Friday, December 01, 2006

لا تعتب علي...إعتب ع القمر





بعد البوست اللي فات و الخناقة الجامدة بتاعته

و تعليقاته اللي عدت المائة تعليق

و الدخول في مناقشات دينية مع اني حذرت منها في أول البوست

و بعد اتفاق معظم أعضاء الخناقة على ان انا غلطانة

غلطانة عشان ما اخدتش جنب ضد التاني و مادخلتش في الخناقة أنا كمان

بصراحة أعصابي تعبت

أكيد انت كمان لو تابعت الخناقة دي أعصابك برضه تعبت

و لو سألتني كصيدلانية محترمة و خبيرة في تعب الأعصاب

العلاج ايه يا دكتورة

أقولك .....فيروز

فلو سمحت ..افتح السماعة إذا كنت قافلها

و استرخي في الكرسي بتاعك كده ....و اسمع

و لو كنت لسه عايز تعتب على حد

من فضلك
-
-
-

لاتعتب علي....إعتب ع القمر

63 comments:

islamz said...

اولا انا فرحااااااااان لانى اول واحد شاف الموضوع ورد .. ثم بقي مين قال انك غلطانة
انتى قلتى وجهة نظرك .. وقلتى حدود الموضوع اللى هتتكلمى فيه .. وقلتى انك مش هتخرجى عن الحدود دى .. وسلامة اعصابك ..الف سلامة
وبما انك صيدلانية اديها قرصين بنادول يريحوا دماغك .. يا سوسة ريحى نفوخك وخليكى زى ما انتى

اغنية فيروزية روعة .. يلا بقي روقى

والسلام ختااام .. ومتنسيش تزوريني

:]

Ahmed Rashwan said...

إحنا يهمنا أعصابك يا ست سوسة
هدي اللعب يا دكتورة ، وميرسي على الأغنية الجميلة

Anonymous said...

Dr.Mafroussa,seems that we cannt even know how to respect each others opinion especially if it has to do with the Hijab or any religious matter.Anyway,your post was great.

3rby said...

اراهنك ان فيه حد هايفتح الموضوع تاني ويقولك ايوة انتي الغلطانة
انا كنت كتبت تعليقين طلعت الكل غلطان بس قلت اشيله احسن تقوليلي كلمة ابيحة
:)

ذو النون المصري said...

حمدا لله علي السلامه ،البوست الفائت عمل مشكله حقيقيه او بمعني اصح كشف عن وجود مشكله حقيقيه و متاصله في مجتمعنا اتمني انها تزول.
ما علينا ..........المهم ياريت البوست ده نكون فيه اقرب لبعض اكثر و متسامحين اكثر و قادرين علي فهم بعض اكثر و لعله يكون فرصه نسوي فيها خلافاتنا كاخوه في وطن واحد و نعتب فيها مش علي بعض لكن كما قلتي نعتب علي القمر
و متشكرين علي الاغنيه و لو اني لم اسمعها بعد!!!!
كان نفسي اكون اول معلق علي اي بوست مش مشكله المره دي.....خيرها في غيرها ان شاء الله

ذو النون المصري said...

بالمناسبه يا سوسه لاتنسي جائزة اسلام(الفجله الذهبيه)
باعتبارانه صاحب اول تعليق

None said...

احسن حاجه عملتيها يا سوسه
انك حطتى فيروز ولا تعتب عليا واعتب على القمر
حطو السماعه فى ودانكو وبالشفا
ده احلى علاج يا صيدللانيه

islamz said...

ايه ده هو فيه جائزة ليه ... الفجلة الذهبية .. الله طب هأخدها امتى .. مليش دعوة لازم اخد جايزتى .. ربنا يخليك يا ذو النون قلتلى على الجايزة .. ومتخافش هديك حتة منها ... ههههههه

تحياااتى وسلاااامى للجمييع

وتحية خاصة لسوستنا المفروستنا

والسلام ختاااام

:]

واحـــد مـــــن الـنـــاس said...

يا دكتورة فيروز مجبتش نتيجة
اعمل ايه
ممكن اجرب البيبسي ؟؟؟

Anonymous said...

معلش اسمحولى اخرج عن الموضوع

هذا فيديو مضحك جدا عن عسكرى امن مركزى بيسألوه سؤال المفروض أة طفل فى مصر يعرف اجابته

وعد شرف انكم حتقعوا من طولكم من الضحك

هاهاهاها

http://www.youtube.com/watch?v=t_3l95tYfD4

فرى

3rby said...

ايه يا واحد من الناس
لو سمحت
ممنوع الألش
:)

Anonymous said...

يا عيني
انا كنت قريت الموضوع
و التعليقات
بس معرفتش الخناقة خلصت كام كام؟
:)

صباح الفل يا سوسة

واجدع سلام لاحلي فيروز

صباح الروقان

ذو النون المصري said...

امال ايه يا اخ اسلام؟فيه جايزه طبعا ...و كويس انك هتقسم معايا.كده الجايزه يستحقها اتنين بدل واحد وكده نضمن ان سوسه مش هتخلي بينا لاننا ممكن نتفق و نولع المدونه او نسمم لها الفراخ اذا ما اخدناش حقنا
و للا انت ايه رايك؟

ام العيال said...

انت دكتوره مع مرتبه الشرف
اختيار رائع حالم جميل
بعد فيروز لا كلام

صار لازم اودعكم

Anonymous said...

هدوء ...سكون ..اسمعو... وبطلوا كلام شوية
شكرا ياسوسة على التحفة الرائعة دى واسيبك بقى علشان اسمع القيثارة

mariam said...

سوسة انا اتخضيت من اللى حصل فى التدوينة اللى فاتت
بس احيى موقفك اللى هو مش غلط
و على العموم كنت اتمنى لغة الحوار تبقى احسن شوية
تحياتى

dandana said...

هو صحيح انا ماكنتش موجودة فى الخناقة...
ودى اول زيارة ليا هنا...ومش هاتبقى الاخيرة اكيد...

بس فيروز حبيبتى...واى اغنية ليها طبيعى تدخلنى فى حالة انتشاء جميلة...

3rby said...

انا بقالي اكتر من ساعة باقرا في التعليقات اللي في البوست اللي فات وبعدين زهقت بس قررت قرار
انا هاعدل عن اسم كوهين وهانديه بالاسم اللي هو عاوزه علشان التخلف والشتيمة اللي حصلتله ديه
ومش هاعلق احسن حد يقولي حرام عليك تدافع عن مسيحي
ولولا اني في مدونة بنت كنت قلت كلمة اختصار لجملة وبعديها يا بلد

Anonymous said...

Time out Dr. Mafroussa...maybe you should write a blog on the Cairo Film Festival or maybe about the rape and killing of small boys in trai stations ? Maybe the Festival will be much more relaxing

ذو النون المصري said...

انا باعتقد ان خناقة المدونه الماضيه في حاجه لاعادة نظر لان فيها اخطاء كثيره ارتكبت بحق احدنا و الكثير استعمل معه الفاظ غير لائقه فلي اقتراح باعادة مناقشة احداث الخناقه الماضيه في بوست اخر لان الموضوع اغلق قبل ان ينتهي حسب رايي
3rby
انا لن اقول لك حرام انك تدافع عن مسيحي بل سالومك باستعمالك لفظ ادافع لانه ضمنيا يعني ان الرجل عمل شيء خطا و هذا لم يحدث
و لن اخاف ممن سيقولون حرام

ذو النون المصري said...

3rby
اسف جدا لتطفلي
الكلمه التي لا ترغب في قولها علي مدونة بنت قلها عندي علي مدونتي
سلام

الأميره أوسه said...

هههههههههههههه
طول عمرك سوسه
أيه الروقان ده
بعد ما أربعه ماتوا فى المعركه اللى فاتت بتسمعى فيروز
طيب ندفن الموتى و ناخد عزاهم
صحيح هو عددالأسرى وصل كام
وحشانى موووووووووووووووووووت
فرستى ألأعداء

ذو النون المصري said...

ايه الحكايه انتم في حالة راحه من سخونة البوست الماضي و للا ايه؟
انا شايف ان البوست ده نايم زياده عن اللزوم .وللا مينفعش نعلق الا اذا كان واحد مسيحي بيتكلم هنا؟
يا ريت الكل يرجع للتعليق و بسرعه

Anonymous said...

الله عليكى يا سوسة وعلى المزااااااااااج العالى بما انى احد الاعمدة الاساسية فى المشادة الكتابية اللى حصلت بعتذرلك يا سوسة انى انا عملت كده فى مدونتى اختى سوسة اللى اول مفتحت عينيا على التدوين كانت اول واحدة مدت ايديها ليا هيا سوسة وليا الشرف فى ذلك ومتزعليش منى يا سوسة

سلام

3rby said...

انت ماغلطش في سوسة
اقري التعليقات تاني وانت تعرف انت غلطت في مين
مش ديه روح الاسلام
الاسلام عمل حرية ديانات
وبعدين ولاد الكلب اللي عملوا اضتهاض لابو جرجس ماينفعش تتكلم عنهم بنبرة فخر
عيب
ماهو من اللي بتعملوه ده بيقولوا علينا غوغاء وبيرسموا كاركتير عن نبينا
قال وانت مش مسائل عن اللي بيعملوا حسني مبارك واللي بيتظاهورا ضده هبل وبيهيسوا
علي كده لو مشي في الشارع موت في الناس زي صدام هاتقول ربنا هايساله
طيب والاخوان دخلوا مجلس الشعب علشان يتكلموا عن الحجاب ولو مبارك عمل حاجة يقولوا زيك كده ربنا هايساله
انا ضد اللي قاله فاروق حسني زي مانا ضد الهبل اللي بيحصل في مجلس الشعب زي مانا ضد اللي حصل المره اللي فاتت
وللاس ماقرتش اللي حصل غير في الاخر بعد ماكل حي راح لحاله
قبل ماتتعصب وترد عليا اقري وشوف جرجس غلط في ديننا زي مانتوا غلطتوا في دينه
انا شايف ان مش المفروض انه كان يتكلم بس الرد مايبقاش بالارهاب والعصبية ديه

3rby said...

مامن لمبارك في انه يحكم البلد ويحفظها لان ربنا هايساله عنها
طيب ماربنا تعهد بحفظ الاسلام
وماتعهدش بحفظ مصر ومع ذلك انت مهتم بالامحفوظ اكتر من اللي ممكن يتنفخ

ذو النون المصري said...

كلامك سليم يا عربي الغلط مكانش ضد سوسه فالاعتذار المطلوب لجرجس باعتبار ان الغلط حصل ضده
و لسوسه باعتبار انهم اوقعوها في حرج شديد مع جرجس

Yasmine Adel Fouad said...

ايوة كده حبة روقان
احسن فى ناس ما بتصدق و تهيص
صحيح كنت بسمع اميمة الخليل بس نغير لفيروز احسن ناس
و سيبك يا اختشى
بصفتى صيدلانية انا كمان
أعصابك تهمنا
فى مرضى محتاجينلك يا بنتى
صحيح الصيادلة زى الارز بس هو فى كام واحدة سوسة المفروسة

Anonymous said...

زبادي في الخلاط

والله معاكي حق يا ست سوسة الموضوع كان سخن ع الاخر
علي فكرة البلوج بتاعي باظ ونقلت لموقع جديد هو
زبادي في الخلاط
زبادي في الخلاط

الأميرة أوسا صبخ الفل بيجبني نقدك الساخر من الأشياء

وعايز اقول لك إني غيرت البلوج بتاعي لأن القديم باظ ومش بيفتح معايا والجديد هو

زبادي في الخلاط
http://zabady.tadwen.net/

Anonymous said...

زبادي في الخلاط

معلش لي اللخبطة لكن مش بأيدي البلوجر ملخبط معايا خالص حتي الكتابة بيدخلها علي بعض
معلش

lastknight said...

شكرا يادكتوره على الدواء الشافى لأعصابنا ..

elkamhawi said...

قشطة جداً

Anonymous said...

السلام عليكم ورحمة الله..أنا د/محمد الوكيل (باتمان2004)..
شكراً يا د/سوسة على البوست الجميل..وارجو أن تستمري بتناول موضوعاتك بجرأة ودن خوف إلا من الله..وفقك الله وهداك إلى سواء السبيل..
شكراً..د/محمد الوكيل

واحـــد مـــــن الـنـــاس said...

مبلاش نتكلم في الماضي
اللي حصل حصل
كل الهجوم اللي حصل لجرجس كان عشان حشر نفسه واتكلم في حاجة ملوش فيها
واتكلم بطريقة مش محترمة عن المساجد واساء ليها
والناس اعتبرت كلامه اهانة للاسلام
عشان كده ردو عليه بغلظة ..
وبدافع الحمية والغيرة على الاسلام

وعلى فكرة الاخ ذو النون اللي بيقول اننا لازم نعتذر لجرجس
بصراحة انا مش لاقي حاجة اقولها
نعتذر لمين ولايه وليه ؟؟
جرجس هو البادئ
والبادئ اظلم
وزي ما قلت قبل كدا
مادام سمح لنفسه انه يتكلم في امور مفروض ميتكلمش فيها
يبقى يستحمل ردود الناس عليه

انا شايف ان الوحيدة اللي تستحق الاعتذار هي الاخت سوسة المفروسة عشان احنا عملنالها خناقة في مدونتها
وانا اعتذرتلها قبل كده
وبكرر اعتذاري

وياريت يا اخ ذو النون تبص بحيادية شوية وترجع تقرا البوست وكل التعليقات من اول وجديد
لان الناس كلها كانت مجتمعة على ان جرجس غلط
ما عدا انتا طلعت وقولت انه مغلطتش

من الاخر
اذا كان حد غلط او اهان عقيدة جرجس
فجرجس عمل نفس الشيء بالعكس هوا اللي بدأ

واذا كان حد اهان جرجس اهانة شخصية فجرجس عمل كده وهوا البادئ برضه
والتعليقات لسه موجودة والشتايم واضحكة وضوح الشمس فيها

انا اسف اني فتحت الموضوع من جديد
بس عشان اوصل رأيي للاخ ذو النون المصري
واسف للاطالة

islamz said...

يا جمعاعة .. يا ريت بلاش نفتح الموضوع ده تانى .. خلاص اللى فات مات ..مش كل بوست هنفكر فى اللى كان قبله .. اللى غلط غلط .. واللى اتكلم اتكلم .. وخلصت الحكاية
خلونا نفتح صفحة جديدة زى ما بيقولوا ..
وبلاش نتكلم فى مواضيع قديمة ...

والسلام ختااام ... انت فين يا سوسة

:]

Ahmoss said...

والله أنا ماشفتش الخناقة غير لما دخلت هنا دلوقتي ... لي تعليق بسيط هو اني في الولايات المتحدة منذ عامين لم يهاجمني أي شخص بسبب ديني أو لوني أو أراءي.
هم فقط يستمعون ويوافقوا أو يختلفوا أو يقفوا على الحياد ... كذلك لم يقل لي أحدهم يوما إن ده موضوع أمريكي ماتدخلش إنت فيه ,على العكس تناقشت في إنتخابات مجلسي الشيوخ والعموم وزواج المثليين وغيره مما لايخصني وإهتموا بسماعي ليعرفوا كيف ينظر إليهم النصف الأخر من العالم.
هو ده سبب تطورهم وهو تقبل وجود فكر أخر .
شكرا يا سوسة و ماتحكيلنا يا دكتورة إيه حكاية العاركة بين الحكومة وبينكم.

3rby said...

بص يا عم علي
انا اللي فتحت الموضوع
جرجس وضح رايه انه مش قصده ان المساجد المفروض تتقفل بس المفروض لما تتفتح تتفتح الاحزاب كمان والحركات الشعبية
وده كلام صح
لان الانسان ليه طاقة
ماينفعش تقولي هانفتح الجوامع 24 ساعة ونقفل الجوامع اكيد هايحصل حاجات احنا مش عاوزينها تحصل
انت اكبر مني وعارف الحياة كانت عاملة ازاي
وبعدين لو انت شايف ان ده مش من حقه كان المفروض تردوا عليه من غير شتايم
يعني كان المفروض تقوله لو سمحت صاحبة المدونة مش عاوزة حد يتكلم في فرضية الحجاب وده شئ لا يمسك بصلة(وانا شايف كده)برضو بالنسبة للجوامع كان ممكن تقولوا مايتكلمش بالاسلوب ده
مش واحدة تقولوا 3 في واحد واللي يقول رب الارباب
انت كده مش بتتكلم في حاجة تمسك
انت كده ببتكلم في الذات الالاهية عندهم
خليك عادل وقولي ده زي ده
هو مش بيدخل هنا ومش شايف التعليقات
ماتبردش عليا من باب انك مستكبر تقول انك غلطان
او حتي ممكن نتكلم في الماسنجر
بس زي ماقولتلك المساجد اللي بجد المفروض تتقفل 24 ساعة لانخا مش مساجد اصلا وتحت البيوت وبيبقي واقف فيها واحد بيفتي وهو مش فاهم حاجة بهدلت مصر
وديه اصلا المسلميين العاديين يخافوا يدخلوها من المناظر اللي فيها
الناس اللي خرجوا منها قتلوا مصريين واضروا باقتصاد مصر
يعني من حقه يتكلم فيها
وبعدين لما تلاقي كنايس بتطلع متشددين ابقي اقفلها بالشمع الاحمر
لكن الحجاب مالوش فيه
زي ما رب الارباب مالكش فيه
انتوا اهنتوا دينه بشكل موجع
ايميلي
doda_902005@yahoo.com

Anonymous said...

على فكرة يا عربى انا شايف انك متحامل كتير على على يا جماااااااااااااعة كل واحد وليه وجهة نظر قالها ولو حد عايز يعتذر يعتذر محدش غلط فى حد يعنى كلها كانت مناقشة بريئة مش اكتر

اما بالنسبة اللى قولتله لجرجس فانا مش بحب احد يغلط فى الاخوان المسلمين من الاخر كده اللى عايز يقول عليا اخوانى يقول بس انا الناس دى مش بحب حد يغلط فيها انا شايف انهم صح اما الجوامع عمرها مكانت مصدر للارهاب والكلام الفاضى ده يا عربى الجوامع علم وايمان وعبادة لما لو تقولى بيجمعوا فيها عشان الغزو والكلام ده هاتلى دليل وواحدة تانية تقولى واحد من الاخوان المسلمين عاملة يافطة تأييد لجمال مبارك طب بزمتك انتا تصدق الحكاية دى وياريت نقفل الموضوع بقى لو سمحتم

3rby said...

بص هاقولك علي حاجة
انت شتمته
وديه مش حرية راي لانك اذيت غيرك
وبعدين متدايق اننا بنقول علي الاخوان كذا وكذا
زي مانتا متدايق ان الناس بتشتم في الاخوان بسبب سلوكك انا كمان اتدايق لما سيدنا محمد يبقي محل للاستهزاء والضحك بسبب اللي بيحصل من عدم تحضر في اسلوب الحوار
يعني لما حد اجنبي يقرا كلامك هايقول فعلا المسلمين ارهابيين
مادمت بتحب الاسلام اوي كده المفروض انك تتناقش بالاسلوب اللي المفروض المسلمين يتناقشوا بيه
وزي ما قلت لما يقول حاجة مسته ومست المسيحيين مش زي لما تتكلم في الذات الالاهية عندهم
يعني الراجل كان بيناقش حاجة ضرته وضرت اهله...ولا ربنا خلقهم علشان يموتوا ولما حد يجي يتكلم تشتموه
بجد عيب

3rby said...

وبعدين ايه الاسلوب المستفذ بتاع انا حر اتكلم بالطريقة اللي انا عاوزها
يعني تشتم وتقول انا حر
طيب ينفع امشي اموت الناس في الشارع واقول انا حر

farida said...

سوسه
انا جايه اسلم
حتوحشيني

انا مفروسه يا سوسه

متهتميش بالتعليقات
لازم تكوني سعيده انك من اكتر الناس اللي بيتقرا لها

لازم يكون في جدال و ارهاصات

ذو النون المصري said...

واحد من الناس
الاخ جرجس لم يرتكب خطا حتي يكون الرد عليه السب بالدين اود ان اخبرك انت و اخرون لماذا وقفت في صف جرجس و لم اذهب مذهبكم معه؟
اولا انا لست متحيزا له ،اذ لماذا ساتحيز له و انا مسلم مثلكم و لا توجد بيني و بينه صداقه خاصه فانا تعرفت اليه منذ وقت قريب
اولا:اول مرة عرفت فيها جرجس كانت من خلال تعليقاته علي بوست سوسه (بتضحك علي مين ياض؟)فاعجبني فيه بعض صفاته الشخصيه مثل الجراه و التحليل العميق و هي صفات يشهد له الكل بها
وانا من عادتي ان اتعرف علي الاشخاص من خلال البروفيلات لا الاسماء ،و في البوست السابق (الخناقه)غير هو البروفيل فلم اتعرف عليه لاني قرات دون ان اقرا اسماء المعلقين
و حينما رغبت في التعرف عليه اكثر عدت الي بوست قديم لسوسه و فتحت مدونته من خلاله ،فوجدت انه غير البروفيل الي النسرفاكتشفت انه بين المعلقين علي البوست السابق لكن ذلك حدث بعد سخونة الحوار
الان قرات كلاما مره اولي و لم اجد فيه ما يعيب (لاني ظننت ان مسلما كتبه)و حينما علمت ان الكاتب مسيحي لماذا يجب ان ارفضه و اعنف قائله؟.
كان هذا اول اسباب وقوفي معه
ثانيا:نحن نلوم المسلمين الغير عرب لانهم منعزلين عن مجتمعاتهم و لا يشاركون في الحوارات الدائره في بلادهم
ونحن نوجب عليهم ان يشاركوا في اي شيء يخص مستقبلهم سواء كان امر ديني او غير ذلك و نوجب عليهم دراسة مذاهبهم العقائديه و الفكريه التي تسود هذه المجتمعات طالما الامر يتعلق بمستقبلهم
و طالما نوجب علي المسلمين ذلك فلماذا لا يحق لمسيحي هنا ان يشارك في قضايا بلده ؟
طبعا من حقه ان يشارك و ليس في ذلك اي ممانعه
ثالثا :نحن لا نتحدث في جريده او مجلهحتي نقول هذا له حق الكلام و هذا لا
الواقع الخيالي الذي نكتب فيه لا يسمح فيه بالمنع لاحد علي اساس ديني او عرقي
جرجس كتب في الموضوع نفسه في مدونته هل يستطيع احدكم منعه ؟
كان في الامكان ان ينشيء جرجس مدونه و يسب و يفعل ضد الاسلام ما شاء باسم مستعار من يقدر علي منعه؟
طبعا سياسة المنع و الحجب هذه ليس لها مكان هنا
يمكنك الكتابه عن المسيحيه اذا شئت و لا يمنعك احد


عذرا للاطاله لكن كان بودي ان اقول اكثر
لكن ارجو ان يكون في كلامي نوضيح لموقفي فانا لم اكن متحيزا و لا زلت اري وجوب الاعتذار لجرجس و لسوسه فقد نبهت كثيرا ان كلامكم سيعرض سوسه للاحراج و هو ما حدث فعلا راجع مدونة جرجس كي تعرف نتيجة ما حدث من احراج لمدونه نحترمها و نقدرها جميعا

ذو النون المصري said...

راجعوا تعليقات المدونين علي نفس الموضوع عند جرجس ،فكل المعلقين عنده تقريبا مسلمين لكن لم يسبه احد رغم انه نفس الموضوع

soosa el-mafroosa said...

islam

و جائزة الفجلة الذهبية تذهب الي
.
.
ترررررررررررم

اسلام
برافو يا اسلام
خليك في الول كده على طول هتكسب حاجات حلوة

film69

الله يخليك
هو ده العشم برضه

hami
عندك حق

و شكرا ع التشجيع

3rby

أنا ما باقولش كلام أبيح يا عربي

و بعدين انت جاي تهدي و الا تشعلل

ذو النون المصري
انشاء الله هنندمج و هنبقى ايد واحده
و انا مش ناسية جايزة اسلام

soosa el-mafroosa said...

fnan_geology

ما فيش علاج أحلى من فيروز

بس مين يقدر

واحد من الناس

بس انت حاول تسترخي و غمض عينيك و اسمع

و هي هتجيب نتيجة

anonymous

شكرت ع الفيديو و لو انه يحزن و مايضحكش

واحد غلبان اتنين م البهوات بيهزؤه و بيفضحوه

ربنا ع المفتري

epitaph

الخناقة خلصت؟
و حياتك لسه شغالة

و النتيجة لسه في الملعب

بس انا اتصبت و خرجت بدري اتعالج

بفيروز

soosa el-mafroosa said...

أم العيال

طبعا
و مين يشهد للعروسة

مصري مغترب

اسمع براحتك و هدي أعصابك

mano

شكرا على وقوفك في صفي

و انا كمان أتمنى ان لغة الحوار بيننا كلنا خصوصا عند الإختلاف تبقى أحسن

dandana

أهلا بيكي في أي وقت

hami

ربنا يسهل انشاء الله

aoossa

هما أربعة بس

دا كتيييييير ماتوا و المصابين أكتر و أكتر

و بعدين هو الروقان في الآخر اللي بيفيد
استراحة شوية م الفرسة

و حشاني يا عسل

كازانوفا

أصيل يا كازانوفا
حصل خير..المرة الجاية ابقى هدي اللعب شوية

soosa el-mafroosa said...

أنا حرة

الصيادلة في مصر زي الرز في الكوسة

منوراني اي زمل

اسمعي فيروز يا دكتورة اسمعي

ماحدش واخد منها حاجة

زبادي في الخلاط

مبروك على البلوج الجديد
القديم اعتبره خد الشر و راح

lastknight

العفو يا فندم

احنا في الخدمة

elkamhawi

و لبن حليب كمان

soosa el-mafroosa said...

dr/mohamed alwakeel

ألف شكر يا دكتور

ربنا يخليك يا رب

انا في الحقيقة فعلا مابخافش غير من ربنا

ثم
بابايا

ahmoss

كلامك يدل على انهم عندهم تسامح
أو على الأقل تعايش أحسن منا

العاركة يا سيدي يا دوب هاكتب عليها
قاموا فضوها و كل واحد راح يلعب عند بيته

farida

هتوحشيني يا فريدة يا جميلة

ما تتأخريش علينا

لأن مدونتك من أجمل و أعقل البلوجات

3rby ذو النون ,كازانوفا,واحد من الناس

برضوا فتحتوا الموضوع تاني و انا بصراحة ماليش غرض أتكلم فيه

انتوا بتتكلموا و تعلقوا و تردوا على بعض

ماشي هنعتبرها هايد بارك

كل واحد يقول اللي في نفسه

بس يا ريت من غير مانغلط في بعض

Gid-Do - جدو said...

مفروسة

والله انا اللى بقيت مفروس من الناس اللى ملهاش غير الردح فى مواضيع لا حنتقدم لو تمسكنا بيها ولا حنتاخر لو تخلينا عنها الثوات فى حياتنا معروفة من زمان عاش عليها الاجداد والاباء وياريت نتمسك بيها ونشوف ازاى نتقدم زى خلق الله ـ بعد زيارة سريعة لمصر ـ ياريت الناس تهتم باحترام المرور بحيث متكنش تعدية الشارع مخاطرة تكلف حياة اى مصرى خاصة اذا كان غير متمرس على العاب الاكروبات مثل كبار السن بدل محاضرات لحتودى ولا تجيب ـ تحياتى وشكرا على فيروز

3rby said...

احنا مابنغلطش في بعض
تعرفي ليه؟؟؟
علشان مافيش واحد مسيحي
او كما يري البعض
كوفتس

elgharep said...

أنت أخترتى أحسن علاج لتعب الأعصاب فيروز تلك الفنانة الرقيقة الحالمة المسئولة والملتزمة
أشكرك على أختيارك
الغريب

Aladdin said...

كان نفسي اشارك في الخناقة الصراحة هههههههههههه الفكرة أن من جملة التدهور اللي احنا فيه إننا لا نعرف فكرة التنوع والاختلاف والتعددية!!

ويأتي صوت فيروز ليعلو فوق صيحات خفافيش الظلام الإخوانية التي تريد استغلال أي شيء وكل شيء للوصول للحكم والسقوط بالبلد أكثر ما هي ساقطة إلى وحل أشبه بالوحل الطالباني في أفغانستان!

وللحديث بقية

IBN BAHYA - إبــن بهيـــــــــــــة said...

لأ طبعا مين قال إنك غلطانه .. انتي سوسه بس .. ولكن سوسه بنحبها كلنا .. سوسه مصراويه روعه .. لك وللجميع تحياتي

BackBone said...

هاي يا سوسة, بصراحة ان مقرتش الخناقة بس ممكن استنتج من مجرد الصورة بتاعت البوست,

بصي بقي انتي السبب

الجمهور بتاع الناس مش بمستوي عقلانية و لا تقبل الآخر كالبقية الآوخري

واقطع دراعي ان كنت فاهم انا بقول ايه

بس اشتطة قوي اغنية فيروز ديه

ذو النون المصري said...

ياريت يا سوسه تحطي الازاعه (ازاعة سوسه )حسب طلب المدونين
و يكون اسم البرنامج
مايطلبه المدونون
وانا باسجل اول طلب ازاعي عندك يا ريت يكون مقبول
انا ارغب في سماع اغنيه اخري لفيروز
اغنية سالتك حبيبي لوين رايحين
يا ريت اجدها عندك
و تحياتي لمشروع الازاعه

Amr Ahmed said...

هاي سوسة

انتوا ايه ناويين تتخانقوا تاني


حرام عليكةا البنت سوسة زهقت

واعصابها تعبت

ربنا يوفقها


ادعولي ربنا يوفقني في الامتحانات

واحـــد مـــــن الـنـــاس said...

Aladdin
================
ويأتي صوت فيروز ليعلو فوق صيحات خفافيش الظلام الإخوانية التي تريد استغلال أي شيء وكل شيء للوصول للحكم والسقوط بالبلد أكثر ما هي ساقطة إلى وحل أشبه بالوحل الطالباني في أفغانستان!
================
هههههههههههههه
اسلوبك كوميدي اوي ياباشا
حلوة خفافيش الظلام الاخوانية دي
بتفكرني بمقالات ممتاز القط

تحياتي ليك :)

واحـــد مـــــن الـنـــاس said...

على فكرة
ياريت نقفل الموضوع يا ذو النون
ويا عربي
انا كان عندي كلام كتير اقوله ى
بس ياريت نقفله

واسف يا عربي انا مش بعرف استخدم ايميل الياهو
بس انا كويس في الهوتميل
ياريت تضيفني
bloza4bloza@hotmail.com

soosa el-mafroosa said...

جدو-gid-do

واحشني يا جدو و الله

كل سنة وانت طيب العيد ع الأبواب

هتدبح الخروف؟

و الا بلاش لاحسن يعتبروك من أتباع الزرقاوي

الحوارات المصرية و العربية و البحر متوسطية غالب كلها بتبقى بالطريقة دي

يظهر ان دي حاجة في الجينات

3rby

لم التعابيت بأه يا عربي

الطيب أحسن

elgharep

عفوا

أي خدمة

aladdin

انشاء الله أي خناقة تانية هابقه احجزلك مكان

بس لو سمحت تبقى تيجي بدري لأن الضغط شديد و الزباين كتير

soosa el-mafroosa said...

ibn bahya

ابن بهية عندنا يا مرحبا يا مرحبا

منور و الله

backbone

أهلااااا
انت فين يا عم
هيا العروسة محرجة عليك تروح مدونات حريمي و الا ايه؟

ذو النون المصري

انت ت}مر يا ذو النون يا سلام..دانت غالي و الله

هادورلك على لينك و هاجيبهالك انشاء الله

amr ahmed

قلهم يا عمرو و انصحهم

حافظوا عليا يا جماعة لحسن تبصوا يوم ماتلاقونيش

ربنا يوفقك يا رب

واحد من الناس

دي مسائل عائلية ماليش دعوة بيها

ذو النون المصري said...

شكرا يا ست سوسه و مش عارفين نودي جمايلك فين؟

Anonymous said...

كازانوفا

أصيل يا كازانوفا
حصل خير..المرة الجاية ابقى هدي اللعب شوية

========

im finish soosa from this post and open new page .

DantY ElMasrY said...

حطيت السماعة على ودانى الجوز وماسمعتش لا فيروز ولا حتى طوب