Friday, September 01, 2006

يهدي من يشاء









شفتوا فيلم "مملكة الجنة" ..مش معقول تبقى بتعتبر نفسك مثقف و تسمع عن الفيلم ده و ماتشوفوش..في السينما ..دي في دي ..مضروب من ع النت ..مش هتغلب يعني....المهم قرب النهاية و بعد انتصار المسلمين على الصليبيين اللي موجودين جوة القدس ..خرج "أورلاندو بلوم" قائد جيش الصليبيين عشان يتفاوض مع صلاح الدين على شروط الإستسلام له و للي معاه ..قبل ما يخرج بأه كان فيه معاه رجل دين مسيحي ..الراجل ده قاله حاجه عبقرية جدا..قاله قول لصلاح الدين انك أسلمت..و بعد كده ابقى ارجع في كلامك

جملة عبقرية..كاتب الحوار ده أكيد له معرفه جامده بالمسلمين و نفسيتهم..المشهد ده يكاد يكون اتكرر بتفاصيل مختلفه شوية الأسبوع اللي فات في غزة..الجماعة المسلحه اللي خطفت اتنين صحفيين من شبكة "فوكس الأمريكية"..و حلفت مليون يمين ماهم سايبينهم الا لما أمريكا تفرج عن الأسرى العرب و المسلمين في السجون الأمريكية...مش عارفه ليه الأمريكان و الصحافه الأمريكية و العربية كان رد فعلها ع الموضوع ده طنااااااااش ...و طبعا مسألة الطنااش دي .. و إسم الجماعه اللي عمر ما حد سمع عنه قبل كده ..و حسب ثوابت نظرية المؤامرة اللي هي الحاجه الوحيدة اللي بنؤمن بيها بعد ربنا..و بسبب اللي حصل بعد كده اللي هاحكيلكم عليه ..توصل الكثيرين الى استنتاج ان الموضوع كله فبركة و تمثيل في تمثيل

بس عموما مش موضوعنا نفتش في أصل الموضوع ...المهم ان بعد اختطاف الناس دي بمدة و قبل انتهاء المهلة اللي كانت الجماعة مدياها للمجتمع الدولي كله قبل ما تدبحهم زي الفراخ ..إذا بشريط فيديو يشق الغبار و يسطع على شاشات القنوات الإخبارية كسطوع البرق في الليالي السوداء..الصحفيين أسلموا يا رجالة ...إلحق يا جدع حلق يا جدع فرق شربات و بنبوني ع العربيات في الإشارات .. الله أكبر ..ظهر الحق...و يزيعولكم الفيديو ..الصحفي الكبير كان اسمه ستيف غيره و خلاه خالد ..و الصغير كان اسمه أولاف ..فجأه بأه يعقوب ..و كل واحد منهم متصور رافع صباعه و بيشهد ان لا إله إلا الله و أن محمد رسول الله ..و كل واحد فيهم كاتب رسالة من 3-4 صفح فلوسكاب موجهة لبوش و بلير بينتقدوا فيها موقفهم و بيدينوا اعتداءهم على أطفال و نساء و رجال المسلمين ...كلام يقطع القلب و يخلي عينيك تدمع و انت بتسمعه ....و بعدها بيوم أو يومين ..يفاجأ الجميع بالإفراج عنهم دون قيد أو شرط




أول حاجه عملها الإتنين بعد ما خرجوا انهم عقدوا مؤتمر صحفي كبير أذاعوا فيه و بكل فخر ..انهم ما أسلموش و لا حاجه و كانوا مضطرين يعملوا كده عشان حسوا بالتهديد لحياتهم و ان ده كان المخرج الوحيد ليهم من أيادي الإرهابيين الإسلاميين اللي كانوا خاطفينهم
ياااااولااد الـ..........فضيحه ..الواحد و هو قاعد يتفرج حس انه في نص هدومه...الإتنين لعبوها صح جدااا ..زي ما هو مفهوم و مشهور عن المسلميين عاطفييتهم الشديدة من ناحية دينهم ..و الناس في كل العالم فاهمة ده جدا و بتستغله من مئات السنين ..و مش عارفه ليه احنا دايما بننفعل قوي بالموضوع ده ..من أيااام الحمله الفرنسية ...لما نابليون لبس كام سبحه في رقبته و دار مع الدراويش في مولد النبي و الناس هللت و قالت أشهر اسلامه .وبعديها بشوية قالوا ان هتلر كمان أسلم...مرورا بالإشاعات المتوالية زي ان.يوري جاجارين سمع الآدان فوق القمر..وانه أسلم في السر ..و ان منتخب فرنسا كله أسلم و خايف يقول ..دانا مرة سمعت حد بيقول ان بابا الفاتيكان أسلم في السر عشان كده كتب في وصيته انه يندفن في التراب مش في تابوت

مش عارفه هو سبب انقياد الناس ورا الإشاعات دي ايه بالظبط؟..هو انت بتحب الشخص ده عشان كده فرحانله انه أسلم و ربنا هداه ..و الا حاسس ان ده هيخليه يعمل دعايه كويسه للإسلام بره ..يمكن يحسن من صورته في عيون الغرب ؟؟؟
طب لو كان كده ..يبقى تفرح ليه لما يقولوا ان مايكل جاكسون مثلا أسلم ..دانا لما سمعت الإشاعه دي ..قعدت أدعي يا رب مايكونش صحيح يا رب مايكونش بجد ..هو احنا ناقصين؟....و الله ماتريقه و لا باكره الهدايه لحد ..بس انا شايفه ان الإسلام مش محتاج دعاية من مايكل جاكسون يعني ...و لا بحس بفرح لما أسمع حكاية من دي ..لأن لا الإسلام هيزيد لما الناس دي تسلم و لا هيخس لو طلع الكلام مش صحيح...ساعات بحس ان فيه ناس كتير بتمثلهم الحكاية دي تأكيد لمعتقداتهم ..يعني بالبلدي ..بيقول بينه و بين نفسه ان مادام "تيري هنري
" أسلم يبقى أنا صح ..مش الكل طبعا بس فيه ناس كده ..حتى لو في اللا وعي




أنا ما بقولش يعني اني منزهه عن الموضوع ده ..طب انا هاحكيلكوا حكاية ظريفة حصلتلي وانا صغيرة ...كنت في أولى ابتدائي و كنت باشوف المدرسة في حصة الدين بتقسمنا نصين المسيحيين يتجمعوا في فصل عشان ياخدوا حصة الدين بتاعهم ..رحت سألت ماما ..هو ايه الفرق بين المسلم و المسيحي ؟؟ ماما قالت لي ان المسلم بيقول لا إله الا الله و ان محمد رسول الله ..رحت المدرسة تاني يوم و كنا في حصة الرسم و ماجد صاحبي كان عايز يستلف مني قلم رصاص و انا ماردتش عشان كنت بارسم بيه و لما قعد يلح ..جت في دماغي فكرة ..قلتله لو عايز القلم قول أشهد ان لا إله إلا الله و أن محمد رسول الله ..الواد بصلي ببراءه كده و قاللي يعني أقول كده و تديهولي ..قلتله آه ..و لسه بيقول أشـ.....صرخت فيه و قلتله أوعى تقول كده ياله لحسن تبقى مسلم ...مش عارفه ايه اللي خلاني اعمل كده ..فيه ناس أنا عارفاهم هيقولوا ان عيلتي هي اللي كانت ملياني و مأهلاني ..بس أنا أقسم بالله ماحصل ..الكلام اللي ماما قالتهولي زي ماقلتلكم كده بس ...تخيلوا ان طفله عندها 6 سنين ماتعرفش يعني ايه مسلم و مسيحي تحاول تأسلم زميلها المسيحي...يظهر فيه حاجه في جيناتنا بتخلينا نعمل كده ..أو يمكن دي رغبة انسانية طبيعية بتخللي الواحد يبقى عايز الناس كلها تبقى زيه .. أو تبقى كلها زي بعضها و خلاص

بس برضه الموقف ده بيقول ان فيه حاجه في الفطرة ..في عقلنا بتقولنا دايما ان الموضوع مش بالبساطة دي ..مش واحد تقعد تكلمه يومين تاني يوم يبقى مسلم..يعني بالعقل كده ..طب أمال ليه بنصدق على طول و بنطبل و نزمر لكل خبر من دول من غير مانتأكد


طب إيه الحل ..؟....و الله مانا عارفه ..ايه الحل اللي يخلينا مانخدش كل حاجه بعاطفيه شديدة و خصوصا في المسائل الدينية ..لحد امتى الناس هتفضل تضحك علينا و تسجدنا باسم الدين ...؟...نابليون يمطوح دماغه يمين و شمال و يصرخ مدااااد ..تركيا تفضل محتلانا 500 سنة و ماحدش عايز يقوم يحررنا عشان مسلمين زينا ..و في الآخر اتنين صحفيين يضحكوا على أشاوسة الجهاد الإسلامي المسلح و بعد ما يسيبوهم يطلعولهم لسانهم و يقولولهم ..... ...عليكوا واحد

74 comments:

Anonymous said...

همممممم

ان الله لا يهدي من احببت انما يهدي من يشاء

شوفي فينا فعلا الحتو دي
نفرح لو حد يسلم
معرفش ليه
مع ان لا الاسلام حيزيد واحد
ولا ح ينقص واحد

وبيبقي نفسي بدل ما اتمني ان الغربي هو اللي يسلم عشان يحسن صورتنا
يبقي المسلم العربي هو اللي يكون واجهة مشرفة للاسلام للغرب

هي معضلة
:(

HANY said...

رصيدك زاد عندى نقاط كثيرة بالبوست ده يا سوسة ولو عايزة تعرفى رد على السؤال بتاعك ابقى اقرأى البوست اللى هكتبة
وتقبلى تحياتى

moatassem bellah said...

الموضوع مثير للتساؤل , و كويس انك طرحتيه .
بس في البداية احب اصحح معلومة ان الفصيل الجديد اللي قال انه خطف الصحفيين ماسموش الجهاد الاسلامي المسلح , اسمه الجهاد المقدس .
ثانيا انتي كلامك صح في الحكاية اللي قولتيها عن الولد اللي عشان تديله القلم قولتيلوا اقول اشهد ان لا اله الا الله و ان محمد رسول الله , وده مش عشان حتجة غير انك متأسسة من صغرك علي الاسلام و عظمة الاسلام و عاوزة الخير للولد ده فعملتي كده من باب انك بتحبيه و مش عاوزاه يبقي غلط و عاوزاه يخش الجنة .

بالنسبة بقي للموضوع بتاع الصحفيين دي ايا كانت فهي باين انها متفبركة , و انا ماظنش و متأكد انه مافيش مسلم دلوقتي بيجبر واحد يخش الاسلام الا اذا كان مريض لأنه اذا ماكانس المسيحي او اليهودي يخشوا الايسلام من باب حب الدين ده و الرغبة في دخول الجنة ما يبأش اسلام.

و انا برجح ان الموضوع ده يبقي زي ما قلتي تمثيلية عشان يشوهه الاسلام اكتر زي ما الصرمة بوش في كل خطاب بيتهم المسلمين بحاجة شكل مرة ارهاب , مرة المسلمين الفاشست ... الخ

اخيرا الموضوع مش اكتر من اننا عاوزين للناس اللي بنحبهم الخير لو كانوا مسيحيين او يهود مش عشان احنة لا سمح الله عاوزين العالم كله يبقي زينا لأ

tota said...

العزيزة سوسة
الموضوع فكرة تحتاج للمناقشة واسلوب العرض البسيط التلقائى يضفى جمالا خاصا

استخدام الدين فى كل شىء فى حياتنا عائد كما ذكرت من قبل فى احد المدونات الى انصهار الدين مع اللاخلاق فى بوتقة واحدة لم نعد بعدها نفرق بين سلوك دينى وسلوك اخلاقى
غير ان الكثير من السلوكيات الاخلاقية مستمدة من الاديان والبعض الاخر يرجع الى ثقافات البلاد والتراث والموروثات

كما ذكرتى اننا شعب عاطفى تماما عندما يذكر الدين
ويا لهول المفاجئة ان من يعلم عن الدين شيئا هم قلة والباقى يكتفى بقشور الدين ولكن يبقى الانقياد الاعمى والتستر والتخفى تحت استار الدين هو ما يدل على انعدام الثقة فى النفس فلا نملك هوية وطنية نستتر تحتها تنبع من خلالها التصرفات الوطنية بل كلها مستترة تحت الاسلام وكلها للاسف مسيئة اليه والاسلام منها براء
فليرفع كل جاهل وكل ضعيف يده عن الاسلام فالاسلام انزه من ان يكون لواء الضعفاء
تحياتى

BackBone said...

ممممم,

ربنا يستر عليكي ياسوسه لان الكلام في الدين هيفتح عليكي ابواب اكبر و اوسع من الكلام في السياسه.


انا معتقدش انك عملت اللي عملتيه مع ماجد لانك كنت عايزاله الخير و الجنه ذي ما الاخ موعتصم بالله بيقولك, لانك اكيد مكنتيش عارفه الحجات ديه وانت في السن ده بالشكل المناسب, ان كمان عملت عمله شبيهه بالعمله ديه و انا صغير في 2 ابتدائي و معرفش عملتها ليه و برده و اللهي العظيم محدش قاللي اعملها انا عملتها من طلقاء نفسي تماما.

بالنسبه لمايكل جاكسون فانا سمعت علي نجموم اف ام انه فعلاً اسلم و الكلام ده علي مسؤليتهم. و تخيلي برده اني كنت مش عايز الخبر ده يطلع صح, لاني مكسوف من كل القضايا و المشاكل اللي عملها فمش عايز يتقال ان الراجل ده اللي كان بيعمل كذا و كذا اهوه في الاخر اسلم.

المشكله ان احنا فعلاً كتير طحن خلاص و الموضوع مش موضوع كتره اد مهو افعال بقه, لو واحد بس يطلع و يعرف يعمل نص اللي عمله الشيخ الشعراوي رحمة الله عليه من زرع و شرح و تفسير لكلام ربنا للعالمين يبقي اكبر مكسب من اسلام كمان انشالله 100الف مسلم علي عينيتنا.

انا بحس و الله اعلم ان الشيخ الشعراوي من ناحيت الشعبيه والاحترام عامل ذي حازم امام بتاع الزمالك, كل الزملكويه و كل الاهلويه بيحبوه و بيحترموه.

و انا شخصياً عمري ما نشرت اي كلام عن ان فلان اسلم وان علان كان بيصلي امبارح في المسجد العلاني, مش لان الموضوع ميهمنيش لأ انا اكيد بفرح لم اعرف ان فيه بني قادم محترم اسلم و بحاول اعمل دعايا علي قدي عن الاسلام عن طريق طريقت تعاملي مع اللي حواليا و مش بالكلام, لاكن لأن فعلاً احنا محتاجين افعال مش اشخاص



بوست جامد ياسوسه و ربنا يحميكي!!!

الأميره أوسه said...

بصراحه ياسوسه
أنا كنت فى غاية الفرسه من الموضوع ده
وطبعآ زمانه أنتشر فى العالم كله
نقطه مش فى صالحنا
والجماعه اللى بيقولوا ان الأسلام أنتشر بحد السيف هايفرحوا جدآ
سبحان الله أحنا فعلآ محتاجين
ندى أنطباع عننا للغرب بصوره أفضل من كده
سلام يا حبيبتشى
أموووه

NoOR said...

للأسف انن بنفرح لما واحد مشهور يفرح علي اساس ان ده اعلان كويس للاسلام مع ان احسن وسيله لنشر هذا الدين هي العمل بيه لكن احنا للاسف - او معظمنا بلاش كلنا - بناخد من الدين المظهر وننسي الجوهر .... احنا ندعي ان ربنا يهدينا الاول وبعد كده نفكر ندعوا للناس التانيه ده حتي من اساسيات الدعاء انك تدعوا لنفسك ولاهلك الاول


ملحوظه : ايبيتاف

انك لا تهدي من احببت ولكن الله يهدي من يشاء

Anonymous said...

عرض ممتاز للموضوع
الجماعه اللي خطفت الصحفيين لا همها اسلمو ام لم يسلمو هدفهم يبدو لي مادي بحت !! بس حوله حكاية الشريط اللي تم بيعه على القنوات .. فضيحة

Anonymous said...

نوور شكرا للتصحيح انا فعلا كنت جاية اصلحه..لاني كنت بكتبه الساعة تلاتة الصبح
:))
انك لا تهدي من احببت
انما الله يهدي من يشاء

سبحان الله

توهة said...

سوسه يا مفروسه عايزه تفرسينى معاكى ولا ايه لينكك مش عااااااااايز يتحط عندى على العموم هو حر هو اكييييد اللى خسران

المهم حكاية إننا بنفرح لو حد غربى اسلم اعتقد عشان إحساسنا غن الاسلام بينتشر وإن ظهر الحق وزهق الباطل إن الباطل كان زهوقا .. كده يعنى النظام ده

وحتة إن فطرتنا إننا ننشر الإسلام دى صح طبيعى كده لأننا كمسلمين من واجبنا نشره زإزدهاره عشان فى الأخره ربنا حسألنا عملت ايه لإسلامك ؟؟؟
طبعا حنهرش رسنا ونقول والله يا رب الدنيا كانت صعبه والعيال والمشاغل وحسنى كان مزنق علينا

والرسول كمان حيكرهنا ويقول هذا أو هذه لم تفعل شئ للإسلام

أنا واحده من الناس اللى بتمنى إن العالم كله من أول أمريكا لحد إستراليا أشهد لا اله الا الله ومحمد رسول الله

عشان كده كل أفعالنا لازم تكون منكبه على نشر الإسلام بأى طريقه شريفه كانت

ومن ناحية العاطفه ناحية الدين هى زايده حبتين وممكن تتوظف خطأ فى حالات كتير وهذا النوع من العمليات المسلحه محتاجه واحد محنك يعملها واحد فاهم وهى دى المشكله الحقيقه
وعلى فكره من حقنا نفرح لو سمعنا إن عدد المسلمين فى أمريكا بيزيد أى كانوا مشاهير أو لا

ياااااه دنا تكلمت جد قوى مش عادتى يالله ماهو البوست القادم ان شاء الله حيبقى أفظع من كده

طيب عايزه حاجه أنا ماشيه سلاااااام

فانتازياااااااااااااااااااااا

Anonymous said...

سوسة
انا فعلا شفت فيلم مملكة الجنة..وكل موقف يظهر فيه رجل الدين المسيحى يطلب من البطل انه يعامل المسلمين على اد عقلهم لحد ما اتفرست من الفيلم...مع ان الفيلم واللة بجد..حيادى وموضوعى جدا....ودة سبب عدم ترشيحه للاوسكار رغم ان نفس المخرج ونفس الامكانات اللى كانت فى فيلم الجلادييتور اللى سبقه....اللى يهمنى بقا هنا ..انه لما ظهر فيلم يظهر المسلم بالصورة التقريبية الصحيحة يمنع من قوائم الاوسكار ومثله مثل فيلم مش حاضرنى اسمه فى اخر اوسكار اتعمل كان فيلم معظم الطقم فيه عرب وفرنسيين كان بيعطى كل الحق للفلسطينيين فى العمليات الاستشهاديةوالمقاومة
بكل اشكالها معظم الترشيحات اتجهت له بس اللوبى الصهيونى فى هوليود وقف ضد الترشيح
المهم بقا ان الغرب واليهود كل ما يسعون اليه هو ثبات صورة العربى المسلم الهمجى الارعن العبيط المغرق فى التخلف فى اذهان العالم وكمان اية؟ ان صفاته الهبلة والعبيطة دى نابعة من دينه اللى هو الاسلام..يعنى يا بشر دى اخلاق اهل الاسلام..غباء وتطرف وحقد وتدمير وارهاب وكل الرذائل
موضوع عم جاكسون الرمة دة اتمنيت من كل قلبى انه ميكونش صحيح...لان الاسلام شم ناقص واحد شاذ زى جاكسون دة ويدخل فيه..كفاية البلاوى اللى مشوهين صورتنا عمال على بطال...وربنا تلاقيه حيقول انه اعتنق الاسلام علشان رسولهم نفسه كان بيشتهى الاطفال زى ما هو بيعمل...اسفة على الجملة القاسية دى لانى للاسف سمعتها من بعض المسيحيين بيقولوها وبيروجوها عن نبينا عليه افضل الصلاة والسلام
احنا متنيلين من كل ناحية
ولا يشرفنا ان فلان دخل عندنا او اتنيل وخرج من هنا...دى كلها بلاوى على وش القفص...نمد ايدينا احنا بقا فى وسط القفص ولحد اخره ونصلح فيه..وبعدها نتفرغ للهيافات اللى بيجبرونا اننا ندور عليها
على فكرة شفت بوست شعبولا على عشرينات كمان يا اروبة ...طلعتى جامدة واحنا مش عارفين
تحياتى الك من كل قلبى

Less than perfect said...

أسلوبك حلو أوى يا سوسة..دمك خفيف جدا..

قريت مرة برضة فى الجرنال ان أهل طالب مسيحى اشتكوا فى المدرسة ان زمايله بيلقنوه الشهادة..و كانوا عيال برضه..محدش يعمل كده أصلا غير الأطفال اللى بيتصرفوا بطبيعية و تلقائية..لو مش أهلك هما اللى قالولك يبقى سمعتيها فى التلفزيون..على أساس انه مفيش حد هيخش الجنة غير المسلمين..و الباقى هيخش النار..


shahrzad
نظرية المؤامرة مش فى محلها..مملكة الجنة ماكنش فى مستوى جلادييتور عشان كده ماترشحش..و بعدين لو كان اللوبى الصهيونى له هذا التأثير كان عرف يمنع ترشيح "الجنة الأن" اللى بيقدم الاستشهاديين بمظهر انسانى عكس ما وسائل الاعلام الغربية بتقدمهم كشياطين..مابنكرش انهم ليهم تأثير قوى..لكن بحس ان احنا بنبالغ فى تقرير مدى تأثيره..

و بالمناسبة برضه..الفيلم ده-مملكة الجنة- أثار ردود فعل سلبية من مسلمين ..و د.خالد أبو الفضل الأستاذ بجامعة كاليفورنيا قال ان احنا من كتر ما خدنا على وشنا بقينا ننبسط لما ناخد على قفانا بس!!!

كلبوزة لكن سمباتيك said...

ازيك يا سوسة عاملة اية
قرأت الموضوع
و اعتقد ان الرد عليه يحتاج اكتر من مجرد كومنت
و لكن في عبارة قصيرة اقول لك
نحن قوم من خدعنا بالله انخدعنا له
و مناسبتها ان عمر بن الخطاب كان يعتق من يراه يواظب علي الصلاة من عبيده و كان الناس يقولون له يا امير المؤمنين هم يصلون من اجل ان تعتقهم فكان يقول هذه العبارة


خالص تحياتي
ابقي تعالي

عبدالله مفتاح said...

يعني يا سوسة اسمحيلي اختلف معاكي بكل قوة
ببساطه يا سوسة اخر جملة انتي قلتيها من الواضح انك متاثرة بقراءات ملهاش لازمة
لانك استخدمتي اصطلاح غريب ملوش اي وجود في تارريخنا بل استخدمه بعض المستشرقين للعبث في عقولنا
الصطلح ده هو تركيا محتلانا
هو في حاجه اسمها تركيا محتلانا؟ دي كانت خلافه عثمانيه
عارفه يا سوسه مينفعش نفكر كده ينفع اهل الصعيد يقولوا القاهرة محتلانا؟
هل السعوديه كانت محتله مصر لما عمرو بن العاص فتح مصر
يا ريت يا سوسه تردي على السؤال ده
لما احنا نقول على الخلافة احتلال يبقى الغرب ليهم حق يقولوا ان الاندلس اسبانيا حاليا المسلمين احتلوها
صح ولا غلط
من غير زعل بس خلي النقاش موضوعي

Anonymous said...

أول مرة أزور مدونتك، أسلوبك رائع و مشوق ده غير أني فاطس على نفسي من بعض تعليقاتك و طريقة حوارك مع القارئ، أرجو لك التوفيق .

أما بخصوص البوست ، فلا تعليق .. واضح أنك محايدة و متحررة كفاية لدرجة أنك علقتي على كل نقطة بنفس أسلوبي و قناعاتي .. بس طبعاً أفضل كتير (: .. كتير بتفرس أنا كمان لما الناس تلغي عقولها و اللى يحركها هو العاطفة و ده في كل الأشياء و خصوصا الدين زى ما أنت قلتي ..

قلرأت لك مقالاتك الحديثة و أتمنى أن أجد وقت لقراءة الباقي .. سلامي و تحياتي.

wanna b a bride said...

تصدقي أنا كمان عملت موقف في ابتدائي زي اللي انتي عملتيه كده
بس كانت بنت مش ولد و بعد ماخططت للموضوع كتير ..خفت في آخر لحظة ..أصلي حسيت كأني بلعب في حاجه أنا مش أدها ..يتهيألي أياميها لو كان حد عرف كانوا علقوني

بس عموما متهيألي ان عاطفيتنا مش بس في الدين دي في كل المجالات ..هي شعوب العالم التالت كده ..بس برضه احنا مزودنها من ناحية الدين شوية

ابقي تعالي

عمر said...

اعتقد يا اخت سوسه ان السبب فى كده ان المسلمين عاطفيين جدا وبيحكوموا على حاجات كتير بعواطفهم.....واعتقد ان اى مسلم بيفرح ده لانه بيديله احساس انه صح وخصوصا لو ان اللى اسلم ده خواجه ييييياه الدنيا تتقلب وانتى عارفه عقده الخواجه عندنا.مع ان زمان الاسلام انتشر من خلال التجار اقصد من تصرفاتهم وانبهار الناس بيهم وباخلاقهم فى الوقت ده ماكنش حد بينبهر لما واحد يغير دينه الى الاسلام .مش زى دلوقتى احوال المسلمين زى الزفت .اتمنى من الله ان المسلمين هما اللى يرفعوا شان الاسلام مش يستنوا اى حد يقوم لهم بالدور ده .ومش حيحصل ده الا بالعوده الى الله.

Anonymous said...

انى راحلة
بالمقارنة بافلام هوليود واللى للاسف ما زالت تعرض على الفضائيات الخاصة واللى شارك فى معظمها السيد عمر الشريف بنفسه واللى بتظهر المسلم غبى واهبل وعبيط وهمجى ودايما متعطش لمساعدة الغرب الامريكى فى صورة واحد جدع حليوة معجبانى كدة كاوبوى ....اشك ان فيه نظرية مؤامرة
صح النووووم
كل اللى روج لمصطلح نظرية المؤامرة بنفسه كان بيهدف انه يبعد النظر عن المؤامرات نفسها
والا بقا لو حد يعرف يقول لى والنبى ويكسب فيا ثواب
كل التخطيط والتدبير والرسم والتحديد لشكل المنطقة العربية والاسلامية دة يبقا اية؟
مؤامرة ولا حاجة كدة جات بالبركة؟؟؟
يمكن مش مؤامرة ويمكن نظرية الشرق الاوسط الجديد هى كمان مش مؤامرة ويمكن الخطة الصهيونيةوالغربية للسيطرة على مقادير وموارد المنطقة مش مؤامرة ويمكن خطة الاستيلاء على منابع النيل والتدخل الاسرائيلى الضخم فى اثيوبيا مش مؤامرة ويمكن برضة خلق النزاع الطائفى بين شمال السودان وجنوبه وتقسيه مش مؤامرة ولا تمويل الجبهات اللى بتظهر فيه كل يوم والتانى بالسلاح مش مؤامرة
فعلاااا يا بنتى
انا النهاردة تخليت عن نظرية المؤامرة
كله ماشى بالبركة كدة وبتصريف القدر

أُكتب بالرصاص said...

سوسا
الظاهر انا جيت متأخر

خلاص
مش معلق

Adel said...

سوسة طرح جيد لموضوع لا يكفيه تعليق انت ولعتي لي الشعراية اللي في نافوخي ووعد مني ليكي هانزلك بوست عن الموضوع ده من باب التجارب الشخصية هايعجبك بامر الله وتحياتي يا مفروسة انما انت مفروسة كده على طول ؟

saso said...

بما اننا شعب متعلق من منديلة وطول الوقت عايزين نتكلم عن الكرامات بقت كل حاجة من منظور عاطفي بحت
يعني الحلوين الكتاكيت دول ماكانوش هيعزوا الاسلام في حاجة بس لعبوا لعبة حلوة.. عموما مش جديدة اذا كان رب الاسلام وقت سرة اباح انكار الدين امام العدو مش هتيجي منهم يعني العيب ع اللي صدقهم وان كنت ضد لعبة شد الشعر والتخطيف اللي طالعة موضة
احنا عندنا حالة اندفاع مزمنة تجاة الدين وتجاة الوطنية
الست نانسي بقت فنانة قديرة لما قالت انا مصري وابويا مصري،، والنبي في مصري اسمة عجرم؟

Less than perfect said...

ايه يا شهرزاد ده..دخلتينى فى قصة تانية خالص..أنا بكلمك على فيلم و انتى تقوليلى الشرق الأوسط الجديد

انتى بتتكلمى فى السياسة و فى مخططات أمريكية للهيمنة على المنطقة و أنا مابنفيش كل ده..لأنى متكلمتش عليه أصلا..أنا بتكلم عن اللى ما يتسمى اللوبى الصهيونى فى أمريكا اللى كل ما حد يقول حاجة كويسة عن المسلمين أو العرب..هما يمنعوها و يصادروها..بقول انى ساعات بحس اننا بنبالغ أوى..زى ما نكون بندى نفسنا حجة عشان منحاولش..ما هو أصلهم كده كده هيمنعوها..فليه نحاول أصلا..

راجعى ردى تانى لوسمحتى..انتى استنتجت حاجات خارج الموضوع

Dr. Tantawy said...

بصراحه انا معزول عن العالم اليومين دول و مسمعتش عن القصه دي خالص .. كل معلوماتي انهم كانوا مخطوفين و طلعوا
عموما الموضوع في مجمله متوقع فيه اي حاجه .. يعني ليه نزعل لما نخفط صحفيين و نستغرب لما يدعو اسلامهم .. اولا لا الاسلام هيتنتشر بالخطف .. ولا الاسلام يفخر انه يدخله ناس زي دول يعني

فعلا حاجه تحرق الدم اننا نكون بنستجدي دخول الناس في الاسلام بالطريقه المهينه دي

littilemo said...

هع هع

Mamdouh Dorrah said...

طب انتي متوقعة اية من متخلفين راحوا يخطفوا اتنين صحفيين علشان يزدوا عاوة العالم لينا..اكيد دول مختلين عقليا

Polka Dotted said...

i really dunno what to say...
rabena yehdee begad .. w ne2dar neban 3la el 7a2i2a fe3lan

أم أحمد said...

اذيك ياسوسة والله ليكي وحشه زانجولا فينك ؟ بقالي كتير مابشوفكش اخيراً ظهرت حمد الله علي السلامة

Anonymous said...

سوسة موضوع رائع واسلوب عرض كالعادة اروع بس انا مختلف معاكى فى موضوع جاكسون ومع الاخوة الى بيقولو يارب يطلع الموضوع مش حقيقى
الرسول علية الصلاة والسلام (ماتصلو على النبى ) كان يدعو اللهم أعز الاسلام بأحد العمرين ومنهم عمر ابن الخطاب وهو كان اشد الكفار ايذاءً للمسلمين ولم يقل اللهم اخسف بة الارض مع اختلاف التشبية طبعا وتعالو نرى الان الممثلين المعتزلين حسن يوسف وشمس البارودى وغيرهم وكنا نرى أعمالهم والان نرى أعمالهم أعتقد ان عمل كمسلسل الشعراوى يغفر لحسن يوسف ذنوبة وحلقات الدين التى تقام بمنزل شمس البارودى كذلك
ثم اسمحو لى من منا بلا خطيئة ؟؟؟؟؟
من منا اسلامة حسن ؟؟؟
ألستم معى اننا او على الاقل غالبيتنا مسلمين بالبطاقة فقط ؟
لندعو الله ان يغفر له ولنا ويتوب علية وعلينا ويحسن اسلامة واسلامنا

Anonymous said...

"لا إكراه في الدين"
أي حد يفتكر إسلام الناس بالعافية مكسب يبقى غلطان
ﻷنهم هيعملوا زي ما الأستاذين دول عملوا وبدل ما يطلعوا لسانهم و يقولوا عليكم واحد هيحصل الأسوأ وتبقى فرصة يشتموا فيها الإسلام لأنه دين بيتفرض بالقوة!!!
حسبي الله و نعم الوكيل في كل من يتحدث بإسم الإسلام وميجيش من وراه غير المصايب
أكرملنا نوضح للناس قد إيه الإسلام دين سلام و ننال إحترامهم لينا كمسلمين و لعقيدتنا بدون ما حد منهم يدخل الإسلام

Ayyam said...

عندك حق فعلاً يامفروصه والله دى حاجه تفرس ناس كتير كمان, ليه بيحصل الكلام ده وح يفيد بأيه

admelmasry said...

علينا واحد ؟
واحد بس ؟
طول قولي عشرين
تلاتين

ده العدد في اليمون يا حاجة

ههههههههههه
بس الموضوع جااااااامد احييكي علية
اه
انا اتفرجت ع الفيلم


تحياتي
ادم المصري
اول دكتور احه

soosa el-mafroosa said...

epitaph

تمام يا ايبي باستثناء الآية طبعا

hany

ماشي يا هاني مستنيه البوست

mizo

عندك حق المسأله عموميه على كل العرب مسلمين و مسيحيين ..يمكن حاجه في الجو أو جينات

moatassem

أنا ما كنتش باقول اسم المجموعه بس كويس انك قلتلي

الحكاية بتاعتي و الله لحد دلوقتي مش فاهمة انا ليه عملت كده ؟ الله أعلم

تفتكر كلنا بنبقى عايزين الخير للناس و الا بنحاول نثبت لنفسنا اننا صح؟ برضه العلم عند الله

soosa el-mafroosa said...
This comment has been removed by a blog administrator.
soosa el-mafroosa said...

إبـ را هـ يـ م

شكرا يا دكتور ع اللينك بس برضه بيني و بينك ايه اللي يخلينا نصدق كلامه بحذافيره يعني

بس لو صح يبقى مافيش فرق بينهم و بين فتوة المدرسة بتاعكم

tota

صح جدا موضوع انصهار الدين و الأخلاق في بعض ده بس ده شئ كويس مش وحش و لو اتطبق فعلا موش هيبقى فيه أي مشاكل من دي أصلا لأن لا الأخلاق بتقول ان احنا نخطف ناس عزل و نساوم على حياتهم..و النص القرآني واضح " لا إكراه في الدين" تمام

backbone

انت كمان هملت كده في ابتدائي ..ايه الموضوع هي الحكاية دي منتشرة و الا ايه ؟..امممم الموضوع باينه عايز بحث ..بس فعلا زي مابتقول لو واحد مسلم اتعامل مع غير المسلمين بما يرضي الله أفضل 100 مرة من اسلام واحد غربي ..كدعاية يعني

aoossa

منورة يا حبيبتشي

الجماعه بتوع انتشار الغسلام بحد السيف دول بقالهم حق بأه يقولوا و بالرشاش و القنابل و الطيارات كمان

لنا الله

soosa el-mafroosa said...

noor

شكرا بالنيابة عن ابيتاف..وعندك حق ربنا يهدينا جميعا عشان نبقى صورة كويسة وواجهة مشرفة لللإسلام..آمين

محمد الشهري

شكرا ع الزيارة..الموضوع فضيحه و أي فضيحه

الغريب

متهيألي كده متفبرك عشان خاطر عمك بوش بتاع المسلمين الفاشيين و عموما الأهداف مش لازم تبقى آنية دي بتبقى على مدى طويل و على نار هادية

فانتازيا

أنا ماليش دعوة بأه البلوج بتاعكم هو اللي معفرت.مالناس كلها حطاه زي الفل

بالنسبة للموضوع..فعلا موضوع سؤال ربنا لينا ده بيخوفني قوي مش عارفه هاقول ايه بالذات في موضوع نشر الإسلام دي ..ربنا يغفر لنا ..ده التجار في القرون الأولى لظهور الغسلام وصلوه للصين و لروسيا و يمكن لليابان و احنا عملنا ايه؟...ربنا يغفرلنا

soosa el-mafroosa said...

shahrzad

هو بالنسبةلمملكة الجنة هو بصراحة للأسف ما كانش على مستوى جلادياتور يمكن لبخل الإنتاج عليه و ده برضه يمكن يكون داخل فيه يد خفيه مش عايزة تصرف عليه عشان مايتشافشو مايوصلش للأوسكار و يمكن عادي الله أعلم

الفيلم التاني اللي بتقولي عليه " الجنة الآن" اترشح للجولدن جلوب و فاز بيها بس في الأوسكار تفوق عليه الفيلم الجانوب أمريكي..بيقولوا بسبب اللوبي..و انا شفته بس بصراحه ماعجبنيش لأن الإستشهاديين اللي فيه كانوا بيعملوا العمليات بروح ال]اس و الإنتحار مش الجهاد

الصورةالهمجية للأسف احنا السبب فيها و هما ليهم العذر ياخدوا الفكرة دي عنا لأنهم بصراحه ما قابلوش غيرها

eni_ra7ela
شكرا ليكي ..موضوع الأطفال ده ماشي أوي كده في البلد و الله ماكنت أعرف ..ربنا يستر و بعد كده مايبتدوش يقفشوا في العيال

كلبوزة

حلو قوي الحكاية بتاع سيدنا عمر أول مرة أسمعها

عبد الله مفتاح

ماشي الخلافة كويسة و كل حاجه بس برضه العيلة اللي كانت بتحكم ماكانتش عادلة و المحاباة للأتراك و الأجانب على حساب المصريين و موضوع "فلاح خرسيس" دي تحسسك انه احتلال و كان محتاج تحرير م الظلم ..انت شايف يعني انهم كانوا بيحكموا بما يرضي الله.؟

soosa el-mafroosa said...

قارئ مصري

أهلا بيك..شكرا ع التشجيع

مش عارفه بالظبط ايه نسبة التحرر اللي فيا بس سعيدة انك شايف اني عبرت عن اللي عايز تقوله
إقرا المقالات القديمة..هتعجبك

wanna b a bride

حتى انت يا عروسة كمان عملتي كده؟ الموضوع عايز بوست لوحده بأه يا جماعه و الا ايه؟

عمر

فعلا احنا فينا عقدة الخواجه دي و مش عارفه اذا كنا هنخلص منها أبدا

أكتب بالرصاص

كده؟...ماشي

egypti@no

كلامك فيه كتير من الحقيقة بس خليني أفسره بشكل تاني احنا مش لاقيين حاجه نتميز فيها في الدنيا فبنحاول نربط نفسنا بالدين اللي هيضمنلنا اننا يمكن نتميز في الآخرة

مش عارفين نقول احنا كويسين في الصناعة و لا الزراعه و لا التجارة ..ماعدش فيه أمل غير في الدين

soosa el-mafroosa said...

المزاجنجي

سلامة الشعراية يا باشا..مستنيا البوست

saso

مش عارفه اللعبة دي هما اللي لاعبينها لوحدهم و الا ايه الموضوع ..مش عارفه شامه ريحه غلط في الموضوع

الست نانسي هو فيه زيها ...ربنا يخليها لمصر

zangoolaaa

خير يا زنجولا عزلة ايه.؟...انت رحت بيت العيلة و الا ايه؟ أجيب العيش و الحلاوة و الا ايه؟
أنا زعلانه جدا من موضوع وقف البلوج بتاعك كده
هو انا قريت عليك و ع الإنتاج الغزير و الا ايه

لا يا ريس ارجعلنا ..احنا بتوعك يا ريس

littilemo

طيب

cortex

هم فعلا مختلين ..تصدق انا شاكه انهم يكونوا تبع الداخلية ..انت عارف انهم واخدين توكيل المختلين في المنطقه

soosa el-mafroosa said...

batabeet

الحقيقة علينا مسؤلية توصيلها للناس دي يا إما نبقى فشلنا في وظيفتنا اللي موجودين في الأرض عشان نعملها ..بس المشكلة ..إزااااي؟

sahar

و انت كمان وحشتينا و الله

مصري مغترب

ألف صلاة عليك يا نبي

موضوع مايكل جاكسون جايز عندك حق فيه ...بس برضه مش قادرة أبلعه ..بجد مش قادرة

حسن يوسف شفتله مسلسل ع النيل تي في كان بيحب فيه في نجوى ابراهيم و كان له مشهد دراعه في دراع الممثلة اللي اسمها رشيدة و الكلام ده بعد الشيخ الشعراوي...و الله أعلم بالقلوب

حاول تفتكرني

شكرا..أظن

me2

فرصة يشتموا في الإسلام و أي فرصة خصوصا 11 سبتمبر قرب ..ربنا يستر

soosa el-mafroosa said...

ayyam

شكرا ع الحضور..و من ناحية هيفيد هو هيفيد بس مش احنا ..جيراننا الله يحرقهم

admelmasry

فعلا بأه علينا كتير قوي ..شرفت يا دكتور

soosa el-mafroosa said...

egyptiano

آه نسيت أقولك المشهد اللي كنت بتقول عليه في دافنشي كود

ماكانش المقصود بالناس اللي لا بسين الخيمه دي انهم مسلمين ..

اللي كان مقصود جماعة الكو كوكس كلان العنصرية اللي بتتعقب وبتقتل السود في أمريكا و كانوا بيلبسوا الملايات البيضا دي دليل على سمو الجنس الأبيض و عشان يخفوا وجوههم و شخصيتهم و هما بيقوموا بالغارات ع السود و بيوتهم..و خصوصا في أوائل ومنتصف القرن العشرين

Ahmed Rashwan said...

فتح الجراح المثخنة ينبغي أن يجعلنا نعيد التفكير في أشياء كثيرة ونطرح الأسئلة على أنفسنا أهمها لماذا نضع صاحب الديانة المغايرة في صف الأعداء؟؟ا
لماذا لا نترك الحساب لخالقنا ومُنزل كل الأديان؟؟ا
لا نستطيع أن ننسى أن لبنان مزقته الطائفية عبر حرب ضروس استمرت لأكثر من 15 سنة
موضوع طويل لن أستطيع حسمه في سطور قليلة

Anonymous said...

الله عليكى يا سوسة طب اخليكى تاخدى بالك من حاجةب قى اللى انتى عاملتيه وانتى فى ابتدائى الحركة اللى خطفت الناس دول عاملوه دلوقتى شوفى لما قولتى للواد المسيحى قول الشهادة وانا هديك الالوان كان هيقولها بس كان هيقولها عشان مصلحته وانتى عرفتى بكدا قمتى سكتيه واديتهيله الحاجة اما الجماعة الاسلامية افرجوا عنهم وهما عارفين انى اللى اسلموا دول غير ميقنين ابدا باسلامهم ودى كان مجرد طريق الهروب من الجماعة

ويجعله عامر يا اختى

مراقب مصري said...

وكالعادة التي تبنيتها حديثا في عالم التدوين وهي تسخين وتوليع التدوينات والنفخ في ما بقي من نيران تحت الرماد... شوفي يا سوسة يا مفروسة... الموضوع اللي انتي اتكلمتي فيه خطير وأرى أن اختبارك الشخصي اللي حكيتيه بتاع محاولتك أسلمة الطفل زميلك أقوى وأعمق وأكثر دلالة من قصة مملكة الجنة ومن إجبار أسيرين لجماعة إرهابية على الإسلام.... ليه باقول كدة ليس لأن الموضوعين الآخرين مش مهمين بل بالعكس لأن جذور فهمهما تتمحور وترتكز بشكل أساسي على قصة محاولتك أسلمة الواد المسيحي الغلبان اللي معاكي في الفصل (واللي أحد المعلقين أثنى على هذه المحاولة ووصفها بأوصاف عظيمة ورفع عنك إحساس الذنب وخلاكي تحسي إنك بطلة إسلامية وداعية مغوارة من وانتي في اللفة)

القضية الأساسية هي قضية منظومة ذهنية .. العقلية بتاعتك وبتاعة شعبنا (ذي الأغلبية المسلمة) اتبنت إزاي!! وقبل ما بعض الإخوة الأشاوس المدافعين عن موقفك الرائع بمحاولة هداية وأسلمة الواد المسيحي يطلعوا في زوري ويكفروا أمي أقولك... نحن كشعوب شرق أوسطية رضعنا العنصرية وشربنا العقلية القبلية مع لبن السرسوب (اللي هو في أول أيام بعد الولادة)... أتمنى ما يكونش موضوع القبلية والعنصرية دا معانا في الجينات لأنه كدة يبقى عليه العوض ومنه العوض ما فيش فايدة فيكي يا بلد وغور في داهية يا شعب! لكن هافترض معاكي أننا رضعنا وتربينا منذ حداثتنا المبكرة جدا رفض الآخر على أسس قبلية وعنصرية جدا... فدائما إحنا (أيا كان مين إحنا سواء إحنا كمسلمين بالمقارنة بالمسيحيين أو احنا كمسيحيين بالمقارنة بالمسلمين أو احنا كسنة بالمقارنة بالشيعة وهكذا)... إحنا دايما أجدع وأفضل وأحكم وأكثر تقوى وأعمق فهما وأصح إيمانا وغيرها من صيغ أفعل التفضيل الكريهة!!!!

وبما أننا أفضل وأذكى وأحكم وأصح وكل هذا الهراء اللي على وزن أفعل التفضيل فيقينا يصير على الآخر أن يكون مثلنا (وهو ما عبر عنه صاحبنا بأنك ما إلا كنتي بتهدي هذا الولد الكافر إلى دين الله وإلى طريق الجنة إن شاء الله!!) وفي هذا السياق ستجدي منظومة التكفير شغالة على ودنه... فالشيعي كافر والبهائي مفسد في الأرض أما المسيحيين فحدثي ولا حرج!!!

تحول كل واحد من هؤلاء "المؤمنين" إلى - أستغفر الله - إلى إله صغنن بيفتش في الضمائر ويدين دا ويحاسب دا ويدخل دي الجنة ويدخل دي النار... وعندما نقول الغرب اللي بتقولوا عليه كافر دا عنده حضارة وعلم واحترام للإنسان والبشرية مش موجود عندكوا يا بلاد "العلم والإيمان"، تواضعوا شوية واطلبوا العلم ولو في الصين، يقولك استنى بس عليه شوية وهو ها يتدمر وكل حضارتهم الكافرة دي هتنتهي ... وطبعا إرهاصات النهاية قد جاءت على يد وأقدام خير البشر من أتباع الشيخ أسامة الذي نصروا الإسلام ضد الكفر في غزوة منهاتن وغزوة لندن والبقية ستأتي يا كفرة يا ولاد الـ....

عارفة السؤال اللي بجد محتاج يتسأل يا سوسة إيه هو... مشاعرك كعربي مسلم كانت إيه وانت بتسمع أنه أمريكا انضربت في 11/9 والبرجين انهاروا والآلاف من الكفرة ماتوا تحت التراب بسبب غزوة الشيخ أسامة على حصن حصون الشيطان الأعظم؟! السؤال هو مشاعرك الحقيقية من جوة كانت إيه؟

مش بنسأل عن التبريرات المنطقية أو الأخلاقية ولا الدينية للفرحة اللي انت حسيت بيها... فمتكلمنيش عن أنه عدالة الله هبطت على أرض نيو يورك ودا ذنب الأطفال الفلسطينيين اللي بيتقتلوا والكلام المفهيص دا... الموضوع مش خدوكوا بالصوت قبل ما يغلبوكوا!! قتل البشر الأبرياء مالوا باللي انت بتقول عليه ده؟ عايز تنتقم لدم أطفال فلسطين، روح اتطوع في المقاومة الفلسطينية الشرعية وحارب جيش الاحتلال وحرر يا سيدي فلسطين!!! إذن إيه اللي خلا أغلبية العرب والمسلمين يفرحوا هكذا (حتى أن البعض رقصوا وتبادلوا أنخاب الشربات يوم حداشر تسعة والعالم كله شاف دا وفهم الرسالة)!! اللي خلانا نعمل كدة هو اللبن المعفن اللي رضعناه بتاع كراهية الآخر وأننا خير أمة أخرجت إلى الأرض (كدة في المطلق وعلى غير التزام بأي شروط قرآنية أو إسلامية تجعل القول صحيحا)

يا صديقتي الغالية سوسة المفروسة لقد خرج أغلب المعلقون في المدونة هنا عن تساؤلاتك الرئيسية والتي صارحتي نفسك والآخرين بأنك صدمتي لما لقيتي إنتي نفسك بتفكري كدة ومن جواكي بتحسي بكدة...

وإليكي السؤال الصدمة الأقوى!! من في بلادنا اختار دينه؟ جاوبي بصراحة! لا أحد! فكما أن المرء في بلادنا لا يختار أباه وأمه لا يختار دينه، بل هذا ما وجدنا أباءنا عليه!! يعني ببساطة المسيحي اتولد في بيت مسيحي فبقى مسيحي (طبعا أغلبية من قرأ أول ما فكر في السؤال ما فكرشي في نفسه لكن فكر في الآخرين وصعبوا عليه المسيحيين - مثلا - اللي اتولدوا في الكفر غصبن عنهم!) لأ بعد إذنك السؤال دا شخصي جدا!!! مش بقول لك هل درست الأديان الأخرى أم لا وإنك هل واثق من دينك أم لا!! بل سؤالي هو هل اخترت دينك؟ وبأمانة وموضوعية ستجد أنك لو ولدت في بيت مسيحي لبقيت مسيحيا وربما لكنت مسيحيا متعصبا تكره الإسلام والمسلمين وتتابع برنامج زكريا بطرس على قناة الحياة على قمر الهوتبيرد اللي بيسلخ فيها فروة الإسلام يوميا أمام العالم كله!

نعم أنت أنت!! نفس الشخص اليوم الذي يريد أن يأسلم العالم كله لو بس ربنا سمح وكنت اتولدت في البيت اللي جنبكوا (بيت عم مرقس ومراته إيفون) كان زمان اسمك النهاردة جورج وما بتطيقش سيرة المسلمين وما عندكش كلام غير عن اضطهاد المسلمين للمسيحيين وحديث المدرس اللي حبس تلميذ في أوضة الفيران عشان يقول الشهادتين!! والوظائف الممنوعة في الدولة على المسيحيين، والمسيحيين في امتحانات الشفوي في كليات الطب وكانت هذه ستكون قضيتك اللي ما بتتكلمشي غير فيها!!

يا ريت نهمد ونبطل عنطزة ونبدأ نواجه أنفسنا من الداخل لأن دا على فكرة هو الحل الوحيد لعلاج أزمتنا الدينية والسياسية وكله!! وبالمناسبة يا بت يا سوسة، علميا وتاريخيا إحنا كنا تحت الاحتلال التركي!! وعلميا وتاريخيا دا كان احتلال بكل معاني الكلمة!! وما "فلاح خرسيس" إلا دليل على نوعية وساخة هذا الاحتلال!! أما عن سؤال الأخ اللي حاول يثبتك بسؤال هل كانت السعودية تحتل مصر في عملية ما يسمى بالفتح العربي لمصر؟ طبعا لو حد جاوب بالإيجاب يكفروا أمه... بس ما تخافيش يا بت وراكي رجالة!! من الناحية التاريخية والعلمية نعم بالطبع كان غزوا (وطبعا كان عسكريا) وكان احتلالا وتسميته بالفتح العربي الإسلامي لمصر هي تسمية دينية تخاطب المشاعر وتغلوش على واقع الاحتلال السياسي والعسكري!! والكلام دا كلام مؤرخين مصريين قوميين كبار مش مستشرقين وبلا أزرق!! ومن تاني أقول ما قلته في مدونة البت أووووسة.... المصريين مش عرب!! المصريين أقباط فراعنة سواء مسلميها أو مسيحييها.. أتكلم عن الأصل وعن العرق واللي مش عاجبه يشد في حواجبه!!!

كلمة قبطي تعني مصري وهي نفس الكلمة المشتق منها اسم مصر في العالم كله (ماعدا بلاد العرب) إيجبت! وتعني "الأرض" ومن ثم فهناك قبطي مسلم وقبطي مسيحي ويا عزيزي كلنا أقباط

التاريخ بيقول أننا (كمصريين) ظللنا تحت حكم الاحتلال (محتل يسلمنا لمحتل) من عصر الفراعنة إلى أن حكمنا أول مصري (كان اسمه محمد نجيب مش جمال عبد الناصر بالمناسبة)... دا التاريخ يا بنتي

تديين السياسة وتسييس الدين كان دائما أكبر مفسدة للأمم ويا ريت ناخد عبرة من التاريخ ونبدأ نتوب ونتغير!!!!

المواطن المصري العبيط said...

احنا بس شطار في التهليل والتكبير لكل واحد بيسلم وكأننا طلعنا القمر، رغم انه لاهيزود الاسلام ويمكن الاسلام مايزودوش حاجة أصلا

ده جزء كنت كتبته قريب من موضوعك، يمكن يفيد زوارك على مدونتك


أن الشائبة السوداء في مجتمعنا ما هي إلا مجرد كراهية مغلفة بابتسامات صفراء توزع على الناس بشكل أبله، وتعصب رهيب يبدو من تحت حواجب معقودة وعيون مشمئزة ووجوه محمرة من الغضب، حتى الشائبة السوداء لم تعد سوداء، وإنما باتت ذهبية بلون آيه الكرسي والصلبان التي تزين صدور الفتيات، أو أصبحت في زبيبة في جبهة الرأس وصورة لكاهن غير معروف.

أصبحت الشائبة في شكل لص يفتخر بسرقته لبيت مسيحي، أو في رجل ملتحي يخرج إلى العالم بنصر غير مسبوق في أنه نجح في أسلمة فتاة مسيحية، أو في شاب يعتبر جارته المسيحية ممن تجوز له جماعها لأنها تعامل معاملة سبية حرب.

تحياتي .. شكرا

عبدالله مفتاح said...
This comment has been removed by the author.
مراقب مصري said...

ولو أن الموضوع مكانش مفترض فيه أنه يكون ساحة حرب على الإطلاق بين مسيحي ومسلم (مازال رأيي أن مثل هذه المماحكات الكلامية عن مين أجدع ومين دينه أكثر منطقية وتماسكا من الدين التاني الهش اللي فيه "شتايم بذيئة" وكلام مش منطقي هي محض خراء فكري... ورأيي أن هذه المنهجية الوضيعة هي قمة بل قاع البذاءة الفكرية والسخافة الجدلية، وهذا الهبل القَبَلي العصبي بتاع المناظرات والتلسينات والضرب في الأديان من تحت الحزام أو من فوقه ما زلت أرى أنها هراء وأمراض نقص عند الطرفين المتحاربين تحتاج لعلاج نفسي متخصص) وعلى الرغم من أن تدوينة سوسة كانت أجمل وأرق بكثير من أن تنزل إلى هذا الدرك الفكري الأسفل الذي يأخذنا إليه الأخ عبد الله مفتاح وحاولته اللعب على الوتر القذر بتاع مين فينا دينه أجدع ومين دينه مليان شتايم وبذاءات وكلام مش ممكن إله يقوله... واقتطاع آيات من الكتب السماوية خارج سياقها للتدليل على النتيجة العبقرية التي يصل إليها... الخ....

سامحيني يا سوسة يا حبيبتي لكن هوا اللي بدا وعلى الباغي تدور الدوائر...
بص يا إنتا...
طريقتك البلدي دي في التفكير (والتكفير) واستخدام طريقة إننا في نعمة وغيرنا يعمى.... طريقة بيئة أوي في التعبير عن الرأي والنقاش الموضوعي... لو بصيت على صلب التعليق بتاعي يا فالح كنت أدركت أن أنا رديت على الهراء بتاعك (بتاع مين دينه أجدع) دا حتى من قبل ما حضرتك تتكرع الكلمتين اللي ما لهمش لازمة (اللي أصلا محفوظين صم والناس قرفت من تكرارهم)...

يا ابني يا حبيبي اللي انت قلته عن موضوع وفاء قسطنطين دا ما إلا تأكيد على الواقع اللي أنا قلته سلفا في تعليقي في الجزء الخاص بأنه محدش في بلادنا بيختار دينه... وهذا ما قلته بوضوح قبل ما انت حدا تجاوب... فأول ما هاسأل السؤال بتاع "كام واحد فينا بيختار دينه بجد" هيروح دماغك في حاجتين ... أولا: يا حرام صعبان عليا المسيحيين الغلابة اللي مش عارفين يدخلوا في دين الحق (اللي هو طبعا الإسلام) وبسبب الاضطهاد الكنسي لهم بيجبروا على أنهم يبقوا في دينهم (اللي هو كفر طبعا) والحاجة التانية اللي برضه عملت حسابي فيها وانا بسأل سؤالي هي أن واحد زيك برضه يلف حوالين السؤال ويقول ما أنا درست المسيحية، واكتشفت الهبل اللي فيها (أو المسيحي يقول العكس عن الإسلام)، ومن ثم أحمد الله على نعمة الإسلام (أو المسيحية حسب موقعك من ماتش المصارعة الهبلة دي) وبالتالي فأنا بالفعل اخترت ديني! إيه الفتاكة اللي انت فيها دي يا عم مفتاح!!!!

تمخضت أيها الجبل فولدت فأرا!! يعني بعد كل الحزق دا وفي الآخر هي التفة دي اللي انت طالع (أو نازل) علينا بيها!! إوعى الفحت!!

طبعا البذاءة اللي في كلامك ضد المسيحية مغرية جدا للرد عليك والاستعانة بشوية كلام من الجاهز بتاع برنامج زكريا بطرس اللي بيشرشح فيه للإسلام، ويبقى فرش الملايات الدينية واللا فكرية للصبح... لكن موت بغيظك مش هنولهالك يا سيدي!!!

سأكتفي بأن ادعو القراء سواء مدونين أو أنونيمس أن يعيدوا قراءة موضوع أوسة الجميل وتعليقي البديع، ثم تعليقك الفقيع ويشوفوا إزاي أن تعليقك الاهبل دا هو تجسيد لحالة الغباء الفكري والديني والتعصب الكريه المقيت والإحساس المتدني بالتعالي على الآخرين وهو ما يدل على عقلية متحجرة متعفنة استاتيكية دوجماطيقية تكفيرية رجعية مفعمة بالأحكام المسبقة على كل شيء وبالأفكار سابقة التجهيز التي علبوا بها وقولبوا بها نافوخك حتى صرت كالجماد لا إحساس ولا فهم لديك... بل صرت (أنت والملايين من بني شعبي سواء مسلمين أو مسيحيين .... فجميعنا في هم التخلف والرجعية والجمود والعفن الفكري سواء) صرت ببغاءً محترفا، تردد ما حشوا به دماغك من هراء فكري بلا فهم ولا إحساس (ليس فقط عن الدين والأديان، بل في كل موضوع آخر في الحياة فهذه المنظومة المتجمدة الغبية لديها أنماطا جاهزة تفتي في كل شيء وتقولب كل شيء من أول مفهوم الوطن والمواطن إلى مفهوم العلم والتعليم، مرورا بالفيديو كليب، ومنصور شيفروليه وزير النقل!!)...

عارفين يا شباب العيب في هذا البلد فين؟ العيب ليس في الرئيس مبارك ونظامه الفاسد وحكومته المش عارف إيه وبقين الأونطة اللي بنفكهم دول ونحس إننا كدة مناضلين وسياسيين وبلا أزرق... العيب والمصيبة الحقيقية هي في أمثال عبدا الله مفتاح، وأروى الطويل!!! (عذرا يا أخ مفتاح وعذرا يا أخت طويل، القضية ليست خلافا شخصيا وأنتم لستم سوى عينة لأغلبية شعب يحيا (بل يموت) في مستنقع (يعني بكابورت بالبلدي) من الرجعية والجمود والتعفن والتخلف تحت اسم الدين والأخلاق والعادات والأعراف والتقاليد وغيره وغيره وغيره)

.... سيدي الرئيس حسني مبارك أنا آسف... ظلمناك وقلينا أدبنا عليك بما فيه الكفاية وانت بجد بجد الذنب مش ذنبك... لكننا مارسنا معك الإسقاط النفسي وعلقنا على شماعتك - بل جعلناك فخامة الرئيس أنت الشماعة - التي علقنا عليها كل بلاوينا وقذاراتنا كشعب تعس وبائس يرضى بالقرف ويحبه ويسميه سلو البلد، يحب التعفن والجمود ويسميه عادات وتقاليد، يعشق النفاق والرياء والمظهرية في كل شيء ويسميها التدين!! شعب يغضب الله ولكنه يحلف باسمه... يدعي التقوى لكن قلبه أنجس من فوطة ألويز مستعملة!! شعب مرائي ينقي خارج الصحفة وداخلها مملوء زنا ودعارة واختطافا وقتلا.... شعب يشبه القبور المبيضة من الخارجة ولكنها تحوي عظاما نتنة ورائحة موت كريهة (يغلوشون عليها بمعطر الجو جليد وبمزيلات رائحة العرق)

سيدي الرئيس إنك وإن كنت لعنة على هذا البلد وهذا الشعب فإنما أنت لعنة إلهية يستحقها هذا الشعب الذي أغضب الله فوق كل حد بنفاقه وريائه وقرفه حتى سلط عليهم رجلا مثلك!!! سيدي لك أن تفخرا (نعم أنت ف خرا) بأنك كنت الوسيلة الإلهية لعقاب أمة قلبها أسود من قرن الخروب، أمة رضعت الكراهية من ثدي أمها، ولا تزال تمضغ لبان الكراهية وتتسلى بلبها ومقرمشاتها ليل نهار!!
نعم سيدي الرئيس لا تتوقف يوما عن إنزال العقاب الإلهي المستحق بهذا الشعب المتعفن... ربما بعد أن يذلهم الله على يديك الكريمتين ويجيعهم يتوبوا بعد ان يعرفوا أن الله حق!! وينضفوا قلوبهم السودة الغلاوية المفعمة بوساخة الحقد والمطرمخة بهباب التفرقة والعصبية والقبلية الجاهلة...

وفي النهاية أدعوك ربي ... إننا لا نسألك رد القضاء ولكن نسألك اللطف فيه...

يا ريس هو كله ضرب ما فيش شتيمة؟ طب ما تاخد الواد عبد الله مفتاح دا عندك يبقى متخصص شتيمة، على سبيل التغيير يعني!!

ما زلت مصرا أن الاحتلال التركي كان احتلالا (تحت اسم الخلافة) ونعم الغزو العربي كان غزوا ثم احتلالا (تحت اسم الفتح)... أزمتك يا سيد مفتاح وأزمة ملايين من المصريين أنهم قبلوا أيديولوجية معينة ترفع مفهوم الأمة (الإسلامية طبعا) فوق مفهوم الوطن!!! هذه العقلية التي أنتجت تصريح مهدي عاكف العبقري "طظ في مصر وأبو مصر واللي في مصر"... نعم فالمهم هو الإسلام والأمة الإسلامية ونصرة دين الحق في العالم أجمع والمشروع السياسي الديني العالمي وينعل أبو أم البلد.... وليسقط الجزء (اللي هو الغلبانة مصر) في سبيل الكل (اللي هو حلم الأمة الإسلامية التي تسود على العالم كله، يعني صهيونية من نوع جديد!) وهي دي الانتماء الأعلى... وهذه هي المشكلة!!

خلي دينك هو العلاقة الحقيقية بينك وبين الله سبحانه وتعالى، وساعتها بس هتكون إنسانا أفضل وأجمل، وأكثر اتساقا مع نفسك، ومع بني وطنك، ومع وطنك نفسه...

وإلى أن تحدث هذه التوبة الجماعية لكي الله يا مصر، وللأمة الإسلامية عبدالله مفتاح وأروى الطويل

الأميره أوسه said...

سبحان الله عليكوا
متعرفوش تتناقشوا بهدوء
من غير حده
سوسه تقول علينا أيه
وبعدين أنا جيا أرتاح شويه
قلقتونى اروح عند شهروزه حبيبتشى
أرتاح هناك
سلامو عليكوا

3rby said...

شهروزة:انا معاكي ان عمر الشريف عمل افلام كده...بس برضه لو شفتي فيلمه الاخير اللي كان اسمه ابراهيم فيه هاتعرفي ان الراجل ده(سعات)يستحق الاحترام


سوسة:انا كنت كده وانا صغير...واكيد اي حد كان كده...مره انا وواحدة صاحبتي في ابتدائي مسكنا واد اسمه ارميا وقعدن نقنعه...من غباوة البت كانت بتقوله كفاية ان القرأن قال كذا والرسول قال كذا اكنه مسلم يعني وبعدين لما اتخنقت منه مسكته ضربته انا وواحد صاحبي وخليناه يتشاهد بالعافية...بس كل مافتكر الموقف ده باتدايق من نفسي اوي....بس برضه باقعد اضحك علي نفسي ...انا كنت متوقع الاشتغالة ديه من اول ماتخطفوا...كان المفروض بقه شعب الله المختار اللي هم احنا....يقولولهم اقعدوا معانا شوية واشتغلوا بوش بس هم كانوا هبل تقريبا...اكن يعني احنا قاعدين من ايام السيف ولسه العدد ليه معني...احنا تقريبا تلت العالم...احنا فين...ايه لازمتنا؟....ولا حاجة


جرجس:والله انت اللي عاوز حد يهديك ويخليك تترك ديانة الكفار ...كلام اختيار الدين ده انا قلته كتير....علي فكرة برضه مصر لحد النهارده ماخترتش الحاكم بتاعها بحرية ومن غير تزوير...تخيل الحضارة ام ميت الف سنة اللي بيشتغلونا بيها وبيلهونا بيها عن واقعنا المرير...من قول فرعون الكافر لح النهارده مخترناش حاكمنا؟


عبد الله مفتاح:تقدر تقولي ليه مأسروش جندي امريكي ولا اسرائيلي...يعني فيه ناس محترمة بتمجد في اعمال المقاومة...زي النائب الانكليزي جورج جالوي وزي المفكر اليهودي نعوم تشومسكي...الناس ديه اتحرجت لما خطفوا ناس مسالمة....صحيح فوكس نيوز زيها زي سي ان ان زي سكاي نيوز....كلها قنوات وسخة...بس ده مايمنعش ان دول في ضيافة الشعب الفلسطيني...والاسلام علي حد علمي امن الناس اللي في ضيافته...ولا ايه؟

جرجس تاني:ايه يا عم جرجس ايه اللي نرفزك كده بس؟...علي فكرة فعلا تركيا احتلتنا...والدولة العباسية احتلنا...وبعدين مفتاح يقولك يبقي الرسول كان محتل الجزيرة....الرسول ماحتلش حته....الاسلام انتشر بالدعوة...لكن لما الرسول مات ظهر شوية ناس قالوا احنا الصحابة...اكنهم بقوا رسل(مع ان الرسل غلوا وغلاطتهم مذكورة في القران لانهم مش ربنا علشان مايغلطوش)واي حاجة يعملوها تبقي صح بلا نقاش....يعني ليه واحد مالوش اي دعوه بمصر ولا اللي في مصر يجي يقول انا هاعمل الجيش المصري واضمه للجيش الاسلامي...ويتاسلموا يا ولاد الوسخة يا تدفعوا الجزية...ليه المسلمين بنوا جنب كل كنيسة جامع ومنعوا بناء الكنائس غير بشروط مشددة؟ال ايه الهلال مع الصليب...الشعار نفسه عنصري..بيفرق المصريين وبعدين يقول احنا مع بعض...ارجع تاني لحوار الصحابة...الرسول لما جه يفتح الطائف خد الغنائم اللي خدها من الغزوة اللي قبلها(كانت مكة تقريبا )بعد مكان بعتها للمدينة لانه كان خايف لتحصل حرب في غيابه بين المسلمين...فيه ادلة تنية كتير...زي حرب معاوية وعلي....اللي عايز اقوله ان دول مش الهة علشان يبقي حرام اننا ننتقدهم.....وكمان مش من سلطتك انك تقول ديني احسن من دينهم...خلاص ماعجبكش خليك مسلم...بس لو انت مؤمن بان الانجيل اتحرف ده مش معناه انه اتشال واتحط من جديد...انت كده ممكن تكون اتريقت علي كلام ربنا

عبدالله مفتاح said...

سوسة يا اما تسيبيني ارد يا اما تردي انتي على من تطاول عليا اشد التطاول
انا مش هرد الا لو انتي سمحتيلي
احتراما للمكان وطبعا مش هرد بالفاظ سيئه لاني تربيتي تمنعني من اني اقول الالفاظ دي
بجد كل اناء ينضح بما فيه
انا مش هرد الا لو سمحتيلي
لا لشئ الا احتراما لك وللمكان الذي تواجدت فيه ضيفا عليك

3rby said...

انا ماليش دااعوه....ده جرجس اللي غلط فيك(احنا جايين نهدي النفوس)والله انا لو منك اقيم عليه الحد....هذا كافر زنديق لا يستحق الا القتل...وكمان بياكل جل(اعوذ بالله)


ولعها ولعها...شعللها شعللها
:)

أحمد المصري said...

عندك حق في كل ماقلتيه00اما عن موضوع انسياقنا كالخراف نحو أي إشاعة هو أننا في حالة كبت شديد في ظل حكومتنا الرشيدة -بتاعة بكار مخك مايروحش بعيد-وطبيعي في حالات الإنحدار أن يتجه الناس نحو الدين باعتباره الحل الأمثل لكل المشكلات إلى جانب أن العرب عاطفين بطبيعتهم فننجر وراء أي إشاعة إن أي واحد دخل الإسلام باعتبار أنهذا نصر للإسلام والمسلمين -رغم أن الإسلام منصور في كل زمان ومكان -الحل في وجهة نظري المتواضعة -هو (تعقيل) الناس إن صح التعبير وجعلهم يميلون إلى العقلانية بدلا من العاطفية ,وهذه مهمتنا كشباب قبل أن نكون مدونين لأن هذا (التعقيل) يكاد يشابه برنامج إعلامي متكامل تستخدم فيه كل السبل
ashekmasr.blogspot.com

Anonymous said...

سيدي الرئيس حسني مبارك أنا آسف... ظلمناك وقلينا أدبنا عليك بما فيه الكفاية وانت بجد بجد الذنب مش ذنبك... لكننا مارسنا معك الإسقاط النفسي وعلقنا على شماعتك - بل جعلناك فخامة الرئيس أنت الشماعة - التي علقنا عليها كل بلاوينا وقذاراتنا كشعب تعس وبائس يرضى بالقرف ويحبه ويسميه سلو البلد، يحب التعفن والجمود ويسميه عادات وتقاليد، يعشق النفاق والرياء والمظهرية في كل شيء ويسميها التدين!! شعب يغضب الله ولكنه يحلف باسمه... يدعي التقوى لكن قلبه أنجس من فوطة ألويز مستعملة!! شعب مرائي ينقي خارج الصحفة وداخلها مملوء زنا ودعارة واختطافا وقتلا.... شعب يشبه القبور المبيضة من الخارجة ولكنها تحوي عظاما نتنة ورائحة موت كريهة (يغلوشون عليها بمعطر الجو جليد وبمزيلات رائحة العرق








على فكرة كلامك لو دخلنا فى اعماق اعماق معناه هنلاقى فى حقد وغل برده والفاظك نابية جدا ومش عامل مراعاة صاحبة المدونة دى بنت ولا ولد وهتقرا كلامك اللى همك كله يبين للناس انك انتا بقى الانسان الفذ صاحب العبارات الفليسوفية ومهاجمة على اعضاء بالصورة دى مش شىء مشرف لأتنين مدونين ويعتبروا هدفهم واحد وهو التعبير عن الرأى بس باحترام بس للاسف فين الاحترام يللى بتحب حسنى مبارك انتا

soosa el-mafroosa said...

film 69
نورت بعد غيبة..ربنا يستر و مانبقاش زي لبنان

كازانوفا

منور ..أخييرا بتعلق ..وجهة نظرك صحيحة

المواطن المصري العبيط

كلامك جميل و فعلا ربنا يستر علينا م التشدد و العنصرية و الإستهانة بالآخر

red ghost

خير كفا الله الشر ..ايه الواجهة دي ..ربنا يستر علينا كلنا من أمخاخنا اللي هتودينا في داهية

aoossa

شفتي يا أوسة ..آدي آخرة الكلام في الدين ..آخر مرة

عوافك معاكي
أمووواه

3rby

ايه يا عم الكبريت..انت جاي تولعها؟

انت كمان ضربت الواد عشان يسلم ..دانتا جريمتك أكبر ..ضرب؟...ربنا يغفرلنا جميعا

أحمد المصري

مافيش حد للأسف بيشغل عقله في مسألة الدين دي ..ربنا يكملنا بعقلنا على الأقل لتقبل الآخر و التعايش السلمي

soosa el-mafroosa said...

عبد الله مفتاح
reformer1976

ليه يا عني اللي انتوا بتعملوه ده ؟
الموضوع خرجتوه من سياقه و لويته رقبته لحد لما وصلتوه لديني و الا دينك

reformer
بدأها الأول باعترافه مبدئيا انه جاي يولعها
وبعدين عبد الله مفتاح

أنا عارفه مبدئيا انك مقتنع باللي بتقوله فمش هحاول أناقشك فيه ..بس حط نفسك مكان واحد مسيحي بيقرا كلامك ن الإنجيل ..طب ايه اللي هيسكته؟؟
انت تسب كتابه و هو يسب كتابك و في الآخر مين هيستفيد ايه ..و بعدين تذكر قول الله تعالي
"ولو كنت فظا غليظ القول لانفضوا من حولك"..صدق الله العظيم

reforme1976

اتكلمت من وجهة نظرك عن الهراء الفكري و الكراهيةللآخر اللي بيرضعها شعبنا (ذو الأغلبية المسلمة) زي ما بتقول ..بس بعد الكلام الحلو ده نزلت شتيمة في عبدالله مفتاح و أروى الطويل...رغم ان أروى معلقتش أصلا هنا و ده دليل على ضغينة ناحيتها و انك بتزق باسمها في أي فرصه للكلام في المواضيع دي ...وبعدين و صفت عبدالله و فكرة بكلام جارح جدا ..مع ان اسلوب الحوار الراقي انك تناقش الفكرة فقط و الترفع عن اهانة الخصم..يعني انت للأسف بتناقض نفسك

مصيبة البلد دي على فكرة و نهايتها مش في الفساد و لا في السرقة و النهب و لكن هتكون بسبب التعصب و عدم تحمل الآخر و عدم احترام بعضنا بعض ..و الدليل ان أي موضوع فيه ريحة دين لازم يطلع اتنين تلاته يحولوه لمناظره ...ياريت نتفق على اننا مختلفين و كفاية

كازانوفا

شكرا ليك

الأميره أوسه said...

يسلم فمك يا سوسـه
طول عمرك حكيمه
يا ريت نتعلم فن التحاور
اللى هو الدليكتيك بالاتينى
بدل السفسطه بتاعت السوفسطائين
اللى بيختلفوا بهدف الأختلاف
من غير الوصول لأى قيم أو أفكار أنسانيه
كل الشعوب لها أفكار وأيدلوجيه خاصه
الا أحنا عندنا أسهال فكرى
أوسه أفلاطون

soosa el-mafroosa said...

الآيه يا جماعه آسفه كتبتها غلط
"و لو كنت فظا غليظ القلب لانفضوا من حولك

mizo

عندك حق ..بصراحه خليتني أنكسف من نفسي لما قلت الآخر ..بس للأسف ده الواقع و لازم نتعامل معاه على هذا الأساس على الأقل لحد لما نغيره

aoossa

ماشي يا عم أفلاطون..انا مش عارفه ..مش عارفين يتعلموا منك

تحياتي يا عسل

lastknight said...

سوسه الفمروسه
جرجس عنده حق ألى حد بعيد .. تكوين العقل العربى ذو الأغلبيه المسلمه يؤدى بطبيعته للنزوح ألى القبليه و السطحيه .. عموما هذه الأيام اقرأ ثلاثيه لكاتب أسمه نبيل هلال .. عن الأستبداد فى الدول الأسلاميه .ز بمجرد أتمام القرائه غالبا بأكر الله أنشر مدونه و أدعو الجميع للمشاركه بالمناقشه فيها

عبدالله مفتاح said...

من الواضح انك يا سوسة مش عايزاني ارد
وانا مش هرد احتراما للمكان
وانا مش هتكلم ومش هطعن في اي حاجه

بس يا سوسة كنت اتمنى ان الفكر يتم مواجهتة بفكر مش بسيل من السباب والتطاول والالفاظ مع عدم مرعاة ان اغلب زوار مدونتك من البنات
انا بجد مستغرب ازاي الكلام ده يتقال في مدونة بنات
وحفاظا على نقاء مسامعكم انا مش هد بفكر لاني لو رديت بفكر هيترد عليا بالفاظ قد تجرح مشاعركم
اما اللي شايف اني على خطا يشرفني في المدونة عندي وانا هاخد راحتي في الكلام معاه
اما السباب فلا يلجا اليه الا ضعاف الحجه ممن لا يملكون رايا
بعتذرلك عن الدوشة يا سوسة
بس مكنش ينفع اشوف حد بيطعن في ايمانا واسكت
الحمد لله على نعمة الاسلام وكفى بها نعمة
بس انا بجد حاسس اني اتهزقت ومخدش حقي ولو بالفكر واحراج من لا يملكون حجة او برهان

فاكرة يوم مقلتيلي كحل واعمي لا فض الله فوك
انا فاكر الجمله وعشان كده انا مش هرد
خالص امنياتي القلبيه

soosa el-mafroosa said...

عبد الله مفتاح

يا سيدي ما تزعلش حقك عليا و امسحها فيا أنا انت عارف أد ايه أنا باحترمك و بعدين انت عشرة من عشرينات و أصدقاء عشرينات ليهم معزة كبيرة جدا عندي

لكن زي مانت قلت المناقشة مش هتتسبب الا في المزيد من الألفاظ البذيئه اللي مش هتفيد النقاش في حاجه و هتإذي مشاعر الكل

أنا أشهد انك ما تطرقتش للشتيمة .و انا ما اقصدش انك ماتا خدش حقك ..حقك عليا اذا كنت زعلت

بالتوفيق

مراقب مصري said...

وأخيرا عدت إليكم جميعا...
بقالي يومين ما فتحتش النت خالص ودا سبب غيابي

قبل أي حاجة أعتذر عن بعض التعبيرات غير اللائقة التي وردت بتعليقي... وخصوصا كلمة "أنجس من مش عارف إيه" هذه اللفظة تحديدا كانت عيب جدا أن تُقال، وخصوصا أنني مش في بيتي - الذي هو مدونتي - بل في بيت أخت فاضلة - والتي أعتذر لها اعتذار خاص جدا - كتبت في الأساس مدونة شديدة الرقة والرقي والجمال، وما غلطتش في حد. من ثم فدعوني أعترف بخطئي فيما يخص تلك اللفظة غير اللائقة تحديدا والتي وردت في سياق وصف رياء الكثيرين في مجتمعنا ... كان من الممكن جدا توصيل المعنى بكلمة أخرى أو حذف الجملة نفسها إذ أن ما بعدها جاء تأكيدا لها بصياغة واتنين...

أؤكد اعتذاري عن حدة اللغة في التعليق... لم يكن مناسبا على الإطلاق استخدام هذه اللغة خارج بيتي الذي هو مدونتي وعلى الأخص في مدونة أخت عزيزة كسوسة

أوضح فقط بعض النقاط:

أولا: أنا لم أهاجم ديانة من الأديان على الإطلاق في سياق حديثي... ومن الأمانة أن من يدعي ذبك يراجع ما قلته بدقة!! ومن الأمانة ألا تؤخذ أي كلمات أو ألفاظ (اعتذرت وأعتذر عنها في حد ذاتها بالفعل) خارج السياق التي قيلت فيه

ثانيا: لم أسب على الإطلاق الأخ عبد الله مفتاح ولنراجع من تاني التعليق ونرى (ما عنديش مانع أعتذر له إن كنت قد سببته أو شتمته، وسأطلب منه عندئذ أن يفر لي ويسامحني). كان بالفعل هجومي عليه شرسا، وسخريتي لاذعة جدا (لدرجة إني أعلنت تأييدي للرئيس مبارك... فيه سخرية ألذع من كدة؟ دا قمة الكوميديا السوداء)... الألفاظ السيئة والشتيمة لم تكن موجهة بالطبع لشخص الأخ مفتاح بل لأسلوبه ومنهجيته الفكرية (والتي للأسف هي نفس منهجية أغلب الشعب المصري مسيحييه قبل مسلميه). هاجمت الكراهية وسخرت منها ولن أعتذر عن مهاجمتي للكره عندما يصير منهجا وفكرا وفها ولاهوتا (كلمة لاهوت هي المرادف المسيحي لكلمة فقه)... لا تنخدعوا بظاهر الكلام يا إخوة... الوهابية ليست الإسلام ومهاجمتها لا تعني شتيمة الإسلام تماما كما أن التقليدية المسيحية ليست هي المسيحية ومهاجمتها ليست شبا للمسيحية

ثالثا: ذكر موضوع الأخت أروى الطويل أتى في سياق ساخر (يعرف المدونون الذين يدخلون على مدونة عربي أصل الخناقات الهبلة والاشتغالات الكوميدية بين أروى وبين كذا واحد فينا زي مونجي مثلا، والموضوع انتوا عارفين إنه هزار) ... وإن كانت الحتة الجد في موضوع أروى هو اني ذكرت أروى جنبا إلى جنب مع مفتاح للتدليل على عقلية معينة تحكم أغلبية الشعب المصري (أقصد أغلبية المصريين اللي همة أغلبية المسلمين مضافا إليها أغلبية المسيحيين يعني الاتنين في الهوا سوا لهواة الصيد في المياه العكرة)

رابعا: راجعوا تعليق الأخ مفتاح الذي رد فيه على تعليقي الأول والذي هاجم فيه المسيحية واستخدم أسلوبا - على الرغم من هدوئه - فجا جدا في الهجوم على المسيحية والسخرية من كتابها المقدس والسخرية من عقائدها وهذا يا أفاضل ويا فضليات هو ما خرج بالموضوع عن سياقه... اللي شايف إن الأستاذ مفتاح لم يهاجم المسيحية في تعليقه الذي فتح النار يقول لي وساعتها هاضطر أفند كلام مفتاح نقطة نقطة... ودا اللي أنا من الول ربأت بنفسي عن الدخول فيه

خامسا: الموضوع الأساسي (سواء ما طرحته سوسة في تدوينتها، أو ما أكدته أنا مع سوسة في التعليق الأول والتاني وإن كان أساء البعض فهم تعليقي الأخير) الموضوع هو العقلية الشرقية بتاعتنا في إننا أحسن ناس في الدنيا كلها والباقيين كلهم لازم بالتالي يبقوا زينا... وإن كانت سوسة عرضت الموضوع كطرح للقضية بمنطق النقد الذاتي للعقلية الإسلامية اللي بتفرح وتهلل لإسلام أي واحد غربي أو شرقي بغض النظر عن إذا كان الشخص قبل الإسلام بجد أو لأ ... وانا في تعليقي كنت بازيل الحرج عن سوسة وبقول لها إن القضية يا أختي ليست مشكلة عند المسلمين بس دا حتى المسيحيين (بما أننا في الهم والكره مصريين) لديهم نفس الأزمة، فهم أيضا يرضعون أبناءهم التعصب والتعالي الديني واحتقار الآخر (اللي هو المسلم) "وما تلعبش معاهم يا حبيبي"، و"دول أصلهم بيكرهونا"، و"ماتروحيش لصاحبتك المسلمة البيت، دول عايزين يأسلموكي!"... وغيرها من المقولات والتوجهات التي تكرس عقلية الكراهية والرفض المتبادل من الجانبين...

عزيزتي سوسة...
مكنشي نفسي أن الموضوع يفرز هذا الكم من الكراهية والاشتعال...
لا أنكر أني من البداية كنت راغبا في تسخين الليلة لأنها جديرة بالتسخين (مرات المواجهة الساخنة هي أكثر ما يثير الناس اللي لسة عايشة إنها تفكر وتقيم نفسها من تاني). للأسف الموضوع سواء قبل تسخينه أو بعد تسخينه (وتوليعه وتفجيره) لم يثبت سوى شيء واحد... توجد بالفعل أزمة في فكر الأغلبية فيما يخص ليس موضوع الدين وحسب بل كل ما هو ثابت في أدمغة بني شعبي ومستقر وغير قابل للنقاش...

بصي يا أختي على الناصريين واليساريين في بلادنا... ما يعرفوش أبوهم في الاختلاف... ولو قلتي كلمة تضايقهم عن ناصر ولا عن الاشتراكية يهبشوكي ويكفروكي ولا كأنهم المجاهدين الأفغان (طبعا التكفير بتاع اليساريين هو اتهامهم لأي خصم لهم بأنه عميل ورجعي ومتخلف وبرجوازي متعفن)... وعلى القياس الساداتيين كدة والليبراليين كدة والقوميين كدة... كله بيعبد الدوجما (أي العقيدة الجازمة الثابتة التي لا تقبل النقاش)... رأيي الشخصي أنه لا يوجد شيء غير قابل للنقاش حتى الدين ... الله هو المطلق ولكن مفاهيمنا هنه نسبية ... عقائدنا ليست هي الصواب الوحيد المطلق (الله وحده هو الصواب الوحيد المطلق فهو الحق والحق المطلق)... لو كانت عقيدة أي شخص هي الصواب المطلق فلماذا إذن تعددت المذاهب داخل الإسلام والطوائف داخل المسيحية... الأزمة ليست في التعددية بالطبع (لئلا يطالب أحد بمنع كل المذاهب سوى مذهبه) بل الأزمة - يا إخوة - في دوجماتيكية الفكر وانغلاقه وتصور أن ما أؤمن به هو الصواب المطلق والباقون كلهم كخة!! ألم يصل الحال بالبعض من السنة بأن كفروا الشيعة!! وألم يعتبر الأرثوذكس زواج بقية الطوائف زواجا غير صحيح وأن غير الأرثوذكس غير متزوجين أمام الله (يعني بالبلدي في حالة زنا!)... هذه - يا إخوة - هي الأزمة الكارثية التي أتحدث عنها (وإن كان بحدة فلأن الموضوع لا يحتمل سوى الحدة! وإن كان بسخرية لاذعة، فلأن الأمر تحول من فرط عبثيته إلى كوميديا سوداء ضد كل عقل وضد كل منطق!!

عزيزتي سوسة
من فضلك إوعي تخرجي من الموضوع دا بأن الدين أشد حساسية من أن نتكلم فيه في المدونات... لو هي دي النتيجة يبقى خسرنا كتير... قلمك أجمل وأرق وأرقى من أن يتوقف عن الكتابة عن هذا الموضوع الشائك... وما تخافيش على قلمك من أن الموضوع شائك... هوا قلم رقيق وراقي آه لكنه قوي وناشف جدا كمان
أشكرك في النهاية لأنك لم تمسحي التعليق وتركتي المناقشة تكمل والنار تولع
دا إيجابي جدا وانا شايف إن المناقشة مل زالت شديدة الإيجابية

أعتذر لك إعتذار شخصي من تاني على الكلمة اللي مش لطيفة اللي أنا قاتها دي بالذات... يبدو أن كوني طبيب ومسجل ماجستير نسا وتوليد بيخليني أنسى في مرات أن اللي بالنسبة لي عادي خالص بالنسبة للناس العادية وخصوصا البنات القمرات اللي زي الشربات هو كلام عيب وما يصحش (ولا أبرر بهذا تلك الكلمة فالعيب عيب والغلط غلط وآسف بجد)

تحياتي إلى الجميع....
نسيت أقول لكوا... البت أروى الطويل كاتبة موضوع تحفة خشوا اتفرجوا عليه... الموضوع عميق جدا وأروى مقدماه بشكل رائع... عشان أحنسكم شوية الموضوع اسمه "كووووم زبالة" خشوا عليه جري

3rby said...

علي فكرة يا سوسه انا كنت كاتب تعليق...انتي مانزلتيهوش ليه؟....اللي كنت باقول لجرجس فيه الكلمه ديه كخ

Adel said...

يا ليلة زرقة بقى انا ما رضيتش اتكلم في الموضوع ده علشان ما تولعش اجي الاقيها خربانه كده طيب بالعقل ياعنتر منك له ان كنت جرجس ولا مفتاح انتوا بتتناقشوا ولا بتشردوا لبعض عاوز اقولكم كلمتين بالعقل كده وبدون تعصب ولا تحيز انتم الاتنين صح من وجهة نظركم لنفسكم وممكن تكونوا كدلك للاخرين بس لو اتعاملتوا من منطلق ان الدين لله والوطن للجميع مش فاهم مين فيكم الداعية اللي ممكن يتكلم عن دينه بالشكل الواجب كلكم مقصرين وغير منطقيين مش لازم نقحم الدين في حواراتنا لاننا لسنا اهل لدلك وانا عارف يا عبدالله انك هاتقول عكس د لكن احب افكرك باية واحدة بس ودي تلم الكلام العبيط اللي بترغوا فيه من الصبح (لكم دينكم لي دين ) وطبعا الاية دي جت بعد ما استبرأ الرسول الكريم مما يعبدون فهنا انا عاوز اقولك اللي شايل قربة مخرومة بتخر على راسه (انك لا تهدي من احببت ولكن الله يهدي من يشاء ) فبكده يا بو عبدة مش حابه اننا نتكلم في الفتوحات والغزوات والسرايا لاانا للاسف اهنا (من الاهاتة ) كل عمل عظيم بتهاوننا وبعدنا عن الدين نحاول نعمل حاجة لبلدنا لانها عليها الدور وهايدخلوا لنا اللي هايدخلوا من باب الدين والتعصب ... وصل كلامي ام انت يا عم الدكترة انت عاوز تولعها وانا فاهم من اول السطر انك كوميدي سوداوي وممكن لو مالقيتش حد تتريق عليه ها تتريق على نفسك وده قمة المعاناه انك عارف وفاهم وتعبان علشان مش عارف تفرغ الي جواك بس بجد كلامك عاجبني جدا وياريت كلنا يبقى همنا في نفسنا ونجتمع على ان دي بلدنا وبس لا انا مسلم ولا انت مسيحي لاني لا هاغير عقيدتك ولا انت هاتغير عقيدتي (بعينك )لكن لابد وان نجتمع جميعا على شيء واحد اننا كلنا مصريين وتكون روح التألف والوحدة والخوف على البلد هي هدفنا والحب هو سبيلنا لان (من لا يعرف الحب لا يعرف الله لان الله محبة ) وبالتماسك والمحبة نستطيع ان نحمي هدا الوطن وموضوع ان مبارك هو العقاب السماوي لنا فيا جرجس انت ما جبتش جديد وياريت يا ابو المفاتيح (فكها شوية ) تبقى تشوف الشيخ الشعراوي رحمة الله عليه قال لحسني ايه لما رجع من اديس ابابا (ادا كنا قدرك فليعنك الله وان كنت انت قدرنا فلنا الله ) والكلام شبه كلام جوجو فيا ولاد العبوا مع بعض وبلاش نقلبها شيوخ وقساوسة علشان اكثرنا ايمانا مقصر ومش حابه كل واحد حافظ له بقين يترسم على الباقي وانت يا ست سوسة موضوعك حلو وبجد انا مش عارف احنا من امتى اكتشفناان البلد دي فيها مسلمين ومسيحين الكلام ده جديد واسئلوا اللي فوق الاربعينات وربنا يسترها احنا هنا بنلالي وهما شاغلين بيع فالبلد حتة حتة روحوا الهي يخيبكم انتم الجوز ان كنت جرجس ولا مفتاح واجروا خدوا لكم حتة تورتة من اللي بتتوزع دي بسرعه حصلونيييييييي

مراقب مصري said...

يا سلام يا عم العاقل الراسي
مانت طبعا تلاقيك ضارب لك قرصين تينورمين 50 عاملين معاك دماغ هدوء وقلبك ماشي بالراحة ودمك ما بيفورشي
(سلامة قلبك بجد من القرف اللي احنا فيه ده كله يا عم مزجنجي)
موضوع التينورمين دا هزار ما تقفش كدة
بجد لو راجعت كلامي هتكتشف إن ما أقصده هو تماما ما قصدته أنا
بس من غير قرصين التينورمين
يعني الأدرينالين كان في السما وأنا بكتب
الله يجازي الأدرينالين
(على فكرة التينورمين هو دوا بيقفل مستقبلات الأدرينالين)
فيخليك كول وقلبك يبقى في التمام
ودمك ما يفوش مهمن كان
المهم
هدفي - لأي واحد بيفهم - كان هدف تنويري
تشخيصي
ينخرب على موطن الداء لحد ما يجيب داغه
ردا على سؤالك بتاع من إمتى اكتشفنا إن فيه مسيحيين ومسلمين في مصر
بشكل أساسي دا حصل لما المرحوم السادات
أطلق الحبل على غاربه
للجماعات الإسلامية المتطرفة
في مواجهة الشيوعيين الكفرة
وبدأنا نعاني من تقيؤهم الفكري في وجه مجتمعاتنا
ولما الإخوة المصريين اللي كانوا في بلاد الجاز وخصوصا السعودية
رجعوا وكل واحد على راسه ربيبة وفي إيده سبحة
وفي مخه قنبلة!!
(أزمتي ليست مع الزبيربة ولا الجلابية ولا السبحة طبعا لكن في القنبلة اللي في الدماغ)
فاكر في أواخر الستينات وبدايات السبعينات كانت الستات في بلادنا بيلبسوا إزاي؟
كانوا ستات فضليات
وبيلبسوا ميني جيب
وكات
ومكانش فيه واحد وسخ بيتعرض لهم
النهاردة الشباب اللي بيدعي التدين
يقولوا لك ما أصل البنات هم اللي مش عارف إيه
ولابسين أبصر إيه
وبعدين أنا عاكستها (ومديت إيدي عليها)
إن لبسها بيقول إنها عايزة كدة
يا خبر اسود!!!
لو مش مصدقني شوف الفنان الشاب
اللي كان عامل فيها داعية
وتلميذ عمرو خالد
(عمرو راجل محترم جدا وكلامه موزون جدا)
وفوجئنا جميعا بالواد بيعمل علاقات غير شرعية
وبيجيب بنت من الحرام
والأنكى والأمر إن الشيخ الصغنون دا
بيرفض يعترف ببنوتها
(دا مجرد مثال)
القضية أزمة ضمير يا إخوة
أزمة فكر
أزمة أغلبية (من الدينين عشان أكون واضح)
متخيلة إن الإسلام أو المسيحية هو شوية مظاهر خارجية وطقوس
الديانة الحقيقية عند الله
(كما قال الله يفتح عليه)
هي المحبة من قلب طاهر
من لا يحب فلا يعرف الله لأن الله محبة
وكما غنت أم كلثوم
الله محبة
الخير محبة
النور محبة
رحم الله ذلك الزمن (الذي لم نعشه)
والتي كانت فيه مصر وطنا لكل المصريين
بالمناسبة
عندما يسألني أحد (خصوصا غير المصريين) عما إذا كان الأقباط مضطهدين في مصر
أؤكد له تلك الحقيقة ولكن بعد تصحيحها
المصريون جميعا مضطهدون في مصر!!
(مين مصر دي؟ هي مش ماتت من سنين؟)

Anonymous said...

لأ معلش يا اخى اللى بيتكلم عن حكاية الباديهات ومحدش بيتعرضلهم دى اللى انتا بتكلم عنهم دول كانوا حريم ميتعدوش على الصوابع بنشوفهم فى القاهرة اما دلوقتى اللى معاه ومعهوش بيلبس لبس زى الزفت والبنات السيئة بقت كتير ااوى وبنشوفهم عينى عينك فى وسط البلد والامكان اللى بتبقى مشهورة شوية واتحداك تمشى فى الشارع ومتلاقيش بت عاملة فى نفسها عمايل لكن زمان كانت المينى جيب والكات اللى بتقول عليه فى جاردن سيتى ومصر الجديدة ولا ماكن الراقية دى اما دلوقتى انزل المناطق الشعبية هتلاقيهم مليين كل حتة ورغم كده انى فى بنات محترمة برده مبتلبسش الهم ده اللى بنشوفه وبعدين انتا فى الاخر جاى تقول سباب مش عاجبهم انهم لابسين كده ايوا مش عاجبنا يمشوا ببدل رقص فى الشارع واحنا نطبلهم ولا نمسكلهم الصاجات؟

3rby said...

اللي انت قلته صح يا عم كازانوفا...بس اقولك الاسخن.......البنات اللي كانوا في الارياف وبيتقال عليهم محترمين نسبيا في اللبس في الستينات...لما كانوا بيجيوا مدن الطالبات كانوا بيلبسوا زي بيقية البنات...وبالنسبة لحكاية جاردن سيتي ديه...ده كلام غير صحيح..ابقي اسأل والدك علي ايامه كان اللبس ازاي...ماكنش فيه وعي ديني بالمرة...اللبس اتلم في اواخر السبعينات لما طلعت الجماعات الاسلامية لان قبل كده البلد كانت اشتراكية...والشيوعيين كانوا اكتر من بقية الشعب...الناس ماتلمتش غير لما الارهابيين كانوا بيقتلوا البنات...وهاتشوف....قريب جدا مش هاتلاقي مول واحد فاتح...لان علي مر العصور لما بيحصل فلتان في الاخلاق بيطلع متطرفين يبهدلوا الناس ديه ولما يخلصوا...بيختفي الارهابيين فالناس الفلتانة تطلع تاني...وهكذا...ديه حلقة مفرغة...مالهاش نهاية

مراقب مصري said...

يخرب بيتك يا عربي
حتى انت قلبت موضوع اللبس إلى تدين وشيوعية
إنت طلعت أشد رجعية من عبد الله مفتاح
يابني ما تفهم
اللي انت قلته صح من إن اللبس كله في الستينات كان ميني جيب وكات
مش بس في جاردن سيتي ومصر الجديدة
بس السبب يا فالح
وروح اسأل بابا وماما
مش عشان أهالينا كانوا كفرة
السبب يا عين بابا إنه الدنيا كانت بسيطة
والناس مبتحكمش بالظاهر
ويبدو أن ضمائر الناس كانت أطهر وأنقى من دلوقتي
أما حكاية إن الناس ما كاتش تعرف حاجة عن الدين وعرفته لما الجماعات الإسلامية طلعت في السبعينات فاللي بتقوله ده مصيبة
دا معناه إنك ضمنا يا عم التقدمي المتحضر بتأكد إن الوهابية هي اللي ردت المصريين الجهلة بدينهم إلى صحيح الدين
واخد الك إن الوهابية اللي انت ومونجي بتقولوا عليها كخة
طلعت متغلغلة جوة مخك وانت مش دريان؟

طب ما الأميرة أوووسة مش محجبة ولابسة كات في الصورة
ما تروح تكفرها بالمرة بدل ما انت هاتحفى عشان تتجوزها
ليها حق تديك الطرشة وتفضلني عليك

أتمنى أن اكون فهمتك غلط وتعتذر عن سوء الفهم في كلامك
بس روح راجع كلامك وشوف معناه إيه

هلاقيها منك ولا من مفتاح ولا من أروى
الله يخرب بيتك

عندك حق يا سوسة تكتبي في موضوع كلنا ليلى
هتلاقوها يا اختي من الزفت الرجعيين
ولا م الهباب التقدميين
كلنا في الهم وهابيين
كلنا يا حبيبتي ليلى

soosa el-mafroosa said...

reformer1976

ماشييي يا سيدي..سماح ..احنا برضه قلبنا أبيض و ما بنشيلش

على فكرة انا شفت البوست بتاع أروى ..الصراحه انتوا اشتغلتوا البنت جامد ..هيا ادكوا ..و بعدين ماتسيحلهاش بأه في البلوجات كده

انت و عبد الله مسكتوا في بعض ماسكه جامده ..بس الصراحه ولعتوا الموضوع و حطيتوله فلفل و شطه و انا أحب الحاجات دي جدا ..مع الإلتزام بقواعد الحوار و عدم التطرق للأشياء الشخصية

3rby

على فكرة أنا ما عنديش خاصية الموافقه ع التعليقات دي ..اللي بيكتب حاجه بتظهر على طول

بس انا شفت ردك عليه على مدونته ..و أشكرك بشده انك لفت نظره لضرورة الإعتذار

المزاجانجي

أيوة انصحهم كده ..دانتا باين عليك عاقل و بعدين انت زي باباهم...زعلت؟؟؟
طب خليها اخوهم الكبير

اسمعوا باه كلام أبيه المزاجانجي و العبوا مع بعض و ماتتخانقوش

soosa el-mafroosa said...

refformer1976

كازانوفا

3rby

بالنسبة لمناظرة الزبيبة و السبحه و التطرف في مقابل البادي و الميني جيب

فلا احنا عايزين نشوف ميني جيب و اكيد ما بنرحبش برضه بالمتطرفين

هو يا اما يمين يا إما شما خالص...الوسط حلو

3rby said...

انت ليه بتحسسني اني صغير بس يا عمو جرجس...انا ماقلتش ان ده صح...المفروض الدين يجي من الداخل...ولو ماجاش من الداخل يبقي احسن مايجيش...لاحظ اني قلت عليهم ارهابيين...وبعدين عمال تقولي اسأل بابا اسأل بابا...محسسني انك وعيت عالكلام ده...مانتا اكيد برضه سالت بابا:)
وبعدين خلافاتي مع اوسه ديه امور عائلية:)


(ملحوظة:هذه مزحة يا ابن سفلحة...ثكلتك امك)
سلام يا عم العجوز

مراقب مصري said...

راجعت التدوينة من تاني
البوست والتعليقات
وازاي الموضوع اتطور وسخن
(ما تقدريش تنكري إن تسخيني ليها خلاها سباسي ومشطشطة ودا كتر التعليقات... ولسة)
أنا بس عايز أضيف كام ملحوظة على نفس الموضوع

ليه إنتي كمان في ردودك على التعليقات ما شفتيش في تعليقاتي غير السلبيات وما شفتيش الجوانب الإيجابية اللي بتصب في نفس التوجه بتاع البوست الأصلي؟
دي كانت حاجة غريبة جدا عليا لما راجعت التدوينة كلها

حاولت أن أجد في تعليقاتي أي شبهة مناظرة بين الإسلام والمسيحية
فلم أجد على الإطلاق
لقد ظلمت بالفعل عندما اتهمت بأنني باحاول أقلبها مناظرة دينية
أنا لم أهاجم أي دين على الإطلاق
ولم أسب عبدالله بشكل شخصي على الإطلاق

موضوع إن واحد مسيحي يتناول موضوع إسلامي واضح إنه ما زال موضوع حساس جدا...
وواضح إن الناس بتتعامل مع الموضوع دا بطريقة انصر أخاك ظالما كان أو مظلوما من غير ما تكمل الحديث
أعترف إنك نهيتي عبدالله عن ظلمه بس مش بطريقة "كلامك صح لكن أسلوبك غلط" ودا كان موقف يحتاج مراجعة
لأنه من أفسد الليلة كان بالفعل عبد الله بإهانته لمقدسات المسيحية

واخدة بالك إن الناس ما تتحمقش
على إهانة دين بأكمله
لكن تتحمق على كلمة فارغة في وسط سياق لا يصح أن تفصل عنه

الناس - وللإسف - إنتي عملتي زيهم
ما وقفتش عند تعليقين يملوا حوالي سبع تمن صفح فلوسكاب ووقفوا عند وصف معين كان بالنسبة لهم جارح للحياء
(مع إن إعلانات ألويز في التلفزيون ليل نهار)

إننا بالفعل شعب من المرائين
وبالفعل حالنا دا يغضب الله جدا


================================
عزيزي عربي

قرأت تعليقاتك بعناية
واشهد إنك كنت من أكتر الناس اللي علقت بموضوعية شديدة والوحيد تقريبا اللي رد على عبد الله
(ولو إنك سبتني وجريت أول ما بقى فيها ضرب يا جبان)
الحقيقة كلامك كان جريء جدا
ودا كان التعليق الوحيد تقريبا اللي رد مباشرة على عبد الله بشكل واضح وصريح

خلي بالك كمان رأي صديقي الجميل لاست نايت
الفارس الأخير
كان رأي في منتهى الجمال والحلاوة
المزجنجي بعد ما اتهمني بإني بتاع خناقات لكن لما تقرا تعليقه تكتشف إنه فاهم صح وفاهم أنا قصدي إيه تمام

بالنسبة لموضوع اللبس والقلع يا عم عربي
إنت فعلا صغير سنا
وكلنا طبعا متولدناش نعرف كل ما نعرفه
لكن اتعلمنا
من بابا وماما
ومن الشغل والمرمطة في الحياة
والأهم اتعلمنا من أخطائنا
وزي ما قلت لك قبل كدة أنا بشهد إن جيلكم دا أفضل من جيلنا في حاجات كتير
إن حد زيك وفي سنك بيفهم اللي بتفهمه ويكتب زي ما بتكتب
دا بيدي أمل إن البلد دي يمكن يكون فيها الخير بعد عشرين تلاتين سنة

أنا بجد اتخضيت لما انت ربطت موضوع اللبس بإنه الناس كان معندهاش وعي ديني والهبل دا
والدهى إنك ربطته بالشيوعية بشكل يؤكد إن الشيوعيين كفار
مش أزمتي هما كفار ولا لأ
بس الأزمة المنظور اللي انت بتشوفي بيه الأشياء
مؤمن وكافر
حلال وحرام
مش عيب إننا نكتشف إنه سلبيات ثقافتنا المحلية متغلغلة فينا برغم انتقادنا ليها... العيب إننا بعد ما نكتشف كدة نفضل نطرمخ ومصرين إننا أجدع ناس في الدنيا

مش كل واحدة لابسة ميني جيب عاهرة
ومش كل واحدة لابسة حجاب رابعة العدوية

بس خلاص

soosa el-mafroosa said...

reformer1976

يا عم حقك عليا انت كمان...(هو انا فاتحه المدونة دي أصالح فيكوا و الا ايه؟)...بس احساس الصدمه من الكلمة اللي قلتها..و اللي عديناها خلاص..هو اللي طغي عليا و انا برد

موضوع اني متحيزة لعبدالله عشان عشرينات..أنا مابتحيزش مع حد و انا قلتله انه أخطأ لما قال الكلام ده على الإنجيل,,لأنع مش من حقه يهين دين حد و بعدين يشتكي من إهانه شخصية

موضوع المناظرة...مش عارفه حسيت ان الموضوع بينك و بين عبدالله حود شوية على دينك و ديني.يمكن محصلش ..بس هو ده الإحساس اللي وصلني

المواضيع العائلية اللي بينك و بين عربي دي أنا ماليش دعوة بيها (من تدخل فيما لا يعنيه)...ايه ده لأ ليه طبعا ..ما نتوا بتتكلموا عندي ..بس هاتفرج من بعيد

و شكرا يا عمنا ع التسخين ..نردهالك في الأفراح انشاء الله

karakib said...

ايه ده ؟؟ التدوينه اكثر من رائعه و ان دلت علي شيء فهي تدل علي عقليه متفتحه ناضجه محلله شديده الانتباه و مخترفه للتحليل
ده كله بسبب ثقافه عدم قبول الاخر المختلف عنا و دي من ضمن موروث ثقافي اسود اخذناه من اجيال تسبقنا انه المختلف بالضروره يكون سيء لكن ده مش حقيقي دائما لانه الاشياء المطلقه غير موجوده ابدا
باهنيكي علي التدوينه التحفه دي
انتوك

Anonymous said...

انا عديت هنا متاخر شوية, لكن البوست كان كويس جدا و كان لازم ادلو بدلوي انا روخرا, اولا بالنسبة لحكاية المدرسة دي فهي مش موضوع قوي يعني انا برضة شايفة ان مكنش قصدك حاجة, مجرد تاثر بحديث طانط :), المهم بقى هو موضوع الفيلم و الصحفيين و الذي منه, الموضوع دا انا شايفة من نقطة اغمق من اننا عبط و بيدحك علينا, ده هما بيرموا حتة خباثة, بيخلو الصورة مؤكدة, و ان المسلمين فغلا متخلفين و بيكرهوا كل من ليس على دينهم, فلو اسلم خلاص فلّ و مانجو, و حتى لو كان سارق بيتي و ضاربني, محدش له دعوة, دا مسلم زميل, و دي حاجة هما شايفنها فينا فعلا ان احنا همج متوحشين بنقتل كل من هو غير مسلم, و على رأي epitaph
مفروض عبئ تصحيح المفاهيم الخربانة دي يكون علينا احنا, العرب المسلمين, و اخيرا و ليس اخرا, مايكل ماسلمش و الاشاعة الفاشلة دي مطلعها موقع يهودي, و الهدف طبعا النأوزة على العرب, و كمان دي كنت تبقى كارثة, و كانو هيقولو :
"yes sure, he's a crazy animal he fits among them",
فهمتو الفولة بقى يا اساتذة