فقال له البصرى انما انت الظالم يابنى لاتصدق مالم ترى وصدق نصف مارأيت وشرح له ربما ان هذا المضروب مثلا قد سرق او اعتدى على الضارب قبل الان واعلم انة لايجوز ان تحكم على موقف مالم تدرك كل حقيقتة .
ثم تطلب منى ياميزو ان افترض حسن النية مع انك لم تفترضها للرجل والسؤال ماذا لو ان هذا الرجل كفيف هل انت متأكد انة مبصر ؟ اى انه لم يرى الكاميرا اصلا وليس معنى نظرة اليها انه رأها .
تطلب منى افتراض حسن النية مع اننى فرضتها اصلا فا انا اعلم جيدا ان سوسة لم تقصد ذلك وانا اؤؤكدة فى كل ردودى على تعليقاتكم التى تسعدنى
اما موضوع التعصب الذى تتهمنى بة - حسبما فهمت من كلامك - فهذا والحمد لله ليس فى واعلمك اننى قضيت ثلاث سنوات من عمرى فى غرفة واحدة مع شخص مسيحى كان فيها نعم الصديق رغم انه اتيحت لى غرفة مستقلة ولكنى رفضت لتعلقى به وهو كذلك ورغم اننى بدوله تانية ورغم عدم رؤيتى له منذ اكثر من 3 سنوات الا اننا مازلنا نتبادل الاتصالات الى اليوم ودائما كنا انا ووالدى حتى اكمالى التعليم الثانوى نذهب الى الكنيسة فى بلدتنا لنبارك لهم اعيادهم واتى القسيس الى بيتنا ليطمئن على ابى وهو مريض ولى من الصداقات المسيحية انا واسرتى الكثير فمن اين اتيت بوجهة نظرك لا ادرى واقول لك افترض حسن النية .
اما موضوع تشويه صورتنا وان الغرب لايبحث فأنت واهم فهناك منظمات واجهزة بالكامل مهمتها البحث عن الفضائح فى العالم الاسلامى واظهارها ولتتابع الصحف الغربية مثلا وهى تعلن ان طبيب مصرى اكتشف علاجا معينا اما اذا قتل احد اصبح طبيبا مسلما يقتل شخص وربما يجرح اخرين دليل اخر حماس ارهابية وحزب الله ارهابى اما ايتا وهى تفجر وتقتل فى اسبانيا فى منظمة انفصالية ههههههه وتقولى مش بيدورو ياعم خلى لو واحد دخل بالغلط سيبة يشوف حاجة كويسة مايشوفش سلبيات

mizo said...

shokran ya masry 3al radd,

awallan ana tab3an ma3rafsh elli f dakhel el ragel w maba7abbesh attahem 7ad men gher ta2keed bas fi 7agat bteb2a wad7a men gher ta2keedat kteer, ra2yi ennak t7awel tshoof el clip, w eb2a 2olli ra2yak ba3daha, a3taked ba3d keda hateb2a el 2omoor awda7

saneyan ana ma2asadtesh ennak mota3asseb, w 2asaf law kan da etfaham men kalami, ana kan 2asdi en mogtama3na 3omooman mota3asseb w da elli beykhaleek weykhalleeni awwel 7aga benfakkar feeha heya el deen, wenboss 3ala mawkef zay da men manzoor: el soora di l masee7y walla moslem w 3ala asas keda ra2yena byetghayyar, ya3ni el moshkela fel mogtama3 mesh feek wala feyya, ya reit akoon 3ereft awassalak kan 2asdi eh

mawdoo3 soretna wel tashweeh, 3andak 7a22 en fi ma7attat w garayed w monazzamat mo3ayyana hadafha keda fe3lan bas da 3ashan as7abha aw el mota7akkemeen feeha yahood, w howa da hadafhom, bas el nas el 3adeyya (ragol el share3 3ala ra2y el sa7afa) aghlabhom mo3tadeleen, masalan f almanya men kam shahr mohandes masry kan moshref 3ala mashroo3 fel sekka el 7adeed bta3ethom, el ragel tele3 fel garayed wel tv we 3amal interviews wel barameg etkallemet 3an masr wel masreyyeen wel ta3leem f masr b shakl mo7taram geddan, ya3ni e7na bass neshtaghal w net3ab wel nas hate7teremna, 3al a2all el mo3tadeleen menhom w sadda2ni dol mesh 2olayyeleen

sahar said...

يابنتي انتي عسولة اوي
وعلي فكرة موضوع الكتاب اللي جوة كتاب دي كانت بتحصل معايا كنت بعملها كتير وكمان الفرجة علي التليفزيون من وري بابا
انا مافتحتش الفيديو لكن عرفت موضوعه من التعليقات ربنا يهديهم يارب
وقبلاتشي

مصرى متغرب said...

ميزو
عفوا ياباشا انا شايف ان احنا متفقين فى معظم النقط بس لسة مختلفين فى الراجل منافق وبتطلب منى انى اشوف الكليب وانا باطلب حكمك فى القصة الى حكيتها والى فيها كل الناس الى موجودين واثقين ان الراجل الكافر منافق ونطق بالشهادة علشان مايموتش لكن الرسول حب يعلمنا الدرس الى قولتة قبل كدة
وان احنا مش من حقنا نحكم فى موضوع متعلق بالعبد وربة

mizo said...

mottafek m3ak tamaman, w ma3 el mawkefeen elli 7akethom, eni mesh men 7a22i a7kom 3ala 7add bas akid men 7a22i yeb2a leya ra2yi wel far2 ,f ra2yi, bein el 7okm wel ra2y, en el 7okm kate3 3ashan keda zay manta bet2ool lazem ab2a mota2akked mel mawkef w asbabo w eh elli warah, laken el ra2y da mogarrad ra2y momken ykoon sa77 aw ghalat

مصرى متغرب said...

ماشى ياعم ميزو
كدة اتفقنا وكفاية كدة احسن سوسة تطردنا من مدونتها
ماعلش ياسوسة حولنا وضوع لنقاش شخصى بينى وبين ميزو بس كان القصد ان كل واد يقنع التانى برأية ونوصل لنقطة تفاهم والناس تستفيد وانا من موقعى هذا (زى بتوع مجلس الشعب ) بحب اشكر الاستاذ ميزو على اسلوبة الراقى فى الحوار ونشوفكم البلوج الجاى ان شاء الله

mizo said...

ah heya leeha 7a22 totrodna b sara7a, e7na 2alabnaha msn:))) bas el mona2sha kanet momte3a w mo7tarama, shokran ya masry!!

soosa el-mafroosa said...

مااااشي يا كباتن

بيتكم و مطرحكم ..خدوا راحتكم ع الآخر..و الله أنا سعيده ان المدونه بقت بتتسبب في صداقات..تحس كدا انها ولا مركز شباب الحبانية

soosa el-mafroosa said...

عبدالله مفتاح

هو الراجل يا عبدالله مش باين عليه الحقيقة انه بيعيط مع الدعاء خاااالص ..بس عموما انت بتتبع نظرية حسن الظن ..الله اعلم

3rby

النفاق مالي حياتنا صحيح ..لكن الراجل ده عامل ليه كده ..يعني مثلا عاملين مكافأه لأكتر واحد بيعيط و الا عايز يمثل في التلفزيون والا ايه بالظبط

عمر

آآآآآآمممييييين

رانية

أهلا بيكي دايما يا جميلة ..و انا عمري مازعل من النقد المحترم

بس واضح حتى م الفيديو ان دي في الحالة دي ..شئ فردي ...أو بيحصل في حالات قليلة ..بدليل ان باقي المصلين ما عملوش كده
لكن بالنسبة للنفاق فهو منتشر في مجتمعاتنا العربية وفي كل مكان ..من أول بتاع الفول اللي بننافقه عشان يتوصى لحد أستاذ الجامعه و بيوصل-طبعا- لرئيس الجمهورية

مصري مغترب

أنا رديت ع الجزء بتاع نيتي في نشر هذا الفيديو ..و عدم قصدي تشويه الصورة طبعا و انما هو لمحاسبة الذات و البعد عن هذه الآفه

أكتب بالرصاص

وحشتنا و الله..الفيديو زي مانت بتقول..بس مش فارق معايا موضوع سنه أو شيعه ..انا باتكلم عن النفاق بصفه عامة..و متهيألي انت لامس هو حوالينا أد إيه

backbone

ده العشم برده الدفاع عن إعلام سوسة..حلوة إعلام سوسة دي تنفع اسم فيلم-

على فكرة هو فعلا مش المسجد النبوي..بس مش فارقه يعني

anonymous

مااشي بس قولنا اسمك ايه..نتعرف يعني

zangoolaaa

حلوة تسكيمات دي

soosa el-mafroosa said...

noor

كتنا ستين نيله ..آه

كلمه

مش عارفه ماتخيلتش انها توصل للدرحة دي خصوصا انه عارف ان الكاميرا مسجله كل حاجه

3rby

بدون الدخول في تقييم الفنانة العظيمة كوكب الشرق نانسي عجرم

سني والا شيعي ..هيا هياها ..النفاق مش محصور في الجامع و نص حياتنا للأسف داخل فيها النفاق

nirfana

أهلا بيكي ..لو تخلصنا م المظهريه في كل المجالات ..حياتنا هتتغير كتييير

tota

باحب على فكرة دايما تعليقاتك تحسي انها عاقله جدا و عن خلفية محترمة

تحياتي

سيجارة

أهلا نورتينا .و العفوووووو

عايزة أتجوز

آآآآمييين يا عروسة

reformer1976

علق علق يا عم الحاج ..انت عارف انا ماباشيلش تعليقات حد ..طالما كانت في حدود الأدب

هو انت و عربي عملته حزب قدام عبدالله و الا ايه؟
طب انا عندي فكرة انت ليه مابتدخلش على مدونته و تتناقشوا هناك ..أنا ملاحظه ان لا هو بيعلق عندك و لا انت بتعلق عنده!!!!ليه؟

عموما انا طبعا ما اقدرش أوصف اللي طلبوا مني أشيل الفيديو بالنفاق..هو بس الموضوع [اه حساس و خصوصا دلوقت الناس سانه السكاكين علينا ع الآخر

بس باسألهم هل لو كان الفيديو عن واحد بينافق مديره ..كانوا هيقولوا ان الفيديو بيبوظ سمعت مصر؟؟...هو بس موضوع الدين حساس قوي عندنا كلهم وانا عاذراهم
بس التدوينة زي مانت خدت بالك مش بينتقض طقس ديني لكن بينتقض النفاق عموما و الراجل ده كمثال واضح و فاقع عليه

saso

آه زي جنارزة عبد الوهاب بتاع الأهلي قريب ..الناس كانوا هيموتوا بقية اللاعبين اللي حايين يعزوا ..عشان يظهروا معهم في التلفزيون

sahar

والله انت اللي شربات ..دايما رافعه معنوياتي
الجيل كله كان بيعمل موضوع الكتب دي ..ياللا ع الأقل كنا جيل مثقف

مصري مغترب
&
mizo

حلوة جدا الشات رووم اللي عملتوها دي

من أول البوست الجاي هاحجز نص الكومينتات ليكوا ..و النص التاني لعبدالله و ريفورمار..ايه رأيوكوا

بس والله مستمتعه جدا خصوصا باسلوب الحوار الراقي و النقد البناء

تحياتي

عبدالله مفتاح said...

مش عارف ايه بيعمل ايه والقافله تسير

أحمد المصري said...

بوست جميل ومتيز بس بالنسبة للفيديو 000الله أعلم بالنيات

مفلس افندى الرايق said...

ههههههههههههههههه
لا هو اصلا لما بيشوف كاميرا وتصوير وليله من دى حب يعمل مشهد حزن بس طلع حزنه مسخره هههههههههههههه

يا راجل يا عايب

يا عجوز وشايب

قاعد جوا جامع

والمفروض انك طائع

تقوم اول ما الكاميرا تصورك

تعمل بتعيط مش مكسوف من منظرك؟

يلا اروح انام احسن اصل الراجل ده موتنى من الضحك

wa3d el3yoon said...

أمين يا رب
الله ما أحفظنا

مفلس افندى الرايق said...

نزلت بموضوع جديد تعالى شوفيه اوكى

الســـاحر said...

فى البدايه انا عايز اقولك ان احنا صيدله زى بعض

الموضوع جميل اللهم احفظنا من النفاق...ومعظم الناس بيكتبوا الى حسين بيهم بس علشان كده ممكن تلاقى بعض الناس مش حاسين العمل حتى ولو كان حلو..لكن العمل بتاعك ده جميل وكل واحد حسه وعمبه وفهمه..انا اديكى امتياز
وربنا يوفقك..سلام

Abdou Basha said...

أهه رمضان جاي.. والعياط حيكتر، خصوصا في جامع عمرو والمساجد الشهيرة
**
شكرا يا سوسة على اللقطة .

Aoossa said...

سلامو عليكو

وسع ياض أنت وهو
مين هنا بيتخانق مع سوسه صاحبتشى
كل واحد يرمى السلاح اللى فى أيديه
ويدور الجرى قبل ملطش
واللى شايف نفسه يورينى ذاته
رجالته أدام رجالتى فى التحرير
الساعه واحده الضهر يوم الخميس اللى بعد الجاى
عارفه ياسوسه أنا كنت غاويه أحط الروايات جوى الكتب فى المدرسه
و مره مدرس العربى شافنى قاللى يأوسه أقرأى براحتك أحسن متديها رغى فى الفصل ولا تولعى فى الديسك زى ماعملتى قبل كده
وأمين المكتبه كنت أظرفه سجارتين فرت
يدينى الكتب اللى عنده مش أستعاره مكنيه وكده لا كنت باضرب على الكتب عواف وبعد كده أبيعها لزمايلى
أصلى كنت طالبه شاتره
ممكن قنينة زناكس من فضلك

توهة said...

ههههههه
أنا طول عمرى بقول ان اللى بيعيطوا فى التليفزيون دول مش طبيعيين
بس بإن كل حلجه فى البلد مزيفه فمش صعب علينا إن زيف دموعنا
ونحط جلسرين

فانتازياااااااااااااااااااااااااا
فانتازياااااااااااااااااااااا

ألطيبُ said...

انا طبعا سعيد اني اول مرة بشوف المدونة بتاعتك الحقيقة عجبتني ودمك عسل وحبقى اكيد ضيف بيزورك كتير لو مكنش ده يزعجك
دمك عسل واتمنى لك كل التوفيق اما الفيديو فده مش كتير المنافقين عندنا بالشيلة هو احنا راجعين ورا من شوية ؟
تحياتي

Gid-Do - جدو said...

سوسة

كل سنة وانت والاسرة طيبين بمناسبة شهر رمضان وان شاء الله رمضان الجاى متبقيش مفروسة من اى حاجة ودة مش بعيد على ربنا

Nouran said...

يا نهار ابيض
هينافقوا مين ما ربنا شايفهم

Epitaph said...

نفاق و رياء
ولكن الله اعلم بما تخفي الصدور

و انا مش شايفة في عرضك للفيديو ده انك بتسيئ للاسلام و المسلمين
بل من رغبتك في التخلص من تلك النماذج التي لا تعبر عن المسلم الحق

كل سنة و انتي طيبة يا سوسة

ادم المصري said...

باضحك عليكي
هههههههه

دي اجابتي ع اسؤال اللي في العنوان لامؤخذة

تعرفي .. انا قريت رجل المستحيل متاخر قوي

شــهــروزة said...

سوستى
معلش كذا مرة احاول اشغل الفيديو مش شغال للاسف
بس انا استنيت لحد ما قريت التعليقات كلها وفهمت
الرياء يا حبيبتشى بقا عقيدة متوارثة عندنا
من اول تحية طويل العمر يطول عمره
لحد ما بنقول للسباك يا باشمهندس
وطالما بقا شيىء طبيعى واعتيادى يبقا مش حيحسوا انهم بيراءوا ادام ربنا
حيحسوا انه تصرف طبيعى وعادى
انا عندى واحد موظف فى الشغل طول النهار شغال مرمطون للمدير وهاااات يا مشاوير لطلبات السوق وبشترى له البط وينضفه له كمان
مع انه المفترض انه موظف محترم يعنى
بس كله عشان عيون التسليك والزوغان
-------
حتى الواد اخويا الصغير بيعمل شبورة نفاق كبيرة كدة لما يحب يخلع قرشين منى لما ربنا بيفتحها عليا يعنى بمكافأة ولا حاجة من دى
--------
انا كمان باعمل شبورة رياء على بابا لما اعوز اكمل تمن الجذمة
اصلى لسه باحوش تمنها
----------
على فكرة
انا مرتين انطرد من الفصل فى الاعدادى
وتلات مرات فى الثانوى مصحوبا بطلب موجة لولى الامر
كله من تحت راس روايات الجيب اللى كانت حتجيب اجلى دى
وباخبيها جوة كتاب الدراسات والفيزياء
كنت باعمل عبيطة ولا اسأل فيهم
-------
اموووووة سوسة يا قمر

كازانوفا said...

لا اله الاالله يعنى استفاد ايه ده يعنى لما عمل كده؟

3rby said...

يا عم مصري مغترب...انا مالي بس باللي انت بتقوله ده...وبعدين مين قالك اني هاروح اموته...انا شايف انه مثال مش مناسب....وبعدين يا جدعان ديه مابقتش علاقة واحد بربه...يعني تقدر تقول كده للي بيقولوا الشيعة كفار مثلا من غير مايدرسوا الفرق الشيعية...فتي وخلاص...ديه حاجة عامة...هو لما عيط قدام الكاميرا ماكنش قصده علاقته بربنا لانه عارف ان ربنا مطلع عالي في قلبه...لكن ده كان عاوز يوري للناس اللي حواليه انه شاب مؤمن يعني......انا هاطول شوية ...معلش يا سوسة استحمليني......انت تعرف يا مصري في الفلاحين...الناس مابتفوتش فرد في الجامع....بس برضه بيسبوا الدين جواه....وبياكلوا مال اليتامي وولاد ستين كلب...والواحد اللي بيقي فقير بيكتب يافطة ويكتب عليها تبروعا لبناء المسجد...ويحطها في ارض واحد ويقوله لو الفلوس اتجمعت هانبنيه في ارضك ولو ماكملتش يبقي ربنا مش رايد.....ويقعد يعمل نفسه شيخ ويقف يفتي ويسب الدين للناس اللي كانت بتظلمه....اللي انا قلته ده كله مالوش دعوة بالعلاقة بينه وبين ربنا...ده بيظلم اللي حواليه...زي الراجل ده...بيظلم نفسه بكذبه علي الناس....ولو ديه حاجة خاصة....كانت الناس كلها غلابة مثلا وقاعدين يصلوا ويناموا...وواحد مجرم مسلم بالوراثة يمشي يموتهم زي النمل ونقول بقي يا رب خلصنا...زي اللي بيجرلنا دلوقتي من بهدلة من الحكام والمحتلين...ده ينم عن جهل بالعقيدة....تلاقي الواحد ياخدلك ربع الاية بتاعة اولي الامر...بحيث انه يخليها توحي بسماحة الانسان المسلم لدرجة انه ياخد علي قفاه من الحاكم ويقول قماان...مع ان الاية مش معناها كده خالص.....النقاش ده ممكن يصحي قلوب ناس فقيرة في ضمائرها....لكن مش هايشوه صورتنا بالمرة....بسم الله الرحمن الرحيم"وما يغير الله ما بقوم حتي يغيروا ما بأنفسهم"ولا ده مش قرأن؟؟؟


ارجوا انك ماتكونش خدت كلامي بحساسية

مفلس افندى الرايق said...

سوســـــــــــــــــــه

اين انتى

محمود الششتاوي said...

فيديو رائع ولقطة رائعة جدا شكراً

حاول تفتكرنى said...

اللقطة تعبر تعبيرا فريدا
البكاء يبدأ بأحساس ثم يتحول الاحساس إلى شجن معين فتدمع العين وتنساب الدموع كل دى مراحل
أحيانا يصل شدة التأثير بالفرد الباكى إلى ( الشحتفة ) كما رأينا

ولكن لن يبدأ الفرد بالشحتفة مالاخر

الله اعلم
تحياتى

كــــــازنــوفــا said...

بيضحك على نفسيته
ههههههههههههههههههه
مجنون
مجنون
مجنـــــــــــــــــون
مجنـــــــــــــــــون

مجنـــــــــــــــــون

مجنـــــــــــــــــون

ام العيال said...

ربنا اعلم مافي الصدور
الي بيضحك بيضحك على نفسه
او

يمكن الكاميرا فكرته بحاجه مديقاه

عـلا - من غـزة said...

لاحظتو يا جماعة الراجل الي حاط ايده على خده و"ربنا العالم" بيشخّرّّ؟!!

littilemo said...

ده مالوش حل
دى باينه يعنى وماحدش هايحاسبه؟؟؟؟؟؟

H@Y$@M said...

ok , i guess u already know who i am , :D , finally we Got in touch , it been ages since i seen u signing online soosa , been ages , i know , i am the one to be blamed , but i cross my heart , it is all out of my hand , it was such a long long long year , and nowadays i am getting ready for the final exams which will start soon , on 21th of Ramdan , so i guess this Ramdan will be just as the passing 4 ones , alone here in the Capital , stuck to my books , trying to be something , anyway , i got u now , and i read all ur blog , never imagined that this Calm outlook is hiding all this pressure , it is good to see u spitting it all out , even if it is over here , in this imaginery world ,and dont worry , i will keep ur secret , :D , See ya soon God willing , and Not this feast , cause i will spend it over here in cairo , i got Internal Medicine Clinical exam on the 4th day of the feast ,so , after i am done with all my exams , i Promise U ,i will make it up for u all :D , i Promise , Yalaa , Chill Out sis , Keep this Blog beating ,and see ya soon sister ;)

Nouran said...

سوسة انت مختفية روحتي فين مش متعودين ع الغيبة دي

Diyaa' said...

ربنا يحرقهم بجاز وسخ ...هما دول اللي مبوظين الدنيا و الدين
عموما الدنيا لسه فيها خير بس محتاج ملقاط عشان تشوفيه

Reformer1976 said...

عزيزتي سوسة
عاجبني أوي موضوع ترحيبك بأي تعليق من أي حد
بشرط إنه يكون في حدود الأدب
هو دا الكلام ولا بلاش
هو دا الإعلام الهادف
هو دا التدوين النظيف
(أخو السينما النظيفة)
أؤيدك بشدة وأدعمك بقوة
ولا صوت يعلو فوق صوت حدود الأدب
أنا بفاكر أطلع جريدة أدبية أنافس بيها أخبار الأدب وأسميها
حدود الأدب
وبافكر أطلع كتاب أسميه
حدود الأدب عند جدود العرب
أتمنى دعمك في الكتاب والجريدة
واحتمال أخليكي رئيسة قسم التنقيح
ورئيسة اللجنة العلية لترسيم حدود الأدب
شكر الله سعيك
والله يرحمنا جميعا

3rby said...

طيب ليه كده يا جرجس....احنا صحاب بس ان كان حبيبك عسل ماتلحسوش كله...هاتنافس اخبار الادب ليه بس...مش انا قلتلك ابويا بيشتغل ايه مره؟بقي هي ديه الصحوبية؟

bosbos said...

ده انا ياما قريت رجل المستحيل في الكتب

بس موصلتش لكده
استغفرالله هو وحده اعلم بالنفوس

مفلس افندى الرايق said...

تعــــــــــــالـــــــــوا

فــــــــــــــــــى

موضــــــــــــــــــوع

مهـــــــــــه جـــــــــــدا

soosa el-mafroosa said...

عبدالله مفتاح

دي مواضيع شخصية مش هتدخل فيها

أحمد المصري

شكرا ...و الله أعلم

مفلس أفندي

القريحه شغاله على طول...الله ينور ..اللهم لا حسد

wa3d el3oyoon

آمين

الساحر

أهلا يا زمل...شكراع التعليق الجميل

abou basha

اللهم بلغتا رمضان ..و احفظنا من النفاق...آمييين

أوسه

أيوة كده مادام أوسة حبيبتشي ورايا عمري ماخاف ..أوعى يا جدع انت و هو لتولعلكم في الديسكات و لو بلغتوا هترشي العسكري بسيجارتين و تطلع منها

soosa el-mafroosa said...

فانتازيا

مش بس في البلد دي..لأن الراجل شكله مش مصري..دي بقت ظاهرة عالمية

الطيب

نورت المدونة....و هتنور على طول طول مابتزورها انشاءالله

gid-doجدو

وانت طيب يا جدو يا عسل ...يا رب انا نفسي أبطل أتفرس بأه بجد أعصابي تعبت

nouran

ما هو اللي يتعود ع النفاق طول حياته بيبقى زي مايكون بيجري في دمه و بيوصل للمرحلة دي

epitaph

كل يوم باحبك أكتر و الله خصوصا أرائك الجميلة
وانت طيبة يا جميلة

admelmasry

ماشي يا فقري ..يعني بطلت خسارة خسارة اللي كنت ماشي توزعها علينا
و بعدين قريت رجل المستحيل متأخر الساعه كام يعني؟

شهروزة

ازيك يا قمر
معلش مش عارفه ليه الفيديو مابيفتحش عند بعض الناس
و بعدين مهما كان النفاق منتشر ماتخيلتش انه يبقى بالشكل ده
روايات الجيب دي ربت أجيال

soosa el-mafroosa said...

كازانوفا

يظهر عندهم حد زي طارق علام كان عنده أمل يديله شقه

rby

الكلام جميل..بس مش هارد عليه لأنه مش موجه ليا

مفلس -تاني

أنا أهه

mooaten

العفو .. وأهلا بيك ...نورتنا

حاول تفتكرني

يظهر بما ننا في عصر السرعه ماعدش فيه وقت للمقدمات..نخش في الشحتفه على طول
هاقول ايه بس؟

karmen

أهلا بيكي ..سعيده بزيارتك..بس ايه الصورة دي ...أنا اتسرعت

أم العيال

الكاميرا شكلها مش فكرته ..دي عضته

soosa el-mafroosa said...

3ola

اللي يشخر يمكن غصب عنه ساعات بتحصل ..بس التاني ده ذنبه ايه؟

أهلا بيكي

littlemo

ياسلااااام ..أخيرا نطقت
عموما بالنسبة لأخينا ده ربنا يشفيه

h@ysam

ماتعرفش أنا قد ايه سعيده انك جيت
وشكرا ليك على حفظ السر
ربنا يوفقك في امتحاناتك انشاء الله
هو انا مش باين عليا بجد؟
تحياتي و اشوفك بعد العيد

nouran

معلش يا نوران أنا كنت مشغوله شوية

diyaa

أهلا بيك ..شرفتنا..هو بالنسبة للناس الكويسة بأوا فعلا نادرين ...ربنا يسترها معانا يارب

soosa el-mafroosa said...

reformer1976

يعني ايه؟

مش فاهمه ايه اعتراضك بالظبط؟

3rby

هي أخبار الأدب دي لسه شغاله ..و الله باحسبها اتقفلت..مش بافول على باباك و لاحاجه
بس حقيقي ماعدتش باشوفها خالص

bosbos

أنا برده قلت ان شكلك مثقفة..الجيل كله اتربى على رجل المستحيل..ربنا يمسيك بالخير يا دكتور نبيل

ربنا يحفظنا من النفاق يا رب

مفلس أفندي-3

إنت بتشتغلني انا رحت لقيتك شلته

3rby said...

ولا انا يا بنتي والله...ولا عمري قريت حاجة فيها اصلا...ولا عمري قريت حاجة لبويا...ولا مقالات ولا كتب...علشان كده الراجل ده كارهني

m_elsewedy said...

ههههههههههههههههههههههههههههههههههه
الراجل منظره تحفة
بس كانت هاتبقى اجمد لو حد كان قاعد جمبه ونبهو بكوعه كدة ولا حاجة ان الكاميرا جاى عليهم كان الراجل هايعيط اكتر عشان الخبطة وعشان النفاق
:D
جبتيها منين دى؟
:D
مشكلة انتى والله يا سوسة

مفلس افندى الرايق said...

انضم للدفاع عن رسولك

me2 said...

وضوع ده بيتكرر كتير قوي مفيش صلاة تنقل على الهواء مباشرة إلا و تلاقي مليون واحد بيضحك للكاميرا و يبص يمين و شمال و مليون حاجة تانية
في الحج مثلا مقدرش أنسى الحجاج اللي يبلوحوا للكاميرا
مش فاهمة هو البني آدمين بيصلوا ولا يحجوا للشهرة و لا علشان ربنا

*ملحوظة يا سوسة مدونتي إتغير اللينك الخاص بيها:
http://indifferentspace.blogspot.com

kalam 7or said...

انا عاوز اقول حاجه ان النفاق ده اقذر شىء لانى ذقت منه واتلسعت منه وعلى فكرنا الحياة 90% منها رياء ونفاق واصطناع وشوش

بسم الله الرحمن الرحيم
ان الله لا يغير ما بقوم حتى يغيروا ما بانفسهم

صدق الله العظيم

H@Y$@M said...

Mmm , i guess it is time for me to contribute :P , Let`s get down to business
first sorry for writing in English , i am not acting superior over here, but it is just the language i used to type with since i started using this Internet
fooling , acting , decieption , it is all just describtions to what that Guy did in the Video , but , didnt u all ask ur self why he did that ? , why pretending? cause we all just look to the outer superficial outlook , cause it no longer doesnt matter in what u believe in , it just matters what u looks like , whatever the outlook , over here , being so religious may get this Guy whatever he wants , so why not pretending , as long as Fools like Us gonna believe it , so i guess the reason of it , is Us all , not Him ,God says in The Qur2an , what indicates , God doesnt look to what u do , God looks Deep inside of U , ,,, God doesnt change Ppl untill they themselves change , so , we better start looking inside of Us , instead of Looking around and critisizing ppl , :D , sorry for any Misspelling, it is my stupid KeyBoard , for Non english Readers , Have Fun , :P

عمر said...

كل سنه وانتم طيبين وربنا يعود علينا وعليكم الايام بخير

Anonymous said...

ازيك يا طنطاوي 00ايه المفاجأة الحلوة دي00انت وحشتنا ووحشتنا كاركاتيراتك00كنت دايما اتساءل ياترى انت فين يادكتر00!!نورت النت 00شكرا لسوسة هي السبب وأنا ماعرفتش احييك في مدونتك لأني مش من المدونين 00 heba

مفلس افندى الرايق said...

القمر مستخبى ليييييه هو بصوم من دلوقتى عن الكلام

Amira Hassan said...

بجد حاجه فعلا تفرس

Aoossa said...

ســـــــــــوســه
كل سنه وأنت طيبه
ورمضان كريم
يا عسوله
أنت وكل البلوجرررريه
الأحرار
تعالى خديلك فانوس من عندى
وشمعه من عند شهروزه
ونغنى بقا

soosa el-mafroosa said...

3rby
إخص عليك طب حتى ارفع من روح أبوك المعنوية

سويدي

حمد الله ع السلامه ..و الله وحستنا يا أخي
لعل المانع خير

أو ممكن كان قال للي جنبه اقرصني عشان أعيط ..كانت هتبقى أوقع

me2

لا و الأنكت اللي بيتصوروا على عرفات فوتوغرافيا ..و المصور يقعد يقولهم ..ارفعوا ايديكم ..اعملوا كأنكم بتدعوا


kalam 7or

90% بس؟
لا متهيألي أكتر
حالات نادرة جدا اللي الواحد بيلاقي فيها حد مش منافق..ده ان لقا

soosa el-mafroosa said...

h@y$@m

منور المدونة باللي فيها يا سيدي
معظم الناس فعلا بتحكم بالمظهر الخارجي ..و فيه ناس فعلا بتحاول تتجاهل ده ..بس ما بينفعش ..لازم يحاولوا يظهروا بمظهر كويس قدام الناس ..بس متهيألي دي حاجه متأصله في البشرية صعب تتغير..بس ممكن نحاول نحد منها ع الأقل

عمر

وانت طيب يا عمر...مش هتيجي انت وبابا و ماما تقضوا رمضان هنا؟

مفلس أفندي

معلش نفسي مصدودة من مؤتمر الحزب الوطني

amira hassan

أهلا بيكي في المشروع القومي للمفروسين المصريين

أوسة

وانت طيبة يا سكر
ايوة كده انت و شهروزة افتحوا محل فوانيس و كلنا هنيجي نشتري منكم ..و أهي سبوبة كويسة برضه

BackBone said...

انا جيت اتسحر عندك بس واضح انك مش هنه, طب ياست البنات ابقي سبيلي اي حاجه كده في الناموسيه,
ياللا تحياتشي و كل رمضان وانتي الي الله اقرب.

ذو النون المصري said...

diyaa ما الفارق بين الجاز النظيف و الجاز الوسخ ما ربنا يحرقهم و خلاص و بعدين لو ربنا حرق كل المنافقين احنا كمان رايحين في الحريقه .النفاق انتشر بصوره مخيفه ،،ادعوكم فقط لاعادة قراءة رواية السباعي المشهوره ارض النفاق لانها موضحه حجم هذا الانتشار بين افراد الشعب كله بما فيهم المتضررين من النفاق و المقاومين له.

واحـــد مـــــن الـنـــاس said...

كالعادة يا حاجة سوسة

هتلاقي التهم نازلة عليكي
من نوعية
------------
: دي بتشوه سمعة مصر !!
---------------
دي بتهدف للنيل من الاسلام واهله
-------------
لقد صبأت سوسة عن ديننا ..واتبعت الدين الجديد ...ويحها ...ثكلتها امها
اقيمو عليها الحد ...
--------------

اكيد سوسة دي جزء من الهجمة الامريكية الصليبية الشرسة ضد ديار الاسلام
-----------------
لا يا عم سوسة دي اساسا عميلة لجهاز الموساد الاسرائيلي والسي اي ايه الامريكي والدبليو سي المصري
انا مصورها وهيا بتسلم على جورج دبليو بورش شخصيا الاسبوع اللي فات
---------------
ربنا يعينك يا سوسة
على العموم .النفاق موجود في كل شيء في الحياة في مختلف المجالات
وزي ما في نصابين وملحدين منافقين ...في برضه نصابين ولابسين جلاليب ومربيين دقونهم .....
انا مستغرب من الحج جرجس والحج عربي والحج عبد الله ...عملتوها خناقة !!!
ايه ده
بس بجد يا سوسة
صدق اللي سماكي سوسة

محمود سعيد said...

على فكرة انتى اللى مفهمتيهوش بالضبط
الشيعة عندهم ديه حاجة زى العبادات اللطم والبكاء فى مناسبات ذكرى الإمام الحسين وغيرهم

فده مش رياء ده عندهم زى الصلاة كده .

abu_shakuush said...

that is funny :-)

belhana said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول